Ezra - ఎజ్రా 1 | View All

1. పారసీకదేశపు రాజైన కోరెషు ఏలుబడిలో మొదటి సంవత్సరమందు యిర్మీయాద్వారా పలుకబడిన తన వాక్యమును నెరవేర్చుటకై యెహోవా పారసీకదేశపు రాజైన కోరెషు మనస్సును ప్రేరేపింపగా అతడు తన రాజ్యమందంతట చాటింపుచేయించి వ్రాతమూలముగా ఇట్లు ప్రకటన చేయించెను

“యిర్మీయా”– యిర్మియా 25:11-12; యిర్మియా 29:10. “మొదటి సంవత్సరంలో”– ఎజ్రా 5:13-14; ఎజ్రా 6:3; 2 దినవృత్తాంతములు 26:22-23; యిర్మియా 33:7-12. కోరెషు పారసీక దేశానికి (ఇప్పటి ఇరాన్‌) క్రీ.పూ. 559 నుంచి చక్రవర్తి. అయితే ఈ వచనంలో మొదటి సంవత్సరం అంటే అతడు క్రీ.పూ. 538లో బబులోనును జయించిన సమయం నుండి అన్నమాట. “మనసు”– దేవుడు తన మాట ప్రకారం ఎప్పుడూ జరిగిస్తాడు. ఇలా చేసేందుకు భూరాజులను గానీ తనకిష్టమైన ఏ సాధనాన్నైనా వాడుకుంటాడు (వ 5; సామెతలు 21:1 మొ।।). కోరెషు విషయం కనీసం 150 ఏళ్ళక్రితమే తన ప్రజలను విడిపించేందుకు అతణ్ణి వాడుకుంటానని ఆయన చెప్పాడు (యెషయా 44:28 యెషయా 45:4).

2. పారసీకదేశపు రాజైన కోరెషు ఆజ్ఞాపించునదేమనగా ఆకాశమందలి దేవుడైన యెహోవా లోకమందున్న సకల జనములను నా వశముచేసి, యూదాదేశమందున్న యెరూషలేములో తనకు మందిరమును కట్టించుమని నాకు ఆజ్ఞ ఇచ్చియున్నాడు.

“పరలోకంలో ఉన్న దేవుడైన”– దానియేలు 2:18 నోట్. “వశం చేశాడు”– ఇది సత్యం (యెషయా 45:1; దానియేలు 4:31-32 పోల్చిచూడండి).

3. కావున మీలో ఎవరు ఆయన జనులైయున్నారో వారు యూదాదేశమందున్న యెరూషలేమునకు బయలుదేరి, యెరూషలేములోని దేవుని మందిరమును, అనగా ఇశ్రా యేలీయుల దేవుడైన యెహోవా మందిరమును కట్టవలెను; వారి దేవుడు వారికి తోడైయుండునుగాక.

4. మరియయెరూషలేములోనుండు దేవుని మందిరమును కట్టించుటకై స్వేచ్ఛార్పణను గాక ఆ యా స్థలములలోనివారు తమ యొద్ద నివసించువారికి వెండి బంగారములను వస్తువులను పశువులను ఇచ్చి సహాయము చేయవలెనని ఆజ్ఞాపించెను.

“మిగిలినవారు”– కోరెషు రాజ్యమంతటా, ముఖ్యంగా బబులోనులో చెదిరివున్న యూదులు.

5. అప్పుడు యూదా పెద్దలును, బెన్యామీనీయుల పెద్దలును, యాజకులును లేవీయులును ఎవరెవరి మనస్సును దేవుడు ప్రేరేపించెనో వారందరు వారితో కూడుకొని వచ్చి, యెరూషలేములో ఉండు యెహోవా మందిరమును కట్టుటకు ప్రయాణమైరి.

