1. అంతట ఏడవ సంవత్సరమందు యెహోయాదా ధైర్యము తెచ్చుకొని, శతాధిపతులతోను యెరోహాము కుమారుడైన అజర్యాతోను యెహోహానాను కుమారుడైన ఇష్మాయేలుతోను ఓబేదు కుమారుడైన అజర్యాతోను అదాయాకుమారుడైన మయశేయాతోను జిఖ్రీ కుమారుడైన ఎలీషాపాతుతోను నిబంధనచేయగా

1. anthata edava samvatsaramandu yehoyaadaa dhairyamu techukoni, shathaadhipathulathoonu yerohaamu kumaarudaina ajaryaathoonu yehohaanaanu kumaarudaina ishmaayeluthoonu obedu kumaarudaina ajaryaathoonu adaayaakumaarudaina mayasheyaathoonu jikhree kumaarudaina eleeshaapaathuthoonu nibandhanacheyagaa

2. వారు యూదా దేశమందంతటను సంచరించి, యూదావారి పట్టణము లన్నిటిలోనుండి లేవీయులను ఇశ్రాయేలీయుల పితరుల యిండ్ల పెద్దలను సమకూర్చి యెరూషలేమునకు తోడుకొని వచ్చిరి.

2. vaaru yoodhaa dheshamandanthatanu sancharinchi, yoodhaavaari pattanamu lannitilonundi leveeyulanu ishraayeleeyula pitharula yindla peddalanu samakoorchi yerooshalemunaku thoodukoni vachiri.

3. జనులందరు సమాజముగా కూడి దేవుని మందిరములో రాజుతో నిబంధన చేసికొనినప్పుడు అతడు వారితో ఇట్లనెను - యెహోవా దావీదు కుమారులను గూర్చి యిచ్చిన సెలవుచొప్పున రాజకుమారుడు రాజ్య మేలవలెను.

3. janulandaru samaajamugaa koodi dhevuni mandiramulo raajuthoo nibandhana chesikoninappudu athadu vaarithoo itlanenu--yehovaa daaveedu kumaarulanu goorchi yichina selavuchoppuna raajakumaarudu raajya melavalenu.

4. కాబట్టి మీరు చేయవలసిన దేమనగా, మీలో యాజకులైనవారేమి లేవీయులైనవారేమి విశ్రాంతి దినమున లోపల ప్రవేశించువారు మూడు భాగములై, యొక భాగము ద్వారపాలకులుగా ఉండవలెను.

4. kaabatti meeru cheyavalasina dhemanagaa, meelo yaajakulainavaaremi leveeyulainavaaremi vishraanthi dinamuna lopala praveshinchuvaaru moodu bhaagamulai, yoka bhaagamu dvaarapaalakulugaa undavalenu.

5. ఒక భాగము రాజనగరునొద్ద ఉండవలెను. ఒక భాగము పునాది గుమ్మము నొద్ద ఉండవలెను, జనులందరు యెహోవా మందిరపు ఆవరణములలో ఉండవలెను.

5. oka bhaagamu raajanagarunoddha undavalenu. Oka bhaagamu punaadhi gummamu noddha undavalenu, janulandaru yehovaa mandirapu aavaranamulalo undavalenu.

6. యాజకులును లేవీయులలో పరిచారము చేయువారును తప్ప యెహోవా మందిరము లోపలికి మరి ఎవరును రాకూడదు, వారు ప్రతిష్ఠింపబడిన వారు గనుక వారు లోపలికి రావచ్చునుగాని జనులందరు యెహోవా ఇచ్చిన ఆజ్ఞచొప్పున బయట ఉండవలెను.

6. yaajakulunu leveeyulalo parichaaramu cheyuvaarunu thappa yehovaa mandiramu lopaliki mari evarunu raakoodadu, vaaru prathishthimpabadina vaaru ganuka vaaru lopaliki raavachunugaani janulandaru yehovaa ichina aagnachoppuna bayata undavalenu.

7. లేవీయులందరు తమ తమ ఆయుధములను చేతపట్టుకొని రాజుచుట్టును ఉండవలెను, మందిరము లోపలికి మరి ఎవరైనను వచ్చినయెడల ఆ వచ్చినవారికి మరణశిక్ష విధించుడి; రాజు లోపలికి వచ్చినప్పుడేమి బయటికి వెళ్లు నప్పుడేమి మీరు అతనితోకూడ ఉండవలెను.

