1. దావీదు కొండ శిఖరము అవతల కొంచెము దూరము వెళ్లిన తరువాత మెఫీబోషెతు సేవకుడైన సీబా గంతలు కట్టిన రెండు గాడిదలను తీసికొని వచ్చెను; రెండు వందల రొట్టెలును నూరు ద్రాక్ష గెలలును నూరు అంజూరపు అడలును ద్రాక్షారసపు తిత్తి ఒకటియు వాటిమీద వేసి యుండెను.

“సీబా”– 2 సమూయేలు 9:2-13.

2. రాజుఇవి ఎందుకు తెచ్చితివని సీబాను అడుగగా సీబాగాడిదలు రాజు ఇంటివారు ఎక్కుటకును, రొట్టెలును అంజూరపు అడలును పనివారు తినుటకును, ద్రాక్షారసము అరణ్యమందు అలసటనొందినవారు త్రాగుటకును తెచ్చితిననగా

3. రాజునీ యజమానుని కుమారుడు ఎక్కడనున్నాడని అడిగెను. అందుకు సీబాచిత్తగించుము, ఈవేళ ఇశ్రాయేలీయులు తన తండ్రి రాజ్యమును తనకు తిరిగి యిప్పింతురనుకొని అతడు యెరూషలేములో నిలిచి యున్నాడనెను.

“యాజమాని మనుమడు”– సౌలు మనుమడు మెఫీబోషెతు. దావీదు తిరిగి వచ్చినప్పుడు మెఫీబోషెతు చెప్పిన సంజాయిషీకి, సీబా చెప్పినదానికీ సరిపోవడం లేదు (2 సమూయేలు 19:25-28). దావీదుకు నిజం చెప్పినది ఎవరు? బైబిల్లో ఆ విషయం లేదు. దావీదుకూ తెలియదు (2 సమూయేలు 19:29).

4. అందుకు రాజు మెఫీబోషెతునకు కలిగినదంతయు నీదేయని సీబాతో చెప్పగా సీబానా యేలినవాడా రాజా, నీ దృష్టియందు నేను అనుగ్రహము పొందుదునుగాక, నేను నీకు నమస్కారము చేయుచున్నాననెను.

సీబాను తొందరగా నమ్మేశాడు దావీదు. కానీ తరువాత తన నిర్ణయం మార్చుకున్నాడు (2 సమూయేలు 19:16-23; 1 రాజులు 2:8-9 1 రాజులు 2:44-46; నిర్గమకాండము 22:28).

5. రాజైన దావీదు బహూరీము దాపునకు వచ్చినప్పుడు సౌలు కుటుంబికుడగు గెరా కుమారుడైన షిమీ అనునొకడు అచ్చటనుండి బయలుదేరి వచ్చెను; అతడు వెంట వెంట నడుచుచు దావీదును శపించుచు

దీన్ని బట్టి దావీదు తిరిగి లేవలేనంతగా కూలిపోయాడని షిమీ అనుకున్నట్టు అర్థం అవుతున్నది. అందువల్ల అతని దీనస్థితిలో పుండుపై కారం చల్లినట్లు అతణ్ణి దూషించడానికి పూనుకున్నాడు.

6. జనులందరును బలాఢ్యులందరును దావీదు ఇరు పార్శ్వముల నుండగా రాజైన దావీదుమీదను అతని సేవకులందరిమీదను రాళ్లు రువ్వుచు వచ్చెను.

7. ఈ షిమీనరహంతకుడా, దుర్మార్గుడా

8. ఛీపో, ఛీపో, నీవేలవలెనని నీవు వెళ్లగొట్టిన సౌలు ఇంటివారి హత్యను యెహోవా నీ మీదికి రప్పించి, యెహోవా నీ కుమారుడైన అబ్షాలోము చేతికి రాజ్యమును అప్పగించి యున్నాడు; నీవు నరహంతకుడవు గనుకనే నీ మోసములో నీవు చిక్కుబడి యున్నావని చెప్పి రాజును శపింపగా

“సౌలు”– 2 సమూయేలు 211-9:1 లోని విషయాలను గురించి షిమీ మాట్లాడుతున్నాడు.

9. సెరూయా కుమారుడైన అబీషైఈ చచ్చిన కుక్క నా యేలినవాడవును రాజవునగు నిన్ను శపింపనేల? నీ చిత్తమైతే నేను వానిని చేరబోయి వాని తల ఛేదించి వచ్చెదననెను.

2 సమూయేలు 19:21; 1 సమూయేలు 26:8.

10. అందుకు రాజుసెరూయా కుమారులారా, మీకును నాకును ఏమి పొందు? వానిని శపింపనియ్యుడు, దావీదును శపింపుమని యెహోవా వానికి సెలవియ్యగానీవు ఈలాగున నెందుకు చేయుచున్నావని ఆక్షేపణ చేయగలవాడెవడని చెప్పి

2 సమూయేలు 3:39; 2 సమూయేలు 19:22.

