1. మరియు యెహోవా మోషేకు ఈలాగు సెలవిచ్చెను.

1. mariyu yehovaa mosheku eelaagu selavicchenu.

2. ప్రతి కుష్ఠరోగిని, స్రావముగల ప్రతి వానిని, శవము ముట్టుటవలన అపవిత్రుడైన ప్రతి వానిని, పాళెములో నుండి వెలివేయవలెనని ఇశ్రాయేలీయులకు ఆజ్ఞాపించుము.

2. prathi kushtharogini, sraavamugala prathi vaanini, shavamu muttutavalana apavitrudaina prathi vaanini, paalemulo nundi veliveyavalenani ishraayeleeyulaku aagnaapinchumu.

3. నేను నివసించుచుండు వారి పాళెమును వారు అపవిత్ర పరచకుండునట్లు మగవానినేమి ఆడుదానినేమి అందరిని పంపివేయవలెను; వారిని ఆ పాళెము వెలుపలికి వెళ్లగొట్టవలెను.

3. nenu nivasinchuchundu vaari paalemunu vaaru apavitra parachakundunatlu magavaaninemi aadudaaninemi andarini pampiveyavalenu; vaarini aa paalemu velupaliki vellagotta valenu.

4. ఇశ్రాయేలీయులు ఆలాగు చేసిరి; పాళెము వెలుపలికి అట్టివారిని వెళ్లగొట్టిరి. యెహోవా మోషేకు ఆజ్ఞాపించినట్లు ఇశ్రాయేలీయులు చేసిరి.

4. ishraayeleeyulu aalaagu chesiri; paalemu velupaliki attivaarini vellagottiri. Yehovaa mosheku aagnaapinchinatlu ishraayeleeyulu chesiri.

5. మరియు యెహోవా మోషేకు ఈలాగు సెలవిచ్చెను నీవు ఇశ్రాయేలీయులతో

5. mariyu yehovaa mosheku eelaagu selavi cchenu neevu ishraayeleeyulathoo

6. పురుషుడుగాని స్త్రీగాని యెహోవామీద తిరుగబడి మనుష్యులు చేయు పాపములలో దేనినైనను చేసి అపరాధులగునప్పుడు

6. purushudugaani streegaani yehovaameeda thirugabadi manushyulu cheyu paapamu lalo dheninainanu chesi aparaadhulagunappudu

7. వారు తాము చేసిన పాపమును ఒప్పుకొనవలెను. మరియు వారు తమ అపరాధమువలని నష్టమును సరిగా నిచ్చుకొని దానిలో అయిదవవంతు దానితో కలిపి యెవనికి విరోధముగా ఆ అపరాధము చేసిరో వానికిచ్చుకొనవలెను.

7. vaaru thaamu chesina paapamunu oppukonavalenu. Mariyu vaaru thama aparaadhamuvalani nashtamunu sarigaa nichukoni daanilo ayidavavanthu daanithoo kalipi yevaniki virodhamugaa aa aparaadhamu chesiro vaanikichukonavalenu.

8. ఆ అపరాధ నష్టమును తీసికొనుటకు ఆ మనుష్యునికి రక్తసంబంధి లేని యెడల యెహోవాకు చెల్లింపవలసిన అపరాధ నష్టమును యాజకుడు వాని నిమిత్తము ప్రాయశ్చిత్తము చేయుటకై అర్పించిన ప్రాయశ్చిత్తార్థమైన పొట్టేలును యాజకుని వగును.

8. aa aparaadha nashtamunu theesikonutaku aa manushyuniki rakthasambandhi leni yedala yehovaaku chellimpavalasina aparaadha nashtamunu yaajakudu vaani nimitthamu praayashchitthamu cheyutakai arpinchina praayashchitthaarthamaina pottelunu yaajakuni vagunu.

9. ఇశ్రాయేలీయులు యాజకునికి తెచ్చు ప్రతిష్ఠితమైన వాటన్నిటిలో ప్రతిష్ఠింపబడిన ప్రతి వస్తువు యాజకునివగును. ఎవడైనను ప్రతిష్ఠించినవి అతనివగును.

9. ishraayeleeyulu yaajakuniki techu prathishthitha maina vaatannitilo prathishthimpabadina prathi vasthuvu yaaja kuni vagunu. Evadainanu prathishthinchinavi athanivagunu.

10. ఎవడైనను యాజకునికి ఏమైనను ఇచ్చినయెడల అది అతని దగునని చెప్పుము.

10. evadainanu yaajakuniki emainanu ichinayedala adhi athani dagunani cheppumu.

11. యెహోవా మోషేకు ఈలాగు సెలవిచ్చెను నీవు ఇశ్రాయేలీయులతో ఇట్లనుము

11. yehovaa mosheku eelaagu selavicchenuneevu ishraayeleeyulathoo itlanumu

12. ఒకని భార్య త్రోవతప్పి వానికి ద్రోహముచేసినయెడల, అనగా వేరొకడు ఆమెతో వీర్యస్ఖలనముగా శయనించిన యెడల

12. okani bhaarya trovathappi vaaniki drohamuchesinayedala, anagaa verokadu aamethoo veeryaskhalanamugaa shayaninchina yedala

13. ఆమె భర్తకు ఆ సంగతి తెలియబడక వాని కన్నులకు మరుగైయుండి ఆమె అపవిత్రపరచబడిన దనుటకు సాక్ష్యము లేక పోయినను, ఆమె పట్టుబడకపోయినను,

13. aame bharthaku aa sangathi teliyabadaka vaani kannulaku marugaiyundi aame apavitraparachabadina danutaku saakshyamu leka poyinanu, aame pattubadakapoyinanu,

14. వాని మనస్సులో రోషము పుట్టి అపవిత్రపరచబడిన తన భార్యమీద కోపపడిన యెడల, లేక వాని మనస్సులో రోషముపుట్టి అపవిత్ర పరచబడని తన భార్యమీద కోపపడినయెడల,

14. vaani manassulo roshamu putti apavitraparachabadina thana bhaaryameeda kopapadina yedala, leka vaani manassulo roshamuputti apavitra parachabadani thana bhaaryameeda kopapadinayedala,

15. ఆ పురుషుడు యాజకునియొద్దకు తన భార్యను తీసికొనివచ్చి, ఆమె విషయము తూమెడు యవలపిండిలో పదియవ వంతును తేవలెను. వాడు దానిమీద తైలము పోయకూడదు దానిమీద సాంబ్రాణి వేయకూడదు; ఏలయవగా అది రోషవిషయమైన నైవేద్యము, అనగా దోషమును జ్ఞాప కముచేయుటకై జ్ఞాపకార్థమైన నైవేద్యము.

15. aa puru shudu yaajakuniyoddhaku thana bhaaryanu theesikonivachi, aame vishayamu thoomedu yavalapindilo padhiyava vanthunu thevalenu. Vaadu daanimeeda thailamu poyakoodadu daanimeeda saambraani veyakoodadu; yelayavagaa adhi roshavishayamaina naivedyamu, anagaa doshamunu gnaapa kamucheyutakai gnaapakaarthamaina naivedyamu.

16. అప్పుడు యాజకుడు ఆమెను దగ్గరకు తీసికొనివచ్చి యెహోవా సన్నిధిని ఆమెను నిలువబెట్టవలెను.

16. appudu yaajakudu aamenu daggaraku theesikonivachi yehovaa sannidhini aamenu niluvabettavalenu.

17. తరువాత యాజకుడు మంటికుండతో పరిశుద్ధమైన నీళ్లు తీసికొనవలెను, మరియు యాజకుడు మందిరములో నేలనున్న ధూళి కొంచెము తీసికొని ఆ నీళ్లలో వేయవలెను.

