1. యూదారాజైన ఆహాజు ఏలుబడిలో పండ్రెండవసంవత్సరమందు ఏలా కుమారుడైన హోషేయ షోమ్రోనులో ఇశ్రాయేలును ఏలనారంభించి తొమ్మిది సంవత్సరములు ఏలెను.

2 రాజులు 15:30.

2. అతడు తన పూర్వికులైన ఇశ్రాయేలు రాజులు చెడుతనము చేసినంతమట్టుకు చేయకపోయినను, యెహోవా దృష్టికి చెడుతనమే జరిగించెను.

3. అతని మీదికి అష్షూరురాజైన షల్మనేసెరు యుద్ధమునకు రాగా హోషేయ అతనికి దాసుడై పన్ను ఇచ్చువాడాయెను.

2 రాజులు 18:9-12. తిగ్లత్ పిలేసరు తరువాత షల్మనేసెరు రాజ్యానికి వచ్చాడు (2 రాజులు 15:19 2 రాజులు 15:29).

4. అతడు ఐగుప్తురాజైన సోనొద్దకు దూతలను పంపి, పూర్వము తాను ఏటేట ఇచ్చుచు వచ్చినట్లు అష్షూరురాజునకు పన్ను ఇయ్యకపోగా, హోషేయ చేసిన కుట్ర అష్షూరు రాజు తెలిసికొని అతనికి సంకెళ్లు వేయించి బందీగృహములో ఉంచెను.

దేవుడు ఒక వ్యక్తిని గానీ, ప్రజను గానీ శిక్షకు అప్పగిస్తే దాన్ని తప్పించుకునేందుకు ఏ మానవ మాత్రుడూ వారికి సహాయం చెయ్యలేడు.

5. అష్షూరురాజు దేశమంతటిమీదికిని షోమ్రోనుమీదికిని వచ్చి మూడు సంవత్సరములు షోమ్రో నును ముట్టడించెను.

తరువాతి వచనాలు, స్పష్టం చేసినట్టు ఇస్రాయేల్‌వారి పాపానికి తప్పనిసరిగా పడవలసి శిక్షే ఆ చెర. లేవీయకాండము 23:33; ద్వితీయోపదేశకాండము 28:63-64 చూడండి. ద్వితీ 28వ అధ్యాయంలో విధేయత చూపని ప్రజపై ఆయన పలికిన శాపాలన్నీ వారి పైకి వచ్చాయి. దేవుడు తాను ఏం చేస్తానని చెప్పాడో అది తప్పక చేసి తీరుతాడు.

6. హోషేయ యేలుబడిలో తొమ్మిదవ సంవత్సరమందు అష్షూరురాజు షోమ్రోను పట్టణమును పట్టుకొని ఇశ్రాయేలువారిని అష్షూరు దేశములోనికి చెర గొనిపోయి. గోజానునది దగ్గరనున్న హాలహు హాబోరు అను స్థలములందును మాదీయుల పట్టణ ములలోను వారిని ఉంచెను.

7. ఎందుకనగా ఇశ్రాయేలీయులు ఐగుప్తుదేశ ములో నుండియు, ఐగుప్తురాజైన ఫరోయొక్క బలము క్రిందనుండియు, తమ్మును విడిపించిన తమ దేవుడైన యెహోవా దృష్టికి పాపముచేసి యితర దేవతలయందు భయభక్తులు నిలిపి

నిర్గమకాండము 20:1-5; యెహోషువ 23:16; న్యాయాధిపతులు 2:10; 1 రాజులు 12:28-33; 1 రాజులు 16:31-33; 2 రాజులు 16:3.

8. తమయెదుట నిలువకుండ యెహోవా వెళ్లగొట్టిన జనముల కట్టడలను, ఇశ్రాయేలురాజులు నిర్ణ యించిన కట్టడలను అనుసరించుచు ఉండిరి.

9. మరియు ఇశ్రాయేలువారు తమ దేవుడైన యెహోవా విషయములో కపటము గలిగి దుర్బోధలు బోధించుచు, అడవి గుడిసెల నివాసులును ప్రాకారములు గల పట్టణనివాసులును తమ స్థలములన్నిటిలో బలిపీఠములను కట్టుకొని

2 రాజులు 16:3-4; 1 రాజులు 3:2; 1 రాజులు 15:14.

10. యెత్తయిన కొండలన్నిటిమీదనేమి, సకలమైన పచ్చని వృక్షముల క్రిందనేమి, అంతటను విగ్రహములను నిలువబెట్టి దేవతా స్తంభములను నిలిపి

నిర్గమకాండము 34:12-13; 1 రాజులు 14:15 1 రాజులు 14:23.

11. తమ యెదుట నిలువకుండ యెహోవా వెళ్లగొట్టిన జనులవాడుక చొప్పున ఉన్నతస్థలములలో ధూపము వేయుచు, చెడుతనము జరిగించుచు, యెహోవాకు కోపము పుట్టించి

12. చేయకూడదని వేటినిగూర్చి యెహోవా తమ కాజ్ఞాపించెనో వాటిని చేసి పూజించు చుండిరి.

నిర్గమకాండము 20:3-5; నిర్గమకాండము 23:13; లేవీయకాండము 26:1.

13. అయిననుమీ దుర్మార్గములను విడిచిపెట్టి, నేను మీ పితరులకు ఆజ్ఞాపించినట్టియు, నా సేవకులగు ప్రవక్తలద్వారా మీకప్పగించినట్టియు ధర్మశాస్త్రమునుబట్టి నా ఆజ్ఞలను కట్టడలను ఆచరించుడని సెలవిచ్చి, ప్రవక్త లందరిద్వారాను దీర్ఘదర్శులద్వారాను యెహోవా ఇశ్రా యేలువారికిని యూదావారికిని సాక్ష్యము పలికించినను,

“దీర్ఘదర్శులు”– ఇస్రాయేల్‌వారు చెడిపోయిన కాలంలో దేవుడు చరిత్రలోని దేవుని మనుషులందరిలోకీ కొందరు గొప్పవారిని పంపించాడు – ఏలీయా, ఎలీషా, యెషయా, హోషేయ, ఆమోసు, ఇంకా అంతగా ప్రసిద్ధులు కాని ఇతర ప్రవక్తలు. తమ ప్రజల్ని హెచ్చరించడానికీ, మందలించడానికీ వారిద్వారా అనేక సార్లు మాట్లాడాడు. అయితే లాభం లేకపోయింది.

14. వారు విననివారై తమ దేవుడైన యెహోవా దృష్టికి విశ్వాసఘాతుకులైన తమ పితరులు ముష్కరులైనట్లు తామును ముష్కరులైరి.

నిర్గమకాండము 32:9; నిర్గమకాండము 33:3; ద్వితీయోపదేశకాండము 9:23-24; కీర్తనల గ్రంథము 78:22; కీర్తనల గ్రంథము 106:24; సామెతలు 29:1; అపో. కార్యములు 7:51.

15. వారు ఆయన కట్టడలను, తమ పితరులతో ఆయన చేసిన నిబంధనను, ఆయన తమకు నిర్ణ యించిన ధర్మశాస్త్రమును విసర్జించి వ్యర్థమైనదాని అనుస రించుచు, వ్యర్థులైవారి వాడుకలచొప్పున మీరు చేయ కూడదని యెహోవా తమకు సెలవిచ్చిన తమ చుట్టునున్న ఆ జనుల మర్యాదల ననుసరించి వారివంటివారైరి.

“ఒడంబడిక”– నిర్గమకాండము 19:5-6; నిర్గమకాండము 24:6-8. “పనికిమాలిన”– కీర్తనల గ్రంథము 115:8 చూడండి. “జనాల”– ద్వితీయోపదేశకాండము 12:29-32. యథార్థమైన ప్రవర్తన అని దేవుడు తన వాక్కులో ఏమైతే రాయించాడో అందుకు కేవలం వ్యతిరేకంగా వారు ప్రవర్తించారు

16. వారు తమ దేవుడైన యెహోవా ఆజ్ఞలన్నిటిని యనుసరింపక పోత విగ్రహములైన రెండు దూడలను చేసి దేవతాస్తంభ ములను నిలిపి ఆకాశసమూహమునకు నమస్కరించి బయలు దేవతను పూజించిరి.

ద్వితీయోపదేశకాండము 4:15-19; 1 రాజులు 12:28; 1 రాజులు 14:15-23; 1 రాజులు 16:31. “అషేరాదేవి స్తంభాలు”– న్యాయాధిపతులు 3:7 నోట్. “నక్షత్రాల సమూహాన్ని”– ఇది మరణానికి తగిన పాపం అని దేవుడు చెప్పాడు (ద్వితీయోపదేశకాండము 17:2-5).

17. మరియు తమ కుమారులను కుమార్తె లను అగ్నిగుండమును దాటించి శకునమును చిల్లంగితనమును వాడుక చేసికొని యెహోవా దృష్టికి చెడుతనము చేయుటకై తమ్మును తాము అమ్ముకొని, ఆయనకు కోపము పుట్టిం చిరి.

