1. యెహోవాను స్తుతించుడి. యెహోవాను స్తుతించుడి మన దేవునికి స్తోత్రగానము చేయుట మంచిది అది మనోహరము స్తోత్రముచేయుట ఒప్పిదము.

సృష్టి చేసిన దేవుడుగాను (వ 4,5,8,9,15-18), తన ప్రజలపట్ల ఆయన చూపే కృప, దయను బట్టి కూడా (వ 2,3,6,11,13,14,19,20) ఆయన్ను స్తుతించే కీర్తన ఇది. ఆయన చేసినవాటిని బట్టి, చేస్తున్న, చేయగల వాటిని బట్టి రచయిత దేవుణ్ణి స్తుతిస్తున్నాడు. “మంచిది”– కీర్తనల గ్రంథము 33:1. ఆయన్ను స్తుతించడం మంచిది కాబట్టి స్తుతించకపోవడం మంచిది కాదు. “మనోహరం”– కీర్తనల గ్రంథము 135:3.

2. యెహోవాయే యెరూషలేమును కట్టువాడు చెదరిన ఇశ్రాయేలీయులను పోగుచేయువాడు

“కట్టించేవాడు”– కట్టడానికి శ్రమించేది మనుషులే గాని అందుకు ప్రేరణ, సంకల్పం, బలం దేవుని నుంచి వచ్చాయి (కీర్తనల గ్రంథము 127:1). “సమకూర్చేవాడు”– బబులోను చెరనుండి ఇస్రాయేల్ ప్రజ తిరిగి రావడం గురించి ఇది చెప్తూ ఉండవచ్చు. కానీ ఈ మాటలు సౌలు పెట్టిన బాధల తరువాత దావీదును, అతని మనుషులను తిరిగి సమకూర్చడం గురించి చెప్పడానికి కూడా పనికి వస్తాయి. ఇప్పుడు దేవుడు తన సంఘాన్ని నిర్మిస్తున్నాడు. పాపాల మూలంగా తన సన్నిధికి దూరమైనవారిని సమకూరుస్తున్నాడు (మత్తయి 16:18; యోహాను 11:52; 2 కోరింథీయులకు 5:20-21; ఎఫెసీయులకు 2:17-22).

3. గుండె చెదరినవారిని ఆయన బాగుచేయువాడు వారి గాయములు కట్టువాడు.

కీర్తనల గ్రంథము 6:2; కీర్తనల గ్రంథము 30:2; కీర్తనల గ్రంథము 3418:1; కీర్తనల గ్రంథము 38:3; కీర్తనల గ్రంథము 41:3; యెషయా 61:1; యెహెఙ్కేలు 34:16; ప్రకటన గ్రంథం 21:4. పాత ఒడంబడికలో దేవునికున్న పేర్లలో ఒకటి “యెహోవా రొఫికా” – అంటే “నిన్ను బాగు చేసే యెహోవా” (నిర్గమకాండము 15:26). ముఖ్యంగా తమ పాపాల గురించిన పశ్చాత్తాపంలో ఎవరి హృదయాలైతే బ్రద్దలైపోయాయో అలాంటివారిని ఆయన ప్రేమించి బాగు చేస్తాడు (కీర్తనల గ్రంథము 51:17).

4. నక్షత్రముల సంఖ్యను ఆయన నియమించియున్నాడు వాటికన్నిటికి పేరులు పెట్టుచున్నాడు.

గాయపడిన హృదయం పై దేవుడొక చేతిని మృదువుగా వేసి రెండో దానితో అనంత విశ్వంలోని నక్షత్ర రాసుల్ని గుప్పిట్లో పెట్టగలడు. దరిద్రుల విషయం పట్టించుకొని జాలి చూపేవాడు ఎంత మహామహుడంటే ఈ విశాల విశ్వంలోని నక్షత్రాలన్నింటినీ పేరుతో పిలవగలడు. మన కంటికి కొన్ని వేల నక్షత్రాలు మాత్రమే కనిపిస్తున్నప్పటికీ కనిపించే తారలకు అవతల కోటానుకోట్ల నక్షత్రాలున్నాయి. మనిషి వాటి లెక్క ఎంతో ఊహించడం కూడా చాలా కష్టతరం. దేవునికి అవన్నీ తెలుసు.

