1. అంతట యెహోవా వాక్కు రెండవ మారు యోనాకు ప్రత్యక్షమై సెలవిచ్చినదేమనగా

“రెండో సారి”– దేవుడు యోనాను మొత్తానికి పక్కన పెట్టి వేరొక ప్రవక్తను ఎందుకు పంపలేదు? తన సేవకులను దేవుడు అంత తేలిగ్గా వదులుకోడు – మత్తయి 26:34-35; మార్కు 16:7; లూకా 22:31-32, లూకా 23:61-62; నిర్గమకాండము 3:11; నిర్గమకాండము 4:10, నిర్గమకాండము 4:13; యిర్మియా 1:6. దేవుడు ఏ విధమైన సాకుల్ని అంగీకరించడు. తన సేవకులు విధేయత చూపేలా ఎలా చేయాలో ఆయనకు తెలుసు. యోనా విషయంలో ఆయన ఉపయోగించినంత బాధకరమైన విధానాలనే ఆయన ఎల్లప్పుడూ ఉపయోగించడు – అందుకు మనం సంతోషించాలి.

2. నీవు లేచి నీనెవె మహాపురమునకు పోయి నేను నీకు తెలియజేయు సమా చారము దానికి ప్రకటన చేయుము.

“నేను నీకు...చాటించు”– ఇది ప్రవక్త పని. ఇది భావికాలానికి చెందినదైనా, లేక నేటి కాలానికి చెందినదైనా, భవిష్యత్ సూచకమైనా లేక కేవలం ఉపదేశమైనా దాన్ని అతడు ప్రజలకు అందించాలి అంతే.

3. కాబట్టి యోనా లేచి యెహోవా సెలవిచ్చిన ఆజ్ఞప్రకారము నీనెవె పట్టణ మునకు పోయెను. నీనెవె పట్టణము దేవుని దృష్టికి గొప్పదై మూడు దినముల ప్రయాణమంత పరిమాణముగల పట్టణము.

“శిరసావహించి”– వెళ్ళడం ఇప్పటికీ యోనాకు ఇష్టం లేదు. తన ఉపదేశాలకు ఫలితం కనిపించినప్పుడు అతడు సంతోషించలేదు (యోనా 4:1-3). అయినా అతడు వెళ్ళాడు. దేవుని వాక్కుకు లోబడి తమకు ఇష్టమున్న పనులు చేసినప్పటి కంటే, తమకు ఇష్టం లేని పనులు చేసినప్పుడే దేవుని సేవకులు ఎక్కువగా మెప్పుకు తగినవారు అవుతారు. “మూడు రోజులు”– యోనా 1:2.

4. యోనా ఆ పట్టణములో ఒక దిన ప్రయాణ మంతదూరము సంచరించుచు ఇక నలువది దినములకు నీనెవె పట్టణము నాశనమగునని ప్రకటనచేయగా

దేవుని సందేశం సూక్ష్మంగా సూటిగా ఉంది. ప్రజలు పశ్చాత్తాప పడినా, పడకపోయినా నీనెవె నాశనం అవుతుందని దేవుని ఉద్దేశం కాదు (యిర్మియా 18:7-8; యెహెఙ్కేలు 18:21-23; యెహెఙ్కేలు 33:10-11, యెహెఙ్కేలు 33:14-16). యోనా దేవుణ్ణి గురించి ఏమనుకున్నాడో సరిగ్గా అవే లక్షణాలు ఆయనవి – జాలి, కరుణ (యోనా 4:2).

5. నీనెవె పట్టణపువారు దేవునియందు విశ్వాసముంచి ఉపవాస దినము చాటించి, ఘనులేమి అల్పులేమి అందరును గోనె పట్ట కట్టుకొనిరి.
మత్తయి 12:41

ఇది అద్భుతమైన విషయం. మనకు తెలిసినంతవరకు పాత ఒడంబడిక కాలమంతట్లోనూ ఇలాంటిది జరగలేదు. అనేకమంది దేవుళ్ళను పూజిస్తూ, నిజ దేవుణ్ణి గురించి సరిగా తెలియని ఇతర జనాలు నివసిస్తున్న నగరం అది. ఆ ప్రజల లక్షణాల గురించి యోనా 1:2 చూడండి. అయినా యోనా బోధలు విని దేవుని వైపు తిరిగారు. సాక్షాత్తూ యేసుప్రభువే బోధించినప్పటికీ గలలీ, యూదాలోని పట్టణాలు ఈ విధంగా చెయ్యలేదు (మత్తయి 11:20-24; మత్తయి 12:41). “గోనెపట్ట”– 1 రాజులు 21:27; నెహెమ్యా 9:1; దానియేలు 9:3.

