1. సొలొమోను యెహోవా నామఘనతకొరకు ఒక మందిరమును తన రాజ్యఘనతకొరకు ఒక నగరును కట్టవలెనని తీర్మానము చేసికొని

1. solomonu yehovaa naamaghanathakoraku oka mandiramunu thana raajyaghanathakoraku oka nagarunu kattavalenani theermaanamu chesikoni

2. బరువులు మోయుటకు డెబ్బది వేలమందిని, కొండలమీద మ్రానులు కొట్టుటకు ఎనుబది వేలమందిని ఏర్పరచుకొని వీరిమీద మూడు వేల ఆరువందల మందిని అధిపతులుగా ఉంచెను.

2. baruvulu moyutaku debbadhi velamandhini, kondalameeda mraanulu kottutaku enubadhi velamandhini erparachukoni veerimeeda moodu vela aaruvandala mandhini adhipathulugaa unchenu.

3. సొలొమోను తూరు రాజైన హీరాము నొద్దకు దూతలచేత ఈ వర్తమానము పంపెను నా తండ్రియైన దావీదు నివాసమునకై యొక నగరును కట్టతలచియుండగా నీవు అతనికి సరళ మ్రానులను సిద్ధముచేసి పంపించినట్లు నాకును దయచేసి పంపించుము.

3. solomonu thooru raajaina heeraamu noddhaku doothalachetha ee varthamaanamu pampenu naa thandriyaina daaveedu nivaasamunakai yoka nagarunu kattathalachiyundagaa neevu athaniki sarala mraanulanu siddhamuchesi pampinchinatlu naakunu dayachesi pampinchumu.

4. నా దేవుడైన యెహోవా సన్నిధిని సుగంధ వర్గములను ధూపము వేయుటకును సన్నిధి రొట్టెలను నిత్యము ఉంచుటకును, ఉదయ సాయంకాలముల యందును, విశ్రాంతి దినములయందును, అమావాస్యల యందును, మా దేవుడైన యెహోవాకు ఏర్పాటైన ఉత్సవములయందును, ఇశ్రాయేలీయులు నిత్యమును అర్పింపవలసిన దహనబలులను అర్పించుటకును, ఆయన నామఘనతకొరకు మందిరమొకటి ఆయనకు ప్రతిష్ఠితము చేయబడునట్లుగా నేను కట్టించబోవుచున్నాను.

4. naa dhevudaina yehovaa sannidhini sugandha vargamulanu dhoopamu veyutakunu sannidhi rottelanu nityamu unchutakunu, udaya saayankaalamula yandunu, vishraanthi dinamulayandunu, amaavaasyala yandunu, maa dhevudaina yehovaaku erpaataina utsavamulayandunu, ishraayeleeyulu nityamunu arpimpavalasina dahanabalulanu arpinchutakunu, aayana naamaghanathakoraku mandiramokati aayanaku prathishthithamu cheyabadunatlugaa nenu kattinchabovuchunnaanu.

5. నేనుకట్టించు మందిరము గొప్పదిగానుండును; మా దేవుడు సకలమైన దేవతలకంటె మహనీయుడు గనుక

5. nenukattinchu mandiramu goppadhigaanundunu; maa dhevudu sakalamaina dhevathalakante mahaneeyudu ganuka

6. ఆకాశ ములును మహాకాశములును ఆయనను పట్టజాలవు, ఆయ నకు మందిరమును కట్టించుటకు చాలినవాడెవడు? ఆయన సన్నిధిని ఆయనకు మందిరమును కట్టించుటకైనను నేనే మాత్రపువాడను? ధూపము వేయుటకే నేను ఆయనకు మందిరమును కట్ట దలచియున్నాను.

6. aakaasha mulunu mahaakaashamulunu aayananu pattajaalavu, aaya naku mandiramunu kattinchutaku chaalinavaadevadu? aayana sannidhini aayanaku mandiramunu kattinchutakainanu nene maatrapuvaadanu? Dhoopamu veyutake nenu aayanaku mandiramunu katta dalachiyunnaanu.

7. నా తండ్రియైన దావీదు నియమించి యూదాదేశములోను యెరూషలేములోను నాయొద్ద ఉంచిన ప్రజ్ఞగలవారికి సహాయకుడైయుండి, బంగారముతోను వెండితోను ఇత్తడితోను ఇనుముతోను ఊదా నూలుతోను ఎఱ్ఱ నూలుతోను నీలి నూలు తోను చేయు పనియును అన్ని విధముల చెక్కడపు పనియును నేర్చిన ప్రజ్ఞగల మనుష్యునొకని నాయొద్దకు పంపుము.

7. naa thandriyaina daaveedu niyaminchi yoodhaadheshamulonu yerooshalemulonu naayoddha unchina pragnagalavaariki sahaayakudaiyundi, bangaaramuthoonu vendithoonu itthadithoonu inumuthoonu oodaa nooluthoonu erra nooluthoonu neeli noolu thoonu cheyu paniyunu anni vidhamula chekkadapu paniyunu nerchina pragnagala manushyunokani naayoddhaku pampumu.

8. మరియు లెబానోనునందు మ్రానులు కొట్టుటకు మీ పనివారు నేర్పుగలవారని నాకు తెలిసేయున్నది.

8. mariyu lebaanonunandu mraanulu kottutaku mee panivaaru nerpugalavaarani naaku teliseyunnadhi.

9. కాగా లెబానోనునుండి సరళమ్రానులను దేవదారుమ్రానులను చందనపుమ్రానులను నాకు పంపుము; నేను కట్టించ బోవు మందిరము గొప్పదిగాను ఆశ్చర్యకరమైనదిగాను ఉండును గనుక నాకు మ్రానులు విస్తారముగా సిద్ధపరచుటకై నా పనివారు మీ పనివారితో కూడ పోవుదురు.

9. kaagaa lebaanonunundi saralamraanulanu dhevadaarumraanulanu chandhanapumraanulanu naaku pampumu; nenu kattincha bovu mandiramu goppadhigaanu aashcharyakaramainadhigaanu undunu ganuka naaku mraanulu visthaaramugaa siddhaparachutakai naa panivaaru mee panivaarithoo kooda povuduru.

10. మ్రానులుకొట్టు మీ పనివారికి నాలుగువందల గరిసెల దంచిన గోధుమలను ఎనిమిదివందల పుట్ల యవలను నూట నలువదిపుట్ల ద్రాక్షారసమును నూట నలువదిపుట్ల నూనెను ఇచ్చెదను.

10. mraanulukottu mee panivaariki naaluguvandala garisela danchina godhumalanu enimidivandala putla yavalanu noota naluvadhiputla draakshaarasamunu noota naluvadhiputla noonenu icchedanu.

11. అప్పుడు తూరు రాజైన హీరాము సొలొమోనునకు వ్రాసిపంపిన ఉత్తరమేమనగాయెహోవా తన జనమును స్నేహించి నిన్ను వారిమీద రాజుగా నియమించి యున్నాడు.

11. appudu thooru raajaina heeraamu solomonunaku vraasipampina uttharamemanagaayehovaa thana janamunu snehinchi ninnu vaarimeeda raajugaa niyaminchi yunnaadu.

12. యెహోవాఘనతకొరకు ఒక మందిరమును నీ రాజ్యఘనతకొరకు ఒక నగరును కట్టించుటకు తగిన జ్ఞానమును తెలివియుగల బుద్ధి మంతుడైన కుమారుని రాజైన దావీదునకు దయచేసిన, భూమ్యాకాశములకు సృష్టికర్తయగు ఇశ్రాయేలీయుల దేవుడైన యెహోవా స్తుతి నొందునుగాక.

12. yehovaaghanathakoraku oka mandiramunu nee raajyaghanathakoraku oka nagarunu kattinchutaku thagina gnaanamunu teliviyugala buddhi manthudaina kumaaruni raajaina daaveedunaku dayachesina, bhoomyaakaashamulaku srushtikarthayagu ishraayeleeyula dhevudaina yehovaa sthuthi nondunugaaka.

