1. మరియు నేను తేరిచూడగా కొలనూలు చేతపట్టు కొనిన యొకడు నాకు కనబడెను.
ప్రకటన గ్రంథం 11:1

ఈ మూడో దర్శనం భవిష్యత్తులో జెరుసలం, యూదాకు కలుగబోయే గొప్పతనానికి సంబంధించినది. “కొలనూలు”– జెకర్యా 1:16.

2. నీ వెక్కడికి పోవు చున్నావని నేనతని నడుగగా అతడు యెరూషలేము యొక్క వెడల్పును పొడుగును ఎంతైనది కొలిచిచూడ బోవుచున్నాననెను.

3. అంతట నాతో మాటలాడుచున్న దూత బయలుదేరగా మరియొక దూత యతనిని ఎదు ర్కొనవచ్చెను.

“నాతో”– జెకర్యా 1:9, జెకర్యా 1:14.

4. రెండవ దూతపరుగెత్తిపోయి యెరూషలేములో మనుష్యులును పశువులును విస్తార మైనందున అది ప్రాకారములు లేని మైదానముగా ఉండునని ఈ ¸యౌవనునికి తెలియజేయుమని మొదటి దూతకు ఆజ్ఞ ఇచ్చెను.

“యువకుడి”– వ 1లో కొలనూలు పట్టుకున్న వ్యక్తి కావచ్చు. “గోడలు లేని”– జెరుసలం ఎంత విశాలమైన నగరం అవుతుందంటే దాన్లో నివసించే వారికి ఆ పాత ప్రాకారాల లోపల ఉన్న స్థలం చాలదు – జెకర్యా 10:10; యెషయా 49:19-20.

5. నేను దానిచుట్టు అగ్ని ప్రాకారముగా ఉందును, నేను దాని మధ్యను నివాసినై మహిమకు కారణ ముగా ఉందును; ఇదే యెహోవా వాక్కు.

“మంటల గోడ”– దేవుడే నగరానికి రక్షగా ఉంటాడు. కాబట్టి రాళ్ళతో కట్టిన గోడలు అవసరం ఉండదు. కీర్తనల గ్రంథము 125:2 పోల్చి చూడండి. “శోభా ప్రకాశం”– నిర్గమకాండము 40:34; 1 రాజులు 8:10-11; కీర్తనల గ్రంథము 85:9; యెషయా 11:10; యెషయా 24:23; యెషయా 60:1-3; ప్రకటన గ్రంథం 21:23.

6. ఉత్తర దేశములో ఉన్నవారలారా, తప్పించుకొని రండి; ఆకా శపు నాలుగు వాయువులంత విశాలముగా నేను మిమ్మును వ్యాపింపజేసియున్నాను; ఇదే యెహోవా వాక్కు.
మత్తయి 24:31, మార్కు 13:27

“రండి”– దేవుడు యూదులను జెరుసలంకు యూదాకు తిరిగి రప్పిస్తాడని తెలిపే విధానం ఇది. “నాలుగు గాలుల”– భూమి నలుమూలల నుంచీ (యెషయా 11:10-11; యెషయా 43:5-6; యెషయా 49:12). “చెదరగొట్టాను”– ద్వితీయోపదేశకాండము 4:27; ద్వితీయోపదేశకాండము 28:64; 1 రాజులు 14:15; యిర్మియా 31:10; యెహెఙ్కేలు 20:34.

7. బబులోనుదేశములో నివాసివగు సీయోనూ, అచ్చటనుండి తప్పించుకొని పొమ్ము; ఇదే యెహోవా వాక్కు.

“సీయోను”– చెరలో ఉన్న జెరుసలం నివాసులు. తప్పించుకోవడం అంటే దేవుడు ఆ చెరను అంతం చేస్తాడని చెప్పేమాట (యెషయా 48:20).

8. సైన్య ములకు అధిపతియగు యెహోవా సెలవిచ్చునదేమనగామిమ్మును ముట్టినవాడు తన కనుగుడ్డును ముట్టినవాడని యెంచి తనకు ఘనత తెచ్చుకొనదలచి, మిమ్మును దోచు కొనిన అన్యజనులయొద్దకు ఆయన నన్ను పంపియున్నాడు.