“లేవీగోత్రికులు”– బబులోనువారు చెరగొనిపోయిన వారిలో యూదా, బెన్యామీను, లేవీ గోత్రాలవారు ముఖ్యమైన గోత్రాలు. లేవీవారి గురించి నోట్ సంఖ్యాకాండము 1:47-51; సంఖ్యాకాండము 8:19. “పురిగొలిపాడో”– వ 1; నిర్గమకాండము 35:20-22; హగ్గయి 1:14. వీరిలో చాలామంది యూదులు బబులోనులో స్థిరపడ్డారు. జెరుసలంకు వెయ్యి కిలోమీటర్ల కంటే ఎక్కువ దూరం ఉన్న నాలుగు నెలల ప్రయాణం (ఎజ్రా 7:9; ఎజ్రా 8:21-23) లోని ఇబ్బందుల్ని ఎదుర్కొనే ఆశ, శిథిలమైన నగరంలో మళ్ళీ జీవనాన్ని కొత్తగా మొదలు పెట్టే ఆశ వారికి లేదు. ఏం జరుగుతుందో తెలియని పరిస్థితిని ఎదుర్కొనే ఆశ లేదు. వారు బయలుదేరేందుకు సమ్మతించాలంటే వారి హృదయాల్లో దేవుని ప్రత్యేక ప్రేరేపణ అవసరం.

6. మరియు వారి చుట్టు నున్న వారందరును స్వేచ్ఛగా అర్పించినవి గాక, వెండి ఉపకరణములను బంగారును పశువులను ప్రశస్తమైన వస్తు వులను ఇచ్చి వారికి సహాయము చేసిరి.

మరి కొంతమంది యూదులు తాము స్వయంగా వెళ్ళే ఇష్టం లేకపోయినా వెళ్ళడానికి సమ్మతించిన యూదులకు సహాయపడ్డారు.

7. మరియు నెబు కద్నెజరు యెరూషలేములోనుండి తీసికొని వచ్చి తన దేవ తలయొక్క గుడియందుంచిన యెహోవా మందిరపు ఉప కరణములను రాజైన కోరెషు బయటికి తెప్పించెను.

8. పారసీకదేశపు రాజైన కోరెషు తన ఖజానాదారుడైన మిత్రిదాతుద్వారా వాటిని బయటికి తెప్పించి లెక్క చేయించి, యూదులకు అధిపతియగు షేష్బజ్జరు చేతికి అప్పగించెను.

“షేష్‌బజ్జరు”– వ 11; ఎజ్రా 5:14 ఎజ్రా 5:16. ఇతడూ జెరుబ్బాబెలూ (ఎజ్రా 2:2; ఎజ్రా 3:2 ఎజ్రా 3:8; ఎజ్రా 4:2-3) ఒకడేనా అన్న విషయం పండితుల్లో ఏకాభిప్రాయం లేదు. జెరుబ్బాబెల్ ప్రజల నాయకుడు.

9. వాటియొక్క లెక్క ముప్పది బంగారపు పళ్లెములును వెయ్యి వెండి పళ్లెములును ఇరువది తొమ్మిది కత్తులును

10. ముప్పది బంగారుగిన్నెలును నాలుగువందలపది వెండితో చేయబడిన రెండవ రకమైన గిన్నెలును, మరి యితరమైన ఉపకరణములును వెయ్యియై యుండెను.

11. బంగారు వస్తువులును వెండి వస్తువులును అన్నియు అయిదువేల నాలుగు వందలు. షేష్బజ్జరు బబులోనుచరలోనుండి విడిపింపబడినవారితో కూడ కలిసి వీటన్నిటిని యెరూషలేమునకు తీసికొని వచ్చెను.

“ఐదు వేల నాలుగు వందల”– 9,10 వచనాల్లో బంగారు, వెండి వస్తువుల జాబితా పూర్తిగా లేదు.



Shortcut Links
ఎజ్రా - Ezra : 1 | 2 | 3 | 4 | 5 | 6 | 7 | 8 | 9 | 10 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |