1. మరియు యెహోవా వాక్కు నాకు ప్రత్యక్షమై యీలాగు సెలవిచ్చెను

2. నరపుత్రుడా, శేయీరు పర్వతమువైపు నీ ముఖము త్రిప్పుకొని

“శేయీరు”– యాకోబు సోదరుడు ఏశావు సంతానమైన ఎదోంవాళ్ళ ప్రాంతం. వీరిని గురించి ఇతర భవిష్యద్వాక్కులు యెషయా 21:11-12; యిర్మియా 49:7-22; ఆమోసు 1:11-12; ఓబద్యా 1:1-16.

3. దానికి మాట యెత్తి ఈలాగు ప్రవచింపుము ప్రభువగు యెహోవా సెలవిచ్చునదేమనగా శేయీరు పర్వతమా, నేను నీకు విరోధినైతిని, నా హస్తము నీమీద చాపి నిన్ను పాడు గాను నిర్జనముగాను చేసెదను.

“వ్యతిరేకిని”– యెహెఙ్కేలు 5:8 మొ।।.

4. నీవు నిర్జనముగా ఉండు నట్లు నీ పట్టణములను ఎడారులుగా చేసెదను, నీవు పాడవుదువు, అప్పుడు నేను యెహోవానై యున్నానని నీవు తెలిసికొందువు.

5. ఇశ్రాయేలీయుల యెడల ఎడతెగని పగకలిగి, వారి దోషసమాప్తికాలమున వారికి ఉపద్రవము కలిగిన సమయమున నీవు వారిని ఖడ్గమున కప్పగించితివి గనుక

“పగ”– ఆదికాండము 27:41; సంఖ్యాకాండము 20:14-21; 2 సమూయేలు 8:13-14; 1 రాజులు 9:26-28. “విపత్తు కాలం”– ఓబద్యా 1:11-14.

6. నా జీవముతోడు నేను నిన్ను రక్తముగా చేసె దను, రక్తము నిన్ను తరుమును, రక్తము నీకిష్టమాయెను గనుక రక్తమే నిన్ను తరుమును, ఇదే ప్రభువగు యెహోవా వాక్కు.

ఆదికాండము 9:6. చెడ్డ అలవాటు దేన్నైనా మనం విడిచిపెట్టకపోతే మనం దానికి బలి అయిపోయే ప్రమాదం ఉంది.

7. వచ్చువారును పోవువారును లేకుండ అందరిని నిర్మూలముచేసి నేను శేయీరు పర్వతమును పాడుగాను నిర్జనముగాను చేయుదును.

8. అతని పర్వతములను హత మైనవారితో నింపుదును, నీ కొండలలోను నీ లోయల లోను నీ వాగులన్నిటిలోను వారు ఖడ్గముచేత హతులై కూలుదురు.

9. నేను యెహోవానై యున్నానని మీరు తెలిసికొనునట్లు నీ పట్టణములు మరల కట్టబడకుండ ఎల్లప్పుడును పాడుగా ఉండజేయుదును.

“ఎప్పటికీ”– ఇస్రాయేల్, ఈజిప్ట్ తదితర దేశాలకు భిన్నంగా.

10. యెహోవా అక్కడనుండినను ఆ రెండు జనములును ఆ రెండు దేశ ములును మనవే; మనము వాటిని స్వాధీనపరచుకొందము రండని నీవనుకొంటివే;

“రెండు జనాలూ”– ఇస్రాయేల్ యూదా అనే ఉత్తర దక్షిణ రాజ్యాలు.

11. నా జీవముతోడు నీవు వారి యెడల పట్టిన పగవలన వారికి చూపిన అసూయచొప్పునను క్రోధము చొప్పునను నేను నీకు తగిన పనిచేసి, నిన్ను శిక్షించుటవలన వారికి నన్ను నేనే తెలియపరచుకొందును.

మనుషులు తమ సాటివారి పట్ల ఎలా ప్రవర్తిస్తారో దేవుడు వారిపట్ల అలా ప్రవర్తించిన మరో ఉదాహరణ. మత్తయి 7:2.

12. అవి పాడైనవి, మనకు ఆహారముగా అప్పగింపబడినవని నీవు ఇశ్రాయేలు పర్వతములను గురించి పలికిన దూషణ మాటలన్నియు యెహోవానగు నాకు వినబడెనని నీవు తెలిసికొందువు.

13. పెద్దనోరు చేసికొని మీరు నామీద విస్తారముగా ఆడిన మాటలు నాకు వినబడెను.

“నాకు విరోధంగా”– దేవుని ప్రజలకు విరోధంగా మాట్లాడడమంటే దేవునికి విరోధంగా పలకడమే; వారికి విరోధంగా ఏదైనా చేయడం ఆయనకు విరోధంగా చేయడమే (మత్తయి 25:34-45; అపో. కార్యములు 9:4).

14. ప్రభువగు యెహోవా సెలవిచ్చునదేమనగా లోకమంతయు సంతోషించునప్పుడు నాశనము నేను నీ మీదికి రప్పించెదను.

15. ఇశ్రాయేలీయుల స్వాస్థ్యము పాడైపోవుట చూచి నీవు సంతోషించితివి గనుక నీకును ఆ ప్రకారము గానే చేసెదను; శేయీరు పర్వతమా, నీవు పాడవుదువు, ఎదోము దేశము యావత్తును పాడైపోవును, అప్పుడు నేను యెహోవానై యున్నానని వారు తెలిసికొందురు.

“సంతోషించావు”– యెహెఙ్కేలు 36:5; ఓబద్యా 1:12 వ. ప్రజలంటే గొప్ప ద్వేషం, అపకార భావం, భ్రష్టమైపోయిన హృదయం ఉన్నట్టు బయటపడింది.