1. జ్ఞానముగల కుమారుడు తండ్రిని సంతోషపరచును బుద్ధిలేని కుమారుడు తన తల్లికి దుఃఖము పుట్టించును.

సామెతలు 15:20; సామెతలు 17:21; సామెతలు 19:13; సామెతలు 23:22-25; సామెతలు 27:11; సామెతలు 29:3.

2. భక్తిహీనుల ధనము వారికి లాభకరము కాదు నీతి మరణమునుండి రక్షించును.

“లాభమేమీ ఉండదు”– సామెతలు 21:6; యోబు 1:21; కీర్తనల గ్రంథము 49:10-12; ప్రసంగి 5:15; 1 తిమోతికి 6:7-9. “తప్పిస్తుంది”– 16వ; సామెతలు 11:4, సామెతలు 11:19; సామెతలు 12:28. తనపై నమ్మకముంచిన వారందరికీ దేవుడు ఉచితంగా ఇచ్చే క్రీస్తు నీతిన్యాయాలు వారిని శాశ్వత మృత్యువు నుంచి విడిపిస్తాయి (రోమీయులకు 3:22; రోమీయులకు 5:21; 2 కోరింథీయులకు 5:21 మొ।।).

3. యెహోవా నీతిమంతుని ఆకలిగొననియ్యడు భక్తిహీనుని ఆశను భంగముచేయును.

“సన్మార్గులు”– కీర్తనల గ్రంథము 37:19, కీర్తనల గ్రంథము 37:25; కీర్తనల గ్రంథము 111:5; మత్తయి 6:25-27. “దుర్మార్గులు”– సామెతలు 13:25; సంఖ్యాకాండము 11:33-34; కీర్తనల గ్రంథము 112:10.

4. బద్ధకముగా పనిచేయువాడు దరిద్రుడగును శ్రద్ధగలవాడు ఐశ్వర్యవంతుడగును.

“బద్ధకం”– సామెతలు 6:6-11. “శ్రద్ధ”– సామెతలు 12:24; సామెతలు 21:5.

5. వేసవికాలమున కూర్చువాడు బుద్ధిగల కుమారుడు కోతకాలమందు నిద్రించువాడు సిగ్గుపరచు కుమారుడు.

6. నీతిమంతుని తలమీదికి ఆశీర్వాదములు వచ్చును బలాత్కారము భక్తిహీనుని నోరు మూసివేయును.

“ఆశీస్సులు”– కీర్తనల గ్రంథము 1:1.

7. నీతిమంతుని జ్ఞాపకముచేసికొనుట ఆశీర్వాదకరమగును భక్తిహీనుల పేరు అసహ్యత పుట్టించును

“జ్ఞాపకం”– కీర్తనల గ్రంథము 112:6; ఫిలిప్పీయులకు 1:3-4; 2 తిమోతికి 1:4-5; హీబ్రూ 11వ అధ్యాయం; హెబ్రీయులకు 13:7. “నాశనం”– ఆదికాండము 17:4; యోబు 18:17; కీర్తనల గ్రంథము 9:6; కీర్తనల గ్రంథము 34:16.

8. జ్ఞానచిత్తుడు ఉపదేశము నంగీకరించును పనికిమాలిన వదరుబోతు నశించును.

“ఆజ్ఞలు”– సామెతలు 9:8-9; ద్వితీయోపదేశకాండము 4:5-6. జ్ఞానం ఉన్నవారికి దేవుని ఆజ్ఞల విలువ కొంత తెలుసు. వాటిని జాగ్రత్తగా పాటిస్తారు.

9. యథార్థముగా ప్రవర్తించువాడు నిర్భయముగా ప్రవర్తించును. కుటిలవర్తనుడు బయలుపడును.
అపో. కార్యములు 13:10

“క్షేమం”– సామెతలు 2:7; ఆదికాండము 15:1; కీర్తనల గ్రంథము 7:10; కీర్తనల గ్రంథము 37:23-24; కీర్తనల గ్రంథము 91:1-16. “బయటపడుతుంది”– సంఖ్యాకాండము 32:23; మత్తయి 10:26; 2 తిమోతికి 3:9.

10. కనుసైగ చేయువాడు వ్యధ పుట్టించును పనికిమాలిన వదరుబోతు నశించును.

సామెతలు 6:13; కీర్తనల గ్రంథము 35:19.

11. నీతిమంతుని నోరు జీవపు ఊట భక్తిహీనుల నోరు బలాత్కారము మరుగుపరచును.

“జీవజలం ఊట”– 20,21 వ; సామెతలు 3:18; సామెతలు 11:30; సామెతలు 13:14. న్యాయవంతులు ఇతరులకు ఈ భూమిపై సన్మార్గం అవలంబించడం గురించి, ఆ తరువాత దేవునితో అనంత జీవంలోకి వెళ్ళడం గురించి నేర్పుతారన్నమాట.

12. పగ కలహమును రేపును ప్రేమ దోషములన్నిటిని కప్పును.
1 కోరింథీయులకు 13:7, యాకోబు 5:20, 1 పేతురు 4:8

“కలహం”– సామెతలు 6:14, సామెతలు 6:19. “కప్పివేస్తుంది”– యాకోబు 5:20; 1 పేతురు 4:8. ప్రేమ పాపులను దేవుని చెంతకు చేరుస్తుంది. ఆయన వారి పాపాలను కప్పివేసి క్షమిస్తాడు (కీర్తనల గ్రంథము 32:1 నోట్‌). పైగా సరైన కారణం ఉంటే తప్ప ప్రేమ ఇతరుల పాపాలను వెల్లడి చేయదు. అయితే దేవుని వాక్కుకు ఆటంకం కలిగినప్పుడు గానీ దేవుని ప్రజలకు ప్రమాదం వాటిల్లినప్పుడు గానీ వెల్లడి చెయ్యాలి (యెహో 7వ అధ్యాయం; అపో. కార్యములు 5:1-11; 2 కోరింథీయులకు 11:13; 1 తిమోతికి 1:20; 2 తిమోతికి 1:15; 2 తిమోతికి 4:14-15).

13. వివేకుని పెదవులయందు జ్ఞానము కనబడును బుద్ధిహీనుని వీపునకు బెత్తమే తగును.

“బెత్తం”– సామెతలు 14:3; సామెతలు 19:28; సామెతలు 26:3; ద్వితీయోపదేశకాండము 25:2.

14. జ్ఞానులు జ్ఞానము సమకూర్చుకొందురు మూఢుల నోరు అప్పుడే నాశనముచేయును.

“సమకూర్చుకుంటారు”– లూకా 6:45. జ్ఞానం ఉన్నవాడు పాపం చేయడం గురించి తప్ప మిగతా అన్ని విషయాల గురించీ తెలుసుకోవాలని కోరుకుంటారు (1 కోరింథీయులకు 14:20).

15. ధనవంతుని ఆస్తి వానికి ఆశ్రయపట్టణము దరిద్రుని పేదరికము వానికి నాశనకరము.

పేదవారు పొందలేని కొన్ని అధికారాలనూ ప్రత్యేకావకాశాలనూ సంపద ధనికులకు తెచ్చిపెడుతుంది (సామెతలు 18:23; సామెతలు 22:7). అయితే నిజమైన భద్రత దేవునిలో మాత్రమే ఉందని వారు గుర్తించాలి (సామెతలు 18:2; కీర్తనల గ్రంథము 52:1-7).

16. నీతిమంతుని కష్టార్జితము జీవదాయకము భక్తిహీనునికి కలుగు వచ్చుబడి పాపము పుట్టించును.

సామెతలు 11:18-19; ద్వితీయోపదేశకాండము 30:15-16; ద్వితీయోపదేశకాండము 32:46-47; రోమీయులకు 6:23.

17. ఉపదేశము నంగీకరించువాడు జీవమార్గములో ఉన్నాడు గద్దింపునకు లోబడనివాడు త్రోవ తప్పును.

సామెతలు 6:23; సామెతలు 15:5; హెబ్రీయులకు 12:5-11. స్వభావ సిద్ధంగా మనం దేవుని పవిత్రమైన విధానాలను ఎరగని పాపాత్ములం. కాబట్టి సవరణ, క్రమశిక్షణ చాలా ముఖ్యం. వీటిని మనం అలక్ష్యం చేస్తే మనకే ప్రమాదం.

18. అంతరంగమున పగ ఉంచుకొనువాడు అబద్ధికుడు కొండెము ప్రచురము చేయువాడు బుద్ధిహీనుడు.

కీర్తనల గ్రంథము 31:18.

19. విస్తారమైన మాటలలో దోషముండక మానదు తన పెదవులను మూసికొనువాడు బుద్ధిమంతుడు.

యాకోబు 1:19; యాకోబు 3:2-12.

20. నీతిమంతుని నాలుక ప్రశస్తమైన వెండివంటిది భక్తిహీనుల ఆలోచన పనికిమాలినది.

21. నీతిమంతుని పెదవులు అనేకులకు ఉపదేశించును బుద్ధి లేకపోవుట చేత మూఢులు చనిపోవుదురు.

22. యెహోవా ఆశీర్వాదము ఐశ్వర్యమిచ్చును నరుల కష్టముచేత ఆ యాశీర్వాదము ఎక్కువ కాదు.

ఆదికాండము 24:34-35; కీర్తనల గ్రంథము 1:3; కీర్తనల గ్రంథము 128:1-2; మత్తయి 6:19-21.

23. చెడుపనులు చేయుట బుద్ధిహీనునికి ఆటగా నున్నది వివేకికి జ్ఞానపరిశ్రమ చేయుట అట్టిదే.

ఆదికాండము 2:14; ఆదికాండము 15:21; ఎఫెసీయులకు 4:19; ఫిలిప్పీయులకు 3:19; 2 థెస్సలొనీకయులకు 2:12.

24. భక్తిహీనుడు దేనికి భయపడునో అదే వానిమీదికి వచ్చును నీతిమంతులు ఆశించునది వారికి దొరుకును.

“భయపడినదే”– యెషయా 66:4; యెహెఙ్కేలు 11:8. దుర్మార్గులకు కొంత బుద్ధి వచ్చిన సమయాల్లో వారు తమ చర్యలకు రాబోయే దేవుని శిక్ష గురించి ఏమి భయపడతారో అదీ, దానికంటే మరి ఎక్కువ వారిమీదికి వస్తుంది. “కోరుకొన్నదే”– కీర్తనల గ్రంథము 37:4; కీర్తనల గ్రంథము 145:17-19; మత్తయి 7:7-11; యోహాను 15:7.

25. సుడిగాలి వీచగా భక్తిహీనుడు లేకపోవును. నీతిమంతుడు నిత్యము నిలుచు కట్టడమువలె ఉన్నాడు.

“దుర్మార్గులు”– సామెతలు 12:7; కీర్తనల గ్రంథము 37:10, కీర్తనల గ్రంథము 37:35-36; మత్తయి 7:24-27.

26. సోమరి తనను పని పెట్టువారికి పండ్లకు పులుసువంటివాడు కండ్లకు పొగవంటివాడు.

సామెతలు 26:6.

27. యెహోవాయందు భయభక్తులు కలిగియుండుట దీర్ఘాయువునకు కారణము భక్తిహీనుల ఆయుస్సు తక్కువై పోవును.

వ 11; సామెతలు 9:10-11; ద్వితీయోపదేశకాండము 11:9.

28. నీతిమంతుల ఆశ సంతోషము పుట్టించును. భక్తిహీనుల ఆశ భంగమై పోవును.

సామెతలు 11:7; యోబు 8:13; కీర్తనల గ్రంథము 112:10.

29. యథార్థవంతునికి యెహోవా యేర్పాటు ఆశ్రయదుర్గము పాపముచేయువారికి అది నాశనకరము.

కాబట్టి మనం కీర్తనల గ్రంథము 25:4-5; కీర్తనల గ్రంథము 27:11; కీర్తనల గ్రంథము 119:12 లోని ప్రార్థనలను శ్రద్ధాసక్తులతో చేస్తూ ఉండాలి.

30. నీతిమంతుడు ఎన్నడును కదలింపబడడు భక్తిహీనులు దేశములో నివసింపరు.

కీర్తనల గ్రంథము 37:9, కీర్తనల గ్రంథము 37:28-29.

31. నీతిమంతుని నోరు జ్ఞానోపదేశమును పలుకును మూర్ఖపు మాటలు పలుకు నాలుక పెరికివేయబడును.

వ 13; సామెతలు 15:2; కీర్తనల గ్రంథము 52:2-5.

32. నీతిమంతుని పెదవులు ఉపయుక్తములైన సంగతులు పలుకును భక్తిహీనుల నోట మూర్ఖపు మాటలు వచ్చును.

సామెతలు 2:12; ప్రసంగి 10:12; కీర్తనల గ్రంథము 59:7.