1. మనుష్యులు మనమీదికి లేచినప్పుడు యెహోవా మనకు తోడైయుండనియెడల

శీర్షిక – 120 కీర్తన శీర్షిక చూడండి. శత్రువులనుంచి గొప్ప విడుదలను ఈ వచనాలు తెలియజేస్తున్నాయి. వారు ఘోషించే జలంలాగా అడవి మృగాల్లాగా (వ 6), క్రూరమైన వేటగాళ్ళలాగా (వ 7) ఇస్రాయేల్ పై విరుచుకుపడ్డారు. వారినుంచి విడుదల తమ జ్ఞానం, యుద్ధ నైపుణ్యం బలం వల్ల కాదని, దేవుడు తన వైపున ఉన్నాడన్న ఒక్క వాస్తవం వల్లే అని బహిరంగంగా ప్రకటించాలని రచయిత ఇస్రాయేల్ వారిని ప్రోత్సహిస్తున్నాడు. క్రీస్తు సంఘం కూడా శత్రుత్వం వహించిన లోకంలో ఉంది. దుర్మార్గులతో చేయి కలిపి సైతాను దాన్ని నాశనం చేయాలని ప్రయత్నిస్తున్నాడు. విశ్వాసులు ఇంతకు ముందూ, ఇప్పుడూ కూడా హేళనలు, బెదిరింపులు, అన్యాయాలు, బాధలు, హింసలు, హత్యలు ఎదుర్కొంటూ ఉన్నారు. కానీ దేవుడు తన ప్రజల పక్షంగా ఉన్నాడు కాబట్టి క్రీస్తు సంఘం ఎన్నటికీ సమసిపోదు (మత్తయి 16:18; రోమీయులకు 8:31).

2. వారి ఆగ్రహము మనపైని రగులుకొనినప్పుడు

3. యెహోవా మనకు తోడైయుండనియెడల వారు మనలను ప్రాణముతోనే మింగివేసియుందురు

4. జలములు మనలను ముంచివేసి యుండును ప్రవాహము మన ప్రాణములమీదుగా పొర్లిపారి యుండును

5. ప్రవాహములై ఘోషించు జలములు మన ప్రాణములమీదుగా పొర్లి పారియుండును అని ఇశ్రాయేలీయులు అందురు గాక.

6. వారి పండ్లకు మనలను వేటగా అప్పగింపని యెహోవా స్తుతినొందును గాక.

మనుషుల ఆత్మలను వేటాడే దుష్ట వేటగాడి నుంచి విడిపించినందుకు దేవునికి స్తుతులు (కీర్తనల గ్రంథము 25:15; కీర్తనల గ్రంథము 91:3).

7. పక్షి తప్పించుకొనినట్లు మన ప్రాణము వేటకాండ్ర ఉరినుండి తప్పించుకొని యున్నది ఉరి తెంపబడెను మనము తప్పించుకొని యున్నాము.

8. భూమ్యాకాశములను సృజించిన యెహోవా నామము వలననే మనకు సహాయము కలుగుచున్నది.

కీర్తనల గ్రంథము 20:2; కీర్తనల గ్రంథము 27:9; కీర్తనల గ్రంథము 33:20; కీర్తనల గ్రంథము 40:17; కీర్తనల గ్రంథము 46:1; కీర్తనల గ్రంథము 60:11. విశ్వాన్ని చేసిన అమిత శక్తివంతుడైన దేవుడు మనకు సహాయంగా ఉంటే వేరే సహాయం మనకెందుకు అవసరం?