1. రాజైన యరొబాము ఏలుబడిలో పదునెనిమిదవ సంవత్సరమందు అబీయా యూదావారిమీద ఏలనారం భించెను.

1. raajaina yarobaamu elubadilo padunenimidava samvatsaramandu abeeyaa yoodhaavaarimeeda elanaaraṁ bhinchenu.

2. అతడు మూడు సంవత్సరములు యెరూష లేమునందు ఏలెను; అతని తల్లిపేరు మీకాయా, ఆమె గిబియా ఊరివాడైన ఊరియేలు కుమార్తె.

2. athadu moodu samvatsaramulu yeroosha lemunandu elenu; athani thalliperu meekaayaa, aame gibiyaa oorivaadaina ooriyelu kumaarthe.

3. అబీయాకును యరొబామునకును యుద్ధము కలుగగా అబీయా నాలుగు లక్షలమంది పరాక్రమ శాలుల సైన్యము ఏర్పరచుకొని యుద్ధమునకు సిద్ధముచేసెను; యరొబామును ఎనిమిది లక్షలమంది పరాక్రమశాలులను ఏర్పరచుకొని అతనికి ఎదురుగా వారిని యుద్ధమునకు వ్యూహపరచెను.

3. abeeyaakunu yarobaamunakunu yuddhamu kalugagaa abeeyaa naalugu lakshalamandi paraakrama shaalula sainyamu erparachukoni yuddhamunaku siddhamuchesenu; yarobaamunu enimidi lakshalamandi paraakramashaalulanu erparachukoni athaniki edurugaa vaarini yuddhamunaku vyoohaparachenu.

4. అప్పుడు అబీయా ఎఫ్రాయిము మన్యమందుండు సెమరాయిము కొండమీద నిలిచి ప్రకటించినదేమనగాయరొబామా, ఇశ్రాయేలువారలారా, మీరందరును నాకు చెవియొగ్గుడి.

4. appudu abeeyaa ephraayimu manyamandundu semaraayimu kondameeda nilichi prakatinchinadhemanagaayarobaamaa, ishraayeluvaaralaaraa, meerandarunu naaku cheviyoggudi.

5. ఇశ్రాయేలు రాజ్యమును ఎల్లప్పుడును ఏలునట్లుగా ఇశ్రాయేలీయుల దేవుడైన యెహోవా దావీదుతోను అతని సంతతివారితోను భంగము కాజాలని నిబంధన చేసి దానిని వారికిచ్చెనని మీరు తెలిసికొందురు గదా.

5. ishraayelu raajyamunu ellappudunu elunatlugaa ishraayeleeyula dhevudaina yehovaa daaveeduthoonu athani santhathivaarithoonu bhangamu kaajaalani nibandhana chesi daanini vaarikicchenani meeru telisikonduru gadaa.

6. అయినను దావీదు కుమారుడైన సొలొమోనుకు దాసుడును నెబాతు కుమారుడునగు యరొబాము పనికి మాలిన దుష్టులతో కలిసి లేచి తన యజమానునిమీద తిరుగుబాటు చేసెను.

6. ayinanu daaveedu kumaarudaina solomonuku daasudunu nebaathu kumaarudunagu yarobaamu paniki maalina dushtulathoo kalisi lechi thana yajamaanunimeeda thirugubaatu chesenu.

7. సొలొమోను కుమారుడైన రెహబాము ఇంకను బాల్యదశలోనుండి ధైర్యము లేనివాడై వారిని ఎదిరించుటకు తగిన శక్తిలేకున్నప్పుడు వారు అతనితో యుద్ధము చేయుటకు సిద్ధమైరి.

7. solomonu kumaarudaina rehabaamu inkanu baalyadashalonundi dhairyamu lenivaadai vaarini edirinchutaku thagina shakthilekunnappudu vaaru athanithoo yuddhamu cheyutaku siddhamairi.

8. ఇప్పుడు దావీదు సంతతి వారి వశముననున్న యెహోవా రాజ్యముతో మీరు యుద్ధముచేయ తెగించెదమని తలంచుచున్నారు. మీరు గొప్ప సైన్యముగా ఉన్నారు; యరొబాము మీకు దేవతలుగా చేయించిన బంగారు దూడలును మీయొద్ద ఉన్నవి.

8. ippudu daaveedu santhathi vaari vashamunanunna yehovaa raajyamuthoo meeru yuddhamucheya teginchedamani thalanchuchunnaaru. meeru goppa sainyamugaa unnaaru; yarobaamu meeku dhevathalugaa cheyinchina bangaaru doodalunu meeyoddha unnavi.

9. మీరు అహరోను సంతతివారైన యెహోవా యాజకులను, లేవీయులను త్రోసివేసి, అన్యదేశముల జనులు చేయునట్లు మీకొరకు యాజకులను నియమించు కొంటిరిగదా? ఒక కోడెతోను ఏడు గొఱ్ఱె పొట్టేళ్లతోను తన్ను ప్రతిష్ఠించుటకైవచ్చు ప్రతివాడు, దైవములు కాని వాటికి యాజకుడగుచున్నాడు.
గలతియులకు 4:8

9. meeru aharonu santhathivaaraina yehovaa yaajakulanu, leveeyulanu trosivesi, anyadheshamula janulu cheyunatlu meekoraku yaajakulanu niyaminchu kontirigadaa? Oka kodethoonu edu gorra pottellathoonu thannu prathishthinchutakaivachu prathivaadu, daivamulu kaani vaatiki yaajakudaguchunnaadu.

10. అయితే యెహోవా మాకు దేవుడైయున్నాడు; మేము ఆయనను విసర్జించిన వారము కాము; అహరోను సంతతివారు యెహోవాకు సేవచేయు యాజకులై యున్నారు; లేవీయులు చేయవలసిన పనులను లేవీయులే చేయుచున్నారు.

10. ayithe yehovaa maaku dhevudaiyunnaadu; memu aayananu visarjinchina vaaramu kaamu; aharonu santhathivaaru yehovaaku sevacheyu yaajakulai yunnaaru; leveeyulu cheyavalasina panulanu leveeyule cheyuchunnaaru.

11. వారు ఉదయాస్తమయములయందు యెహోవాకు దహనబలులు అర్పించుచు, సుగంధద్రవ్యములతో ధూపము వేయుచు, పవిత్రమైన బల్లమీద సన్నిధిరొట్టెలు ఉంచుచు, బంగారు దీపస్తంభమును ప్రమిదెలను ప్రతి సాయంత్రము ముట్టించుచు వచ్చుచున్నారు; మేము మా దేవుడైన యెహోవా యేర్పరచిన విధినిబట్టి సమస్తము జరిగించుచున్నాము గాని మీరు ఆయనను విసర్జించిన వారైతిరి.

11. vaaru udayaasthamayamulayandu yehovaaku dahanabalulu arpinchuchu, sugandhadravyamulathoo dhoopamu veyuchu, pavitramaina ballameeda sannidhirottelu unchuchu, bangaaru deepasthambhamunu pramidelanu prathi saayantramu muttinchuchu vachuchunnaaru; memu maa dhevudaina yehovaa yerparachina vidhinibatti samasthamu jariginchuchunnaamu gaani meeru aayananu visarjinchina vaaraithiri.

12. ఆలోచించుడి, దేవుడే మాకు తోడై మాకు అధిపతిగానున్నాడు, మీ మీద ఆర్భాటము చేయుటకై బూరలు పట్టుకొని ఊదునట్టి ఆయన యాజకులు మా పక్షమున ఉన్నారు; ఇశ్రాయేలువారలారా, మీ పితరుల దేవుడైన యెహోవాతో యుద్ధముచేయకుడి, చేసినను మీరు జయమొందరు.

12. aalochinchudi, dhevude maaku thoodai maaku adhipathigaanunnaadu, mee meeda aarbhaatamu cheyutakai booralu pattukoni oodunatti aayana yaajakulu maa pakshamuna unnaaru; ishraayeluvaaralaaraa, mee pitharula dhevudaina yehovaathoo yuddhamucheyakudi, chesinanu meeru jayamondaru.

13. యరొబాము వారి వెనుకటి భాగమందు మాటు గాండ్రను కొందరిని ఉంచి, సైన్యము యూదావారికి ముందును మాటుగాండ్ర వారికి వెనుకను ఉండునట్లు చేసెను.

