Romans - రోమీయులకు 3 | View All

1. అట్లయితే యూదునికి కలిగిన గొప్పతనమేమి? సున్నతి వలన ప్రయోజనమేమి?

యూదుడు ఇతర జాతివాడికన్నా అధికుడేమీ కాదని, తన మతం, తన ఆచారాల మూలంగా అతనికి పాపవిముక్తి, రక్షణ కలగడం అసాధ్యమని, యూదేతరుల్లో పాపులైన వారిని దేవుడు శిక్షించినట్టే యూదుడి పాపాలను బట్టి దేవుడు అతణ్ణి కూడా శిక్షిస్తాడని పౌలు చెప్పడంతో ఈ ప్రశ్న వస్తుంది. అలాగైతే ఇతర ప్రజలందరినుంచి దేవుడు యూదులను వేరుపరచి వారికి ప్రత్యేక చట్టాలు, కర్మకాండలు ఇవ్వడంవల్ల ప్రయోజనమేమిటి?

2. ప్రతివిషయమందును అధికమే. మొదటిది, దేవోక్తులు యూదుల పరము చేయబడెను.
ద్వితీయోపదేశకాండము 4:7-8, కీర్తనల గ్రంథము 103:7, కీర్తనల గ్రంథము 147:19-20

రోమీయులకు 9:4-5 కూడా చూడండి. ఆ రోజుల్లో ఏ ఇతర ప్రజకంటే కూడా ఎక్కువగా యూదులకు దేవుని సత్యాన్ని వినేందుకూ నిజ దేవుణ్ణి నమ్మి సేవించేందుకూ అద్భుతమైన అవకాశాలు ఉన్నాయి. యూదుడుగా ఉండడంలోని అత్యంత విలువైన సంగతి ఇదే.

3. కొందరు అవిశ్వాసులైన నేమి? వారు అవిశ్వాసులైనందున దేవుడు నమ్మతగినవాడు కాక పోవునా? అట్లనరాదు.

తమకున్న అవకాశాలను యూదులు సద్వినియోగం చేసుకోకుండా, అవిధేయంగా అవిశ్వాసంతో ఉండిపోవడంలో దేవుని తప్పేమీ లేదు. ఆయన మాత్రం నమ్మకంగానే ఉన్నాడు (2 తిమోతికి 2:13). జాతిగా ఇస్రాయేల్‌వారికి ఆయన చేసిన వాగ్దానాలను మాత్రం తప్పక నిలుపుకుంటాడు.

4. నీ మాటలలో నీవు నీతిమంతుడవుగా తీర్చబడునట్లును నీవు వ్యాజ్యెమాడునప్పుడు గెలుచునట్లును. అని వ్రాయబడిన ప్రకారము ప్రతి మనుష్యుడును అబద్ధికుడగును గాని దేవుడు సత్యవంతుడు కాక తీరడు.
కీర్తనల గ్రంథము 51:4, కీర్తనల గ్రంథము 116:11

కీర్తనల గ్రంథము 51:4.

5. మన దుర్నీతి దేవుని నీతికి ప్రసిద్ధి కలుగజేసిన యెడల ఏమందుము? ఉగ్రతను చూపించు దేవుడు అన్యాయస్థు డగునా? నేను మనుష్యరీతిగా మాటలాడు చున్నాను;

కొంతమందైతే తమ అపనమ్మకం, చెడు మార్గాలు దేవుని విశ్వసనీయతనూ, నీతిన్యాయాలనూ మరింత ఘనమైనవిగా కనిపించేలా చేశాయి అనేందుకు కూడా తెగించారు. కాబట్టి తాము దేవునికి సహాయపడుతున్నాం గనుక ఆయన తమను శిక్షించకూడదు అంటున్నారన్నమాట!

6. అట్లనరాదు. అట్లయిన యెడల దేవుడు లోకమునకు ఎట్లు తీర్పు తీర్చును?

7. దేవునికి మహిమ కలుగునట్లు నా అసత్యమువలన దేవుని సత్యము ప్రబలినయెడల నేనికను పాపినైనట్టు తీర్పు పొందనేల?

8. మేలు కలుగుటకు కీడు చేయుదమని మేము చెప్పుచున్నామని, కొందరు మమ్మును దూషించి చెప్పు ప్రకారము మేమెందుకు చెప్పరాదు? అట్టివారికి కలుగు శిక్షావిధి న్యాయమే.

పైన చెప్పిన మాటలు పౌలు ఉపదేశాలని చెప్తూ కొందరు పౌలుమీద అపనిందలు వేసేవరకూ వెళ్ళారు! కానీ వారు కేవలం తమ దోషాన్ని పలుచన చేసుకొనేందుకూ, తీర్పును గురించి పౌలు చెప్తున్న మాటల నుంచి తప్పించుకునేందుకు మాత్రమే చూస్తున్నారు. అలాంటివారిని నరకానికి పంపించడంలో దేవుడు న్యాయవంతుడే అని అంటున్నాడు పౌలు.

9. ఆలాగైన ఏమందుము? మేము వారికంటె శ్రేష్ఠులమా? తక్కువవారమా? ఎంతమాత్రమును కాము. యూదులేమి గ్రీసుదేశస్థులేమి అందరును పాపమునకు లోనైయున్నారని యింతకుముందు దోషారోపణ చేసియున్నాము.

పౌలు అర్థం ఇది: యూదులు తమ అవకాశాలు, ఆధిక్యతలు, దేవుడిచ్చిన చట్టాలు, ఆచారాలన్నిటితో కలుపుకుని అవన్నీ లేనివారికంటే మంచివారేనా? దీనికి జవాబు స్పష్టం. మంచివారు కాదు. ఇప్పుడు మనమిలా అడగవచ్చు: స్వభావ రీత్యా క్రైస్తవులు ఇతరులకంటే మంచివారా? జవాబు అదే. అందరూ పాపులే – యూదులు, ఇతర ప్రజలు, ఏ మతానికి, ఏ జాతికి, ఏ కులానికి చెందేవారెవరైనా సరే మనుషులంతా పాపులే. వారు ధనికులైనా, పేదలైనా చదువుకున్నవారైనా చదువులేనివారైనా, తెలివైనవారైనా, తెలివిలేనివారైనా, తమ మతాచారాలు పాటించేవారైనా పాటించనివారైనా అందరూ పాపాలు చేశారు.

10. ఇందునుగూర్చి వ్రాయబడినదేమనగా నీతిమంతుడు లేడు, ఒక్కడును లేడు
కీర్తనల గ్రంథము 14:1-3, కీర్తనల గ్రంథము 53:1-3, ప్రసంగి 7:20

ఇప్పుడు పౌలు తన ఉపదేశం పాత ఒడంబడికలో వెల్లడైన దేవుని సత్యానికి అనుగుణంగానే ఉందని చూపిస్తున్నాడు. ఎలా ప్రారంభిస్తున్నాడో చూడండి – “రాసి ఉన్నదేమిటంటే”. అన్నిటికన్నా ఎక్కువగా దీన్నే మనం జాగ్రత్తగా పట్టించుకోవాలి – బైబిల్లో దేవుడేమి చెప్పాడు – రోమీయులకు 4:3. కీర్తనల గ్రంథము 14:1-3; కీర్తనల గ్రంథము 53:1-3; ప్రసంగి 7:20.

11. గ్రహించువాడెవడును లేడు దేవుని వెదకువాడెవడును లేడు

12. అందరును త్రోవ తప్పి యేకముగా పనికిమాలినవారైరి.మేలుచేయువాడు లేడు, ఒక్కడైనను లేడు.

13. వారి గొంతుక తెరచిన సమాధి, తమ నాలుకతో మోసము చేయుదురు;వారి పెదవుల క్రింద సర్పవిషమున్నది
కీర్తనల గ్రంథము 5:9, కీర్తనల గ్రంథము 140:3

కీర్తనల గ్రంథము 5:9; కీర్తనల గ్రంథము 140:3.

14. వారి నోటినిండ శపించుటయు పగయు ఉన్నవి.
కీర్తనల గ్రంథము 10:7

కీర్తనల గ్రంథము 10:7.

15. రక్తము చిందించుటకు వారి పాదములు పరుగెత్తు చున్నవి.
సామెతలు 1:16, యెషయా 59:7-8

యెషయా 59:7-8.

16. నాశనమును కష్టమును వారి మార్గములలో ఉన్నవి.

17. శాంతిమార్గము వారెరుగరు.
సామెతలు 1:16

18. వారి కన్నుల యెదుట దేవుని భయము లేదు.
కీర్తనల గ్రంథము 36:1

కీర్తనల గ్రంథము 36:1. “దేవుడంటే...భయం”– ఆదికాండము 20:11; కీర్తనల గ్రంథము 34:11-14; కీర్తనల గ్రంథము 111:10; సామెతలు 1:7. పైన చెప్పిన దుష్‌ప్రవర్తన అంతటికీ మూలకారణాల్లో ఇది ఒకటి. ఇక్కడ ఇచ్చిన జాబితాలోని ప్రతి పాపాన్నీ ప్రతి ఒక్కరూ జరిగిస్తారని పౌలు చెప్పడం లేదు. మనుషులు సాధారణంగా ఇవన్నీ చేస్తుంటారనీ, ప్రతి వ్యక్తిలోనూ పాపభరితమైన భ్రష్ట స్వభావం ఉందనీ, అన్నిటికంటే మనుషులకు ఎక్కువగా ఏది అవసరమో – అంటే నీతిన్యాయాలు, నిర్దోషత్వం – అదే లేదని పౌలు అంటున్నాడు.

19. ప్రతి నోరు మూయబడునట్లును, సర్వలోకము దేవుని శిక్షకు పాత్రమగునట్లును, ధర్మశాస్త్రము చెప్పుచున్న వాటినన్నిటిని ధర్మశాస్త్రమునకు లోనైనవారితో చెప్పు చున్నదని యెరుగుదుము.

ధర్మశాస్త్రం అంటే పై వచనాలను ఎక్కడినుంచి ఎత్తి రాశాడో ఆ పాత ఒడంబడిక గ్రంథమంతా, ముఖ్యంగా సీనాయి కొండదగ్గర దేవుడు మోషేకు వెల్లడి చేసిన ధర్మశాస్త్రమంతా అని ఇక్కడ పౌలు ఉద్దేశం. ధర్మశాస్త్రం కింద ఉన్నవారంటే యూదులు. పౌలు రోమీయులకు 1:18 లో చేయడం మొదలుపెట్టినదాన్ని ఇప్పుడు చేసి ముగించాడు. ప్రపంచంలో ఉన్న ప్రతి వ్యక్తీ పాపి అనీ దేవుని ఎదుట నేరస్థుడనీ రుజువు చేశాడు. ప్రకృతి (రోమీయులకు 1:18-20), మానవ చరిత్ర (రోమీయులకు 1:21-28), మానవజాతి ప్రస్తుత స్థితి (రోమీయులకు 1:29-32), అంతర్వాణి (రోమీయులకు 2:15), పాత ఒడంబడికలో రాసివున్న వాక్కులు (రోమీయులకు 3:10-18) ఇవన్నీ భూమిమీదున్న ప్రతి మనిషీ పాపి అని ప్రకటిస్తున్నాయి. అంతా కేవలం దోషులే, తమ పాపాలకు బాధ్యులే, దేవుని ఉగ్రతకు పాత్రులే. ఎవరూ కూడా దేవుని ఎదుట ఎలాంటి సాకూ చెప్పే ప్రయత్నం చెయ్యకూడదు. ఇది తెలుసుకున్నవారు ధన్యులు. తమ చేతులనూ, నోళ్ళనూ దేవుని ఎదుట కట్టేసి ఉంచి, ఏ ప్రతివాదమూ లేకుండా దేన్నీ దాచకుండా ఉండేవారు పాపవిముక్తికి సమీపంగా ఉన్నారు. దేవుడు వారికి కొన్ని ఆశ్చర్యకరమైన సంగతులు చెప్పాడు. లూకా 18:9-14 లో యేసు చెప్పిన ఉదాహరణ పౌలు ఇక్కడ వివరిస్తున్న సత్యానికి సరిపోతుంది. ఇతరులకన్నా తాము మంచివారం అనుకునేవారు తాము దేవుని దృష్టిలో ఎలాగున్నారో గ్రహించడం అవసరం. తామేమిటో అర్థం చేసుకున్నవారు విముక్తి సంబంధమైన ధన్యకరమైన సత్యాల్లోకి సాగిపోవచ్చు.

