Jeremiah - యిర్మియా 9 | View All

1. నా జనులలో హతమైనవారినిగూర్చి నేను దివారాత్రము కన్నీరు విడుచునట్లు నా తల జలమయము గాను నా కన్ను కన్నీళ్ల ఊటగాను ఉండును గాక.

వ 10; యిర్మియా 8:21; యిర్మియా 13:17; యిర్మియా 14:17; కీర్తనల గ్రంథము 119:136. యిర్మీయాను విలపించే ప్రవక్త అన్నారంటే అందుకు తగిన కారణం లేకపోలేదు.

2. నా జనులందరు వ్యభిచారులును ద్రోహుల సమూహమునై యున్నారు. అహహా, అరణ్యములో బాటసారుల బస నాకు దొరికిన ఎంత మేలు? నేను నా జనులను విడిచి వారియొద్దనుండి తొలగిపోవుదును.

అతడు వారికోసం ఏడ్చాడు గాని వారి ప్రవర్తన ఎంతగా భ్రష్టమైపోయిందంటే అతడికి వారిదగ్గర ఉండడం దుర్భరమైపోయింది.

3. విండ్లను త్రొక్కి వంచునట్లు అబద్ధమాడుటకై వారు తమ నాలుకను వంచుదురు; దేశములో తమకున్న బలమును నమ్మకముగా ఉపయోగపరచరు. నన్ను ఎరుగక కీడువెంట కీడు చేయుచు ప్రవర్తించుచున్నారు; ఇదే యెహోవా వాక్కు.

“విల్లు”– వ 8; కీర్తనల గ్రంథము 7:13; కీర్తనల గ్రంథము 58:7; కీర్తనల గ్రంథము 64:3. “ఎరగరు”– వ 6; న్యాయాధిపతులు 2:10; 1 సమూయేలు 2:12; యెషయా 1:3; హోషేయ 4:1.

4. మీలో ప్రతివాడును తన పొరుగు వాని విషయమై జాగ్రత్తగా నుండవలెను; ఏ సహోదరునినైనను నమ్మకుడి, నిజముగా ప్రతి సహోదరుడును తంత్రగొట్టయి తన సహోదరుని కొంపముంచును; ప్రతి పొరుగువాడును కొండెములు చెప్పుటకై తిరుగులాడుచున్నాడు.

కీర్తనల గ్రంథము 12:2; మీకా 7:5-6; మత్తయి 10:35-36. అందరూ అబద్ధాలు చెప్తూ ఉంటే, దగా సర్వత్రా వ్యాపిస్తే, నమ్మకం స్థానంలో అనుమానం చోటు చేసుకుంటుంది. స్నేహితులమధ్య, బంధువులమధ్య బంధాలు తెగిపోయే స్థితికి వస్తాయి. అందరు దేవుని కోపానికి గురి అవుతారు. సత్యవంతుడైన మనిషికి బాధ కలుగుతుంది.

5. సత్యము పలుకక ప్రతివాడును తన పొరుగువానిని వంచించును, అబద్ధములాడుట తమ నాలుకలకు అభ్యాసముచేసియున్నారు, ఎదుటివాని తప్పులు పట్టవలెనని ప్రయాసపడుదురు.

6. నీ నివాసస్థలము కాపట్యము మధ్యనే యున్నది, వారు కపటులై నన్ను తెలిసికొననొల్లకున్నారు; ఇదే యెహోవా వాక్కు.

7. కావున సైన్యములకధిపతియగు యెహోవా ఈలాగు సెలవిచ్చుచున్నాడుఆలకింపుము, వారిని చొక్కము చేయునట్లుగా నేను వారిని కరగించుచున్నాను, నా జనులనుబట్టి నేను మరేమి చేయుదును?

యిర్మియా 6:27-30. శిక్షను, బాధను, నాశనాన్ని కలిగించే బబులోను సైన్యాన్ని రప్పించడం మూలంగా దేవుడు ఈ మాటను జరిగించాడు.

8. వారి నాలుక ఘాతుక బాణము, అది కాపట్యము పలుకుచున్నది; ఒకడు మనస్సులో వంచనాభిప్రాయముంచుకొని, నోట తన పొరుగువానితో సమాధానముగా మాటలాడును.

వ 3; యిర్మియా 5:26; కీర్తనల గ్రంథము 55:21; సామెతలు 29:5.

9. నేను ఈ సంగతులను తెలిసికొని వారిని శిక్షింపకపోదునా? ఇట్టి జనులకు నేను ప్రతిదండన చేయకుందునా? ఇదే యెహోవా వాక్కు.

యిర్మియా 5:9, యిర్మియా 5:29.

10. పర్వతముల విషయమై రోదనమును అంగలార్పును చేయుదును; అరణ్యములోని మేతస్థలములనుబట్టి విలాపము చేయుదును; అవి పాడాయెను. సంచారము చేయువాడెవడును లేడు, పశువుల అరుపులు వినబడవు, ఆకాశ పక్షులును జంతువులును పారిపోయి యున్నవి, అవి తొలగిపోయి యున్నవి.

వ 1; యిర్మియా 4:23-26. రానున్న వినాశ కాలం వచ్చేసినట్టే మాట్లాడుతున్నాడు యిర్మీయా.

11. యెరూషలేమును పాడు దిబ్బలుగాను నక్కలకు చోటుగాను నేను చేయున్నాను, యూదా పట్టణములను నివాసిలేని పాడు స్థలముగా చేయుచున్నాను.
ప్రకటన గ్రంథం 18:2

యిర్మియా 10:22; యిర్మియా 26:18; కీర్తనల గ్రంథము 44:19; విలాపవాక్యములు 5:18.

12. ఈ సంగతిని గ్రహింపగల జ్ఞాని యెవడు? దానిని వాడు తెలియజేయునట్లు యెహోవా నోటి మాట ఎవనికి వచ్చెను?ఎవడును సంచరింపకుండ ఆ దేశము ఎడారివలె ఏల కాలిపోయి పాడాయెను?

మళ్ళీ యెహోవా మాట్లాడుతున్నాడు. దేవుడు తన స్వజనాన్ని, తన స్వంత దేశాన్ని ఎందుకు నాశనం చెయ్యాలి? దీన్ని అర్థం చేసుకోగలిగేదెవరు?

13. అందుకు యెహోవా ఈలాగు సెలవిచ్చుచున్నాడువారు నా మాట వినకయు దాని ననుసరింపకయు, నేను వారికి నియమించిన నా ధర్మశాస్త్రమును విసర్జించి

12వ వచనంలోని ప్రశ్నకు జవాబు స్పష్టమే. ప్రజల పాపాల కారణంగా దేవుడు వారిని శిక్షించాడు. వారిని తప్పించుకుపోనివ్వడం న్యాయాన్ని తారుమారు చేసినట్టే ఉంటుంది.

14. తమ హృదయమూర్ఖతచొప్పున జరిగించుటకై తమ పితరులు తమకు నేర్పినట్లు బయలు దేవతలను అనుసరించుచున్నారు గనుకనే వారి దేశము పాడైపోయెను.

“బయల్”– న్యాయాధిపతులు 2:11 నోట్.

15. సైన్యములకధిపతియు ఇశ్రాయేలు దేవుడునగు యెహోవా ఈలాగు సెలవిచ్చుచున్నాడు నేను ఈ ప్రజలకు చేదుకూరలు తినిపింతును, విషజలము త్రాగింతును.
ప్రకటన గ్రంథం 8:11

16. తామైనను తమ పితరులైనను ఎరుగని జనములలోనికి వారిని చెదరగొట్టు దును, వారిని నిర్మూలముచేయువరకు వారి వెంబడి ఖడ్గ మును పంపుదును.

యిర్మియా 13:24; యిర్మియా 18:17; యిర్మియా 30:11; యిర్మియా 46:28; లేవీయకాండము 26:27, లేవీయకాండము 26:33; ద్వితీయోపదేశకాండము 28:64.

17. సైన్యములకధిపతియగు యెహోవా ఈలాగు సెలవిచ్చుచున్నాడు ఆలోచింపుడి, రోదనము చేయు స్త్రీలను కనుగొనుడి వారిని పిలువనంపుడి, తెలివిగల స్త్రీలను కనుగొనుడి వారిని పిలువనంపుడి.

ఆ రోజుల్లో ఎవరన్నా చనిపోతే అంత్యక్రియల్లాంటి దుఃఖకరమైన సమయాల్లో ఏడ్చేందుకు డబ్బు ఇచ్చి మనుషులను నియమించే సౌకర్యం ఉండేది. రాబోయే కాలంలో అలా విలపించేందుకు బోలెడన్ని కారణాలు ఉంటాయని దేవుడు చెప్తున్నాడు. బైబిల్లో దేవుడు చాలా చోట్ల ప్రజలు విలపించాలని చెప్పినట్టు చూడగలం – యిర్మియా 4:8; యిర్మియా 25:34; యిర్మియా 48:20; యిర్మియా 49:3; యెషయా 14:31; యెషయా 16:7; యెషయా 23:1, యెషయా 23:6, యెషయా 23:14; జెఫన్యా 1:11; జెకర్యా 11:2; యాకోబు 4:9; యాకోబు 5:1. మరి కొందరిని సంతోషించమని చెప్పాడు – కీర్తనల గ్రంథము 33:1; కీర్తనల గ్రంథము 97:12; జెకర్యా 2:10; జెకర్యా 9:9; మత్తయి 5:12; లూకా 6:23; ఫిలిప్పీయులకు 4:4; 1 థెస్సలొనీకయులకు 5:16; యాకోబు 1:9; 1 పేతురు 4:13; ప్రకటన గ్రంథం 12:12; ప్రకటన గ్రంథం 18:20. ఎవరు విలపించవలసిందీ, ఎవరు ఆనందించవలసిందీ మనం గమనించాలి. విలపించేందుకు కారణాలూ, ఆనందించేందుకు కారణాలూ తెలుసుకోవాలి.

18. మన కన్నులు కన్నీళ్లు విడుచునట్లుగాను మన కనురెప్పలనుండి నీళ్లు ఒలుకునట్లుగాను వారు త్వరపడి మనకు రోదనధ్వని చేయవలెను.

19. మనము వలసబోతిమే సిగ్గునొందితిమే, వారు మన నివాసములను పడగొట్టగా మనము దేశము విడువవలసివచ్చెనే అని సీయోనులో రోదనధ్వని వినబడు చున్నది.

20. స్త్రీలారా, యెహోవా మాట వినుడి మీరు చెవియొగ్గి ఆయన నోటిమాట ఆలకించుడి, మీ కుమార్తెలకు రోదనము చేయనేర్పుడి, ఒకరికొకరు అంగలార్పు విద్య నేర్పుడి.

విలపించేందుకు ఆ కాలంలో ఉన్న కారణం ఎంత బలమైనదంటే అందరూ తమ శక్తికొద్దీ ఏడవడం నేర్చుకోవాలి. మరణం శత్రు సైనికునిలా వారి ఇళ్ళకూ, భవనాలకూ ఉన్న కిటికీల్లోగుండా వస్తుంది. వారి వీధులన్నిటిలో తిరుగుతుంది. అంగలార్చేందుకు చాలా అవకాశం ఉంటుంది గాని చనిపోయినవారిని పాతిపెట్టేందుకు సమయం ఉండదని యిర్మీయా చెప్తున్నాడు.

21. వీధులలో పసిపిల్లలు లేకుండను, రాజ మార్గములలో ¸యౌవనులు లేకుండను, వారిని నాశనము చేయుటకై మరణము మన కిటికీలను ఎక్కుచున్నది, మన నగరులలో ప్రవేశించుచున్నది.

22. యెహోవా వాక్కు ఇదేనీవీమాట చెప్పుముచేలమీద పెంటపడునట్లు పంట కోయు వాని వెనుక పిడికిళ్లు పడునట్లు ఎవడును సమకూర్చ కుండ మనుష్యుల శవములు పడును, వాటిని కూర్చువాడెవడును లేకపోవును.

23. యెహోవా ఈలాగు సెలవిచ్చుచున్నాడు జ్ఞాని తన జ్ఞానమునుబట్టియు శూరుడు తన శౌర్యమునుబట్టియు అతిశయింపకూడదు, ఐశ్వర్యవంతుడు తన ఐశ్వర్యమునుబట్టి అతిశయింపకూడదు.

సాధారణంగా మనుషులు గొప్పలు చెప్పుకునేది దేన్ని గురించి? కొందరు తమ తెలివితేటల గురించీ, మరి కొందరు తమ కులం, రంగు, మతం, నైపుణ్యం, అందం, లేక బలం గురించీ మాట్లాడుతారు. దేవుని ప్రజలు దేనిగురించి గొప్పలు చెప్పాలి? పై విషయంలో దేని గురించి గానీ తమకు సంబంధించిన ఏ విషయం గురించి గానీ వారు అతిశయించకూడదు గాని దేవుని గురించిన జ్ఞానం విషయంలోనే అతిశయించాలి. ప్రతి వ్యక్తి జీవితంలో ఉండగల విషయాలన్నిటిలో ఈ జ్ఞానం ముఖ్యమైనది. గొప్పగా చెప్పుకునేందుకు కారణాలు – కీర్తనల గ్రంథము 34:2; కీర్తనల గ్రంథము 44:8; రోమీయులకు 5:3; రోమీయులకు 15:17; 2 కోరింథీయులకు 10:17; 2 కోరింథీయులకు 12:9; గలతియులకు 6:14. 24 వచనంలో దేవుడు తన గురించి చెప్పుకుంటూ దేనికి ప్రాధాన్యత ఇచ్చాడో చూడండి – కీర్తనల గ్రంథము 11:7; కీర్తనల గ్రంథము 33:5; కీర్తనల గ్రంథము 89:14; కీర్తనల గ్రంథము 99:4; కీర్తనల గ్రంథము 103:6, కీర్తనల గ్రంథము 103:8; కీర్తనల గ్రంథము 106:1; కీర్తనల గ్రంథము 145:9.

24. అతిశయించువాడు దేనినిబట్టి అతిశయింపవలెననగా, భూమిమీద కృపచూపుచు నీతి న్యాయములు జరిగించుచునున్న యెహోవాను నేనేయని గ్రహించి నన్ను పరిశీలనగా తెలిసికొనుటనుబట్టియే అతి శయింపవలెను; అట్టి వాటిలో నేనానందించువాడనని యెహోవా సెలవిచ్చుచున్నాడు.
1 కోరింథీయులకు 1:31, 2 కోరింథీయులకు 10:17

25. అన్యజనులందరును సున్నతిపొందనివారు గనుక, ఇశ్రాయేలీయులందరు హృదయ సంబంధమైన సున్నతినొందినవారు కారు గనుక, రాబోవుదినములలో సున్నతిపొందియు సున్నతిలేని వారి వలెనుండు
రోమీయులకు 2:25

పాపానికి విరుద్ధంగా తన కోపంలో, పాపులపై తాను ఇచ్చే తీర్పులో దేవుడు ఎలాంటి పక్షపాతం చూపడు. వారి మతం, వారి ఆచారాలు కర్మకాండలు వారికి సహాయపడవు. నిజమైన మతం హృదయ సంబంధమైనది – యిర్మియా 4:4; యోహాను 4:24; రోమీయులకు 2:12, రోమీయులకు 2:25-29.

26. ఐగుప్తీయులను యూదావారిని ఎదోమీయులను అమ్మోనీయులను మోయాబీయులను గడ్డపు ప్రక్కలను కత్తిరించుకొను అరణ్య నివాసులైన వారినందరిని నేను శిక్షించెదను, ఇదే యెహోవా వాక్కు.
అపో. కార్యములు 7:51


Shortcut Links
యిర్మియా - Jeremiah : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |

Support & Donate Us | Google Play Store | సజీవ వాహిని - Sajeeva Vahini 2009-2022. info@sajeevavahini.com
Sajeeva Vahini, Hyderabad & Chennai, India. SajeevaVahini.org Email: , . Whatsapp: 8898 318 318 or call us: +918898318318
Content on this website is prepared manually by Sajeeva Vahini, India. Our Content is free and open to use for any kind of distrubution. We request to carry a physical bible to churches rather than using bible on mobile or tablets. Please email any information for any suspected content/audio subject to piracy/copyright act on this website can be considered/removed. Which can help us to improve better. Note: we dont have any data/content related to Life Way Study Bible as a part of Sajeeva Vahini Notes or Verse Explanations.