1. రాజవైన నా దేవా, నిన్ను ఘనపరచెదను. నీ నామమును నిత్యము సన్నుతించెదను

శీర్షిక – దాదాపు అన్ని కీర్తనల్లోనూ దేవుణ్ణి స్తుతించడమనే అంశం ఉన్నప్పటికీ “స్తుతి కీర్తన” అనే పేరు ఉన్న కీర్తన ఇదొక్కటే. ఇక్కడ దావీదు తన శత్రువుల గురించి, తన కష్టాలు వేటి గురించీ ఒక్క మాట రాయలేదు. దేవుని మహత్తు, మంచితనం, నీతిన్యాయాలను తలుచుకుని పూర్తిగా ఆదమరచిపోయాడు. హీబ్రూలో ఈ కీర్తన వచనాలు హీబ్రూ అక్షరమాల వరుసక్రమంలో ఒక్కొక్క అక్షరంతో ఆరంభం అవుతున్నాయి (ఒక్క అక్షరం “నూన్” మాత్రమే లేదు). కీర్తనల గ్రంథము 5:2; కీర్తనల గ్రంథము 47:2; కీర్తనల గ్రంథము 95:3. రాజైన దావీదుకు తన రాజు పరలోకంలో ఉన్నాడని తెలుసు (ఎఫెసీయులకు 6:9 పోల్చి చూడండి).

2. అనుదినము నేను నిన్ను స్తుతించెదను నిత్యము నీ నామమును స్తుతించెదను.

దేవుణ్ణి స్తుతించాలని దావీదు గట్టిగా తీర్మానించుకున్నాడు. ఈ రెండు వచనాల్లో నాలుగు సార్లు ఈ తీర్మానాన్ని మళ్ళీ మళ్ళీ రాశాడు. అంతేగాదు, తన పరిస్థితులు ఎలాంటివైనా, ఆరోగ్యమైనా వ్యాధి అయినా, సౌకర్యమున్నా ఇబ్బంది ఉన్నా, ఆనందమైనా దుఃఖమైనా ప్రతి దినం దేవుణ్ణి స్తుతించాలని తీర్మానించుకున్నాడు (1 థెస్సలొనీకయులకు 5:18 చూడండి). అంతేగాదు, తాను యుగయుగాలకు శాశ్వతంగా దేవుణ్ణి స్తుతిస్తానని అతనికి నమ్మకంగా ఉంది (కీర్తనల గ్రంథము 23:6; కీర్తనల గ్రంథము 37:18; కీర్తనల గ్రంథము 41:12).

3. యెహోవా మహాత్మ్యముగలవాడు ఆయన అధికస్తోత్రము నొందదగినవాడు ఆయన మహాత్మ్యము గ్రహింప శక్యముకానిది

మనుషులు చెల్లించడానికి సాధ్యమైన స్తుతులకూ, యథార్థమైన, హృదయపూర్వకమైన, సంపూర్ణ బుద్ధికి అనుగుణమైన, ఆధ్యాత్మికమైన స్తుతులకూ ఏకైక నిజ దేవుడు అర్హుడు. ఆయన ఘనతనూ గొప్పతనాన్నీ అర్థం చేసుకోవాలంటే, ఆయన్ను స్తుతించవలసిన రీతిలో స్తుతించాలంటే అనంతకాలం పడుతుంది.

4. ఒక తరమువారు మరియొక తరమువారియెదుట నీ క్రియలను కొనియాడుదురు నీ పరాక్రమక్రియలను తెలియజేయుదురు

కీర్తనల గ్రంథము 22:30; కీర్తనల గ్రంథము 102:18.

5. మహోన్నతమైన నీ ప్రభావమహిమను నీ ఆశ్చర్య కార్యములను నేను ధ్యానించెదను

కీర్తనల గ్రంథము 44:1; కీర్తనల గ్రంథము 71:16; కీర్తనల గ్రంథము 75:1; కీర్తనల గ్రంథము 77:12; కీర్తనల గ్రంథము 96:6; కీర్తనల గ్రంథము 105:2; కీర్తనల గ్రంథము 107:8, కీర్తనల గ్రంథము 107:15; కీర్తనల గ్రంథము 148:13.

6. నీ భీకరకార్యముల విక్రమమును మనుష్యులు వివరించెదరు నేను నీ మహాత్మ్యమును వర్ణించెదను.

కీర్తనల గ్రంథము 65:6; కీర్తనల గ్రంథము 66:3; కీర్తనల గ్రంథము 106:22; ద్వితీయోపదేశకాండము 7:21; ద్వితీయోపదేశకాండము 10:21.

7. నీ మహా దయాళుత్వమును గూర్చిన కీర్తిని వారు ప్రకటించెదరు నీ నీతినిగూర్చి వారు గానము చేసెదరు

“మంచితనాన్ని”– కీర్తనల గ్రంథము 23:6; కీర్తనల గ్రంథము 27:13; కీర్తనల గ్రంథము 31:19; కీర్తనల గ్రంథము 33:5; కీర్తనల గ్రంథము 52:1; కీర్తనల గ్రంథము 107:8; నిర్గమకాండము 33:19; 2 దినవృత్తాంతములు 6:41; రోమీయులకు 11:22. “న్యాయాన్ని”– కీర్తనల గ్రంథము 7:9; కీర్తనల గ్రంథము 19:9; కీర్తనల గ్రంథము 145:17; కీర్తనల గ్రంథము 145:17; యోహాను 17:25; రోమీయులకు 3:21-22; ఫిలిప్పీయులకు 3:9; 2 తిమోతికి 4:8; 1 యోహాను 2:1; ప్రకటన గ్రంథం 16:5, ప్రకటన గ్రంథం 16:7. దేవుని మహా మహిమాన్వితమైన లక్షణాల్లో న్యాయం ఒకటి. ఆయన పరిపూర్ణ న్యాయవంతుడు గనుక విశ్వాసులు తమ భవిష్యత్తు క్షేమకరంగానే ఉంటుందని నిశ్చితంగా ఉండవచ్చు.

8. యెహోవా దయాదాక్షిణ్యములు గలవాడు ఆయన దీర్ఘశాంతుడు కృపాతిశయముగలవాడు.

కీర్తనల గ్రంథము 86:5, కీర్తనల గ్రంథము 86:15; కీర్తనల గ్రంథము 103:8; నిర్గమకాండము 34:6-7; మత్తయి 9:36; యోహాను 1:16-17; 1 యోహాను 4:8.

9. యెహోవా అందరికి ఉపకారి ఆయన కనికరములు ఆయన సమస్త కార్యములమీద నున్నవి.

కీర్తనల గ్రంథము 103:13-14; కీర్తనల గ్రంథము 136:1; మత్తయి 5:4-5; రోమీయులకు 2:4. దేవుడు చేసినవన్నీ ఆయన జ్ఞానాన్నీ, చాతుర్యాన్నీ ప్రదర్శిస్తున్నాయి. మనుషులతో ఆయన జరిపే వ్యవహారాల్లో న్యాయం, ప్రేమ, కృప, సహనం తదితర శ్రేష్ఠ లక్షణాలు వెల్లడి అవుతూ ఉన్నాయి. అన్నిటిలోనూ, మనుషుల కోపం మూలంగా కూడా (కీర్తనల గ్రంథము 76:10). దేవుని స్తుతి కలుగుతుంది. అయితే సృష్టి అంతటిలోనూ ఆయనకు అత్యంత ఘనతరమైన స్తుతి ఆయనకు చెందిన పవిత్రుల మూలంగా కలుగుతుంది (ఎఫెసీయులకు 1:6, ఎఫెసీయులకు 1:12, ఎఫెసీయులకు 1:14).

10. యెహోవా, నీ క్రియలన్నియు నీకు కృతజ్ఞతాస్తుతులు చెల్లించుచున్నవి నీ భక్తులు నిన్ను సన్నుతించుదురు.

11. ఆయన రాజ్య మహోన్నత ప్రభావమును ఆయన బలమును నరులకు తెలియజేయుటకై

విశ్వాసులు ఇతరులకు చెప్పడానికి తగిన ఘనమైన అంశాలివి. బైబిల్లో రాసివున్న దేవుని రాజ్యం, మహిమ, ఆయన చేసిన ఘన కార్యాల గురించి అనేకమంది ఇంకా విననేలేదు. ఇతరులకు చెప్పడం వల్ల ఆ సత్యాలు వారికి తెలుస్తాయి, దేవునికి మహిమ కలుగుతుంది, మనకూ ప్రోత్సాహం లభిస్తుంది. దేవుని రాజ్యం అనే అంశం ఎంత గంబీరం, ఎంత విస్తారం, ఎంత శ్రేష్ఠమైనదంటే దాన్ని గురించి మన జీవితకాలమంతా మాట్లాడినా చెప్పవలసినదాన్లో చిన్న భాగం కూడా పూర్తి చేయలేము (కీర్తనల గ్రంథము 22:28; కీర్తనల గ్రంథము 66:7; కీర్తనల గ్రంథము 103:19; దానియేలు 4:34-35; మత్తయి 4:17; మత్తయి 6:33; మత్తయి 13:11; మత్తయి 25:31-34; మార్కు 1:14-15; మార్కు 9:47; యోహాను 3:3; అపో. కార్యములు 1:3; అపో. కార్యములు 8:12; అపో. కార్యములు 14:22; అపో. కార్యములు 19:8; రోమీయులకు 14:17; 1 కోరింథీయులకు 6:9-10; 1 కోరింథీయులకు 15:50; ప్రకటన గ్రంథం 12:10).

12. నీ భక్తులు నీ రాజ్యప్రభావమునుగూర్చి చెప్పుకొందురు నీ శౌర్యమునుగూర్చి పలుకుదురు

13. నీ రాజ్యము శాశ్వతరాజ్యము నీ రాజ్యపరిపాలన తరతరములు నిలుచును.

