1. సర్వశక్తుడగువాడు నియామకకాలములను ఎందుకు ఏర్పాటుచేయడు? ఆయన నెరిగియున్నవారు ఆయన దినములను ఎందు చేత చూడకున్నారు?

భూమిమీద కనిపించే న్యాయాన్నీ అన్యాయాన్నీ సవరించేందుకు ఒక ఖచ్చితమైన సమయాన్నీ, న్యాయవంతులను విడిపించి దుర్మార్గులను శిక్షించేందుకు ఒక కాలాన్నీ దేవుడు ఎందువల్ల నిర్ణయించడో యోబుకు అర్థం కాలేదు.

2. సరిహద్దు రాళ్లను తీసివేయువారు కలరు వారు అక్రమముచేసి మందలను ఆక్రమించుకొనివాటిని మేపుదురు.

తీర్పుకు పాత్రమైన ప్రవర్తన ఎలాంటిదో యోబు వర్ణిస్తున్నాడు.

3. తండ్రిలేనివారి గాడిదను తోలివేయుదురు విధవరాలి యెద్దును తాకట్టుగా తీసికొందురు

4. వారు మార్గములో నుండి దరిద్రులను తొలగించి వేయుదురు దేశములోని బీదలు ఎవరికిని తెలియకుండ దాగవలసి వచ్చెను.

5. అరణ్యములోని అడవిగాడిదలు తిరుగునట్లు బీదవారు తమ పనిమీద బయలుదేరి వేటను వెదకుదురు ఎడారిలో వారి పిల్లలకు ఆహారము దొరకును

దుష్టుల కాలి మడిమ క్రింద దిక్కులేనివారు నలిగిపోతారు. అయినప్పటికీ దీని విషయం దేవుడేమీ పట్టించుకోడని యోబు అభిప్రాయం (12 వ). దుష్టులను న్యాయస్థానం ఎదుటికి తెచ్చేందుకు ఆయన ఒక సమయాన్ని నియమించలేదు. వారు హింస, దౌర్జన్యం చేస్తూ సాగిపోయేందుకు వారిని స్వేచ్ఛగా వదిలేశాడు. అమాయకులైన పేద ప్రజలను బాధలు పడుతూ మూలుగుతూ ఉండనిస్తున్నాడు. ఇవి వాస్తవిక విషయాలు. వాటిని తన స్నేహితులు కాదనగలరా? అయితే దేవుడు ప్రతీకారం చేసే విధానం గురించి వారి సిద్ధాంతానికి ఇది వ్యతిరేకంగా ఉంది. కాబట్టి దీన్ని గ్రహించకుండా వారు కళ్ళు మూసుకుంటున్నారు (మన సిద్ధాంతాలకూ, జరుగుతున్న సత్యాలకూ పొసగకపోతే మన సిద్ధాంతాలను మార్చుకునే సమయం వచ్చిందన్నమాట). యోబైతే “న్యాయమెక్కడుంది? ఈ లోకంలో న్యాయం కోసం వెదకడం వ్యర్థం” అని ఆక్రోశిస్తున్నాడు. మరణం తరువాత రాబోయే లోకంలో న్యాయం తీర్చడం జరుగుతుందని యోబు గ్రహించలేదు.

6. పొలములో వారు తమకొరకు గడ్డి కోసికొందురు దుష్టుల ద్రాక్షతోటలలో పరిగ ఏరుదురు.

7. బట్టలులేక రాత్రి అంతయు పండుకొనియుందురు చలిలో వస్త్రహీనులై పడియుందురు.

8. పర్వతములమీది జల్లులకు తడిసియుందురు చాటులేనందున బండను కౌగలించుకొందురు.

9. తండ్రిలేని పిల్లను రొమ్మునుండి లాగువారు కలరువారు దరిద్రులయొద్ద తాకట్టు పుచ్చుకొందురు

10. దరిద్రులు వస్త్రహీనులై బట్టలులేక తిరుగులాడుదురు ఆకలిగొని పనలను మోయుదురు.

11. వారు తమ యజమానుల గోడలలోపల నూనె గానుగ లను ఆడించుదురుద్రాక్ష గానుగలను త్రొక్కుచు దప్పిగలవారైయుందురు.

12. జనముగల పట్టణములో మూలుగుదురు గాయపరచబడినవారు మొఱ్ఱపెట్టుదురు అయినను జరుగునది అక్రమమని దేవుడు ఎంచడు.