11. అబీషైతోను తన సేవకులందరితోను పలికినదేమనగానా కడుపున బుట్టిన నా కుమారుడే నా ప్రాణము తీయ చూచుచుండగా ఈ బెన్యామీనీయుడు ఈ ప్రకారము చేయుట ఏమి ఆశ్చర్యము? వానిజోలి మానుడి, యెహోవా వానికి సెలవిచ్చియున్నాడు గనుక వానిని శపింపనియ్యుడి.

సౌలు ఇంటివారి విషయంలో తాను నిర్దోషి అని దావీదుకు తెలిసినప్పటికీ తాను ఇతరులు కొంతమందిని నిష్కారణంగా చంపించి అపరాధినయ్యానని కూడా తెలుసు (2 సమూయేలు 11:14-17; 2 సమూయేలు 12:9-10).

12. యెహోవా నా శ్రమను లక్ష్యపెట్టునేమో, వాడు పలికిన శాపమునకు బదులుగా యెహోవా నాకు మేలు చేయునేమో.

ద్వితీయోపదేశకాండము 23:5; నెహెమ్యా 13:2; సామెతలు 20:22; హెబ్రీయులకు 12:10-11.

13. అంతట దావీదును అతని వారును మార్గమున వెళ్లిపోయిరి. వారు వెళ్లిపోవుచుండగా షిమీ అతని కెదురుగా కొండప్రక్కను పోవుచు అతని మీదికి రాళ్లు విసరుచు ధూళి యెగరగొట్టుచునుండెను.

14. రాజును అతనితోకూడనున్న జనులందరును బడలినవారై యొకానొక చోటికి వచ్చి అలసట తీర్చుకొనిరి.

అబ్‌షాలోం దగ్గర్నుంచి పారిపోతున్న వేళలో ఒక సమయంలో, బహుశా ఇక్కడే, దావీదు 3వ కీర్తన రాశాడు, 63వ కీర్తన కూడా రాసి ఉండవచ్చు. ప్రమాద స్థితిలో దావీదుకు దేవునిపట్ల ఉన్న నమ్మకాన్ని ఈ కీర్తనలు రెండూ తెలియజేస్తూ ఉన్నాయి.

15. అబ్షాలోమును ఇశ్రాయేలువారందరును అహీతో పెలును యెరూషలేమునకు వచ్చి యుండిరి.

2 సమూయేలు 15:12.

16. దావీదుతో స్నేహముగానున్న అర్కీయుడైన హూషైయను నతడు అబ్షాలోమునొద్దకువచ్చి అతని దర్శించి రాజు చిరంజీవి యగును గాక రాజు చిరంజీవియగును గాక అని పలుకగా

2 సమూయేలు 15:32-33 2 సమూయేలు 15:37.

17. అబ్షాలోమునీ స్నేహితునికి నీవు చేయు ఉపకార మింతేనా నీ స్నేహితునితో కూడ నీవు వెళ్లకపోతివేమని అతని నడుగగా

అబ్‌షాలోంకు హూషైమీద అనుమానం కలిగిందా? హూషై ఇచ్చిన జవాబు అబ్‌షాలోంను మోసపుచ్చి అనుమానాన్ని తీర్చివేసింది.

18. హూషై యెహోవాయును ఈ జనులును ఇశ్రాయేలీయులందరును ఎవని కోరుకొందురో నేను అతని వాడనగుదును, అతనియొద్దనే యుందును.

19. మరియు నేనెవనికి సేవచేయవలెను? అతని కుమారుని సన్నిధిని నేను సేవచేయవలెను గదా? నీ తండ్రి సన్నిధిని నేను సేవచేసినట్లు నీ సన్నిధిని నేను సేవచేయుదునని అబ్షాలోమునొద్ద మనవి చేసెను.

20. అబ్షాలోము అహీతోపెలుతో మనము చేయవలసిన పని ఏదో తెలిసి కొనుటకై ఆలోచన చేతము రమ్ము అనగా

21. అహీతో పెలునీ తండ్రిచేత ఇంటికి కావలి యుంచబడిన ఉపపత్నులయొద్దకు నీవు పోయిన యెడల నీవు నీ తండ్రికి అసహ్యుడవైతివని ఇశ్రాయేలీయు లందరు తెలిసికొందురు, అప్పుడు నీ పక్షమున నున్నవారందరు ధైర్యము తెచ్చుకొందురని చెప్పెను.

“ఉంపుడుకత్తెలు”– అబ్‌షాలోం రాజ్యాన్ని ఆక్రమించుకున్నాడని సూచించే చర్య 2 సమూయేలు 3:7 నోట్.

22. కాబట్టి మేడమీద వారు అబ్షాలోమునకు గుడారము వేయగా ఇశ్రాయేలీయులకందరికి తెలియునట్లుగా అతడు తన తండ్రి ఉపపత్నులను కూడెను.

23. ఆ దినములలో అహీ తోపెలు చెప్పిన యే యాలోచనయైనను ఒకడు దేవుని యొద్ద విచారణచేసి పొందిన ఆలోచనయైనట్టుగా ఉండెను; దావీదును అబ్షాలోమును దానిని అట్లే యెంచుచుండిరి.