“నన్ను”– స్పష్టంగా ఇది అభిషిక్తుడైన యేసుక్రీస్తును ఉద్దేశించి చెప్పిన మాట అనిపిస్తుంది (వ 9,11). ఇస్రాయేల్‌ను దోచుకున్న ప్రజల సంగతి ఆయన చూస్తాడు. కీర్తనల గ్రంథము 2:8; ప్రకటన గ్రంథం 19:15 పోల్చి చూడండి. “కనుగుడ్డును”– ద్వితీయోపదేశకాండము 32:10. ఇస్రాయేల్ అంటే దేవునికి అతి ప్రియమైన ప్రజ. దానిని దెబ్బతీయాలని చూడడం దేవుణ్ణి దెబ్బతీయడానికి ప్రయత్నించడమే (అపో. కార్యములు 9:4 పోల్చి చూడండి). ప్రభుత్వాలు కూలిపోయేలా చేసి, బాధితులు ఇంతకుముందు తమను ఏలిన వారిమీద పైచేయిగా ఉండేలా చేస్తాడు ఆయన.

9. నేను నా చేతిని వారిమీద ఆడించగా వారు తమ దాసు లకు దోపుడు సొమ్మగుదురు; అప్పుడు సైన్యములకు అధిపతియగు యెహోవా నన్ను పంపియున్నాడని మీరు తెలిసి కొందురు.

10. సీయోను నివాసులారా, నేను వచ్చి మీ మధ్యను నివాసముచేతును; సంతోషముగానుండి పాటలు పాడుడి; ఇదే యెహోవా వాక్కు.
ప్రకటన గ్రంథం 21:3

“నేను వచ్చి”– జెకర్యా 9:9. క్రీస్తు మొదటి రాక గురించి చెప్తున్నది. ఈ వచనమైతే బహుశా ఆయన రెండో రాకడ గురించి చెప్తూ ఉందేమో. “మీ మధ్య నివాసం”– జెకర్యా 8:3; జెకర్యా 14:16; యెహెఙ్కేలు 37:27; యెహెఙ్కేలు 48:35. నిర్గమకాండము 25:8 నోట్ చూడండి.

11. ఆ దినమున అన్య జనులనేకులు యెహోవాను హత్తుకొని నాకు జనులగుదురు, నేను మీ మధ్య నివాసముచేతును; అప్పుడు యెహోవా నన్ను మీ యొద్దకు పంపియున్నాడని మీరు తెలిసి కొందురు.

“అనేక ఇతర జనాలు”– జెకర్యా 8:20-22; జెకర్యా 14:16; యెషయా 2:2-4; యెషయా 11:10, యెషయా 11:12; యెషయా 14:1; యెషయా 19:23-25. “నన్న...పంపాడని”– వ 9. ఇక్కడ యెహోవా మాట్లాడుతూ సేనల ప్రభువు యెహోవా తనను పంపాడు అంటున్నాడు. యెహోవా యెహోవాను పంపడం ఏమిటి? యెహోవా దేవుడు. బైబిల్లో త్రిత్వంగా మనకు వెల్లడి అయ్యాడు (మత్తయి 3:16-17; మత్తయి 28:19 మొ।।). తండ్రి అయిన దేవుడుగా ఉన్న యెహోవా కుమారుడైన దేవుడుగా ఉన్న యెహోవాను పంపాడు. జెకర్యా 4:9; జెకర్యా 6:15 చూడండి.

12. మరియు తనకు స్వాస్థ్యమని యెహోవా ప్రతిష్ఠితమైన దేశములో యూదాను స్వతంత్రించు కొనును, యెరూషలేమును ఆయన ఇకను కోరుకొనును.

“యూదా...స్వాధీనం”– ఇస్రాయేల్ దేశమంతా యెహోవా దేవుని వారసత్వం, సొత్తు (ద్వితీయోపదేశకాండము 4:20; ద్వితీయోపదేశకాండము 9:26; కీర్తనల గ్రంథము 33:12). భవిష్యత్తులో ఆయన (అంటే అభిషిక్తుడు) ఆ “పవిత్ర దేశం”లోని ఒక ప్రత్యేక భాగాన్ని తన స్వంతానికి ఎన్నుకుంటాడు. జెరుసలం ఉన్న భూభాగం అది అక్కడే ఆయన ఆలయం, ఆయన నివాసం ఉంటాయి. ఇస్రాయేల్ దేశాన్ని “పవిత్ర దేశం” అనడం బైబిల్లో ఇక్కడ ఒక్క చోటనే కనిపిస్తుంది. “ఎన్నుకొంటాడు”– జెకర్యా 1:17. ఒకప్పుడు తిరస్కరించిన జెరుసలంనే ఆయన మళ్ళీ ఎన్నుకొంటాడు.

13. సకలజనులారా, యెహోవా తన పరిశుద్ధమైన నివాసము విడిచి వచ్చుచున్నాడు, ఆయన సన్నిధిని మౌనులై యుండుడి.

యెషయా 41:1; హబక్కూకు 2:20; జెఫన్యా 1:7.