1. నేను మరల తేరిచూడగా ఎగిరిపోవు పుస్తకమొకటి నాకు కనబడెను.

ఈ పుస్తకంలో ఉన్న కొన్ని ఇతర దర్శనాలకంటే ఈ ఆరో దర్శనం యొక్క అంతరార్థం మరింత స్పష్టంగా ఉంది. పాపం మీదికి దేవుని శాపం వస్తుందని నేర్పుతూ, ప్రత్యేకించి రెండు పాపాల గురించి నొక్కి చెప్తూ ఉంది. ఇవి యూదాలో ఎక్కువగా కనిపించే పాపాలై ఉండాలి.

2. నీకేమి కనబడుచున్నదని అతడు నన్నడుగగా నేను, ఇరువైమూరల నిడివియు పదిమూరల వెడల్పునుగల యెగిరిపోవు పుస్తకమొకటి నాకు కనబడు చున్నదంటిని.

3. అందుకతడు నాతో ఇట్లనెనుఇది భూమియంతటిమీదికి బయలువెళ్లు శాపమే; దానికి ఒక ప్రక్కను వ్రాసియున్న దానినిబట్టి దొంగిలువారందరును కొట్టివేయబడుదురు; రెండవ ప్రక్కను వ్రాసియున్న దానినిబట్టి అప్రమాణికులందరును కొట్టివేయబడుదురు.

“శాపం”– ద్వితీయోపదేశకాండము 11:26, ద్వితీయోపదేశకాండము 11:28; ద్వితీయోపదేశకాండము 27:13-26; సామెతలు 3:33; గలతియులకు 3:10-13. “దొంగతనం”– నిర్గమకాండము 20:15; మత్తయి 19:18; రోమీయులకు 13:9; 1 కోరింథీయులకు 6:10; యిర్మియా 9:3, యిర్మియా 9:5; ప్రకటన గ్రంథం 21:8. “నాశనం”– భవిష్యత్తులో ఒక కాలంలో దేవుడు ఇలాంటి పాపులందరినీ దేశం నుండి తీసివేస్తాడు. జెకర్యా 14:20-21; యెషయా 13:9; యెషయా 33:14; యెహెఙ్కేలు 36:25-29, యెహెఙ్కేలు 36:33; ఆమోసు 9:10 పోల్చి చూడండి.

4. ఇదే సైన్యములకు అధిపతియగు యెహోవా వాక్కు నేనే దాని బయలుదేరజేయుచున్నాను; అది దొంగల యిండ్లలోను, నా నామమునుబట్టి అబద్ధప్రమాణము చేయువారి యిండ్లలోను ప్రవేశించి వారి యిండ్లలో ఉండి వాటిని వాటి దూలములను రాళ్లను నాశనము చేయును.

పశ్చాత్తాపం లేని పాపాత్ముడికి, అతనికి చెందిన దేనికైనా తప్పించుకునే అవకాశమే ఉండదు. అలాంటి వారికి చెందినదంతా కలుషితమే. అదంతా వారితోనే నశించిపోతుంది. “రాళ్ళనూ”– లేవీయకాండము 14:33-45; హబక్కూకు 2:9-11 పోల్చి చూడండి.

5. అప్పుడు నాతో మాటలాడుచున్న దూత బయలు వెళ్లి నీవు నిదానించి చూచి ఇవతలకు వచ్చునదేమిటో కనిపెట్టుమని నాతో చెప్పగా

ఇది జెకర్యా చూచిన ఏడో దర్శనం. ఇందులోని కొన్ని వివరాలను అర్థం చేసుకోవడం చాలా కష్టం.

6. ఇదేమిటియని నేనడిగి తిని. అందుకతడుఇది కొల, ఇది బయలువెళ్లు తూము అనెను; మరియు లోకమంతటను జనులు ఈలాగున కన బడుదురని చెప్పెను.

ఇస్రాయేల్‌ప్రజల పాపాల యొక్క పూర్తి పరిమాణం దేవునికి తెలుసనీ, దాన్నంతటినీ ఆయన ఆ దేశం నుండి తుడిచిపెట్టేస్తాడనీ ఈ దర్శనం సూచిస్తున్నది (వ 3,4; జెకర్యా 3:9 పోల్చి చూడండి). దేవుడు మరోసారి జెరుసలంను ఎన్నుకుని యూదాను తన సొత్తుగా స్వాధీనం చేసుకుని అక్కడ నివసిస్తాడు (జెకర్యా 2:11-12). అప్పుడు ఆయన దేశంలో ఇక దుర్మార్గానికి తావుండదు. పేరుకూ, వాస్తవానికీ కూడా అది పవిత్ర దేశంగా ఉంటుంది.

7. అప్పుడు సీసపుబిళ్లను తీయగా కొల తూములో కూర్చున్న యొక స్త్రీ కనబడెను.

8. అప్పుడతడు ఇది దోషమూర్తి యని నాతో చెప్పి తూములో దాని పడవేసి సీసపుబిళ్లను తూముమీద నుంచెను.

9. నేను మరల తేరి చూడగా ఇద్దరు స్త్రీలు బయలుదేరిరి; సంకుబుడి కొంగ రెక్కలవంటి రెక్కలు వారి కుండెను, గాలి వారి రెక్కలను ఆడించుచుండెను, వారు వచ్చి తూమును భూమ్యాకాశముల మధ్యకు ఎత్తి దాని మోసిరి.

10. వీరు ఈ తూమును ఎక్కడికి తీసికొని పోవుదురని నాతో మాటలాడుచున్న దూతను నేనడు గగా

11. షీనారుదేశమందు దానికొక సాలను కట్టుటకు వారు పోవుచున్నారు; అది సిద్ధమైనప్పుడు అక్కడ దానిని పీఠముమీద పెట్టియుంచుదురని అతడు నాకుత్తర మిచ్చెను.

అన్ని దుర్మార్గాలకు బబులోను సరైన నివాసంగా ఉంటుంది. ప్రకటన గ్రంథం 17:1-5; ప్రకటన గ్రంథం 18:2-8, ప్రకటన గ్రంథం 18:23-24 పోల్చి చూడండి. అయితే ఇస్రాయేల్ నుండి చెడుతనాన్ని తొలగించి దాన్ని బబులోనుకు రవాణా చేయడమెలానో స్పష్టంగా లేదు. ఇస్రాయేల్‌లోని గొప్ప పాపం సరైన మార్గం నుంచి తొలగిపోవడం, నిజ దేవుణ్ణి విసర్జించడం. యుగాంతంలో ఇలాంటి భ్రష్టత్వానికి కేంద్రం బబులోనే గాని ఇస్రాయేల్ కాదు అని బహుశా ఈ దర్శనం అర్థమేమో. బబులోను అంటే ప్రకటన గ్రంథం 17:18 లో కనిపించే మత, వ్యాపార వ్యవస్థ అనుకోవాలి. జెకర్యా ఈ మాటలు వినే సమయానికి బబులోను నగరం మాదీయ పారసీకుల వశంలో ఉంది (దానియేలు 5:25-31). అది ఆపై ఎన్నటికీ తిరిగి ఉన్నత స్థానాన్ని పొందక పూర్తిగా శిథిలావస్థకు దిగిపోయింది. ఈ యుగాంతంలో దీన్ని తిరిగి కడతారని కొందరు పండితులు నమ్ముతారు. కానీ యెషయా 13:17-22; యిర్మియా 50:39-40; యిర్మియా 51:29, యిర్మియా 51:37-43, యిర్మియా 51:62 లను బట్టి చూస్తే ఇది నమ్మదగిన విషయంగా అనిపించడం లేదు.