6. ఆ సంగతి నీనెవె రాజునకు వినబడి నప్పుడు అతడును తన సింహాసనము మీదనుండి దిగి, తన రాజవస్త్రములు తీసివేసి గోనెపట్ట కట్టుకొని బూడిదెలో కూర్చుండెను.
మత్తయి 11:21

నీనెవెను పాలిస్తున్నది మహా శక్తిమంతుడైన అష్షూరు రాజు. “బూడిద”– తనను తాను పూర్తిగా దీనుడిగా చేసివేసుకున్న దానికి సూచన.

7. మరియు రాజైన తానును ఆయన మంత్రులును ఆజ్ఞ ఇయ్యగా

“త్రాగకూడదు”– ప్రజలు పశ్చాత్తాపంలో దేవుణ్ణి వేడుకోవడంలో పూర్తిగా నిమగ్నులైపోవాలి. తమ దైనందిన వ్యవహారాలు కొనసాగించుకోకూడదు.

8. ఒకవేళ దేవుడు మనస్సు త్రిప్పుకొని పశ్చాత్తప్తుడై మనము లయముకాకుండ తన కోపాగ్ని చల్లార్చుకొనును గనుక మనుష్యులు ఏదియు పుచ్చుకొన కూడదు, పశువులు గాని యెద్దులుగాని గొఱ్ఱెలుగాని మేత మేయకూడదు, నీళ్లు త్రాగకూడదు,
మత్తయి 12:41, లూకా 11:32

“దుర్మార్గాలను...దౌర్జన్యం”– తన ప్రజల భయంకరమైన ఆధ్యాత్మిక స్థితిని అతడు ఒప్పుకుంటున్నాడు. అందుకు ఎలాంటి సాకూ చెప్పడం లేదు, వారి పాపాన్ని కప్పిపుచ్చే ప్రయత్నం చెయ్యడం లేదు (సామెతలు 28:13 పోల్చి చూడండి).

9. మనుష్యు లందరు తమ దుర్మార్గములను విడిచి తాము చేయు బలాత్కారమును మానివేయవలెను, మనుష్యులేమి పశువులేమి సమస్తమును గోనెపట్ట కట్టుకొనవలెను, జనులు మనఃపూర్వ కముగా దేవుని వేడుకొనవలెను అని దూతలు నీనెవె పట్టణములో చాటించి ప్రకటన చేసిరి.

“ఎవరికి తెలుసు”– యోవేలు 2:14; ఆమోసు 5:15.

10. ఈ నీనెవె వారు తమ చెడు నడతలను మానుకొనగా వారు చేయుచున్న క్రియలను దేవుడు చూచి పశ్చాత్తప్తుడై వారికి చేయుదు నని తాను మాట యిచ్చిన కీడుచేయక మానెను.
లూకా 11:32

ఇది దేవుని స్వభావానికీ, ఆయన వాక్కులకూ అనుగుణంగానే ఉంది – నిర్గమకాండము 34:6-7; యోవేలు 2:13. దీనికి చాలా కాలం తరువాత రాయబడిన యిర్మియా 18:7-8 లో నగరాలు, దేశాల విషయంలో దేవుడు అవలంబించే విధానాలు వెల్లడి అయ్యాయి. “చేస్తానన్న కీడు”– నిర్గమకాండము 32:14. కరుణ చూపడం అంటే దేవునికి ఎంతో ఇష్టం (మీకా 7:18). శిక్షించడం, నాశనం చేయడం అంటే ఆయనకు ఇష్టం లేదు (యిర్మియా 48:31-32; మత్తయి 23:37 మొ।। చూడండి).