1. ఇది జరిగిన తరువాతయూదా పట్టణములలోనికి నేను పోదునా అని దావీదు యెహోవాయొద్ద విచారణ చేయగాపోవచ్చునని యెహోవా అతనికి సెలవిచ్చెను.నేను పోవలసిన స్థలమేదని దావీదు మనవి చేయగాహెబ్రోనుకు పొమ్మని ఆయన సెలవిచ్చెను.

“అడిగాడు”– దావీదు ఎప్పుడూ ఇలా చేసేవాడు – 1 సమూయేలు 23:2 1 సమూయేలు 23:4 1 సమూయేలు 23:9-12; కీర్తనల గ్రంథము 5:8; కీర్తనల గ్రంథము 25:4-5; కీర్తనల గ్రంథము 27:11; కీర్తనల గ్రంథము 31:3 మొ।।. అతనికి ఇన్ని విజయాలు కలగడంలో ఉన్న ప్రధాన కారణాలలో ఇది ఒకటి. “హెబ్రోను”– జెరుసలంకు 30 కిలోమీటర్లు దక్షిణాన ఉన్న ఒక ముఖ్యమైన పట్టణం.

2. కాబట్టి యెజ్రెయేలీయురాలగు అహీనోయము, కర్మెలీయుడగు నాబాలునకు భార్యయైన అబీగయీలు అను తన యిద్దరు భార్యలను వెంటబెట్టుకొని దావీదు అక్కడికి పోయెను.

“భార్యలు”– 1 సమూయేలు 25:42-44.

3. మరియు దావీదు తనయొద్ద నున్నవారినందరిని వారి వారి యింటివారిని తోడుకొని వచ్చెను; వీరు హెబ్రోను గ్రామములలో కాపురముండిరి.

1 సమూయేలు 27:2-3.

4. అంతట యూదావారు అక్కడికి వచ్చి యూదావారిమీద రాజుగా దావీదునకు పట్టాభిషేకము చేసిరి.

“రాజు”– 1 సమూయేలు 16:13.

5. సౌలును పాతిపెట్టినవారు యాబేష్గిలాదువారని దావీదు తెలిసికొని యాబేష్గిలాదువారియొద్దకు దూతలను పంపిమీరు ఉపకారము చూపి మీ యేలినవాడైన సౌలును పాతిపెట్టితిరి గనుక యెహోవాచేత మీరు ఆశీర్వచనము నొందుదురు గాక.

“గిలాదువాళ్ళు”– 1 సమూయేలు 31:11-13. సౌలును గట్టిగా బలపరిచిన యాబేషువాళ్ళతో ఆరంభించి, ఇస్రాయేల్ జాతినంతటినీ ఏకం చేసేందుకు దావీదు ప్రయత్నిస్తున్నాడు.

6. యెహోవా మీకు కృపను సత్యస్వభావమును అగపరచును, నేనును మీరు చేసిన యీ క్రియనుబట్టి మీకు ప్రత్యుపకారము చేసెదను.

7. మీ యజమానుడగు సౌలు మృతినొందెను గాని యూదావారు నాకు తమమీద రాజుగా పట్టాభిషేకము చేసియున్నారు గనుక మీరు ధైర్యము తెచ్చుకొని బలాఢ్యులై యుండుడని ఆజ్ఞనిచ్చెను.

8. నేరు కుమారుడగు అబ్నేరు అను సౌలుయొక్క సైన్యాధిపతి సౌలు కుమారుడగు ఇష్బోషెతును మహ నయీమునకు తోడుకొని పోయి,

అబ్నేరు సౌలుకు దగ్గర బంధువు – 1 సమూయేలు 14:50-51. అబ్నేరు ఇక్కడ ఇలా చెయ్యడంలో దేవుని సంకల్పాన్ని తెలుసుకోవాలని ప్రయత్నించాడని ఇక్కడ రాసి లేదు. ఇస్రాయేల్ అంతటిమీదా రాజుగా దేవుడు ఎన్నుకున్నది దావీదును. ఆ సంగతి అబ్నేరుకు తెలుసు – 2 సమూయేలు 3:9-10. ఇక్కడే అబ్నేరు దేవుని చిత్తం కంటే కుటుంబ సంబంధాలను ప్రధానంగా ఎంచి రాజకీయ చదరంగం ఆడుతున్నట్టున్నాడు. నేటిలాగానే ఆనాడు కూడా ఇలాంటి ఎత్తులు బాధలకే దారి తీశాయి.

