1. దావీదునకు మరణకాలము సమీపింపగా అతడు తన కుమారుడైన సొలొమోనునకు ఈలాగు ఆజ్ఞ ఇచ్చెను

ద్వితీయోపదేశకాండము 31:1-8; యెహోషువ 23:1-16; 1 సమూయేలు 12:1-25 పోల్చి చూడండి.

2. లోకులందరు పోవలసిన మార్గమున నేను పోవుచున్నాను; కాబట్టి నీవు ధైర్యము తెచ్చుకొని నిబ్బరము గలిగి

“బలంగా”– ద్వితీయోపదేశకాండము 31:6 ద్వితీయోపదేశకాండము 31:23; యెహోషువ 1:6-7; యెహోషువ 23:4.

3. నీ దేవుడైన యెహోవా అప్పగించినదానిని కాపాడి,ఆయన మార్గముల ననుసరించిన యెడల నీవు ఏ పని పూనుకొనినను ఎక్కడ తిరిగినను అన్నిటిలో వివేకముగా నడుచుకొందువు. మోషే ధర్మశాస్త్రములో వ్రాయబడియున్న దేవుని కట్టడలను ఆయన నియమించిన ధర్మమంతటిని ఆయన న్యాయ విధులను శాసనములను గైకొనుము;

“విధానాలను”– ద్వితీయోపదేశకాండము 4:5-6; ద్వితీయోపదేశకాండము 10:12-13; ద్వితీయోపదేశకాండము 17:18-20; యెహోషువ 1:7.

4. అప్పుడునీ పిల్లలు తమ ప్రవర్తన విషయములో జాగ్రత్తగా నుండి నాయెదుట తమ పూర్ణహృద యముతోను పూర్ణమనస్సుతోను సత్యము ననుసరించి నడుచుకొనిన యెడల ఇశ్రాయేలీయుల రాజ్య సింహాసనము మీద ఆసీనుడగు ఒకడు నీకు ఉండక మానడని యెహోవా నన్ను గూర్చి ప్రమాణము చేసిన మాటను స్థిరపరచును.

“మాట”– 2 సమూయేలు 7:11-16. “హృదయపూర్వకంగా”– ద్వితీయోపదేశకాండము 4:29; ద్వితీయోపదేశకాండము 6:5; ద్వితీయోపదేశకాండము 10:12; ద్వితీయోపదేశకాండము 30:6. సొలొమోను, అతని తరువాత వచ్చిన చాలామంది రాజులు ఇది చెయ్యలేదు. చివరికి ఇస్రాయేల్ వారిపై ఆపద విరుచుకుపడింది. అయితే దావీదుకు ఇచ్చిన మాట మాత్రం రద్దు కాలేదు. దావీదు కుమారుడైన క్రీస్తు దాన్ని నెరవేరుస్తాడు.

5. అయితే సెరూయా కుమారుడైన యోవాబు నాకు చేసిన దానిని, ఇశ్రాయేలు సేనాధిపతులగు నేరు కుమారుడైన అబ్నేరు యెతెరు కుమారుడైన అమాశాయను వారిద్దరికి అతడు చేసినదానిని నీ వెరుగుదువు; అతడు వారిని చంపి యుద్ధసమయమందైనట్లుగా సమాధానకాలమందు రక్తము చిందించి దానిని తన నడికట్టుమీదను తన పాదరక్షల మీదను పడజేసెను.

“హత్య చేసిన”– 2 సమూయేలు 3:27-29; 2 సమూయేలు 20:4-10. 2 సమూయేలు 18:9-14 కూడా చూడండి. యోవాబు సమర్థుడైన సైన్యాధిపతే గాని కఠినుడు, రక్తపిపాసి. దావీదు అతడి పట్ల వ్యవహరించ వలసిన విధంగా వ్యవహరించలేకపోయాడు.

6. నీకు తోచినట్లు అతనికి చేయవచ్చును గాని అతని నెరసిన తలవెండ్రుకలను సమాధికి నెమ్మదిగా దిగనియ్యవద్దు.

చేయడానికి తనకు శక్తిలేని పనులు సొలొమోను చెయ్యాలని దావీదు చెప్తున్నాడు. యోవాబు బ్రతికి ఉంటే సొలొమోను పరిపాలనలో అస్తమానం ఇబ్బందులు తెచ్చిపెట్టే వాడవుతాడని దావీదుకు తెలుసు.

7. నేను నీ సహోదరుడైన అబ్షా లోము ముందరనుండి పారిపోగా, గిలాదీయుడైన బర్జిల్లయి కుమారులు నా సహాయమునకు వచ్చిరి, నీవు వారిమీద దయయుంచి నీ బల్లయొద్ద భోజనము చేయువారిలో వారిని చేర్చుము.

2 సమూయేలు 17:27-29; 2 సమూయేలు 19:31-38.

8. మరియు బెన్యామీనీయుడైన గెరా కుమారుడును బహూరీము ఊరి వాడునైన షిమీ నీయొద్ద నున్నాడు; నేను మహనయీమునకు వెళ్లుచుండగా అతడు నన్ను శపించెను. నన్ను ఎదుర్కొనుటకై అతడు యొర్దాను నదియొద్దకు దిగి రాగాయెహోవాతోడు కత్తి చేత నేను నిన్ను చంపనని ప్రమాణము చేసితిని.

“షిమీ”– 2 సమూయేలు 16:5-8; 2 సమూయేలు 19:18-23.

9. వానిని నిర్దోషిగా ఎంచవద్దు; నీవు సుబుద్ధిగలవాడవు గనుక వాని నేమి చేయవలెనో అది నీకు తెలియును; వాని నెరసిన తలవెండ్రుకలు రక్తముతో సమాధికి దిగజేయుము.

“శిక్షించకుండా ఉండకు”– షిమీని ఏ విధంగా చూచినా నిర్దోషిగా ఎంచలేము. నిర్గమకాండము 22:28 చూడండి. షిమీ కూడా కొత్త రాజుకు పక్కలో బల్లెంగా ఉండగలడని దావీదుకు తెలుసు. శాంతియుతమైన పరిపాలనకోసం యోవాబు, షిమీ లాంటివారిని ఆ రాజ్యంలో లేకుండా చెయ్యడమే మంచిదని దావీదు భావించాడు. కీర్తన 101 పై నోట్స్ చూడండి. లూకా 19:27 మొ।। పోల్చిచూడండి.

10. తరు వాత దావీదు తన పితరులతో కూడ నిద్రపొంది, దావీదు పట్టణమందు సమాధిలో పెట్టబడెను.
అపో. కార్యములు 2:29, అపో. కార్యములు 13:36

“కన్ను మూసి”– హీబ్రూ పదానికి “నిద్రపోయాడు” అని అర్థం. ఇది మరణం అని అర్థాన్ని ఇచ్చేమాట. దీన్ని పవిత్రాత్మ ఓ ప్రత్యేక ఉద్దేశంతో ఎన్నుకొన్నాడు. కొందరు భావించిన రీతిగా ఒక వ్యక్తి మరణం తరువాత కూడా ఉంటాడు అనే అర్థం ఈ మాటలో రావచ్చు. ఎందుకంటే నిద్రపోయినవారు తిరిగి లేస్తారు గదా (దానియేలు 12:2). “దావీదు నగరం”– 2 సమూయేలు 5:6-7; అపో. కార్యములు 2:29.

11. దావీదు ఇశ్రా యేలీయులను ఏలిన కాలము నలువది సంవత్సరములు, హెబ్రోనులో అతడు ఏడు సంవత్సరములును యెరూష లేములో ముప్పది మూడు సంవత్సరములును ఏలెను.

2 సమూయేలు 5:4-5. ఇతడి పరిపాలన దాదాపు క్రీ.పూ. 1010 నుంచి 970 వరకు ఉంది.

12. అప్పుడు సొలొమోను తన తండ్రియైన దావీదు సింహా సనముమీద ఆసీనుడాయెను. అతని రాజ్యము నిలుకడగా స్థిరపరచబడెను.

13. అంతలో హగ్గీతు కుమారుడైన అదో నీయా సొలొమోను తల్లియగు బత్షెబయొద్దకు రాగా ఆమె సమాధానముగా వచ్చుచున్నావా అని అతని నడిగెను. అతడు సమాధానముగానే వచ్చుచున్నానని చెప్పి

1 రాజులు 1:5. “శాంతంగా”– అదోనీయా శాంతి కాముకుడుగా తనను తాను కనపరచుకోలేదు. అందువల్ల అతడు రావడంలోని ఉద్దేశం గురించి బత్‌షెబ సందేహపడడంలో కారణం ఉంది.

14. నీతో చెప్పవలసిన మాటయొకటి యున్నదనెను. ఆమె అది చెప్పుమనగా

15. అతడు రాజ్యము నాదై యుండె ననియు, నేను ఏలవలెనని ఇశ్రాయేలీయులందరు తమ దృష్టి నా మీద ఉంచిరనియు నీవు ఎరుగుదువు; అయితే రాజ్యము నాది కాక నా సహోదరునిదాయెను; అది యెహోవావలన అతనికి ప్రాప్తమాయెను,

దావీదు బ్రతికున్న కొడుకుల్లో తాను పెద్దవాడు కాబట్టి రాజ్యం తనదౌతుందనుకున్నాడేమో. అయితే రాజ్యం దేవునిది. ఆయన దాన్ని అదోనీయాకు ఇవ్వలేదు.

16. ఇప్పుడు నేను నీతో ఒక మనవి చేసికొనుచున్నాను, కాదనకుము.

17. ఆమెచెప్పుమనగా అతడురాజగు సొలొమోను షూనే మీయురాలైన అబీషగును నాకు పెండ్లికిచ్చునట్లు దయచేసి అతనితో నీవు చెప్పవలెను, అతడు నీతో కాదనిచెప్ప డనెను.

“అబీషగు”– 1 రాజులు 1:3-4. ఈ కోరిక సామాన్యమైనదీ, ఏ కల్లాకపటమూ లేనిదీ కాదు. వ 22 చూడండి.

18. బత్షెబమంచిది, నిన్ను గూర్చి రాజుతో చెప్పెద ననెను.

19. బత్షెబ రాజైన సొలొమోనునొద్దకు అదోనీయా పక్షమున చెప్పుటకు వచ్చినప్పుడు, రాజులేచి ఆమెకు ఎదురుగా వచ్చి ఆమెకు నమస్కారము చేసి సింహాసనము మీద ఆసీనుడై తన తల్లికొరకు ఆసనము ఒకటి వేయింపగా, ఆమె అతని కుడిపార్శ్వమున కూర్చుండెను.

“కుడి ప్రక్కన”– గౌరవ స్థానం.

20. ఒక చిన్న మనవిచేయ గోరుచున్నాను; నా మాట త్రోసి వేయకుమని ఆమె చెప్పగా రాజునా తల్లీ చెప్పుము, నీ మాట త్రోసివేయననగా

21. ఆమెషూనేమీయురాలైన అబీషగును నీ సహోదరుడైన అదోనీయాకు పెండ్లి కిప్పింప వలెననెను.

22. అందుకు రాజైన సొలొమోనుషూనే మీయురాలైన అబీషగును మాత్రమే అదోనీయాకొరకు అడుగుట యేల? అతడు నా అన్న కాబట్టి అతనికొరకును, యాజకుడైన అబ్యాతారుకొరకును, సెరూయా కుమారు డైన యోవాబుకొరకును రాజ్యమును అడుగుమని తన తల్లితో చెప్పెను.

