Psalms - కీర్తనల గ్రంథము 58 | View All

1. అధిపతులారా, మీరు నీతి ననుసరించి మాటలాడుదురన్నది నిజమా? నరులారా, మీరు న్యాయమునుబట్టి తీర్పు తీర్చు దురా?

“అధికారులు”అని తర్జుమా చేయబడ్డ హీబ్రూ పదానికీ అక్షరాలా “దేవుళ్ళు” అని లేదా, “శక్తిశాలులు” అర్థం. ఇక్కడ దేవుడు ఈ భూమి పై నియమించిన పరిపాలకులు, లేక న్యాయాధిపతులు, లేక అధికారంలో ఉన్న వారు అని దీనికి అర్థం. కీర్తనల గ్రంథము 82:1-2 నోట్ చూడండి.

2. లేదే, మీరు హృదయపూర్వకముగా చెడుతనము జరిగించుచున్నారు దేశమందు మీ చేతి బలాత్కారము తూచి చెల్లించు చున్నారు.

ఇలాంటివారితో దావీదు చాలా విచారకరమైన అనుభవాలను చవి చూశాడు. వారు దేవునికి ప్రతినిధులు గాక సైతాను ప్రతినిధుల్లాగా ప్రవర్తించారు.

3. తల్లికడుపున పుట్టినది మొదలుకొని భక్తిహీనులు విపరీత బుద్ధి కలిగియుందురు పుట్టినతోడనే అబద్ధములాడుచు తప్పిపోవుదురు.

“పుట్టిన వెంటనే”– అందరూ భ్రష్ట స్వభావంతోనే ఈ లోకంలోకి వస్తారు (కీర్తనల గ్రంథము 51:5). మనిషి వేసే మొదటి అడుగు సరైన మార్గానికి వ్యతిరేక దిశలోనే. మనిషిలో ఉన్న భ్రష్ట స్థితికి తేటతెల్లమైన రుజువులలో ఒకటి అబద్ధాలాడడం. ప్రతివ్యక్తిలో మొట్టమొదటి కనిపించే పాపాలలో ఇది ఒకటి. మనుషులు అంత బాల్య ప్రాయంనుంచే అబద్ధాలాడడం మొదలుపెడతారు, కాబట్టి వయస్సు పెరిగే కొద్దీ అందులో వారు అంత ఆరితేరిన వారు కావడంలో ఆశ్చర్యం లేదు.

4. వారి విషము నాగుపాము విషమువంటిది మాంత్రికులు ఎంత నేర్పుగా మంత్రించినను

మనుషులు విష సర్పాల లాంటివారా? అవుననడానికి అనేకమైన ఆధారాలున్నాయి (కీర్తనల గ్రంథము 140:3; ద్వితీయోపదేశకాండము 32:33; మత్తయి 3:7; మత్తయి 12:34; మత్తయి 23:33; రోమీయులకు 3:13). ఒక విధంగా చూస్తే వారు పాముల కన్నా ప్రమాదకరమైన వారు. పాములను నాగస్వరం ఊది బుట్టలో వేసి తాత్కాలికంగా వాటివల్ల ఏ హాని లేకుండా చెయ్యవచ్చు. కానీ దుర్మార్గుల హద్దు, అదుపు లేని భ్రష్టత్వాన్ని ఎవరూ సాధుపరచలేరు. ఎప్పుడూ ఏదో ఒక రూపంలో అది బయట పడుతూనే ఉంటుంది (సామెతలు 27:22; యిర్మియా 13:23; రోమీయులకు 8:7). చట్టాన్ని గానీ హిత వాక్కును గానీ చివరికి దేవుని మాట కూడా వారు పట్టించుకోరు.

5. వారి స్వరము తనకు వినబడకుండునట్లు చెవి మూసికొనునట్టి చెవిటి పామువలె వారున్నారు.

6. దేవా, వారి నోటి పండ్లను విరుగగొట్టుము యెహోవా, కొదమ సింహముల కోరలను ఊడ గొట్టుము.

కీర్తనల గ్రంథము 35:8 నోట్ చూడండి. బాగుపడడానికి ఇష్టంలేని పాపాత్ముల పట్ల దేవుడు లోపం లేని న్యాయంతో వ్యవహరిస్తాడు. ఎవరైనా తన విష కోరలతో తన సాటి మనిషికి హాని చేయజూస్తే దేవుడు అలాంటివాడి పళ్ళు విరగొట్టెయ్యడంలో ఆశ్చర్యం లేదు, అన్యాయమూ లేదు. అలాంటివారు ఏదన్నా కుట్రను, పథకాన్ని తయారు చేసుకుంటూ ఉన్నప్పుడే దేవుడు వారిని ఎగరగొట్టేస్తాడని దావీదు అంటున్నాడు.

7. పారు నీళ్లవలె వారు గతించిపోవుదురు అతడు తన బాణములను సంధింపగా అవి తునాతునకలై పోవును.

8. వారు కరగిపోయిన నత్తవలె నుందురు సూర్యుని చూడని గర్భస్రావమువలె నుందురు.

9. మీ కుండలకు ముళ్లకంపల సెగ తగలకమునుపే అది పచ్చిదైనను ఉడికినదైనను ఆయన దాని నెగర గొట్టుచున్నాడు,

10. ప్రతిదండన కలుగగా నీతిమంతులు చూచి సంతో షించుదురు భక్తిహీనుల రక్తములో వారు తమ పాదములను కడుగుకొందురు.

దుర్మార్గులకు శిక్ష కలిగితే న్యాయవంతులు వ్యక్తిగతమైన పగను బట్టి ఆనందించరు. తమంతట తాము ప్రతీకారం చేయడానికి కూడా వారు ప్రయత్నించకూడదు. అయితే న్యాయం జరిగినప్పుడు వారు ఆనందిస్తారు. న్యాయం విజయం గొప్ప విషయం. దుర్మార్గులు వేదనలను అనుభవిస్తూ ఉంటే చూచి న్యాయవంతులు ఆనందించరు గానీ దేవుని శత్రువుల పక్షం వహించే పొరపాటు చెయ్యరు. వారిని శిక్షించినందుచేత దేవుడు అన్యాయం చేశాడనరు. ఆయన్ను నిందించే పొరపాటు చెయ్యరు. సంఖ్యాకాండము 31:2-3 నోట్ చూడండి.

11. కావున నిశ్చయముగా నీతిమంతులకు ఫలము కలుగు ననియు నిశ్చయముగా న్యాయము తీర్చు దేవుడు లోకములో నున్నాడనియు మనుష్యులు ఒప్పుకొందురు.

కీర్తనల గ్రంథము 9:8; కీర్తనల గ్రంథము 67:4; కీర్తనల గ్రంథము 75:7; కీర్తనల గ్రంథము 94:2. మనుషులంతా అర్థం చేసుకోవలసినది ఇదే. వారికి అర్థమయ్యేలా దేవుడు ఉపయోగించిన ఏ విధానమైనా మంచిదే.



Shortcut Links
కీర్తనల గ్రంథము - Psalms : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 | 115 | 116 | 117 | 118 | 119 | 120 | 121 | 122 | 123 | 124 | 125 | 126 | 127 | 128 | 129 | 130 | 131 | 132 | 133 | 134 | 135 | 136 | 137 | 138 | 139 | 140 | 141 | 142 | 143 | 144 | 145 | 146 | 147 | 148 | 149 | 150 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |