Hosea - హోషేయ 11 | View All

1. ఇశ్రాయేలు బాలుడైయుండగా నేను అతనియెడల ప్రేమగలిగి నా కుమారుని ఐగుప్తుదేశములోనుండి పిలిచి తిని.
మత్తయి 2:15

మళ్ళీ దేవుడు మాట్లాడుతున్నాడు. ఇస్రాయేల్‌ను ప్రేమించి వారిని ఈజిప్ట్ నుంచి బయటికి పిలిపించినది ఆయనే – హోషేయ 9:10; ద్వితీయోపదేశకాండము 4:37; ద్వితీయోపదేశకాండము 7:7-8. “నా కుమారుణ్ణి పిలిచాను”– నిర్గమకాండము 4:22-23; ద్వితీయోపదేశకాండము 32:6; యెషయా 1:2-4; యెషయా 64:8. మత్తయి 2:15 లో ఈ మాటలు యేసు ప్రభువును గురించి రాసి ఉన్నాయి.

2. ప్రవక్తలు వారిని పిలిచినను బయలుదేవతలకు వారు బలులనర్పించిరి, విగ్రహములకు ధూపము వేసిరి.

“దూరమైపోయారు”– వ 7; యిర్మియా 7:13; యెషయా 1:4; 2 రాజులు 17:13-14. “బయల్ దేవుళ్ళకు”– హోషేయ 2:8, హోషేయ 2:13.

3. ఎఫ్రాయిమును చెయ్యిపట్టుకొని వానికి నడక నేర్పినవాడను నేనే; వారిని కౌగలించు కొనినవాడను నేనే; నేనే వారిని స్వస్థపరచినవాడనైనను ఆ సంగతి వారికి మనస్సున పట్ట లేదు

ఎలా ప్రవర్తించాలో ఒక తండ్రిలాగా ఇస్రాయేల్ ప్రజలకు దేవుడు నేర్పించాడు. “బాగు చేసింది”– నిర్గమకాండము 15:26.

4. ఒకడు మనుష్యులను తోడుకొని పోవునట్లుగా స్నేహబంధములతో నేను వారిని బంధించి అకర్షించితిని; ఒకడు పశువులమీదికి కాడిని తీసినట్లు నేను వారి కాడిని తీసి వారి యెదుట భోజనము పెట్టితిని

యిర్మియా 31:3. వారిపై వాత్సల్యం కొద్ది ఈజిప్ట్‌లో వారి పై నుండి బానిసత్వం కాడిని ఆయన తీసివేసి ఎడారిలో వారిని పోషించాడు – నిర్గమకాండము 2:23; నిర్గమకాండము 13:3; నిర్గమకాండము 16:13-18; ద్వితీయోపదేశకాండము 7:8; కీర్తనల గ్రంథము 78:25.

5. ఐగుప్తుదేశమునకు వారు మరల దిగిపోరు గాని నన్ను విసర్జించినందున అష్షూరురాజు వారిమీద ప్రభుత్వము చేయును.

6. వారు చేయుచున్న యోచనలనుబట్టి యుద్ధము వారి పట్టణము లను ఆవరించును; అది వారి పట్టణపు గడియలు తీసి వారిని మింగివేయును.

7. నన్ను విసర్జించవలెనని నా జనులు తీర్మానము చేసికొనియున్నారు; మహోన్నతుని తట్టు చూడవలెనని ప్రవక్తలు పిలిచినను చూచుటకు ఎవ డును యత్నము చేయడు

“మనసు ఉంది”– వారు దేవునికి అసంతృప్తి కలిగిస్తున్నది. తెలియక కాదు. తమ దుర్మార్గతలో వారు చాలా తలబిరుసుగా ఉన్నారు. ఆయన పదే పదే పిలిచినా వినిపించుకోవడం లేదు. (వ 2). “సర్వాతీతుణ్ణి”– హోషేయ 7:16.

8. ఎఫ్రాయిమూ, నేనెట్లు నిన్ను విడిచిపెట్టుదును? ఇశ్రాయేలూ, నేను నిన్ను ఎట్లు విసర్జింతును? అద్మానువలె నిన్ను నేను ఎట్లు చేతును? సెబో యీమునకు చేసినట్లు నీకు ఎట్లు చేతును? నా మనస్సు మారినది, సహింపలేకుండ నా యంతరంగము మండు చున్నది.