లేవీయకాండము 19:26; ద్వితీయోపదేశకాండము 18:10-12; 1 రాజులు 21:22. “మంటల ద్వారా”– 2 రాజులు 16:3 నోట్.

18. కాబట్టి యెహోవా ఇశ్రాయేలువారియందు బహుగా కోపగించి, తన సముఖములోనుండి వారిని వెళ్ల గొట్టెను గనుక యూదాగోత్రము గాక మరి యేగోత్రమును శేషించి యుండలేదు.

“ఆగ్రహపడి”– దేవుని కోపం గురించి నోట్స్ సంఖ్యాకాండము 25:3; కీర్తనల గ్రంథము 90:7-11 మొ।।. “సముఖంలో”– దేవుని దేశంనుంచి దేశాంతరం పంపేశాడు. “యూదా”– 1 రాజులు 11:31-32.

19. అయితే యూదావారును తమ దేవుడైన యెహోవా ఆజ్ఞలను విడిచిపెట్టినవారై ఇశ్రాయేలువారు చేసికొనిన కట్టడలను అనుసరించిరి.

2 రాజులు 10:3; 1 రాజులు 14:22-23. ఇస్రాయేల్ ఉత్తర రాజ్య పతనం యూదాకు ఒక హెచ్చరికగా ఉండవలసింది. అయితే ఇది వారు నేర్చుకోలేదు. ఇస్రాయేల్‌కన్న నీచులైపోయారు (యిర్మియా 3:6-11; యెహెఙ్కేలు 16:51-52), అదే శిక్షకు గురై చెరలోకి పోయారు. బైబిలు చరిత్రనుంచి మనం గుణపాఠాలు నేర్చుకుంటున్నామా? రోమీయులకు 15:4; 1 కోరింథీయులకు 10:1-12 చూడండి. ఆ నాటి పాపులు, తిరుగుబాటుదారులు అయిన మొండి జనం కంటే స్వభావరీత్యా మనం మంచివారమని అనుకుంటే గనుక పెద్ద పొరపాటు చేస్తున్నామన్న మాట (రోమీయులకు 3:9 చూడండి). 7-17 వచనాలు మానవ హృదయం ఎలాంటిదో వెల్లడి చేస్తున్నాయి. క్రొత్త ఒడంబడిక మాటల్లో చెప్పాలంటే (గలతియులకు 5:16-21) ఇక్కడ వర్ణించిన మనుషులు శరీర స్వభావాన్ని అనుసరించినవారు. అప్పటిలాగా ఇప్పుడు కూడా శరీర స్వభావంపై విజయం సాధించి బ్రతకడం దేవుణ్ణి తెలుసుకోవడం ద్వారా, ప్రేమించడం ద్వారా, ఆయన ఆత్మశక్తిలో నడుచుకోవడం ద్వారా మాత్రమే సాధ్యం (రోమీయులకు 8:3-4; గలతియులకు 5:16).

20. అంతట యెహోవా ఇశ్రాయేలువారి సంతతివారినందరిని విసర్జించి, వారిని శ్రమపెట్టి దోపుడుగాండ్ల చేతికప్పగించి, వారిని తన సముఖమునుండి వెళ్లగొట్టెను.

2 రాజులు 10:32-33; 2 రాజులు 13:3 2 రాజులు 13:20; 2 రాజులు 15:29; 2 రాజులు 24:2; న్యాయాధిపతులు 2:14.

21. ఆయన ఇశ్రా యేలు గోత్రములను దావీదు ఇంటివారిలోనుండి విడగొట్టి వేయగా వారు నెబాతు కుమారుడైన యరొబామును రాజుగా చేసికొనిరి. ఈ యరొబాము ఇశ్రాయేలువారు యెహోవాను అనుసరింపకుండ ఆయనమీద వారిని తిరుగ బడచేసి, వారు ఘోరపాపము చేయుటకు కారకు డాయెను.

1 రాజులు 11:11 1 రాజులు 11:31; 1 రాజులు 12:20 1 రాజులు 12:28-33.

22. ఇశ్రాయేలువారు యరొబాము చేసిన పాప ములలో దేనిని విడువక వాటి ననుసరించుచు వచ్చిరి గనుక

23. తన సేవకులైన ప్రవక్తలద్వారా యెహోవా సెల విచ్చిన మాటచొప్పున, ఆయన ఇశ్రాయేలువారిని తన సముఖములోనుండి వెళ్లగొట్టెను. ఆ హేతువుచేత వారు తమ స్వదేశములోనుండి అష్షూరు దేశ ములోనికి చెరగొని పోబడిరి; నేటివరకు వారచ్చట ఉన్నారు.