5. మన ప్రభువు గొప్పవాడు ఆయన అధిక శక్తిగలవాడు ఆయన జ్ఞానమునకు మితిలేదు.

“గొప్పవాడు”– కీర్తనల గ్రంథము 145:3; యిర్మియా 32:17, యిర్మియా 32:27; యిర్మియా 33:3. “జ్ఞానం”– యెషయా 40:28; రోమీయులకు 11:33.

6. యెహోవా దీనులను లేవనెత్తువాడు భక్తిహీనులను ఆయన నేలను కూల్చును.

“దీనావస్థ”– కీర్తనల గ్రంథము 146:8-9; యాకోబు 4:6. అయితే సర్వ శక్తివంతుడైన దేవుడు అస్తమానం నక్షత్రాల విషయం చూస్తూ కూర్చోడు. ఆయన మనుషులను గమనిస్తూ, వారి విషయాల్లో చురుకుగా తన పనులు చేస్తూ ఉన్నాడు. కీర్తనల గ్రంథము 147:7; కీర్తనల గ్రంథము 27:6; కీర్తనల గ్రంథము 30:4; కీర్తనల గ్రంథము 33:3; కీర్తనల గ్రంథము 42:4; కీర్తనల గ్రంథము 98:5.

7. కృతజ్ఞతాస్తుతులతో యెహోవాను కీర్తించుడి. సితారాతో మన దేవుని కీర్తించుడి.

“కృతజ్ఞత”– కీర్తనల గ్రంథము 7:17; కీర్తనల గ్రంథము 50:14-15; కీర్తనల గ్రంథము 56:12; లేవీయకాండము 7:12-13; ఎఫెసీయులకు 5:20; 1 థెస్సలొనీకయులకు 5:18.

8. ఆయన ఆకాశమును మేఘములతో కప్పువాడు భూమికొరకు వర్షము సిద్ధపరచువాడు పర్వతములమీద గడ్డి మొలిపించువాడు
అపో. కార్యములు 14:17

ప్రపంచాన్ని సృష్టించాక దేవుడు ఏ మూలకో వెళ్ళిపోయి కూర్చోలేదు. మేఘాలు, వర్షాలు రావడం ఏదో ప్రకృతి ధర్మాన్ని బట్టి మాత్రమే కాదు. ప్రకృతిలో కూడా దేవుడు తన పనులు నిర్వర్తిస్తున్నాడు (కీర్తనల గ్రంథము 104:10-15; కీర్తనల గ్రంథము 135:6-7; కీర్తనల గ్రంథము 148:8).

9. పశువులకును అరచుచుండు పిల్ల కాకులకును ఆయన ఆహారమిచ్చువాడు.
లూకా 12:24

10. గుఱ్ఱముల బలమునందు ఆయన సంతోషించడు నరులకాలిసత్తువయందు ఆయన ఆనందించడు.

వ 16-18; కీర్తనల గ్రంథము 33:16-18; కీర్తనల గ్రంథము 103:11; 1 సమూయేలు 16:7; హెబ్రీయులకు 11:6. దేవుని పట్ల భయభక్తుల గురించి కీర్తనల గ్రంథము 34:11-14 నోట్ చూడండి. బయట కనిపించే రూపం లేక శారీరక బలాన్నిబట్టి కాక, అంతరంగంలో మంచి లక్షణాలంటే దేవునికి అతి ప్రియం.

11. తనయందు భయభక్తులుగలవారియందు తన కృపకొరకు కనిపెట్టువారియందు యెహోవా ఆనందించువాడైయున్నాడు.

12. యెరూషలేమా, యెహోవాను కొనియాడుము సీయోనూ, నీ దేవుని కొనియాడుము.

కీర్తనల గ్రంథము 48:1. జెరుసలం కాకపోతే మరి లోకమంతట్లోనూ యెహోవాను స్తుతించేవారు వేరెవరున్నారు? ఇస్రాయేల్‌కు కలిగిన అన్ని ప్రత్యేక దీవెనలు మరే జాతికీ కలగలేదు. ఇప్పుడు దేవుణ్ణి స్తుతించడం క్రీస్తు విశ్వాసుల బాధ్యత, ఆధిక్యత, ప్రత్యేకావకాశం ఎందుకంటే ఆకాశాలకూ భూమికీ దేవుడైన యెహోవాచేత ఇప్పుడు ఆశీర్వదించబడిన వాళ్ళం మనమే.

13. ఆయన నీ గుమ్మముల గడియలు బలపరచి యున్నాడు నీ మధ్యను నీ పిల్లలను ఆశీర్వదించి యున్నాడు.

14. నీ సరిహద్దులలో సమాధానము కలుగజేయువాడు ఆయనే మంచి గోధుమలతో నిన్ను తృప్తిపరచువాడు ఆయనే

15. భూమికి ఆజ్ఞనిచ్చువాడు ఆయనే ఆయన వాక్యము బహు వేగముగా పరుగెత్తును.

కీర్తనల గ్రంథము 33:9; యోబు 37:12; యెషయా 55:11. సృష్టిలో ఏ భాగాన్నైనా దేవుడు శాసించగలడు, శాసిస్తాడు (1 రాజులు 17:2-4, 1 రాజులు 17:9; మార్కు 4:39-41). పాపాత్ములైన మనుషులు, సైతాను మాత్రమే ఆయన మాట వినరు.

16. గొఱ్ఱెబొచ్చువంటి హిమము కురిపించువాడు ఆయనే బూడిదవంటి మంచు కణములు చల్లువాడు ఆయనే.

వ 8,9; యోబు 37:12; యోబు 38:22, యోబు 38:29.

17. ముక్కముక్కలుగా వడగండ్లు విసరువాడు ఆయనే. ఆయన పుట్టించు చలికి ఎవరు నిలువగలరు?

18. ఆయన ఆజ్ఞ ఇయ్యగా అవన్నియు కరిగిపోవును ఆయన తనగాలి విసరజేయగా నీళ్లు ప్రవహించును,
అపో. కార్యములు 10:36

19. ఆయన తన వాక్యము యాకోబునకు తెలియజేసెను తన కట్టడలను తన న్యాయవిధులను ఇశ్రాయేలునకు తెలియజేసెను.
రోమీయులకు 3:2

కీర్తనల గ్రంథము 78:3, కీర్తనల గ్రంథము 78:47; కీర్తనల గ్రంథము 148:8; నిర్గమకాండము 20:1; ద్వితీయోపదేశకాండము 33:4; యెహోషువ 1:8; 2 రాజులు 22:8; రోమీయులకు 3:2; రోమీయులకు 9:4. ఫలవంతమైన ఉధ్యానవనాలు, మేఘాలు, వర్షం కన్నా శాశ్వతంగా మనుషుల్ని దీవించేందుకు దేవుడు పరలోకం నుంచి కురిపించిన దేవుని వాక్కు అతి శ్రేష్ఠమైనది.

20. ఏ జనమునకు ఆయన ఈలాగు చేసియుండలేదు ఆయన న్యాయవిధులు వారికి తెలియకయే యున్నవి. యెహోవాను స్తుతించుడి.
రోమీయులకు 3:2

ద్వితీయోపదేశకాండము 4:7-8, ద్వితీయోపదేశకాండము 4:32-34. గతంలో దేవుడు తన వాక్కును పదిలంగా ఉంచినది ఇస్రాయేల్‌ప్రజల చేతుల్లోనే. ఇప్పుడది క్రీస్తు సంఘం చేతుల్లో ఉంది.