9. గిలాదువారిమీదను ఆషేరీయులమీదను యెజ్రెయేలుమీదను ఎఫ్రాయిమీయులమీదను బెన్యామీనీయులమీదను ఇశ్రాయేలు వారిమీదను రాజుగా అతనికి పట్టాభిషేకము చేసెను.

10. సౌలు కుమారుడగు ఇష్బోషెతు నలువదేండ్లవాడై యేల నారంభించి రెండు సంవత్సరములు పరిపాలించెను; అయితే యూదావారు దావీదు పక్షమున నుండిరి.

11. దావీదు హెబ్రోనులో యూదావారిమీద ఏలినకాలమంతయు ఏడు సంవత్సరములు ఆరు మాసములు.

2 సమూయేలు 5:5.

12. అంతలో నేరు కుమారుడగు అబ్నేరును సౌలు కుమారు డగు ఇష్బోషెతు సేవకులును మహనయీములోనుండి బయలుదేరి గిబియోనునకు రాగా

మహనయీం యొర్దాను నదికి తూర్పున ఉంది. గిబియోను అయితే పశ్చిమాన బెన్యామీను ప్రదేశంలో ఉంది.

13. సెరూయా కుమారుడగు యోవాబును దావీదు సేవకులును బయలుదేరి వారి నెదిరించుటకై గిబియోను కొలనునకు వచ్చిరి. వీరు కొలనునకు ఈ తట్టునను వారు కొలనునకు ఆ తట్టునను దిగియుండగా

యోవాబు దావీదు అక్క కొడుకు (1 దినవృత్తాంతములు 2:13-16). అతడు దావీదు సైన్యంలో ప్రవీణతగల పరాక్రమవంతుడైన అధికారి గాని కఠినుడు, రక్తపిపాస గల మనిషి (2 సమూయేలు 3:27; 2 సమూయేలు 18:14; 2 సమూయేలు 20:9-10).

14. అబ్నేరు లేచిమన యెదుట ¸యౌవనులు మల్లచేష్టలు చేయుదురా అని యోవాబుతో అనగా యోవాబువారు చేయవచ్చుననెను.

ఇరు పక్షాలనుంచి ప్రతినిధులు ముందుకు వచ్చి పోరాడడం మూలంగా తమ విభేదాలను పరిష్కరించుకోవాలని ఈ సూచనలో అర్థం కావచ్చు. 1 సమూయేలు 17:8-10 పోల్చి చూడండి.

15. లెక్కకు సరిగా సౌలు కుమారుడగు ఇష్బోషెతు సంబంధులైన పన్నిద్దరు మంది బెన్యామీనీయులును దావీదు సేవకులలో పన్నిద్దరు మందియును లేచి మధ్య నిలిచిరి.

ఈ ప్రతినిధుల మధ్య పోరాటం వారందరి మరణానికీ దారి తీసింది. అందువల్ల ఈ రెండు గుంపులమధ్య ఎలాంటి పరిష్కారమూ జరగలేదు.

16. ఒక్కొక్కడు తన దగ్గరనున్న వాని తల పట్టుకొని వాని ప్రక్కను కత్తిపొడవగా అందరు తటాలున పడిరి. అందువలన హెల్కత్హన్సూరీమని ఆ స్థలమునకు పేరు పెట్టబడెను. అది గిబియోనునకు సమీపము.

17. తరువాత ఆ దినమున ఘోరయుద్ధము జరుగగా అబ్నేరును ఇశ్రాయేలువారును దావీదు సేవకుల యెదుట నిలువలేక పారిపోయిరి.

“యుద్ధం”– రెండు సైన్యాల మధ్య జరిగింది.

18. సెరూయా ముగ్గురు కుమారులగు యోవాబును అబీషై యును అశాహేలును అచ్చట నుండిరి. అశాహేలు అడవిలేడియంత తేలికగా పరుగెత్తగలవాడు గనుక

“సెరూయా”– దావీదు అక్క.

19. అతడు కుడితట్టయినను ఎడమతట్టయినను తిరుగక అబ్నేరును తరుముచుండగా

20. అబ్నేరు వెనుకకు తిరిగినీవు అశా హేలువా అని అతనిని నడుగగా అతడు నేను అశా హేలునే యనెను.

