Psalms - కీర్తనల గ్రంథము 126 | View All

1. సీయోనుకు తిరిగి వచ్చినవారిని యెహోవా చెరలో నుండి రప్పించినప్పుడు

శీర్షిక – 120 వ కీర్తన శీర్షిక చూడండి. చాలా చిన్నదైనప్పటికీ ఈ కీర్తన మనకు ఒక ఆనంద గానాన్నీ (వ 1-3), ఒక ప్రార్థననూ (వ 4), ఒక వాగ్దానాన్నీ (వ 5,6) ఇస్తున్నది. “చెర”– ఇలా అనువదించబడిన హీబ్రూ మాటను బట్టి ఇది ఎలాంటి చెరో స్పష్టంగా తెలియడం లేదు. యిర్మీయా 52వ అధ్యాయంలో ఉన్న రీతిగానే బహుశా ఇది అక్షరాలా శత్రువుల చేతుల్లో బందీలుగా చిక్కడం కావచ్చు. లేక 125:3లో ఉన్నట్టు సీయోను దుర్మార్గుల చేతిలో పడి క్షీణించి ఆధ్యాత్మిక చెరను అనుభవించిన దశ కావచ్చు. ఇక్కడి హీబ్రూ పదం పై రెండు అర్థాలకూ సరిపోతున్నది. చెరనుంచి విడుదల మొత్తంగా యెహోవా చేసిన పనే. అలా విడుదల పొందినవారికి దీనివల్ల అమితానందం కలిగింది. యెషయా 61:1-3; లూకా 4:17-19 పోల్చి చూడండి. శుభవార్త తెచ్చే ప్రయోజనాల్లో ఒకటేమిటంటే నమ్మినవారికి పాపం, సైతాను, మరణభయం అనే చెరలనుంచి విడుదల కలగడం (యోహాను 8:32 యోహాను 8:36; రోమీయులకు 8:2; గలతియులకు 5:1 గలతియులకు 5:13; 2 తిమోతికి 2:25-26; హెబ్రీయులకు 2:14-15). అలాంటి బానిసత్వం నుండి విడుదలకన్నా గొప్ప సంతోషం మరేదన్నా ఉందా (లూకా 24:52-53; అపో. కార్యములు 2:46-47; 1 పేతురు 1:8-9)?

2. మనము కలకనినవారివలె నుంటిమి మన నోటి నిండ నవ్వుండెను మన నాలుక ఆనందగానముతో నిండియుండెను. అప్పుడుయెహోవా వీరికొరకు గొప్పకార్యములు చేసెనని అన్యజనులు చెప్పుకొనిరి.

3. యెహోవా మనకొరకు గొప్పకార్యములు చేసి యున్నాడు మనము సంతోషభరితులమైతివిు.

4. దక్షిణదేశములో ప్రవాహములు పారునట్లుగా యెహోవా, చెరపట్టబడిన మా వారిని రప్పించుము.

విడుదల పూర్తిగా జరగలేదు, లేక విడుదల తరువాత దేవుని ప్రజలు ఓ రకమైన చెరలో మళ్ళీ పడిపోయారు. దేవుని ప్రభావం, కృప మరో సారి వారిపై కురియడం అవసరం. ఇస్రాయేల్ దక్షిణ ప్రాంతం ఎండిన ఎడారిలాగా ఉంది. ఎండ కాలంలో ప్రవాహాలు ఇంకిపోయేవి. దేవుడు ఆకాశంనుంచి మళ్ళీ వాన పంపిస్తేనే తిరిగి ప్రవహించేవి. దేవుడు ప్రకృతిలోను, ఆధ్యాత్మిక జగత్తులోను ఏమి చెయ్యగలడో యెషయా 35:6-7లో చూడండి.

5. కన్నీళ్లు విడుచుచు విత్తువారు సంతోషగానముతో పంట కోసెదరు.
లూకా 6:21

చెరనుండి విడిపించాలన్న ప్రార్థన వెనువెంటనే సహజంగా ఈ వచనాలు వచ్చేశాయి. చెరనుంచి విడుదలైనవారు శుభవార్తను ప్రకటిస్తూ శ్రమిస్తారు. వారు ప్రభువుకోసం పంటను కోస్తారు. దేవుని సేవకుల్లో ఉండే గొప్ప పట్టుదల, తీవ్రతలను ఈ కన్నీళ్ళు, ఏడుపు సూచిస్తున్నాయి. పాపాత్ములు అడ్డంకులను కల్పించే సంగతినీ, మనుషుల హృదయ కాఠిన్యాన్నీ, పాపంలో నశించిపోతున్నా వారికోసం పొంచివున్న ఆపదలనూ చూచి వారు ఏడుస్తారు. అంతేగాక తాము బలహీనులము, సేవ సరిగా చేయలేనివారము, తప్పులు చేసేవారమని కూడా వారు ఏడవవచ్చు. క్రీస్తు ప్రేమను బట్టి, నశించిన మనుషులపై తమకున్న జాలిని బట్టి కూడా వారు ఏడుస్తారు. అలాంటి మనుషులు తప్పకుండా పంట కోస్తారు. చివర్లో ఆనందం వారిదౌతుంది – కీర్తనల గ్రంథము 119:136; యెషయా 22:4; యిర్మియా 9:1; యిర్మియా 13:17; యిర్మియా 14:17; లూకా 19:41; అపో. కార్యములు 20:19 అపో. కార్యములు 20:31; 1 కోరింథీయులకు 15:58.

6. పడికెడు విత్తనములు చేత పట్టుకొని యేడ్చుచుపోవు విత్తువాడు సంతోషగానము చేయుచు పనలు మోసికొనివచ్చును.
లూకా 6:21



Shortcut Links
కీర్తనల గ్రంథము - Psalms : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 | 115 | 116 | 117 | 118 | 119 | 120 | 121 | 122 | 123 | 124 | 125 | 126 | 127 | 128 | 129 | 130 | 131 | 132 | 133 | 134 | 135 | 136 | 137 | 138 | 139 | 140 | 141 | 142 | 143 | 144 | 145 | 146 | 147 | 148 | 149 | 150 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |