1. మరియు యెహోవా మోషేతో ఈలాగు సెలవిచ్చెను

1. mariyu yehovaa moshethoo eelaagu selavicchenu

2. ఇశ్రాయేలీయులలో మనుష్యుల యొక్కయు పశువులయొక్కయు ప్రథమ సంతతి, అనగా ప్రతి తొలి చూలు పిల్లను నాకు ప్రతిష్ఠించుము; అది నాదని చెప్పెను.
లూకా 2:23

2. ishraayeleeyulalo manushyula yokkayu pashuvulayokkayu prathama santhathi, anagaa prathi toli choolu pillanu naaku prathishthinchumu; adhi naadani cheppenu.

3. మోషే ప్రజలతో నిట్లనెను - మీరు దాసగృహమైన ఐగుప్తునుండి బయలుదేరి వచ్చిన దినమును జ్ఞాపకము చేసికొనుడి. యెహోవా తన బాహు బలముచేత దానిలోనుండి మిమ్మును బయటికి రప్పించెను; పులిసిన దేదియు తినవద్దు.

3. moshe prajalathoo nitlanenu-meeru daasagruhamaina aigupthunundi bayaludherivachina dinamunu gnaapakamu chesikonudi. Yehovaa thana baahu balamuchetha daanilonundi mimmunu bayatiki rappinchenu; pulisina dhediyu thinavaddu.

4. ఆబీబను నెలలో ఈ దినమందే మీరు బయలుదేరి వచ్చితిరిగదా.

4. aabeebanunelalo ee dinamandhe meeru bayaludheri vachithirigadaa.

5. యెహోవా నీకిచ్చెదనని నీ పితరులతో ప్రమాణము చేసినట్లు, కనానీయులకు హిత్తీయులకు అమోరీయులకు హివ్వీయులకు యెబూసీయులకు నివాసస్థానమై యుండు, పాలు తేనెలు ప్రవహించు దేశమునకు నిన్ను రప్పించిన తరువాత నీవు ఈ ఆచారమును ఈ నెలలోనే జరుపుకొనవలెను.

5. yehovaa neekicchedhanani nee pitharulathoo pramaanamu chesinatlu, kanaaneeyulaku hittheeyulaku amoreeyulaku hivveeyulaku yebooseeyulaku nivaasasthaanamai yundu, paalu thenelu pravahinchu dheshamunaku ninnu rappinchina tharuvaatha neevu ee aachaaramunu ee nelalone jarupukonavalenu.

6. ఏడు దినములు నీవు పులియని రొట్టెలను తినవలెను, ఏడవ దినమున యెహోవా పండుగ ఆచరింపవలెను.

6. edu dinamulu neevu puliyani rottelanu thinavalenu, edava dinamuna yehovaa panduga aacharimpavalenu.

7. పులియని వాటినే యేడు దినములు తినవలెను. పులిసినదేదియు నీయొద్ద కనబడ కూడదు. నీ ప్రాంతము లన్నిటిలోను పొంగినదేదియు నీయొద్ద కనబడకూడదు.
1 కోరింథీయులకు 5:7-8

7. puliyani vaatine yedu dinamulu thinavalenu. Pulisinadhediyu neeyoddha kanabada koodadu. nee praanthamu lannitilonu ponginadhediyu neeyoddha kanabadakoodadu.

8. మరియు ఆ దినమున నీవునేను ఐగుప్తు లోనుండి వచ్చినప్పుడు యెహోవా నాకు చేసినదాని నిమిత్తము పొంగని రొట్టెలను తినుచున్నానని నీ కుమారునికి తెలియచెప్పవలెను.

8. mariyu aa dinamuna neevunenu aigupthu lonundi vachinappudu yehovaa naaku chesinadaani nimitthamu pongani rottelanu thinuchunnaanani nee kumaaruniki teliyacheppavalenu.

9. యెహోవా ధర్మశాస్త్రము నీ నోట నుండునట్లు బలమైన చేతితో యెహోవా ఐగుప్తులోనుండి నిన్ను బయటికి రప్పించెననుటకు, ఈ ఆచారము నీ చేతిమీద నీకు సూచనగాను నీ కన్నుల మధ్య జ్ఞాపకార్థముగా ఉండును.
మత్తయి 23:5

9. yehovaa dharma shaastramu nee nota nundunatlu balamaina chethithoo yehovaa aigupthulonundi ninnu bayatiki rappinchenanutaku, ee aachaaramu nee chethimeeda neeku soochanagaanu nee kannula madhya gnaapakaarthamugaa undunu.

10. కాబట్టి ప్రతి సంవత్సరము ఈ కట్టడను దాని నియామక కాలమున ఆచరింపవలెను.

10. kaabatti prathi samvatsaramu ee kattadanu daani niyaamaka kaalamuna aacharimpavalenu.

11. యెహోవా నీతోను నీ పితరులతోను ప్రమాణము చేసినట్లు ఆయన కనానీయుల దేశములోనికి నిన్ను చేర్చి దానిని నీకిచ్చిన తరువాత

11. yehovaa neethoonu nee pitharulathoonu pramaanamu chesinatlu aayana kanaaneeyula dheshamuloniki ninnu cherchi daanini neekichina tharuvaatha

12. ప్రతి తొలిచూలు పిల్లను, నీకు కలుగు పశువుల సంతతిలో ప్రతి తొలి పిల్లను యెహోవాకు ప్రతిష్ఠింపవలెను. వానిలో మగసంతానము యెహోవా దగును.
లూకా 2:23

12. prathi toli choolupillanu, neeku kalugu pashuvula santhathilo prathi toli pillanu yehovaaku prathishthimpavalenu. Vaanilo magasanthaanamu yehovaa dagunu.

13. ప్రతి గాడిద తొలి పిల్లను వెలయిచ్చి విడిపించి దానికి మారుగా గొఱ్ఱెపిల్లను ప్రతిష్ఠింపవలెను. అట్లు దానిని విడిపించని యెడల దాని మెడను విరుగదీయ వలెను. నీ కుమారులలో తొలిచూలియైన ప్రతి మగ వానిని వెలయిచ్చి విడిపింపవలెను.

13. prathi gaadida toli pillanu velayichi vidipinchi daaniki maarugaa gorrapillanu prathishthimpavalenu. Atlu daanini vidipinchani yedala daani medanu virugadeeya valenu. nee kumaarulalo tolichooliyaina prathi maga vaanini velayichi vidipimpavalenu.

14. ఇకమీదట నీ కుమారుడు - ఇది ఏమిటని నిన్ను అడుగునప్పుడు నీవు వాని చూచి - బాహుబలముచేత యెహోవా దాసగృహమైన ఐగుప్తులోనుండి మనలను బయటికి రప్పించెను.

14. ikameedata nee kumaarudu-idi emitani ninnu adugunappudu neevu vaani chuchi-baahubalamuchetha yehovaa daasagruhamaina aigupthulonundi manalanu bayatiki rappinchenu.

15. ఫరో మనలను పోనియ్యకుండ తన మనస్సును కఠినపరచుకొనగా యెహోవా మనుష్యుల తొలి సంతానమేమి జంతువుల తొలి సంతానమేమి ఐగుప్తుదేశములో తొలి సంతానమంతయు సంహరించెను. ఆ హేతువు చేతను నేను మగదైన ప్రతి తొలిచూలు పిల్లను యెహోవాకు బలిగా అర్పించుదును; అయితే నా కుమారులలో ప్రతి తొలి సంతానము వెలయిచ్చి విడిపించుదునని చెప్పవలెను.
లూకా 2:23

15. pharo manalanu poniyyakunda thana manassunu kathinaparachukonagaa yehovaa manushyula toli santhaanamemi janthuvula toli santhaanamemi aigupthudheshamulo toli santhaanamanthayu sanharinchenu. aa hethuvu chethanu nenu magadaina prathi tolichoolu pillanu yehovaaku baligaa arpinchudunu; ayithe naa kumaarulalo prathi toli santhaanamu velayichi vidipinchudunani cheppavalenu.

16. బాహుబలముచేత యెహోవా మనలను ఐగుప్తులోనుండి బయటికి రప్పించెను గనుక ఆ సంగతి నీ చేతిమీద సూచన గాను నీ కన్నుల మధ్య లలాట పత్రికగాను ఉండవలెను అని చెప్పెను.

16. baahubalamuchetha yehovaa manalanu aigupthulonundi bayatiki rappinchenu ganuka aa sangathi nee chethimeeda soochana gaanu nee kannula madhya lalaata patrikagaanu undavalenu ani cheppenu.

17. మరియు ఫరో ప్రజలను పోనియ్యగా దేవుడు ఈ ప్రజలు యుద్ధము చూచునప్పుడు వారు పశ్చాత్తాపపడి ఐగుప్తుకు తిరుగుదురేమో అనుకొని, ఫిలిష్తీయులదేశము సమీపమైనను ఆ మార్గమున వారిని నడిపింపలేదు.

17. mariyu pharo prajalanu poniyyagaa dhevudu ee prajalu yuddhamu choochunappudu vaaru pashchaatthaapapadi aigupthuku thiruguduremo anukoni, philishtheeyuladheshamu sameepamainanu aa maargamuna vaarini nadipimpaledu.

18. అయితే దేవుడు ప్రజలను చుట్టుదారియగు ఎఱ్ఱసముద్రపు అరణ్యమార్గమున నడిపించెను. ఇశ్రాయేలీయులు యుద్ధ సన్నద్ధులై ఐగుప్తులోనుండి వచ్చిరి.

18. ayithe dhevudu prajalanu chuttudaariyagu errasamudrapu aranyamaargamuna nadipinchenu. Ishraayeleeyulu yuddha sannaddhulai aigupthulonundi vachiri.

19. మరియు మోషే యోసేపు ఎముకలను తీసికొని వచ్చెను. అతడు దేవుడు నిశ్చయముగా దర్శనమిచ్చును; అప్పుడు మీరు నా ఎముకలను ఇక్కడనుండి తీసికొని పోవలెనని ఇశ్రాయేలీయుల చేత రూఢిగా ప్రమాణము చేయించుకొని యుండెను.
హెబ్రీయులకు 11:22

19. mariyu moshe yosepu emukalanu theesikoni vacchenu. Athadu dhevudu nishchayamugaa darshanamichunu; appudu meeru naa emukalanu ikkadanundi theesikoni povalenani ishraayeleeyula chetha roodhigaa pramaanamu cheyinchukoni yundenu.

20. వారు సుక్కోతునుండి ప్రయాణమై పోయి, అరణ్యము దగ్గరనున్న ఏతాములో దిగిరి.

20. vaaru sukkothunundi prayaanamai poyi, aranyamu daggaranunna ethaamulo digiri.

21. వారు పగలు రాత్రియు ప్రయాణము చేయునట్లుగా యెహోవా త్రోవలో వారిని నడిపించుటకై పగటివేళ మేఘస్తంభములోను, వారికి వెలుగిచ్చుటకు రాత్రివేళ అగ్నిస్తంభములోను ఉండి వారికి ముందుగా నడచుచు వచ్చెను.
1 కోరింథీయులకు 10:1

21. vaaru pagalu raatriyu prayaanamu cheyunatlugaa yehovaa trovalo vaarini nadipinchutakai pagativela meghasthambhamulonu, vaariki velugichutaku raatrivela agnisthambhamulonu undi vaariki mundhugaa nadachuchu vacchenu.

22. ఆయన పగటివేళ మేఘస్తంభమునైనను రాత్రివేళ అగ్నిస్తంభమునైనను ప్రజలయెదుటనుండి తొలగింపలేదు.
1 కోరింథీయులకు 10:1

22. aayana pagativela meghasthambhamunainanu raatrivela agnisthambhamunainanu prajalayedutanundi tolagimpaledu.