1. యెహోవాను స్తుతించుడి. యథార్థవంతుల సభలోను సమాజములోను పూర్ణ హృదయముతో నేను యెహోవాకు కృతజ్ఞతాస్తుతులు చెల్లించెదను.

స్తుతి గురించి నోట్ కీర్తనల గ్రంథము 33:1. మనుషులు చేయగలిగే పనుల్లోకెల్లా ఉన్నతమైనదీ శ్రేష్ఠమైనదీ దేవుణ్ణి స్తుతించడమే. దాన్ని సరిగా సవ్యంగా చెయ్యాలంటే మన శక్తి యుక్తులన్నీ, మన హృదయమంతా అందులో లగ్నం కావాలి. చిత్తశుద్ధి లేక హృదయపూర్వకంగాకాక చపల మనసుతో చేసే స్తుతి స్తుతనవచ్చా? అలాంటి స్తుతి విమర్శలాగా కూడా అనిపించవచ్చు.

2. యెహోవా క్రియలు గొప్పవి వాటియందు ఇష్టముగల వారందరు వాటిని విచారించు దురు.
ప్రకటన గ్రంథం 15:3

కీర్తనల గ్రంథము 92:5; కీర్తనల గ్రంథము 40:5; కీర్తనల గ్రంథము 143:5. ఈ కీర్తన ముఖ్యాంశం ఇది. దేవుని పనులు పొగడదగినవి. మనం వాటిని అస్తమానం ధ్యానించాలి. వాటిని ఎంత వివరంగా అర్థం చేసుకుంటే అంత అద్భుతంగా కనిపిస్తాయి.

3. ఆయన కార్యము మహిమా ప్రభావములు గలది ఆయన నీతి నిత్యము నిలుకడగా నుండును.

“శాశ్వతంగా”అనేది ఈ కీర్తనలో ముఖ్యమైన మాటల్లో ఒకటి (వ 3,5,8,9,10) దేవుడు ఏమై ఉన్నాడో శాశ్వతంగా అదై ఉంటాడు. ఆయన ఎప్పటికీ మార్పులేనివాడు (హెబ్రీయులకు 1:12; హెబ్రీయులకు 13:8).

4. ఆయన తన ఆశ్చర్యకార్యములకు జ్ఞాపకార్థసూచనను నియమించియున్నాడు. యెహోవా దయాదాక్షిణ్యపూర్ణుడు
యాకోబు 5:11

కీర్తనల గ్రంథము 86:5 కీర్తనల గ్రంథము 86:15; కీర్తనల గ్రంథము 103:8; కీర్తనల గ్రంథము 145:8; నిర్గమకాండము 34:6.

5. తనయందు భయభక్తులుగలవారికి ఆయన ఆహారమిచ్చి యున్నాడు ఆయన నిత్యము తన నిబంధన జ్ఞాపకము చేసికొనును.

“ఆహారం పెట్టేవాడు”– కీర్తనల గ్రంథము 37:25; నిర్గమకాండము 16:13-35; మత్తయి 6:31-33. “ఎల్లప్పుడూ”– కీర్తనల గ్రంథము 105:8 కీర్తనల గ్రంథము 105:42; లూకా 1:72; హెబ్రీయులకు 6:17-18.

6. ఆయన తన ప్రజలకు అన్యజనుల స్వాస్థ్యము అప్పగించి యున్నాడు తన క్రియల మహాత్మ్యమును వారికి వెల్లడిచేసి యున్నాడు.

సంఖ్యాకాండము 21:1-3 సంఖ్యాకాండము 21:21-25 సంఖ్యాకాండము 21:33-35; యెహోషువ 6:1-2; యెహోషువ 10:40-43; యెహోషువ 24:2-13.

7. ఆయన చేతికార్యములు సత్యమైనవి న్యాయమైనవి ఆయన శాసనములన్నియు నమ్మకమైనవి.

కీర్తనల గ్రంథము 19:7 కీర్తనల గ్రంథము 19:9; కీర్తనల గ్రంథము 93:5; కీర్తనల గ్రంథము 119:160; యెషయా 40:8; మత్తయి 5:18; ప్రకటన గ్రంథం 15:3.

8. అవి శాశ్వతముగా స్థాపింపబడియున్నవి సత్యముతోను యథార్థతతోను అవి చేయబడి యున్నవి.

9. ఆయన తన ప్రజలకు విమోచనము కలుగజేయువాడు తన నిబంధన ఆయన నిత్యముగా ఉండ నిర్ణయించువాడు. ఆయన నామము పరిశుద్ధమైనది పూజింపదగినది.
లూకా 1:49-68

“విడుదల”– కీర్తనల గ్రంథము 78:35 నోట్ చూడండి. నిర్గమకాండము 20:2; ద్వితీయోపదేశకాండము 7:8; లూకా 1:68; ఎఫెసీయులకు 1:7. “భయభక్తులు గొలిపేది”– కీర్తనల గ్రంథము 99:3; లూకా 1:49; నిర్గమకాండము 20:7; ద్వితీయోపదేశకాండము 28:58-61.

10. యెహోవాయందలి భయము జ్ఞానమునకు మూలము ఆయన శాసనముల ననుసరించువారందరు మంచి వివే కము గలవారు. ఆయనకు నిత్యము స్తోత్రము కలుగుచున్నది.

యోబు 28:28; సామెతలు 1:7; సామెతలు 9:10. దేవుని పట్ల భయభక్తుల గురించి నోట్స్ కీర్తనల గ్రంథము 34:11-14; ఆదికాండము 20:11 చూడండి. దేవుని యందు భయభక్తులు లేకపోతే జ్ఞానం ఆరంభ దశలో కూడా ఉండదు. ఒక మనిషికి చురుకైన తెలివితేటలు, అపారమైన విజ్ఞానం, గొప్ప నిపుణతలు ఉండవచ్చు. అయితే దేవుని పట్ల భయభక్తులు లేకుంటే అతనికి నిజ జ్ఞానం ఉండదు. దేవుని పై భయభక్తులంటే ఏమిటో అవి ఒక మనిషిచేత ఏమి చేయిస్తాయో చూడండి. నిజమైన జ్ఞానమంటే విషయాలను తెలిసి ఉండడం కాదు. యోగ్యంగా ప్రవర్తించడంలోనే అది ఉంటుంది. బైబిల్‌లో వెల్లడి అయిన దేవునికి, విశ్వమంతటికీ ఉన్న ఈ దేవునికి లోబడేందుకు సిద్ధపడని వ్యక్తి ఏ మాత్రం జ్ఞానవంతుడని అనిపించుకోడు.