వ 13; 1 రాజులు 14:14-16; హోషేయ 10:1-7; హోషేయ 11:5; ఆమోసు 5:27. క్రొత్త ఒడంబడికలో కనిపించే సమరయవారి పుట్టుపూర్వోత్తరాలు ఇవి (లూకా 9:52; లూకా 10:33; యోహాను 4:9 యోహాను 4:39; అపో. కార్యములు 8:5-9).

24. అష్షూరురాజు బబులోను, కూతా, అవ్వా, హమాతు, సెపర్వయీము అను తన దేశములలోనుండి జనులనురప్పించి, ఇశ్రాయేలువారికి మారుగా షోమ్రోను పట్టణములలో ఉంచెను గనుక వారు షోమ్రోను దేశమును స్వంతంత్రించు కొని దాని పట్టణములలో కాపురము చేసిరి.

25. అయితే వారు కాపురముండ నారంభించినప్పుడు యెహోవా యందు భయభక్తులు లేనివారు గనుక యెహోవా వారి మధ్యకు సింహములను పంపెను, అవి వారిలో కొందరిని చంపెను.

ఆ దేశం యెహోవాదేవునికి చెందినది. ఆయన దాన్ని ఇస్రాయేల్ ప్రజలకు ఇచ్చాడు. ఈ విగ్రహపూజ చేసే విదేశీయులకు ఇక్కడ నివసించే హక్కు లేదు. యెహోవా దేవుడన్న సంగతిని వారు ఒప్పుకోకుండా ఉంటున్నప్పుడు దానికి తగిన శిక్షకు వారు గురయ్యారు.

26. తమరు పట్టుకొనిన షోమ్రోను పట్టణములలో తాముంచిన జనులకు ఆ దేశపు దేవుని మర్యాద తెలియ కున్నది గనుక ఆయన సింహములను పంపించెను. ఇశ్రా యేలు దేవుని మర్యాద వారికి తెలియనందున సింహములు వారిని చంపుచున్నవని వారు అష్షూరురాజుతో మనవి చేయగా

27. అష్షూరు రాజు అచ్చటనుండి తేబడిన యాజకు లలో ఒకనిని అచ్చటికి మీరు తోడుకొనిపోవుడి; అతడు అచ్చటికి పోయి కాపురముండి ఆ దేశపు దేవుని మర్యాదను వారికి నేర్పవలెనని ఆజ్ఞాపించెను.

28. కాగా షోమ్రో నులోనుండి వారు పట్టుకొని వచ్చిన యాజకులలో ఒకడు వచ్చి బేతేలు ఊరిలో కాపురముండి, యెహోవాయందు భయభక్తులుగా ఉండతగిన మర్యాదను వారికి బోధించెను గాని

“బేతేల్”– 1 రాజులు 12:29 1 రాజులు 12:32. యరొబాం స్థాపించిన భ్రష్టమత వ్యవస్థకు బేతేల్ ఒక కేంద్రం.

29. కొందరు జనులు తమ సొంత దేవతలను పెట్టుకొని షోమ్రోనీయులు కట్టుకొనిన ఉన్నతస్థలముల మందిరములలో వాటిని ఉంచుచువచ్చిరి; మరియు వారు తమ తమ పురములలో తమకు దేవతలను కలుగజేసికొనిరి.

“ఎత్తయిన స్థలాలు”– 1 రాజులు 12:31; 1 రాజులు 13:33.

30. బబులోనువారు సుక్కోత్బెనోతు దేవతను, కూతావారునెర్గలు దేవతను, హమాతువారు అషీమా దేవతను,

31. ఆవీయులు నిబ్హజు దేవతను తర్తాకు దేవతను, ఎవరు వారి దేవతను పెట్టు కొనుచుండిరి. సెపర్వీయులు తమ పిల్లలను ఆద్రమ్మె లెకు అనెమ్మెలెకు అను సెపర్వయీముయొక్క దేవతలకు అగ్నిగుండమందు దహించుచుండిరి.

32. మరియు జనులు యెహోవాకు భయపడి, ఉన్నత స్థలములనిమిత్తము సామాన్యులలో కొందరిని యాజకులను చేసికొనగా వారు జనులపక్షమున ఉన్నతస్థలములలో కట్టబడిన మందిరములయందు బలులు అర్పించుచుండిరి.

