1. రాజైన అహష్వేరోషు రాజ్యమును సముద్రద్వీపములును పన్ను చెల్లింప నిర్ణయించెను.

అహష్‌వేరోషు చాలా బలం, సంపదలుగల చక్రవర్తి. తన తండ్రిపై తిరగబడిన ఈజిప్ట్ రాజ్యాన్ని ఓడించి లొంగదీసుకున్నాడు. నాలుగేళ్ళు అన్ని ఏర్పాట్లూ చేసుకుని గొప్ప నౌకా బలంతో గ్రీసు దేశంపై దాడి చేశాడు. గాని క్రీ.పూ. 480–479లో ఓడిపోయి వెనుదిరగవలసివచ్చింది. క్రీ.పూ. 466లో దాదాపు 20 సంవత్సరాలు పరిపాలించిన తరువాత ఇద్దరు రాజోద్యోగుల చేత హత్య గావించబడ్డాడు. ఎజ్రా 4:6 లో ఉన్న అహష్‌వేరోషు ఇతడే కావచ్చు. అంతకు ముందు బబులోను నగరం తిరుగుబాటును అణచివేసి బబులోనువారి మెరొదాక్‌దేవుడి బ్రహ్మాండమైన ఆలయాన్ని ధ్వంసం చేశాడు.

2. మొర్దెకై యొక్క బలమును గూర్చియు, అతడు సామర్థ్యముచేత చేసిన కార్యములన్నిటిని గూర్చియు, రాజు అతనిని ఘన పరచిన సంగతిని గూర్చియు మాదీయులయొక్కయు పారసీకులయొక్కయు రాజ్యసమాచార గ్రంథమందు వ్రాయబడియున్నది.

3. యూదుడైన మొర్దెకై రాజైన అహష్వేరోషునకు ప్రధానమంత్రిగానుండి, తనవారందరితో సమాధానముగా మాటలాడుచు, తన జనులయొక్కక్షేమమును విచారించువాడును యూదులలో గొప్ప వాడునై తన దేశస్థులలో చాలామందికి ఇష్టుడుగా ఉండెను.

“ప్రధాన మంత్రి”– ఎస్తేరు 9:4 నోట్ చూడండి. “క్షేమంకోసం”– మనం చూచినంతవరకు అతడు తనకోసం గానీ ఎస్తేరు కోసం గానీ స్వార్థంతో అధికారం కావాలని ప్రాకులాడలేదు. దేవుని కృపవల్ల అధికారంలోకి వచ్చాక దాన్ని తన ప్రయోజనాలకోసం, తనకు ఆస్తి సమకూర్చుకోవడం కోసం ఉపయోగించలేదు. నెహెమ్యా 5:14-18; 2 సమూయేలు 8:15 మొదలైన చోట్ల నోట్స్ చూడండి. ఇస్రాయేల్ దీర్ఘ చరిత్ర అంతటిలోనూ వారి సంరక్షణ, క్షేమం కోసం మొర్‌దెకయి, ఎస్తేరు చేసినదాన్ని మరి ఏ వ్యక్తి చేయగలిగాడు?