“అతడి కోసం రాజ్యాన్ని”– అబీషగును దావీదు భార్యగా ఎంచారన్నది స్పష్టం. ఆమెను అదోనీయా పెళ్ళాడగోరడమంటే సింహాసనం ఎక్కాలని కోరడంతో సమానం. 2 సమూయేలు 3:7; 2 సమూయేలు 12:8; 2 సమూయేలు 16:21 చూడండి.

23. మరియు రాజైన సొలొమోనుయెహోవా తోడు అదోనీయా పలికిన యీ మాటవలన అతని ప్రాణమునకు నష్టము రాకపోయినయెడల దేవుడు నాకు గొప్ప అపాయము కలుగజేయును గాక.

1 రాజులు 1:52 చూడండి. అదోనీయా రాజు దయకు తగినవాడు కాదని రుజువైంది.

24. నన్ను స్థిరపరచి, నా తండ్రి సింహాసనముమీద నన్ను ఆసీనునిగా చేసి, తన వాగ్దానము ప్రకారము నాకు కుటుంబము కలుగజేసిన యెహోవా జీవముతోడు, అదోనీయా యీ దినమున మరణమవునని చెప్పి

“చెప్పినట్టే”– 2 సమూయేలు 7:11-13; 1 దినవృత్తాంతములు 22:10.

25. యెహోయాదా కుమారు డైన బెనాయాను పంపగా ఇతడు అదోనీయా మీద పడినందున అతడు చనిపోయెను.

“బెనాయా”– 1 రాజులు 1:8.

26. తరువాత రాజు యాజకుడైన అబ్యాతారునకు సెలవిచ్చినదేమనగా అనా తోతులో నీకు కలిగిన పొలములకు వెళ్లుము; నీవు మరణ మునకు పాత్రుడవైతివి గాని నీవు నా తండ్రియైన దావీదు ముందర దేవుడైన యెహోవా మందసమును మోసి, నా తండ్రికి ప్రాప్తించిన శ్రమలన్నిటిలో శ్రమ పొందితివి గనుక ఈవేళ మరణశిక్ష నీకు విధింపను.

“అబ్యాతారు”– 1 రాజులు 1:7 1 రాజులు 1:25. ఇతడు కూడా అదోనీయాతో కలిసి, దేవుడు నియమించిన రాజుకూ దేవునికీ తిరుగుబాటు చేశాడు గనుక మరణానికి తగినవాడే. “కష్టాలన్నిట్లో”– 1 సమూయేలు 22:20-23; 1 సమూయేలు 23:6-9; 1 సమూయేలు 30:7; 2 సమూయేలు 17:15; 2 సమూయేలు 19:11.

27. తరువాత సొలొమోను అబ్యాతారును యెహోవాకు యాజకుడుగా ఉండకుండ తీసివేసెను, అందువలన యెహోవా ఏలీ కుటుంబికులను గూర్చి షిలోహులో ప్రమాణముచేసిన మాట నెరవేరెను.

1 సమూయేలు 2:27-36.

28. యోవాబు అబ్షా లోము పక్షము అవలంబింపక పోయినను అదోనీయాపక్షము అవలంబించి యుండెను గనుక ఈ వర్తమానములు అతనికి రాగా అతడు పారిపోయి యెహోవా గుడారమునకు వచ్చి బలిపీఠపు కొమ్ములను పట్టుకొనెను.

“పక్షం వహించాడు”– 1 రాజులు 1:7. “బలిపీఠం”– 1 రాజులు 1:50.

