1. దేవోక్తి, అనగా యాకె కుమారుడైన ఆగూరు పలికిన మాటలు. ఆ మనుష్యుడు ఈతీయేలునకును, ఈతీయేలునకును ఉక్కాలునకును చెప్పినమాట.

ఇక్కడ కనిపిస్తున్న వివరాలు తప్పించి ఈ ఆగూరు గురించి గానీ ఈతీయేల్ గురించి గానీ ఉక్కాల్ గురించి గానీ మనకేమీ తెలియదు. బైబిల్లో మరెక్కడా వీరి ప్రస్తావన లేదు. “దేవోక్తి” అనే పదం సాధారణంగా దేవుడు ఒక ప్రవక్త ద్వారా వెల్లడించిన సంగతిని సూచిస్తుంది (యెషయా 13:1; నహూము 1:1; హబక్కూకు 1:1; జెఫన్యా 9:1; మలాకీ 1:1).

2. నిశ్చయముగా మనుష్యులలో నావంటి పశుప్రాయుడు లేడు నరులకున్న వివేచన నాకు లేదు.

తన అజ్ఞానాన్ని గ్రహించడమే జ్ఞానానికి మార్గం. తమ తెలివితేటల గురించి మిడిసిపడే వాళ్ళకు దేవుడు తన జ్ఞానాన్ని వెల్లడి చేయడు (1 రాజులు 4:7; యిర్మియా 1:6; 1 కోరింథీయులకు 1:19-21; 1 కోరింథీయులకు 8:2; యాకోబు 4:6). ఆగూరుకున్న జ్ఞానం తన స్వంతది కాదు. ఇది పరలోకం నుండి వచ్చింది – ఇది దేవోక్తి.

3. నేను జ్ఞానాభ్యాసము చేసికొన్నవాడను కాను పరిశుద్ధ దేవునిగూర్చిన జ్ఞానము పొందలేదు.

4. ఆకాశమునకెక్కి మరల దిగినవాడెవడు? తన పిడికిళ్లతో గాలిని పట్టుకొన్నవాడెవడు? బట్టలో నీళ్లు మూటకట్టినవాడెవడు? భూమియొక్క దిక్కులన్నిటిని స్థాపించిన వాడెవడు? ఆయన పేరేమో ఆయన కుమారుని పేరేమో నీకు తెలిసియున్నదా?
మత్తయి 11:27, యోహాను 3:13

దేవుడు యోబును అడిగిన ప్రశ్నల్లాంటి ప్రశ్నలను ఆగూరు అడుగుతున్నాడు (యోబు 38వ అధ్యాయం). ఇవి మనిషి అజ్ఞానాన్ని బయటపెట్టే ప్రశ్నలు. క్రొత్త ఒడంబడికలో వెల్లడైన దానిమూలంగా పరలోకానికి పోయి క్రిందికి దిగినదెవరో, కుమారుడెవరో మనకిప్పుడు తెలుసు (యోహాను 3:13; ఎఫెసీయులకు 4:7-10; రోమీయులకు 1:2-4; ప్రకటన గ్రంథం 19:12, ప్రకటన గ్రంథం 19:16).

5. దేవుని మాటలన్నియు పుటము పెట్టబడినవే ఆయనను ఆశ్రయించువారికి ఆయన కేడెము.

కీర్తనల గ్రంథము 12:6; కీర్తనల గ్రంథము 18:30; ఆదికాండము 15:1.

6. ఆయన మాటలతో ఏమియు చేర్చకుము ఆయన నిన్ను గద్దించునేమో అప్పుడు నీవు అబద్ధికుడవగుదువు.

ద్వితీయోపదేశకాండము 4:2; ద్వితీయోపదేశకాండము 12:32; ప్రకటన గ్రంథం 22:18-19.

7. దేవా, నేను నీతో రెండు మనవులు చేసికొను చున్నాను నేను చనిపోకముందు వాటిని నాకనుగ్రహింపుము;

యథార్థత, నిజాయితీలకు ఆగూరు ఇస్తున్న ప్రాధాన్యత చూడండి. బైబిలు రచనలో దేవుడు వాడుకొన్న వారందరికీ ఈ అభిప్రాయం ఉంది. ఇక్కడ మనలను పరిశోధించే ప్రశ్న ఉంది. మనం దేవుణ్ణి అడగవలసిన కోరికలు రెండే రెండు ఉంటే ఏమి అడుగుతాం? 2 దినవృత్తాంతములు 1:7-12; కీర్తనల గ్రంథము 27:4 పోల్చిచూడండి. జ్ఞానవంతుడెవడూ ఇలాంటి తరుణంలో ఈ లోక సంపదలు, అధికారం, పదవి కావాలని అడగడు.

8. వ్యర్థమైనవాటిని ఆబద్ధములను నాకు దూరముగా నుంచుము పేదరికమునైనను ఐశ్వర్యమునైనను నాకు దయ చేయకుము తగినంత ఆహారము నాకు అనుగ్రహింపుము.
1 తిమోతికి 6:8

మత్తయి 6:11; 1 తిమోతికి 6:6, 1 తిమోతికి 6:8; హెబ్రీయులకు 13:5.

9. ఎక్కువైనయెడల నేను కడుపు నిండినవాడనై నిన్ను విసర్జించి యెహోవా యెవడని అందునేమో లేక బీదనై దొంగిలి నా దేవుని నామమును దూషింతు నేమో.

10. దాసునిగూర్చి వాని యజమానునితో కొండెములు చెప్పకుము వాడు నిన్ను శపించును ఒకవేళ నీవు శిక్షార్హుడ వగుదువు.

11. తమ తండ్రిని శపించుచు తల్లిని దీవించని తరము కలదు.

సామెతలు 20:20; నిర్గమకాండము 20:12; నిర్గమకాండము 21:17; లేవీయకాండము 20:9.

12. తమ దృష్టికి తాము శుద్ధులై తమ మాలిన్యమునుండి కడుగబడని వారి తరము కలదు.

సామెతలు 12:15; సామెతలు 16:2; యిర్మియా 2:35; లూకా 18:11; 1 యోహాను 1:8-10.

13. కన్నులు నెత్తికి వచ్చినవారి తరము కలదు. వారి కనురెప్పలు ఎంత పైకెత్తబడియున్నవి!

సామెతలు 6:17; కీర్తనల గ్రంథము 10:4-5; కీర్తనల గ్రంథము 18:27; కీర్తనల గ్రంథము 101:5; యెషయా 13:11.

14. దేశములో ఉండకుండ వారు దరిద్రులను మింగు నట్లును మనుష్యులలో ఉండకుండ బీదలను నశింపజేయు నట్లును ఖడ్గమువంటి పళ్లును కత్తులవంటి దవడపళ్లును గల వారి తరము కలదు.

కీర్తనల గ్రంథము 3:7; కీర్తనల గ్రంథము 14:4; కీర్తనల గ్రంథము 57:4; ఆమోసు 8:4; మీకా 2:2; మీకా 3:2-3.

15. జలగకు ఇమ్ము ఇమ్ము అను కూతురులిద్దరు కలరు తృప్తిపడనివి మూడు కలవుచాలును అని పలుకనివి నాలుగు కలవు.

16. అవేవనగా పాతాళము, కనని గర్భము, నీరు చాలును అనని భూమి, చాలును అనని అగ్ని.

“మృత్యు లోకం”– యెషయా 5:14; హబక్కూకు 2:5. “గొడ్డుబోతు గర్భం”– ఆదికాండము 30:1; 1 సమూయేలు 1:6, 1 సమూయేలు 1:10.

17. తండ్రిని అపహసించి తల్లి మాట విననొల్లని వాని కన్ను లోయ కాకులు పీకును పక్షిరాజు పిల్లలు దానిని తినును.

వ 11.

18. నా బుద్ధికి మించినవి మూడు కలవు నేను గ్రహింపలేనివి నాలుగు కలవు. అవేవనగా, అంతరిక్షమున పక్షిరాజు జాడ,

19. బండమీద సర్పము జాడ, నడిసముద్రమున ఓడ నడచుజాడ, కన్యకతో పురుషుని జాడ.

20. జారిణియొక్క చర్యయును అట్టిదే; అది తిని నోరు తుడుచుకొని నేను ఏ దోషము ఎరుగననును.

వ 12.

21. భూమిని వణకించునవి మూడు కలవు, అది మోయ లేనివి నాలుగు కలవు.

22. అవేవనగా, రాజరికమునకు వచ్చిన దాసుడు, కడుపు నిండ అన్నము కలిగిన మూర్ఖుడు,

23. కంటకురాలై యుండి పెండ్లియైన స్త్రీ, యజమాను రాలికి హక్కు దారురాలైన దాసి.

ఆదికాండము 16:1-6; ఆదికాండము 29:31-32.

24. భూమిమీద చిన్నవి నాలుగు కలవు అయినను అవి మిక్కిలి జ్ఞానముగలవి.

జంతువులను గమనించడం ద్వారా మనం అనుసరించదగిన పాఠాలనూ, ఆధ్యాత్మిక జీవితానికి సంబంధించిన విషయాలనూ నేర్చుకోవచ్చు. ఇక్కడ నాలుగు అల్ప ప్రాణులను బట్టి నాలుగు పాఠాలు నేర్చుకోవాలి – భావికాలం కోసం కూడబెట్టుకోవడం (సామెతలు 6:6-8; సామెతలు 27:23-27; మత్తయి 6:19-20); శరణం సంపాదించుకోవడం (కీర్తనల గ్రంథము 2:12; కీర్తనల గ్రంథము 7:1; కీర్తనల గ్రంథము 11:1; హెబ్రీయులకు 6:18); కలిసికట్టుగా పని చేయడం (అపో. కార్యములు 4:32; 1 కోరింథీయులకు 1:10; ఎఫెసీయులకు 4:3); రాజ గృహంలో నివాసం సంపాదించుకోవడం (యోహాను 14:2-6; ప్రకటన గ్రంథం 3:12).

25. చీమలు బలములేని జీవులు అయినను అవి వేసవిలో తమ ఆహారమును సిద్ధపరచుకొనును.

26. చిన్న కుందేళ్లు బలములేని జీవులు అయినను అవి పేటు సందులలో నివాసములు కల్పించుకొనును.

27. మిడుతలకు రాజు లేడు అయినను అవన్నియు పంక్తులు తీరి సాగిపోవును.

28. బల్లిని చేతితో నీవు పట్టుకొనగలవు అయినను రాజుల గృహములలో అది యుండును.

29. డంబముగా నడుచునవి మూడు కలవు ఠీవితో నడుచునవి నాలుగు కలవు

30. అవేవనగా ఎల్లమృగములలో పరాక్రమముగలదై ఎవనికైన భయపడి వెనుకకు తిరుగని సింహము

31. శోణంగి కుక్క, మేకపోతు, తన సైన్యమునకు ముందు నడుచుచున్న రాజు.

32. నీవు బుద్ధిహీనుడవై అతిశయపడి యుండినయెడల కీడు యోచించి యుండినయెడల నీ చేతితో నోరు మూసికొనుము.

“నోరు”– యోబు 40:4; రోమీయులకు 3:19. మనం గనుక పాపం చేసి ఉంటే పశ్చాత్తాప పడదాం. మనల్ని మనం సమర్థించుకునే ప్రయత్నం చెయ్యకూడదు, మన పక్షంగా వాదించుకోకూడదు.

33. పాలు తరచగా వెన్న పుట్టును, ముక్కు పిండగా రక్తము వచ్చును, కోపము రేపగా కలహము పుట్టును

సామెతలు 6:14; సామెతలు 15:1; సామెతలు 29:22.