13. yarobaamu vaari venukati bhaagamandu maatu gaandranu kondarini unchi, sainyamu yoodhaavaariki mundunu maatugaandra vaariki venukanu undunatlu chesenu.

14. యూదావారు తిరిగి చూచి యోధులు తమకు ముందును వెనుకను ఉన్నట్టు తెలిసికొని యెహోవాకు ప్రార్థన చేసిరి, యాజకులును బూరలు ఊదిరి.

14. yoodhaavaaru thirigi chuchi yodhulu thamaku mundunu venukanu unnattu telisikoni yehovaaku praarthana chesiri, yaajakulunu booralu oodiri.

15. అప్పుడు యూదావారు ఆర్భటించిరి; యూదావారు ఆర్భటించి నప్పుడు యరొబామును ఇశ్రాయేలువారందరును అబీయా యెదుటను యూదావారి యెదుటను నిలువలేకుండునట్లు దేవుడు వారిని మొత్తినందున

15. appudu yoodhaavaaru aarbhatinchiri; yoodhaavaaru aarbhatinchi nappudu yarobaamunu ishraayeluvaarandarunu abeeyaa yedutanu yoodhaavaari yedutanu niluvalekundunatlu dhevudu vaarini motthinanduna

16. ఇశ్రాయేలువారు యూదా వారి యెదుటనుండి పారిపోయిరి. దేవుడు వారిని యూదా వారిచేతికి అప్పగించినందున

16. ishraayeluvaaru yoodhaa vaari yedutanundi paaripoyiri. dhevudu vaarini yoodhaa vaarichethiki appaginchinanduna

17. అబీయాయును అతని జనులును వారిని ఘోరముగా సంహరించిరి. ఇశ్రా యేలు వారిలో అయిదు లక్షలమంది పరాక్రమశాలులు హతులైరి.

17. abeeyaayunu athani janulunu vaarini ghoramugaa sanharinchiri. Ishraa yelu vaarilo ayidu lakshalamandi paraakramashaalulu hathulairi.

18. ఈ ప్రకారము ఇశ్రాయేలువారు ఆ కాలమందు తగ్గింపబడిరి గాని యూదావారు తమ పితరుల దేవుడైన యెహోవాను ఆశ్రయించిన హేతువుచేత జయ మొందిరి.

18. ee prakaaramu ishraayeluvaaru aa kaalamandu thaggimpabadiri gaani yoodhaavaaru thama pitharula dhevudaina yehovaanu aashrayinchina hethuvuchetha jaya mondiri.

19. అబీయా యరొబామును తరిమి, బేతేలును దాని గ్రామములను యెషానాను దాని గ్రామములను ఎఫ్రోనును దాని గ్రామములను పట్టుకొనెను.

19. abeeyaa yarobaamunu tharimi, bethelunu daani graamamulanu yeshaanaanu daani graamamulanu ephronunu daani graamamulanu pattukonenu.

20. అబీయా బ్రదికిన కాలమున యరొబాము మరల బలము పొందలేదు, యెహోవా అతని మొత్తినందుచేత అతడు మరణ మొందెను.

20. abeeyaa bradhikina kaalamuna yarobaamu marala balamu pondaledu,yehovaa athani motthinanduchetha athadu marana mondhenu.

21. అబీయా వృద్ధినొందెను, అతడు పదునాలుగు మంది భార్యలను వివా హము చేసికొని యిరువది యిద్దరు కుమారులను పదునారుగురు కుమార్తెలను కనెను.

21. abeeyaa vruddhinondhenu, athadu padunaalugu mandi bhaaryalanu vivaa hamu chesikoni yiruvadhi yiddaru kumaarulanu padunaaruguru kumaarthelanu kanenu.

22. అబీయా చేసిన యితర కార్యములను గూర్చియు, అతని చర్యను గూర్చియు, అతని కాలమున జరిగిన సంగతులను గూర్చియు ప్రవక్తయైన ఇద్దో రచించిన సటీక గ్రంథమునందు వ్రాయబడియున్నది.

22. abeeyaa chesina yithara kaaryamulanu goorchiyu, athani charyanu goorchiyu, athani kaalamuna jarigina sangathulanu goorchiyu pravakthayaina iddo rachinchina sateeka granthamunandu vraayabadiyunnadhi.