ఇస్రాయేల్‌ప్రజను సమూలంగా అంతమొందించనని దేవుడు ఇప్పుడు అంటున్నాడు. వారిని శిక్షిస్తాడు గాని పూర్తిగా నాశనం చెయ్యడు. ఇస్రాయేల్ ఆదమా, సెబోయీంలాగా అయిపోదు. ఇవి సొదొమ నాశనమైనప్పుడు దానితోపాటు నాశనమైన పట్టణాలు – ఆదికాండము 19:24-25; ద్వితీయోపదేశకాండము 29:23; యిర్మియా 49:18. ఇస్రాయేల్‌ను ప్రవాసానికి పంపిన తరువాత మళ్ళీ వారిని పోగు చేస్తాడు – వ 11. “ఎలా”– ఇస్రాయేల్ పట్ల దేవునికున్న గొప్ప ప్రేమ వారిని శాశ్వతంగా దూరం చెయ్యనివ్వదు. “జాలి”– హోషేయ 2:19; ద్వితీయోపదేశకాండము 30:3; ద్వితీయోపదేశకాండము 32:36; కీర్తనల గ్రంథము 103:13; కీర్తనల గ్రంథము 116:5; కీర్తనల గ్రంథము 119:156; కీర్తనల గ్రంథము 145:9; యెషయా 14:1; యాకోబు 5:11.

9. నా ఉగ్రతాగ్నినిబట్టి నాకు కలిగిన యోచనను నేను నెరవేర్చను; నేను మరల ఎఫ్రాయిమును లయపర చను, నేను మీ మధ్య పరిశుద్ధదేవుడను గాని మనుష్యుడను కాను,మిమ్మును దహించునంతగా నేను కోపింపను.

“కోపాన్ని”– సంఖ్యాకాండము 25:3; కీర్తనల గ్రంథము 90:7-11 నోట్స్. “మనిషిని కాను”– సంఖ్యాకాండము 23:19. దేవుడు తమలాంటివాడేనని మనుషులు అనుకోవచ్చు (కీర్తనల గ్రంథము 50:21). కాని అలా కాదు (యెషయా 55:8-9). “పవిత్రుణ్ణి”– లేవీయకాండము 20:7 నోట్.

10. వారు యెహోవా వెంబడి నడిచెదరు; సింహము గర్జించునట్లు ఆయన ఘోషించును, ఆయన ఘోషింపగా పశ్చిమ దిక్కున నున్న జనులు వణకుచు వత్తురు.

“సింహ గర్జనలాగా”– హోషేయ 5:14 లో ఉన్నట్టు. వారికి వ్యతిరేకంగా కాదు గాని వారికి ఇంటికి పిలిచే విమోచకుడుగా.

11. వారు వణకుచు పక్షులు ఎగురునట్లుగా ఐగుప్తుదేశములోనుండి వత్తురు; గువ్వలు ఎగురునట్లుగా అష్షూరుదేశములోనుండి ఎగిరి వత్తురు; నేను వారిని తమ నివాసములలో కాపురముంతును; ఇదే యెహోవా వాక్కు.

12. ఎఫ్రాయిమువారు అబద్ధములతో నన్ను ఆవరించి యున్నారు; ఇశ్రాయేలువారు మోసక్రియలతో నన్ను ఆవరించియున్నారు; యూదావారు నిరాటంకముగా దేవునిమీద తిరుగుబాటు చేయుదురు, నమ్మకమైన పరిశుద్ధ దేవునిమీద తిరుగబడుదురు.

హోషేయ మళ్ళీ మాట్లాడుతున్నాడు. దేవుడు ఇస్రాయేల్ పట్ల జాలి చూపితే దానికి వారు అర్హులని కాదు అనే విషయాన్ని నిరూపిస్తున్నాడు. “అబద్ధాలు...మోసం”– హోషేయ 4:1-2; హోషేయ 10:2, హోషేయ 10:4.



Shortcut Links
హోషేయ - Hosea : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |