1. మరియు యెహోవా మోషేతో ఇట్లనెను నీవును నీవు ఐగుప్తుదేశమునుండి తోడుకొనివచ్చిన ప్రజలును బయలుదేరి, నేను అబ్రాహాముతోను ఇస్సాకుతోను యాకోబుతోను ప్రమాణము చేసి నీ సంతానమునకు దీని నిచ్చెదనని చెప్పిన పాలు తేనెలు ప్రవహించు దేశమునకు లేచిపొండి.

ఆదికాండము 12:7.

2. నేను నీకు ముందుగా దూతను పంపి కనానీయులను అమోరీయులను హిత్తీయులను పెరిజ్జీయులను హివ్వీయులను యెబూసీయులను వెళ్లగొట్టెదను.

“దేవదూత”– “యెహోవా దూత” కాదు, మామూలు దేవదూత. ఆదికాండము 16:7 చూడండి. “యోబూసి”– యెహోషువ 24:11. అమోరివాళ్ళ పాపం పండింది (ఆదికాండము 15:16). దేవుడు వారిని వెళ్ళగొట్టి తన ప్రజలను అక్కడ స్థిరపరుస్తాడు. ఆదికాండము 6:7 లేవీయకాండము 18:24 నోట్స్ చూడండి.

3. మీరు లోబడనొల్లని ప్రజలు గనుక నేను మీతో కూడ రాను; త్రోవలో మిమ్మును సంహరించెదనేమో అని మోషేతో చెప్పెను.
అపో. కార్యములు 7:51

నిర్గమకాండము 32:9-10 చూడండి.

4. ప్రజలు ఆ దుర్వార్తను విని దుఃఖించిరి; ఎవడును ఆభరణములను ధరించుకొనలేదు.

సంఖ్యాకాండము 14:1 సంఖ్యాకాండము 14:39. ప్రజలు దేవుని ఆజ్ఞలను లెక్క చెయ్య కుండా తమ ఇష్టం వచ్చినట్టు చేయబూనుకున్నారు. కానీ దేవుడు మాత్రం తమతో ఉండాలట! మనుషులంతా సాధారణంగా ఇంతే.

5. కాగా యెహోవా మోషేతో ఇట్లనెను నీవు ఇశ్రాయేలీయులతో మీరు లోబడనొల్లని ప్రజలు; ఒక క్షణమాత్రము నేను మీ నడుమకు వచ్చితినా, మిమ్మును నిర్మూలము చేసెదను గనుక మిమ్మును ఏమి చేయవలెనో అది నాకు తెలియునట్లు మీ ఆభరణములను మీ మీదనుండి తీసివేయుడి అని చెప్పుమనెను.

6. కాబట్టి ఇశ్రాయేలీయులు హోరేబు కొండయొద్ద తమ ఆభరణములను తీసివేసిరి.

7. అంతట మోషే గుడారమును తీసి పాళెము వెలుపలికి వెళ్లి పాళెమునకు దూరముగా దాని వేసి, దానికి ప్రత్యక్షపు గుడారమను పేరు పెట్టెను. యెహోవాను వెదకిన ప్రతివాడును పాళెమునకు వెలుపలనున్న ఆ ప్రత్యక్షపు గుడారమునకు వెళ్లుచు వచ్చెను.

ఇది ఆరాధన గుడారం కాదు. ఆరాధన గుడారాన్ని ఇంకా కట్టలేదు.

8. మోషే ఆ గుడారమునకు వెళ్లినప్పుడు ప్రజలందరును లేచి, ప్రతివాడు తన గుడారపు ద్వారమందు నిలిచి, అతడు ఆ గుడారములోనికి పోవువరకు అతని వెనుకతట్టు నిదానించి చూచు చుండెను.

9. మోషే ఆ గుడారములోనికి పోయినప్పుడు మేఘస్తంభము దిగి ఆ గుడారపు ద్వారమందు నిలువగా యెహోవా మోషేతో మాటలాడుచుండెను.

నిర్గమకాండము 13:21.

10. ప్రజలందరు ఆ మేఘస్తంభము ఆ గుడారపు ద్వారమున నిలుచుటచూచి, లేచి ప్రతివాడును తన తన గుడారపు ద్వారమందు నమస్కారము చేయుచుండిరి.

11. మనుష్యుడు తన స్నేహితునితో మాటలాడునట్లు యెహోవా మోషేతో ముఖాముఖిగా మాటలాడుచుండెను. తరువాత అతడు పాళెములోనికి తిరిగి వచ్చుచుండెను. అతని పరిచారకుడును నూను కుమారుడునైన యెహోషువ అను ¸యౌవనస్థుడు గుడారములోనుండి వెలుపలికి రాలేదు.

సంఖ్యాకాండము 12:8 ద్వితీయోపదేశకాండము 34:10. దేవుడు మానవ రూపంలోనో దేవదూత రూపంలోనో బహుశా మోషేకు కనిపించి ఉండవచ్చు (ఆదికాండము 18:1-2).

12. మోషే యెహోవాతో ఇట్లనెను చూడుము ఈ ప్రజలను తోడుకొని పొమ్మని నీవు నాతో చెప్పుచున్నావు గాని నాతో ఎవరిని పంపెదవో అది నాకు తెలుపలేదు. నీవు నేను నీ పేరునుబట్టి నిన్ను ఎరిగియున్నాననియు, నా కటాక్షము నీకు కలిగినదనియు చెప్పితివి కదా.

నిర్గమకాండము 33:2. ఒక దేవదూత తమ వెంటే వస్తాడని దేవుడిచ్చిన మాట మోషేకు సంతృప్తిని ఇవ్వలేదు.

13. కాబట్టి నీ కటాక్షము నా యెడల కలిగిన యెడల నీ కటాక్షము నాయెడల కలుగునట్లుగా దయచేసి నీ మార్గమును నాకు తెలుపుము. అప్పుడు నేను నిన్ను తెలిసికొందును; చిత్తగించుము, ఈ జనము నీ ప్రజలేగదా అనెను.

ఇది మహత్తరమైన ప్రార్థన (కీర్తనల గ్రంథము 25:4 కీర్తనల గ్రంథము 27:1 కీర్తనల గ్రంథము 51:13 కీర్తనల గ్రంథము 86:11 కీర్తనల గ్రంథము 119:33 పోల్చిచూడండి). దేవుడు మోషే ప్రార్థనకు జవాబిచ్చాడు (కీర్తనల గ్రంథము 103:7). దేవుణ్ణి మరింత బాగా తెలుసుకోవాలన్న మోషే అభిలాష మనందరికీ ఆదర్శం (యోహాను 17:3 ఎఫెసీయులకు 1:17 ఎఫెసీయులకు 4:13 ఫిలిప్పీయులకు 3:8

14. అందుకు ఆయన నా సన్నిధి నీకు తోడుగా వచ్చును, నేను నీకు విశ్రాంతి కలుగజేసెదననగా

అన్నిటికంటే దైవ సన్నిధానాన్ని మోషే ఎక్కువగా ఆశించాడు. విశ్రాంతిని ఇవ్వగలిగేది ఇదొక్కటే (ద్వితీయోపదేశకాండము 12:10 ద్వితీయోపదేశకాండము 25:19 యెహోషువ 21:44 యెహోషువ 22:4 యెషయా 14:3 యెషయా 30:15 మత్తయి 11:28-29 హెబ్రీయులకు 4:9).

15. మోషే నీ సన్నిధి రానియెడల ఇక్కడనుండి మమ్మును తోడుకొనిపోకుము.

లేవీయకాండము 20:24 లేవీయకాండము 20:26 సంఖ్యాకాండము 23:21-24 ద్వితీయోపదేశకాండము 33:29.

16. నాయెడలను నీ ప్రజలయెడలను నీకు కటాక్షము కలిగినదని దేని వలన తెలియబడును? నీవు మాతో వచ్చుటవలననే గదా? అట్లు మేము, అనగా నేనును నీ ప్రజలును భూమిమీదనున్న సమస్త ప్రజలలోనుండి ప్రత్యేకింపబడుదుమని ఆయనతో చెప్పెను.

17. కాగా యెహోవానీవు చెప్పిన మాటచొప్పున చేసెదను; నీమీద నాకు కటాక్షము కలిగినది, నీ పేరునుబట్టి నిన్ను ఎరుగుదునని మోషేతో చెప్పగా

18. అతడు దయచేసి నీ మహిమను నాకు చూపుమనగా

ఇది మరో మహత్తరమైన విన్నపం. ఆదికాండం మొదటి అధ్యాయంలోని పాత సృష్టి (కీర్తనల గ్రంథము 19:1) దగ్గర్నుంచి ప్రకటన 21,22 అధ్యాయాల్లోని క్రొత్త సృష్టి వరకు (ప్రకటన గ్రంథం 21:23) బైబిలు అంతా దేవుని మహిమను గురించిన కథనమే – నిర్గమకాండము 40:34-35 సంఖ్యాకాండము 14:21 ద్వితీయోపదేశకాండము 5:24 1 రాజులు 8:11 యెషయా 6:3

19. ఆయన నా మంచితనమంతయు నీ యెదుట కనుపరచెదను; యెహోవా అను నామమును నీ యెదుట ప్రకటించెదను. నేను కరుణించువాని కరుణించెదను, ఎవనియందు కనికరపడెదనో వానియందు కనికరపడెదననెను.
రోమీయులకు 9:15

“సుగుణం”– దేవుని మంచితనం ఆయన మహిమలో అంతర్భాగమే. “పేరు”– ఆయన నామప్రకటన అంటే ఆయన స్వభావాన్ని వెల్లడి చేయడమే. నిర్గమకాండము 34:6-7 లో ఇలా చేశాడు. “చూపాలని ఉందో”– దేవుని ఆధిపత్యం ఆయన మహిమలో అంతర్భాగమే (రోమీయులకు 9:15-18 ఎఫెసీయులకు 1:11-12).

20. మరియు ఆయననీవు నా ముఖమును చూడజాలవు; ఏ నరుడును నన్ను చూచి బ్రదుకడనెను.
మత్తయి 1:18, 1 తిమోతికి 6:16

యోహాను 1:18 1 తిమోతికి 6:16.

21. మరియు యెహోవాఇదిగో నా సమీపమున ఒక స్థలమున్నది, నీవు ఆ బండమీద నిలువవలెను.

“బండ”– బైబిల్లో “బండ” అనేది దేవునికీ క్రీస్తుకూ ఇచ్చిన పేరు. ఇది దేవుని ప్రజల పాలిట స్థిరమైన పునాదినీ ఆపద కాలంలో ఆశ్రయాన్నీ సూచిస్తున్నది (ద్వితీయోపదేశకాండము 32:4 కీర్తనల గ్రంథము 18:2 కీర్తనల గ్రంథము 18:31 కీర్తనల గ్రంథము 18:46 కీర్తనల గ్రంథము 42:9 నిర్గమకాండము 17:6 ద్వితీయోపదేశకాండము 32:4 కీర్తనల గ్రంథము 118:22 నోట్స్ చూడండి).

22. నా మహిమ నిన్ను దాటి వెళ్లుచుండగా ఆ బండసందులో నిన్ను ఉంచి, నిన్ను దాటి వెళ్లువరకు నా చేతితో నిన్ను కప్పెదను;

23. నేను నా చెయ్యి తీసిన తరువాత నా వెనుక పార్శ్వమును చూచెదవు కాని నా ముఖము నీకు కనబడదని మోషేతో చెప్పెను.