వ 41. దేవుళ్ళందరూ, మతాలన్నీ మంచివే అనుకున్నారు వాళ్ళు. యెహోవాను చులకన చెయ్యకూడదు అనుకున్నారు. అలా చేస్తే ప్రమాదమనీ తెలుసుకున్నారు (వ 25). అయితే ఆయనొక్కణ్ణే పూజించాలనుకోలేదు. తమ గుడ్డితనంలో అసలు అలా చెయ్యవలసిన అవసరం కూడా వారికి కనిపించలేదు. 1 రాజులు 18:21; మత్తయి 4:10; మత్తయి 6:24 పోల్చిచూడండి. నిజ దేవుడు తనతోబాటు ఇతర దేవుళ్ళను కలిపి ఎవరైనా పూజించదలచుకుంటే దాన్ని అంగీకరించడు (వ 35-39). నిర్గమకాండము 20:1-6; యిర్మియా 7:1-11; 2 కోరింథీయులకు 6:14-18 చూడండి. అయితే ఈ సత్యం మనుషులకు అంత త్వరగా తలకెక్కదు. అన్ని కాలాల్లోనూ, మన కాలంలో కూడా, అన్ని మతాలూ దైవ సంబంధమైనవీ అన్నిటిని కలగలిపితే అది మంచిదీ అనే అబద్ధం మనుషులు అనేకమందికి అంగీకారంగా ఉంది.

33. ఈ ప్రకారముగా వారు యెహోవాయందు భయభక్తులుగలవారైయుండి, తాము ఏ జనులలోనుండి పట్టబడిరో ఆయా జనుల మర్యాద చొప్పున తమ దేవతలను పూజించుచుండిరి.

34. నేటి వరకు తమ పూర్వమర్యాదల ప్రకారము వారు చేయుచున్నారు; యెహోవాయందు భయభక్తులు పూనక వారితో నిబంధనచేసి మీరు ఇతర దేవతలకు భయపడ కయు, వాటికి నమస్కరింపకయు, పూజ చేయకయు, బలులు అర్పింపకయు,

35. మహాధికారము చూపి బాహు బలముచేత ఐగుప్తు దేశములోనుండి మిమ్మును రప్పించిన యెహోవాయందు భయభక్తులు కలిగి ఆయనకు మాత్రమే నమస్కారముచేసి బలులు అర్పింపవలెనని ఇశ్రాయేలని పేరుపెట్టబడిన యాకోబు సంతతివారికి సెలవిచ్చిన దేవుని సేవింపకయు

నిర్గమకాండము 20:2-6 నిర్గమకాండము 20:23; ద్వితీయోపదేశకాండము 4:23; ద్వితీయోపదేశకాండము 5:32-33; ద్వితీయోపదేశకాండము 6:12-13; ద్వితీయోపదేశకాండము 10:20; ద్వితీయోపదేశకాండము 22:20.

36. ఆయన ఆజ్ఞాపించిన కట్టడలను గాని విధు లను గాని ధర్మశాస్త్రమును గాని ధర్మమందు దేనిని గాని అనుసరింపకయు ఉన్నారు.

37. మరియుఇతర దేవతలను పూజింపక మీరు బ్రదుకు దినములన్నియు మోషే మీకు వ్రాసియిచ్చిన కట్టడలను విధులను, అనగా ధర్మశాస్త్రము ధర్మమంతటిని గైకొనవలెను.

38. నేను మీతో చేసిన నిబంధనను మరువకయు ఇతర దేవతలను పూజింపకయు ఉండవలెను.

39. మీ దేవుడైన యెహోవాయందు భయభక్తులు గలవారై యుండిన యెడల ఆయన మీ శత్రువుల చేతిలోనుండి మిమ్మును విడిపించునని ఆయన సెలవిచ్చినను

నిర్గమకాండము 23:23; ద్వితీయోపదేశకాండము 20:1-4; ద్వితీయోపదేశకాండము 23:14.

40. వారు ఆయన మాటవినక తమ పూర్వపు మర్యాదచొప్పుననే జరిగించుచు వచ్చిరి.

41. ఆ ప్రజలు ఆలాగున యెహోవాయందు భయ భక్తులు గలవారైనను తాము పెట్టుకొనిన విగ్రహములను పూజించుచు వచ్చిరి. మరియు తమ పితరులు చేసినట్లు వారి యింటివారును వారి సంతతివారును నేటివరకు చేయుచున్నారు.