7. leveeyulandaru thama thama aayudhamulanu chethapattukoni raajuchuttunu undavalenu, mandiramu lopaliki mari evarainanu vachinayedala aa vachinavaariki maranashiksha vidhinchudi; raaju lopaliki vachinappudemi bayatiki vellu nappudemi meeru athanithookooda undavalenu.

8. కాబట్టి లేవీయులును యూదావారందరును యాజకుడైన యెహో యాదా ఆజ్ఞ యంతటి ప్రకారము చేసిరి; యాజకుడైన యెహోయాదా వంతులవారికి సెలవియ్యలేదు గనుక ప్రతి వాడు విశ్రాంతిదినమున బయటికి వెళ్ల వలసిన తనవారిని ఆ దినమున లోపలికి రావలసిన తనవారిని తీసికొనివచ్చెను.

8. kaabatti leveeyulunu yoodhaavaarandarunu yaajakudaina yeho yaadaa aagna yanthati prakaaramu chesiri; yaajakudaina yehoyaadaa vanthulavaariki selaviyyaledu ganuka prathi vaadu vishraanthidinamuna bayatiki vella valasina thanavaarini aa dinamuna lopaliki raavalasina thanavaarini theesikonivacchenu.

9. మరియు యాజకుడైన యెహోయాదా దేవుని మందిర మందు రాజైన దావీదు ఉంచిన బల్లెములను కేడెములను డాళ్లను శతాధిపతులకు అప్పగించెను.

9. mariyu yaajakudaina yehoyaadaa dhevuni mandira mandu raajaina daaveedu unchina ballemulanu kedemulanu daallanu shathaadhipathulaku appaginchenu.

10. అతడు ఆయుధము చేత పట్టుకొనిన జనులందరిని మందిరపు కుడివైపునుండి యెడమవైపువరకు బలిపీఠము ప్రక్కను మందిరముప్రక్కను రాజుచుట్టును ఉంచెను.

10. athadu aayudhamu chetha pattukonina janulandarini mandirapu kudivaipunundi yedamavaipuvaraku balipeethamu prakkanu mandiramuprakkanu raajuchuttunu unchenu.

11. అప్పుడు వారు రాజకుమారుని బయటికి తోడుకొని వచ్చి, అతనిమీద కిరీటముంచి, ధర్మ శాస్త్ర గ్రంథమును అతని చేతికిచ్చి అతనికి పట్టాభిషేకము చేసిరి; యెహోయాదాయును అతని కుమారులును అతనిని అభిషేకించిరాజు చిరంజీవియగునుగాక యనిరి.

11. appudu vaaru raajakumaaruni bayatiki thoodukoni vachi, athanimeeda kireetamunchi, dharma shaastra granthamunu athani chethikichi athaniki pattaabhishekamu chesiri; yehoyaadaayunu athani kumaarulunu athanini abhishekinchiraaju chiranjeeviyagunugaaka yaniri.

12. పరుగులెత్తుచు రాజును కొనియాడుచు ఉన్న జనులు చేయు ధ్వని అతల్యా విని యెహోవా మందిరమందున్న జనులయొద్దకు వచ్చి

12. paruguletthuchu raajunu koniyaaduchu unna janulu cheyu dhvani athalyaa vini yehovaa mandiramandunna janulayoddhaku vachi

13. ప్రవేశస్థలముదగ్గర నున్న అతనికి ఏర్పాటైన స్తంభమునొద్ద రాజు నిలువబడియుండుటయు, అధిపతులును బూరలు ఊదువారును రాజునొద్దనుండుటయు, దేశపు జనులందరును సంతోషించుచు బూరలతో నాదములు చేయుచుండుటయు, గాయకులును వాద్యములతో స్తుతిపాటలు పాడుచుండుటయు చూచి వస్త్రములు చింపుకొనిద్రోహము ద్రోహమని అరచెను.

13. praveshasthalamudaggara nunna athaniki erpaataina sthambhamunoddha raaju niluvabadiyundutayu, adhipathulunu booralu ooduvaarunu raajunoddhanundutayu, dheshapu janulandarunu santhooshinchuchu booralathoo naadamulu cheyuchundutayu, gaayakulunu vaadyamulathoo sthuthipaatalu paaduchundutayu chuchi vastramulu chimpukonidrohamu drohamani arachenu.