29. యోవాబు పారిపోయి యెహోవా గుడారమునకు వచ్చి బలిపీఠమునొద్ద నున్నాడను సంగతి రాజగు సొలొమోనునకు వినబడగా సొలొమోను యెహోయాదా కుమారుడైన బెనాయాను పిలిపించినీవు వెళ్లి వానిమీద పడుమని ఆజ్ఞ ఇచ్చినందున

“అతడి పైబడు”– యోవాబు తిరుగుబాటు, హత్యల విషయంలో దోషి. ధర్మశాస్త్రం ప్రకారం ఇవి మరణానికి తగిన నేరాలు. దేవుని ఆరాధనా స్థలంలో ఆశ్రయం పొందేహక్కు అతనికి లేదు. ఎవరినైనా బుద్ధిపూర్వకంగా కాక ప్రమాదవశాత్తూ చంపినవారికే ఇలాంటి శరణు స్థలాలు. నిర్గమకాండము 21:12-17 చూడండి. దోషులైనవారు ఎప్పుడైనా సరే మతం ముసుగులో ఆశ్రయాన్నీ, క్షేమాన్ని పొందాలని ప్రయత్నిస్తే దానిలో ప్రయోజనం లేదు. దేవుడు అలాంటివారిని శిక్షించక మానడు. యెహెఙ్కేలు 9:1-6 చూడండి. నిజంగా పశ్చాత్తాప పడి నమ్మకం ఉంచినవారికే దేవునిలో అభయం ఉంది.

30. బెనాయా యెహోవా గుడారమునకు వచ్చిరాజు నిన్ను బయటికి రమ్మని సెలవిచ్చెనని యోవా బుతో చెప్పెను. అతడు అదికాదు, నేనిక్కడనే చచ్చెద ననగా, బెనాయా తిరిగి రాజునొద్దకు వచ్చి యోవాబు తనతో చెప్పిన మాట రాజునకు తెలియజేసెను.

31. అందుకు రాజు ఇట్లనెను అతడు నీతో చెప్పినట్లుగా చేయుము; అతడు ధారపోసిన నిరపరాధుల రక్తమును నామట్టుకును నా తండ్రి కుటుంబికులమట్టుకును పరిహారము చేయుటకై అతని చంపి పాతిపెట్టుము.

“నామీద...తొలగించు”– ఇది చాలా ప్రాముఖ్యమైన విషయం. ఒక నాయకుడి దోషం జాతి అంతటికీ చుట్టుకొని గొప్ప ఇబ్బందులకు కారణం అవుతుంది. 2 సమూయేలు 21:1 పోల్చిచూడండి. యెహో 7వ అధ్యాయం కూడా చూడండి.

32. నేరు కుమారుడును ఇశ్రాయేలు వారి సమూహాధిపతియునైన అబ్నేరును, యెతెరు కుమారుడును యూదావారి సేనాధిపతియునైన అమాశాయును అను తన కంటె నీతిపరులును యోగ్యులు నగు ఈ ఇద్దరు మనుష్యులమీద పడి యోవాబు నా తండ్రియైన దావీదు ఎరుగకుండ కత్తిచేత వారిని చంపి వేసెను గనుక అతడు ధారపోసిన రక్తము యెహోవా అతని తలమీదికే రప్పించును.

“అతడి... వచ్చేలా”– ఆదికాండము 9:6; ద్వితీయోపదేశకాండము 32:40-41; న్యాయాధిపతులు 9:24 న్యాయాధిపతులు 9:57; 2 సమూయేలు 3:27 2 సమూయేలు 3:29 2 సమూయేలు 3:39; 2 సమూయేలు 20:9-10; కీర్తనల గ్రంథము 7:15-16; యిర్మియా 25:14; గలతియులకు 6:7.

33. మరియు వీరు ప్రాణ దోషమునకు యోవాబును అతని సంతతివారును సదాకాలము ఉత్తరవాదులు గాని, దావీదునకును అతని సంతతి కిని అతని కుటుంబికులకును అతని సింహాసనమునకును సమాధానము యెహోవావలన ఎన్నటెన్నటికిని కలిగి యుండును.

రాజ్యంనుంచి దోషమంతటినీ కడిగివేశాకే శాంతి వస్తుందని ఆశించవచ్చు.

34. కాబట్టి యెహోయాదా కుమారుడైన బెనాయా వచ్చి అతనిమీద పడి అతని చంపగా అతడు అరణ్యమందుండు తన యింటిలో పాతిపెట్టబడెను.

