1. యెహోవా, నా మాటలు చెవినిబెట్టుము నా ధ్యానముమీద లక్ష్యముంచుము.

మూలుగులు, నిట్టూర్పులు కొన్ని సార్లు ప్రార్థనలో సరైన అంతర్భాగాలు (రోమీయులకు 8:26). నిజంగా అప్పుడప్పుడు మన తీవ్రమైన కోరికలను మాటల్లో పెట్టడం అసాధ్యమైపోయి మూలగడమే మనం చేయగలిగేది.

2. నా రాజా నా దేవా, నా ఆర్తధ్వని ఆలకించుము.నిన్నే ప్రార్థించుచున్నాను.

నిజమైన శాశ్వతమైన రాజు ఎవరో రాజైన దావీదుకు తెలుసు (కీర్తనల గ్రంథము 10:16; కీర్తనల గ్రంథము 24:7; కీర్తనల గ్రంథము 47:2; కీర్తనల గ్రంథము 74:12; కీర్తనల గ్రంథము 149:2; యెషయా 6:5; యిర్మియా 10:10). తన బ్రతుకు పై దేవుని పరిపాలనను సంతోషంగా అంగీకరించాడు. మనమూ అలా చెయ్యాలి.

3. యెహోవా, ఉదయమున నా కంఠస్వరము నీకు వినబడును ఉదయమున నా ప్రార్థన నీ సన్నిధిని సిద్ధముచేసి కాచియుందును.

పని హడావుడీ మొదలు కాకమునుపు, ఆ రోజు బాధ్యతలు, భారాలు నెత్తిన పడకమునుపు, అంటే వేకువనే దేవునితో ఒంటరిగా గడపడం శ్రేష్టం (కీర్తనల గ్రంథము 57:8; కీర్తనల గ్రంథము 88:13; కీర్తనల గ్రంథము 108:2; కీర్తనల గ్రంథము 119:147).

4. నీవు దుష్టత్వమును చూచి ఆనందించు దేవుడవు కావు చెడుతనమునకు నీయొద్ద చోటులేదు

కీర్తనల గ్రంథము 92:15; 1 యోహాను 1:5-6; మత్తయి 7:23; మత్తయి 25:41 చూడండి. లేవీయకాండము 20:7 నోట్ చూడండి.

5. డాంబికులు నీ సన్నిధిని నిలువలేరు పాపము చేయువారందరు నీకసహ్యులు

“గొప్పలు చెప్పుకునేవాళ్ళు”– కీర్తనల గ్రంథము 18:27; కీర్తనల గ్రంథము 75:4-5; కీర్తనల గ్రంథము 94:4; సామెతలు 6:16-17; యెషయా 2:12. “అసహ్యం”– పశ్చాత్తాపపడక దుర్మార్గతలోనే కొనసాగేవారు దేవుని విరోధ భావానికి గురి అవుతారు (కీర్తనల గ్రంథము 11:5; లేవీయకాండము 26:11 లేవీయకాండము 26:30; ద్వితీయోపదేశకాండము 32:19; ద్వితీయోపదేశకాండము 11:5; హోషేయ 9:15; మలాకీ 1:3). వారు పశ్చాత్తాప పడితే ఆయన వారిని ప్రేమతో చేర్చుకుని క్షమించి తన ప్రియమైన పిల్లలుగా చేసుకుంటాడు. అయితే పశ్చాత్తాపపడని వారి చర్యలనూ ఆలోచనలనూ ఆశయాలనూ లక్షణాలనూ అసహ్యించుకుంటాడు. ఆయన పవిత్ర స్వభావానికి విరోధంగా వారు ఏమై ఉన్నారో ఏమి చేస్తారో అదంతా అసహ్యం.

6. అబద్ధమాడువారిని నీవు నశింపజేయుదువు కపటము చూపి నరహత్య జరిగించువారు యెహోవాకు అసహ్యులు.

దేవుడు సత్యస్వరూపి (కీర్తనల గ్రంథము 31:5). అబద్ధాలూ మోసాలూ అంటే ఆయనకు ద్వేషం. ఆయన వాటిని విషప్రాయంగా ఎంచుతాడు. ఒక విధంగా చూస్తే అవి విషమే (సామెతలు 6:17 సామెతలు 6:19; సామెతలు 12:22; సామెతలు 19:5 సామెతలు 19:9 సామెతలు 19:22; యోహాను 8:44; ప్రకటన గ్రంథం 21:8 ప్రకటన గ్రంథం 21:17; ప్రకటన గ్రంథం 22:15). ఈ వచనాల్లో దేవునికి అసహ్యమైనవాటి జాబితాలో మోసం హత్య కలిసి ఉన్నాయి.

7. నేనైతే నీ కృపాతిశయమునుబట్టి నీ మందిరములోప్రవేశించెదను నీయెడల భయభక్తులు కలిగి నీ పరిశుద్ధాలయము దిక్కు చూచి నమస్కరించెదను

దేవుని కృపవల్ల దావీదు దుర్మార్గులకు వేరుగా ఉండేందుకు నిశ్చయించుకున్నాడు. అయితే దేవుడు తనను దీవించవస్తే అది తన స్వంత యోగ్యత కాదనీ ఆయన దయేనని అతనికి తెలుసు (కీర్తనల గ్రంథము 51:1; కీర్తనల గ్రంథము 69:13).

8. యెహోవా, నాకొఱకు పొంచియున్న వారినిబట్టి నీ నీత్యానుసారముగా నన్ను నడిపింపుము నీ మార్గమును నాకు స్పష్టముగా కనుపరచుము.

తన శత్రువులు తనపై దోషారోపణ చేసే అవకాశం ఉండడం దావీదుకు ఎంత మాత్రం ఇష్టం లేదు.

9. వారి నోట యథార్థత లేదువారి అంతరంగము నాశనకరమైన గుంటవారి కంఠము తెరచిన సమాధివారు నాలుకతో ఇచ్చకములాడుదురు.
రోమీయులకు 3:13

పాపంలో పడిన మానవ స్వభావం వర్ణన ఇక్కడ కళ్ళకు కట్టినట్టు రాసి ఉంది. మత్తయి 15:18-19; రోమీయులకు 1:28-32; రోమీయులకు 3:10-18; గలతియులకు 5:19-21 చూడండి. వారి గొంతు తెరిచిన సమాధి అంటే వారి దగ్గర మరణ వాసన, కుళ్ళు కంపు, అవినీతి దుర్వాసన కొడుతూ వారి అంతరంగాల్లో నుంచి వచ్చి వారి మాటల్లో బయటపడతాయి.

10. దేవా, వారు నీమీద తిరుగబడియున్నారువారిని అపరాధులనుగా తీర్చుము.వారు తమ ఆలోచనలలో చిక్కుబడి కూలుదురుగాక వారు చేసిన అనేక దోషములనుబట్టి వారిని వెలివేయుము.

దుర్మార్గులను నాశనం చెయ్యమని దేవుని ప్రజలు ప్రార్థించడం సరైనదేనా? కీర్తనల గ్రంథము 35:8 నోట్ చూడండి.

11. నిన్ను ఆశ్రయించువారందరు సంతోషించుదురునీవే వారిని కాపాడుదువు గనుక వారు నిత్యముఆనందధ్వని చేయుదురు.

“శరణు”– కీర్తనల గ్రంథము 7:1 దగ్గర రిఫరెన్సులు. “ఆనందధ్వనులు”– కీర్తనల గ్రంథము 33:1; కీర్తనల గ్రంథము 64:10. “రక్ష”– కీర్తనల గ్రంథము 12:7. “పేరు”– కీర్తనల గ్రంథము 69:36.

12. యెహోవా, నీతిమంతులను ఆశీర్వదించువాడవు నీవేకేడెముతో కప్పినట్లు నీవు వారిని దయతో కప్పెదవుకావున నీ నామమును ప్రేమించువారు నిన్నుగూర్చి ఉల్లసింతురు.

“దీవిస్తావు”– కీర్తనల గ్రంథము 29:11. “డాలు”– కీర్తనల గ్రంథము 28:7 దగ్గర నోట్.