14. అప్పుడు యాజకుడైన యెహోయాదాయెహోవా మందిరములో ఆమెను చంపవలదు, ఆమెను పంక్తుల అవతలకు వెళ్లవేసి ఆమె పక్షము పూనువారిని కత్తిచేత చంపుడని సైన్యముమీదనున్న శతాధిపతులకు ఆజ్ఞ ఇచ్చెను.

14. appudu yaajakudaina yehoyaadaayehovaa mandiramulo aamenu champavaladu, aamenu pankthula avathalaku vellavesi aame pakshamu poonuvaarini katthichetha champudani sainyamumeedanunna shathaadhipathulaku aagna icchenu.

15. కాబట్టి వారు ఆమెకు దారియిచ్చి, రాజనగరునొద్దనున్న గుఱ్ఱపు గుమ్మముయొక్క ప్రవేశస్థలమునకు ఆమె వచ్చి నప్పుడు వారు ఆమెను అక్కడ చంపివేసిరి.

15. kaabatti vaaru aameku daariyichi, raajanagarunoddhanunna gurrapu gummamuyokka praveshasthalamunaku aame vachi nappudu vaaru aamenu akkada champivesiri.

16. అప్పుడు యెహోయాదా జనులందరు యెహోవావారై యుండవలెనని జనులందరితోను రాజుతోను నిబంధనచేసెను.

16. appudu yehoyaadaa janulandaru yehovaavaarai yundavalenani janulandarithoonu raajuthoonu nibandhanachesenu.

17. అంతట జనులందరును బయలు దేవతయొక్క గుడికి పోయి దాని పడగొట్టి, బలిపీఠములను విగ్రహములను తుత్తునియలుగా విరుగగొట్టి, బయలు యాజకుడైన మత్తానును బలిపీఠముల ముందర చంపిరి.

17. anthata janulandarunu bayalu dhevathayokka gudiki poyi daani padagotti, balipeethamulanu vigrahamulanu thutthuniyalugaa virugagotti, bayalu yaajakudaina matthaanunu balipeethamula mundhara champiri.

18. మరియు మోషే యిచ్చిన ధర్మశాస్త్ర మందు వ్రాయబడినదానినిబట్టి ఉత్సాహముతోను గానముతోను యెహోవాకు అర్పింపవలసిన దహనబలులను దావీదు నియమించిన ప్రకారముగా అర్పించునట్లు, లేవీయులైన యాజకుల చేతిక్రింద నుండునట్టియు, యెహోవా మందిర మందు దావీదు పనులు పంచివేసినట్టియునైన యెహోవా మందిరపు కావలివారికి యెహోయాదా నిర్ణయించెను.

18. mariyu moshe yichina dharmashaastra mandu vraayabadinadaaninibatti utsaahamuthoonu gaanamuthoonu yehovaaku arpimpavalasina dahanabalulanu daaveedu niyaminchina prakaaramugaa arpinchunatlu, leveeyulaina yaajakula chethikrinda nundunattiyu, yehovaa mandira mandu daaveedu panulu panchivesinattiyunaina yehovaa mandirapu kaavalivaariki yehoyaadaa nirnayinchenu.

19. యెహోవా మందిరములోనికి దేనిచేతనైనను అంటుతగిలిన వారు ప్రవేశింపకుండునట్లు అతడు ద్వారములయొద్ద ద్వార పాలకులను ఉంచెను.

19. yehovaa mandiramuloniki dhenichethanainanu antuthagilina vaaru praveshimpakundunatlu athadu dvaaramulayoddha dvaara paalakulanu unchenu.

20. మరియు అతడు శతాధిపతులను ప్రధానులను జనుల అధికారులను దేశపు జనులనందరిని వెంటబెట్టుకొని యెహోవా మందిరములోనుండి రాజును తోడుకొని వచ్చెను; వారు ఎత్తయిన ద్వారముగుండ రాజనగరుచొచ్చి రాజ్యసింహాసనముమీద రాజును ఆసీనుని చేయగా

20. mariyu athadu shathaadhipathulanu pradhaanulanu janula adhikaarulanu dheshapu janulanandarini ventabettukoni yehovaa mandiramulonundi raajunu thoodukoni vacchenu; vaaru etthayina dvaaramugunda raajanagarucochi raajyasinhaasanamumeeda raajunu aaseenuni cheyagaa

21. దేశజనులందరు సంతోషించిరి. వారు అతల్యాను చంపిన తరువాత పట్టణము నెమ్మదిగా ఉండెను.

21. dheshajanulandaru santhooshinchiri. Vaaru athalyaanu champina tharuvaatha pattanamu nemmadhigaa undenu.