17. tharuvaatha yaaja kudu mantikundathoo parishuddhamaina neellu theesikonavalenu, mariyu yaajakudu mandiramulo nelanunna dhooli konchemu theesikoni aa neellalo veyavalenu.

18. తరువాత యాజకుడు యెహోవా సన్నిధిని ఆ స్త్రీని నిలువబెట్టి, ఆ స్త్రీ తల ముసుకును తీసి, రోష విషయమైన నైవేద్యమును, అనగా ఆ జ్ఞాపకార్థమైన నైవేద్యమును ఆమె చేతులలో ఉంచవలెను. శాపము పొందించు చేదునీళ్లు యాజకుని చేతిలో ఉండవలెను.

18. tharuvaatha yaajakudu yehovaa sannidhini aa streeni niluvabetti, aa stree thala musukunu theesi, rosha vishayamaina naivedya munu, anagaa aa gnaapakaarthamaina naivedyamunu aame chethulalo unchavalenu. shaapamu pondinchu cheduneellu yaajakuni chethilo undavalenu.

19. అప్పుడు యాజకుడు ఆ స్త్రీచేత ప్రమాణము చేయించి ఆమెతో చెప్పవలసిన దేమనగా ఏ పురుషుడును నీతో శయనింపని యెడలను, నీవు నీ భర్తకు అధీనురాలవైనప్పుడు నీవు తప్పిపోయి అపవిత్రమైన కార్యముచేయక పోయినయెడలను, శాపము కలుగజేయు ఈ చేదునీళ్లనుండి నిర్దోషివి కమ్ము.

19. appudu yaajakudu aa streechetha pramaanamu cheyinchi aamethoo cheppavalasina dhema nagaa'e purushudunu neethoo shayanimpaniyedalanu, neevu nee bharthaku adheenuraalavainappudu neevu thappipoyi apavitramaina kaaryamucheyaka poyinayedalanu, shaapamu kalugajeyu ee cheduneellanundi nirdoshivi kammu.

20. నీవు నీ భర్తకు అధీనురాలవైనప్పుడు నీవు త్రోవతప్పి అపవిత్ర పరచబడినయెడల, అనగా నీ భర్తకు మారుగా వేరొక పురుషుడు నీతో కూటమిచేసిన యెడల

20. neevu nee bharthaku adheenuraalavainappudu neevu trovathappi apavitra parachabadinayedala, anagaa nee bharthaku maarugaa veroka purushudu neethoo kootamichesina yedala

21. యెహోవా నీ నడుము పడునట్లును నీ కడుపు ఉబ్బునట్లును చేయుట వలన యెహోవా నీ జనుల మధ్యను నిన్ను శపథమునకును ప్రమాణమునకును ఆస్పదముగా చేయుగాక.

21. yehovaa nee nadumu padunatlunu nee kadupu ubbunatlunu cheyuta valana yehovaa nee janula madhyanu ninnu shapathamunakunu pramaanamunakunu aaspadamugaa cheyugaaka.

22. శాపము కలుగజేయు ఈ నీళ్లు నీ కడుపు ఉబ్బునట్లును నీ నడుము పడునట్లును చేయుటకు నీ కడుపులోనికి పోవునని చెప్పి యాజకుడు ఆ స్త్రీచేత శపథ ప్రమాణము చేయించిన తరువాత ఆ స్త్రీ ఆమేన్‌ అని చెప్పవలెను.

22. shaapamu kalugajeyu ee neellu nee kadupu ubbunatlunu nee nadumu padunatlunu cheyutaku nee kadupuloniki povunani cheppi yaajakudu aa streechetha shapatha pramaanamu cheyinchina tharuvaatha aa stree aamen‌ ani cheppavalenu.

23. తరువాత యాజకుడు పత్రము మీద ఆ శపథములను వ్రాసి ఆ చేదు నీళ్లతో వాటిని తుడిచి

23. tharuvaatha yaajakudu patramumeeda aa shapathamulanu vraasi aa chedu neellathoo vaatini thudichi

24. శాపము కలుగజేయు ఆ చేదు నీళ్లను ఆ స్త్రీకి త్రాగింపవలెను. శాపము కలుగజేయు ఆ నీళ్లు ఆమె లోనికి చేదు పుట్టించును.