13. తెలివియు వివేచనయుగల హూరాము అనునొక చురుకైన పనివానిని నేను నీయొద్దకు పంపు చున్నాను.

13. teliviyu vivechanayugala hooraamu anunoka churukaina panivaanini nenu neeyoddhaku pampu chunnaanu.

14. అతడు దాను వంశపురాలగు ఒక స్త్రీకి పుట్టినవాడు, వాని తండ్రి తూరు సంబంధమైనవాడు, అతడు బంగారముతోను వెండితోను ఇత్తడితోను ఇనుముతోను రాళ్లతోను మ్రానులతోను ఊదా నూలుతోను నీలినూలుతోను సన్నపు నూలుతోను ఎఱ్ఱ నూలుతోను పని చేయగల నేర్పరియైనవాడు. సకలవిధముల చెక్కడపు పనియందును మచ్చులు కల్పించుటయందును యుక్తికలిగి, నీ పనివారికిని నీతండ్రియైన దావీదు అను నా యేలిన వాడు నియమించిన ఉపాయశాలులకును సహకారియై వాటన్నిటిని నిరూపించుటకు తగిన సామర్థ్యము గలవాడు.

14. athadu daanu vanshapuraalagu oka streeki puttinavaadu, vaani thandri thooru sambandhamainavaadu, athadu bangaaramuthoonu vendithoonu itthadithoonu inumuthoonu raallathoonu mraanulathoonu oodaa nooluthoonu neelinooluthoonu sannapu nooluthoonu erra nooluthoonu pani cheyagala nerpariyainavaadu. Sakalavidhamula chekkadapu paniyandunu machulu kalpinchutayandunu yukthikaligi, nee panivaarikini neethandriyaina daaveedu anu naa yelina vaadu niyaminchina upaayashaalulakunu sahakaariyai vaatannitini niroopinchutaku thagina saamarthyamu galavaadu.

15. ఇప్పుడు నా యేలినవాడు చెప్పియున్న గోధుమలను యవలను నూనెను ద్రాక్షారసమును నీ సేవకుల చేతి కిచ్చి వారిని సాగనంపినయెడల

15. ippudu naa yelinavaadu cheppiyunna godhumalanu yavalanu noonenu draakshaarasamunu nee sevakula chethi kichi vaarini saaganampinayedala

16. మేము నీకు కావలసినమ్రానులన్నియు లెబానోనునందు కొట్టించి వాటిని నీకొరకు సముద్రముమీద తెప్పలుగా యొప్పేకు కొనివచ్చెదము, తరువాత నీవు వాటిని యెరూషలేమునకు తెప్పించుకొన వచ్చును అని వ్రాసెను.

16. memu neeku kaavalasinamraanulanniyu lebaanonunandu kottinchi vaatini neekoraku samudramumeeda teppalugaa yoppeku konivacchedamu, tharuvaatha neevu vaatini yerooshalemunaku teppinchukona vachunu ani vraasenu.

17. సొలొమోను తన తండ్రి యైన దావీదు ఇశ్రాయేలు దేశమందుండిన అన్యజాతివారినందరిని, ఎన్నిక వేయించిన యెన్నిక ప్రకారము వారిని లెక్కింపగా వారు లక్ష యెనుబదిమూడువేల ఆరువందలమందియైరి.

17. solomonu thana thandri yaina daaveedu ishraayelu dheshamandundina anyajaathivaarinandarini, ennika veyinchina yennika prakaaramu vaarini lekkimpagaa vaaru laksha yenubadhimooduvela aaruvandalamandiyairi.

18. వీరిలో బరువులు మోయుటకు డెబ్బది వేల మందిని పర్వతములందు మ్రానులు కొట్టుటకు ఎనుబది వేల మందిని, జనులమీద అధిపతులుగానుండి పనిచేయించుటకు మూడువేల ఆరు వందల మందిని అతడు ఏర్పరచెను.

18. veerilo baruvulu moyutaku debbadhi vela mandhini parvathamulandu mraanulu kottutaku enubadhi vela mandhini, janulameeda adhipathulugaanundi panicheyinchutaku mooduvela aaru vandala mandhini athadu erparachenu.