మన జీవిత చరిత్రపుటలు తిరగేస్తే మానసికంగా కలచివేసిన మరపురాని ఎన్నో సంఘటనలు. ప్రతీ కన్నీటి బిందువుకు తెలుసు మనము పడిన వేదన, బాధ, శ్రమ. కొన్నిసార్లు మన జీవిత చిత్రానికి మనము వేసుకున్న రంగులు మారకాలుగా మారిపోయాయిన సందర్భాలు ఎన్నో. చెదిరిపోయిన జీవితాలు చిరిగిపోయిన పరిస్థితులగుండా ప్రయాణిస్తూ, అనుదినం వాటిని అధిగమిస్తున్న మనకు అనుభవాలు అనే పాఠాలు నేర్పుతాయి. కానీ దేవుని విశ్వసించిన మనకు ఉండే నిరీక్షణలో హృదయం పలికే మాట "నా దేవుడు నన్ను తప్పక కరుణిస్తాడు!".
అట్టి నిరీక్షణ ద్వారా బలపరచబడిన మనము, సమస్తము దేవుని చిత్తానుసారముగా జరిగియున్నదని నమ్మినప్పుడు ఎన్నో దీవెనలు పొందుటకు అర్హులమవుతాము.
ఎఫెసీ 1:12 "ఆయన తన చిత్తాను సారముగా చేసిన నిర్ణయముచొప్పున సమస్తకార్యములను జరిగించుచున్నాడు."