21. నీవు కుడికైనను ఎడమకైనను తిరిగి ¸యౌవనస్థులలో ఒకని కలిసికొని వాని ఆయుధములను పట్టుకొమ్ము అని అబ్నేరు అతనితో చెప్పినను, అశాహేలు ఈ తట్టయినను ఆ తట్టయినను తిరుగక అతని తరుమగా

అశాహేలును గనుక తాను చంపితే మరింత సమస్య వస్తుందని అబ్నేరుకు తెలుసు. చివరికి అది అబ్నేరు చావుకు దారి తీసింది (2 సమూయేలు 3:27).

22. అబ్నేరునన్ను తరుముట మాని తొలగిపొమ్ము, నేను నిన్ను నేలకు కొట్టి చంపినయెడల నీ సహోదరుడగు యోవాబు ముందు నేనెట్లు తలనెత్తుకొనగల ననెను.

23. అతడునేను తొలగననగా, అబ్నేరు ఈటె మడమతో అతని కడుపులో పొడిచినందున యీటె అతని వెనుకకు వచ్చెను కనుక అతడు అచ్చటనే పడి చచ్చెను. అశాహేలు పడి చచ్చిన స్థలమునకు వచ్చినవారందరు నిలువబడిరి గాని

24. యోవాబును అబీషైయును అబ్నేరును తరుముచు గిబియోనను అరణ్యమార్గములోని గీహ యెదుటి అమ్మాయను కొండకు వచ్చిరి; అంతలో సూర్యుడు అస్త మించెను.

25. బెన్యామీనీయులు అబ్నేరుతో గుంపుగా కూడుకొని, ఒక కొండమీద నిలువగా

26. అబ్నేరు కేకవేసికత్తి చిరకాలము భక్షించునా? అది తుదకు ద్వేషమునకే హేతువగునని నీ వెరుగుదువుగదా; తమ సహోదరులను తరుమవద్దని నీ వెంతవరకు జనులకు ఆజ్ఞ ఇయ్యక యుందు వని యోవాబుతో అనెను.

గోత్రాల మధ్య అంతర్‌యుద్ధం రాకుండా చేయాలని అబ్నేరు ప్రయత్నం. యోవాబు కంటే ఇతనే శాంతిప్రియుడు. తమ మధ్య పరిష్కారం జరిగేందుకు తమ ప్రతినిధులు పోరాడాలని సూచించినది కూడా ఇతడే (వ 14). దావీదుతో శాంతి ప్రయత్నాలు జరిపినది కూడా ఇతడే (2 సమూయేలు 3:12). అయితే 8,9 వచనాల్లో ఇతడు చేసిన పనే ఈ సమస్యకు మూల కారణం.

27. అందుకు యోవాబుదేవుని జీవముతోడు జగడమునకు నీవు వారిని పిలువక యుండినయెడల జనులందరు తమ సహోదరులను తరుమక ఉదయముననే తిరిగి పోయియుందురని చెప్పి

28. బాకా ఊదగా జనులందరు నిలిచి, ఇశ్రాయేలువారిని తరుముటయు వారితో యుద్ధము చేయుటయు మానిరి.

29. అబ్నేరును అతనివారును ఆ రాత్రి అంత మైదానము గుండ ప్రయాణము చేసి యొర్దానునది దాటి బిత్రోను మార్గమున మహనయీమునకు వచ్చిరి.

“అరాబా”– అంటే ఇక్కడ అర్థం యొర్దాను లోయ.

30. యోవాబు అబ్నేరును తరుముట మాని తిరిగి వచ్చి జనులను సమకూర్చి లెక్కచూడగా దావీదు సేవకులలో అశాహేలు గాక పందొమ్మండుగురు లేకపోయిరి.

31. అయితే దావీదు సేవకులు బెన్యామీనీయులలోను అబ్నేరు జనులలోను మూడువందల అరువది మందిని హతము చేసిరి.

32. జనులు అశాహేలును ఎత్తికొనిపోయి బేత్లెహేములోనున్న అతని తండ్రి సమాధియందు పాతిపెట్టిరి. తరువాత యోవాబును అతనివారును రాత్రి అంతయు నడిచి తెల్లవారు సమయమున హెబ్రోనునకు వచ్చిరి.