13. వెలుగుమీద తిరుగబడువారు కలరువీరు దాని మార్గములను గురుతుపట్టరు దాని త్రోవలలో నిలువరు.

దుర్మార్గులను “చీకటి జనం” అని వర్ణిస్తున్నాడు యోబు (యోహాను 3:19-21; ఎఫెసీయులకు 5:8-12 తో పోల్చిచూడండి).

14. తెల్లవారునప్పుడు నరహంతకుడు లేచునువాడు దరిద్రులను లేమిగలవారిని చంపునురాత్రియందు వాడు దొంగతనము చేయును.

15. వ్యభిచారి ఏ కన్నైనను నన్ను చూడదనుకొని తన ముఖమునకు ముసుకు వేసికొని సందె చీకటికొరకు కనిపెట్టును.

16. చీకటిలో వారు కన్నము వేయుదురుపగలు దాగుకొందురువారు వెలుగు చూడనొల్లరు

17. వారందరు ఉదయమును మరణాంధకారముగా ఎంచుదురు. గాఢాంధకార భయము ఎట్టిదైనది వారికి తెలిసియున్నది.

18. జలములమీద వారు తేలికగా కొట్టుకొని పోవుదురువారి స్వాస్థ్యము భూమిమీద శాపగ్రస్తము ద్రాక్షతోటల మార్గమున వారు ఇకను నడువరు.

కాలక్రమేణా దుర్మార్గులు నాశనమౌతారని ఒప్పుకుంటున్నాడు యోబు. ఈ ప్రపంచంలో అప్పుడప్పుడూ దేవుని ప్రతిక్రియ అమలులోకి రావడం కనిపిస్తూ ఉంటుందని కూడా ఒప్పుకుంటున్నాడు.

19. అనావృష్టిచేతను ఉష్ణముచేతను మంచు నీళ్లు ఎగసి పోవునట్లు పాతాళము పాపముచేసినవారిని పట్టుకొనును.

20. కన్నగర్భము వారిని మరచును, పురుగు వారిని కమ్మగా తినివేయునువారు మరి ఎప్పుడును జ్ఞాపకములోనికి రారువృక్షము విరిగి పడిపోవునట్లు దుర్మార్గులు పడిపోవుదురు

21. వారు పిల్లలు కనని గొడ్రాండ్రను బాధపెట్టుదురు విధవరాండ్రకు మేలుచేయరు.

22. ఆయన తన బలముచేతను బలవంతులను కాపాడుచున్నాడుకొందరు ప్రాణమునుగూర్చి ఆశ విడిచినను వారు మరల బాగుపడుదురు.

కానీ చాలా సార్లు దేవుడు విపత్కర పరిస్థితుల నుంచి దుష్టులను కాపాడుతున్నట్టు అనిపిస్తుంది అంటున్నాడు యోబు. వారి మరణం కూడా అందరి మరణంగానే సహజమైన పరిస్థితుల్లో జరుగుతుంది. పక్వమైన ధాన్యాన్ని ఇచ్చే పంటచేను లాగా వారు సంపూర్ణమైన ఆయువు పూర్తి చేసుకొని వెళ్ళిపోతారు.

23. ఆయన వారికి అభయమును దయచేయును గనుక వారు ఆధారము నొందుదురు ఆయన వారి మార్గముల మీద తన దృష్టి నుంచును

24. వారు హెచ్చింపబడినను కొంతసేపటికి లేకపోవుదురువారు హీనస్థితిలో చొచ్చి ఇతరులందరివలె త్రోయబడుదురు, పండిన వెన్నులవలె కోయబడుదురు.

25. ఇప్పుడు ఈలాగు జరుగని యెడల నేను అబద్ధికుడనని రుజువుపరచువాడెవడు? నా మాటలు వట్టివని దృష్టాంతపరచువాడెవడు?

ఇవి యథార్థాలని యోబు చెపుతున్నాడు. దుర్మార్గులు తమ జీవితాల్లో ఎప్పుడూ శిక్షకు గురౌతుంటారనీ, న్యాయవంతులకు ప్రతిఫలం కలుగుతూ ఉంటుందనీ యోబు స్నేహితులు చెప్తున్నది పొరపాటు అని ఇందు మూలంగా యోబు తెలియజేస్తున్నాడు.