14. యెహోవా పడిపోవువారినందరిని ఉద్ధరించువాడు క్రుంగిపోయిన వారినందరిని లేవనెత్తువాడు

కీర్తనల గ్రంథము 37:17, కీర్తనల గ్రంథము 37:23-24; కీర్తనల గ్రంథము 146:8. బలప్రభావాలలోనూ, మహిమలోనూ దేవుడు గొప్పవాడు, మహనీయుడు. అనంతకాలం మహనీయమైన రాజు. అయినా ఆయన జాలి, దయ చూపడంలో కూడా గొప్పవాడే.

15. సర్వజీవుల కన్నులు నీవైపు చూచుచున్నవి తగిన కాలమందు నీవు వారికి ఆహారమిచ్చుదువు.

కీర్తనల గ్రంథము 104:14, కీర్తనల గ్రంథము 104:27; కీర్తనల గ్రంథము 111:5; కీర్తనల గ్రంథము 136:25; ఆదికాండము 1:30; యోబు 38:41; మత్తయి 6:26.

16. నీవు నీ గుప్పిలిని విప్పి ప్రతి జీవి కోరికను తృప్తి పరచుచున్నావు.

17. యెహోవా తన మార్గములన్నిటిలో నీతిగలవాడు తన క్రియలన్నిటిలో కృపచూపువాడు
ప్రకటన గ్రంథం 15:3, ప్రకటన గ్రంథం 16:5

విశ్వానికి అధిపతియైన దేవునిలో లోపంలేని న్యాయం, లోపంలేని కృప మూర్తీభవించాయి.

18. తనకు మొఱ్ఱపెట్టువారి కందరికి తనకు నిజముగా మొఱ్ఱపెట్టువారి కందరికి యెహోవా సమీపముగా ఉన్నాడు.
అపో. కార్యములు 10:36

ఈ గొప్పరాజు ప్రార్థన ఆలకిస్తాడు – కీర్తనల గ్రంథము 65:2; కీర్తనల గ్రంథము 102:17; సామెతలు 15:8 సామెతలు 15:29; మత్తయి 7:7-8, మత్తయి 7:11; 1 యోహాను 5:14. అయితే మన ప్రార్థనలు మనఃపూర్వకంగా, ఆయన సంకల్పానుసారంగా ఉండాలి – కీర్తనల గ్రంథము 17:1; యెషయా 29:13; మత్తయి 6:5-8; యాకోబు 1:5-7. “దగ్గరగా”– కీర్తనల గ్రంథము 46:1; కీర్తనల గ్రంథము 119:51; ద్వితీయోపదేశకాండము 4:7; యెషయా 55:6; అపో. కార్యములు 17:27.

19. తనయందు భయభక్తులుగలవారి కోరిక ఆయన నెరవేర్చును వారి మొఱ్ఱ ఆలకించి వారిని రక్షించును.

“కోరిక...చేస్తాడు”– కీర్తనల గ్రంథము 37:4. దేవునిపట్ల భయభక్తుల గురించి నోట్స్ కీర్తనల గ్రంథము 34:11-14; కీర్తనల గ్రంథము 111:10; ఆదికాండము 20:11. “రక్షిస్తాడు”– కీర్తనల గ్రంథము 7:10; కీర్తనల గ్రంథము 34:18; 1 సమూయేలు 10:19.

20. యెహోవా తన్ను ప్రేమించువారినందరిని కాపాడును అయితే భక్తిహీనులనందరిని ఆయన నాశనము చేయును. నా నోరు యెహోవాను స్తోత్రము చేయును

“కాపాడుతాడు”– కీర్తనల గ్రంథము 31:23; కీర్తనల గ్రంథము 37:28; కీర్తనల గ్రంథము 97:10; యోహాను 10:28-29. “నాశనం”– కీర్తనల గ్రంథము 9:5; కీర్తనల గ్రంథము 37:38; కీర్తనల గ్రంథము 73:18-19; కీర్తనల గ్రంథము 94:23; 2 థెస్సలొనీకయులకు 1:8-9. దుర్మార్గులను నాశనం చేయడం న్యాయసమ్మతం గనుక దేవుడు అలా చేస్తాడు. వారు ఆయన కరుణ, క్షమాపణలను కోరరు, వెదకరు. గాని తమ దుర్మార్గంలోనే ఆనందిస్తూ ఉంటారు.

21. శరీరులందరు ఆయన పరిశుద్ధ నామమును నిత్యము సన్నుతించుదురు గాక.

దేవుణ్ణి హృదయపూర్వకంగా స్తుతించేవారు అందరూ అలానే చెయ్యాలని కోరుతారు. దేవునికి ఘనత, స్తుతి కలగడం విని ఆనందిస్తారు (కీర్తనల గ్రంథము 103:20-22; కీర్తనల గ్రంథము 150:6).