24. shaapamu kalugajeyu aa chedu neellanu aa streeki traagimpavalenu. shaapamu kalugajeyu aa neellu aame loniki chedu puttinchunu.

25. మరియు యాజకుడు ఆ స్త్రీ చేతినుండి దోష విషయమైన ఆ నైవేద్యమును తీసికొని యెహోవా సన్నిధిని ఆ నైవేద్య మును అల్లాడించి బలిపీఠము నొద్దకు దాని తేవలెను.

25. mariyu yaajakudu aa stree chethinundi dosha vishayamaina aa naivedyamunu theesikoni yehovaa sannidhini aa naivedya munu allaadinchi balipeethamu noddhaku daani thevalenu.

26. తరువాత యాజకుడు దానికి జ్ఞాపకార్థమైనదిగా ఆ నైవేద్యములోనుండి పిడికెడు తీసి బలిపీఠము మీద దాని దహించి

26. tharuvaatha yaajakudu daaniki gnaapakaarthamainadhigaa aa naivedya mulonundi pidikedu theesi balipeethamu meeda daani dahinchi

27. ఆ నీళ్లు ఆ స్త్రీకి త్రాగింపవలెను. అతడు ఆమెకు ఆ నీళ్లు త్రాగించిన తరువాత జరుగునదేదనగా, ఆమె అపవిత్రపరపబడి తన భర్తకు ద్రోహము చేసినయెడల, శాపము కలుగజేయు ఆ నీళ్లు చేదై ఆమెలోనికి చేరిన తరువాత ఆమె కడుపు ఉబ్బును ఆమె నడుము పడి పోవును. ఆ స్త్రీ తన జనులమధ్య శాపమున కాస్పదముగా నుండును.

27. aa neellu aa streeki traagimpavalenu. Athadu aameku aa neellu traaginchina tharuvaatha jarugunadhedhanagaa, aame apavitraparapabadi thana bharthaku drohamu chesinayedala, shaapamu kalugajeyu aa neellu chedai aameloniki cherina tharuvaatha aame kadupu ubbunu aame nadumu padi povunu. aa stree thana janulamadhya shaapamuna kaaspada mugaa nundunu.

28. ఆ స్త్రీ అపవిత్ర పరపబడక పవిత్రురాలై యుండినయెడల, ఆమె నిర్దోషియై గర్భవతియగునని చెప్పుము.

28. aa stree apavitra parapabadaka pavitru raalai yundinayedala, aame nirdoshiyai garbhavathiyagu nani cheppumu.

29. రోషము విషయమైన విధియిదే. ఏ స్త్రీయైనను తన భర్త అధీనములో నున్నప్పుడు త్రోవ తప్పి అపవిత్రపడిన యెడలనేమి,

29. roshamu vishayamaina vidhiyidhe. e streeyainanu thana bhartha adheenamulo nunnappudu trova thappi apavitrapadina yedalanemi,

30. లేక వానికి రోషము పుట్టి తన భార్య మీద కోపపడినయెడలనేమి, వాడు యెహోవా సన్నిధిని ఆ స్త్రీని నిలువబెట్టినప్పుడు యాజకుడు ఆమెయెడల సమస్తము విధిచొప్పున చేయవలెను.

30. leka vaaniki roshamu putti thana bhaarya meeda kopapadinayedalanemi, vaadu yehovaa sannidhini aa streeni niluvabettinappudu yaaja kudu aameyedala samasthamu vidhichoppuna cheyavalenu.

31. అప్పుడు ఆ పురుషుడు నిర్దోషియగును, ఆ స్త్రీ తాను చేసిన దోషమును భరింపవలెను.

31. appudu aa purushudu nirdoshiyagunu, aa stree thaanu chesina doshamunu bharimpavalenu.