35. రాజు అతనికి బదులుగా యెహోయాదా కుమారుడైన బెనాయాను సేనాధిపతిగా నియమించెను. మరియు రాజు అబ్యాతారునకు బదులుగా యాజకుడైన సాదోకును నియ మించెను.

36. తరువాత రాజు షిమీని పిలువనంపించి అతనికి ఈ మాట సెలవిచ్చెను. నీవు యెరూషలేములో ఇల్లు కట్టించుకొని బయట ఎక్కడికైనను వెళ్లక అందులో కాపురముండుము.

వ 8.

37. నీవు ఏ దినమున బయలుదేరి కిద్రోను ఏరు వాగు దాటుదువో ఆ దినమున నీవు చచ్చుట నిశ్చయమని రూఢిగా తెలిసికొనుము, నీ ప్రాణమునకు నీవే ఉత్తరవాదివనగా

38. షిమీతమరు సెలవిచ్చినది మంచిదేను; నా యేలినవారైన రాజగు తమరు చెప్పిన ప్రకారము తమ సేవకుడనైన నేను చేసెదనని రాజుతో చెప్పెను. షిమీ యెరూషలేములో అనేక దినములు నివాసము చేయుచుండెను.

39. అయితే మూడు సంవత్సరము లైన తరు వాత షిమీయొక్క పనివారిలో ఇద్దరు పారిపోయి మయకా కుమారుడైన ఆకీషు అను గాతు రాజు నొద్దకు చేరిరి. అంతటనీవారు గాతులో ఉన్నారనిషిమీకి వర్తమానము కాగా

40. షిమీ లేచి గాడిదకు గంతకట్టి తన పనివారిని వెదకుటకై గాతులోని ఆకీషునొద్దకు పోయెను.ఈలాగున షిమీ పోయి గాతులోనుండి తన పని వారిని తీసికొనివచ్చెను.

41. షిమీ యెరూషలేములో నుండి గాతునకు పోయి వచ్చెనని సొలొమోనునకు వర్తమానము కాగా

42. రాజు షిమీని పిలువనంపించి అతనితో ఇట్లనెనునీవు ఏ దినమందు బయలుదేరి ఏ స్థలమునకైనను వెళ్లుదువో ఆ దినమున నీవు మరణమగుదువని నిశ్చయముగా తెలిసికొన వలెనని యెహోవా తోడని నేను నీకు ఖండితముగా ఆజ్ఞ ఇచ్చి నీ చేత ప్రమాణము చేయించితిని గదా? మరియు తమరు సెలవిచ్చినదే మంచిదని నీవు ఒప్పుకొంటివి;

43. కాబట్టి యెహోవాతోడని నీవు చేసిన ప్రమాణమును మేము నీకు ఆజ్ఞాపించిన ఆజ్ఞను నీవు గైకొనక పోతివేమి అని అడిగి

44. నీవు మా తండ్రియైన దావీదునకు చేసినట్టు నీ హృదయములో మెదులుచున్న కీడంతయు నీకు తెలి యును. నీవు చేసిన కీడు యెహోవా నీ తలమీదికే రప్పించును.

“కీడంతా”– 2 సమూయేలు 16:5-13. “నీ మీదికి రప్పిస్తున్నాడు”– వ 32.

45. అయితే రాజైన సొలొమోను ఆశీర్వాదము పొందును, దావీదు సింహా సనము యెహోవా సముఖమందు సదాకాలము స్థిరపరచబడునని షిమీతో చెప్పి

వ 32,33.

46. రాజు యెహోయాదా కుమారుడైన బెనాయాకు సెలవియ్యగా అతడు బయలుదేరి వానిమీద పడి వాని చంపెను. ఈ ప్రకారము రాజ్యము సొలొమోను వశమున స్థిరపరచబడెను.

అల్లరి కారణం కాగలిగిన ఇద్దరు వ్యక్తుల మరణాలు సొలొమోను అధికారం స్థిరపడేందుకు సహాయపడ్డాయి.