20. ఏలయనగా ధర్మశాస్త్ర సంబంధమైన క్రియలమూలముగా ఏ మనుష్యుడును ఆయన దృష్టికి నీతిమంతుడని తీర్చబడడు; ధర్మశాస్త్రమువలన పాపమనగా ఎట్టిదో తెలియబడుచున్నది.
కీర్తనల గ్రంథము 143:2

ఇక్కడ ధర్మశాస్త్రమంటే దేవుడు మోషేద్వారా ఇస్రాయేల్ వారికి ఇచ్చిన ఆజ్ఞలు, ఆచారాలు ఉన్న వ్యవస్థ అంతా. ఎవరూ కూడా ధర్మశాస్త్రాన్ని పాటించేందుకు ప్రయత్నించడం ద్వారా పాపవిముక్తి పొందరు. ఎందుకంటే ఎవరూ దాన్ని సంపూర్ణంగా పాటించలేరు. భ్రష్ట స్వభావం ఉన్న మనుషులు పవిత్ర సూత్రాలనూ నియమాలనూ అనుసరించలేరు. ఒక్క సూత్రాన్ని మీరితే ధర్మశాస్త్రాన్నంతటినీ మీరినట్టే (యాకోబు 2:10). న్యాయవంతులుగా ఎంచబడడం అనేది రోమ్‌వారికి రాసిన లేఖలో చాలా ప్రాముఖ్యమైన ఉపదేశం. క్రీస్తు శుభవార్తకు ఇది ప్రాణం వంటిది. తరువాతి వచనాల్లో దీని అర్థమేమిటో పౌలు వివరిస్తున్నాడు.

21. ఇట్లుండగా ధర్మశాస్త్రమునకు వేరుగా దేవుని నీతిబయలుపడుచున్నది; దానికి ధర్మశాస్త్రమును ప్రవక్తలును సాక్ష్యమిచ్చుచున్నారు.

“ఇప్పుడైతే”– ఎఫెసీయులకు 2:4; తీతుకు 3:4 పోల్చి చూడండి. ఈ మాటలో ఇదంతా గొప్ప మలుపు తిరుగుతున్నది. మనుషులందరి పాపం చూపించిన తరువాత వారికి రావలసిన శిక్షను తప్పించుకునే మార్గాన్ని పౌలు చూపిస్తున్నాడు. మనుషులకు కావలసినది నిర్దోషత్వం, నీతిన్యాయాలు. దాన్ని పొందే విధానాన్ని దేవుడిక్కడ వెల్లడిస్తున్నాడు. ఈ లేఖలో నిర్దోషత్వం (నీతిన్యాయాలు) అంటే విశ్వమంతటికీ పవిత్రుడూ న్యాయవంతుడూ అయిన దేవుని ఎదుట శాంతిగా నిలబడ గలిగేందుకు మనుషులకు అవసరమైనదంతా అని అర్థం. ఇది ఎంత మాత్రం లోపం, కల్తీ లేని నిర్దోషత్వం, దేవుడే ఆమోదించి అంగీకరించే నీతిన్యాయాలు. యేసుప్రభువు ఈ లోకంలో ఉన్నప్పుడు ప్రదర్శించిన నీతిన్యాయాలివి. మత్తయి 3:17 లో దేవునిచేత ఆ మాటలు పలికించిన నీతిన్యాయాలివి. ఈ నీతిన్యాయాల గురించి పౌలు ఈ క్రింది సత్యాలను వెల్లడిస్తున్నాడు. అది దేవుని నుంచి వచ్చేది (వ 21); అందువల్లే అది లోపరహితమైనది, కళంకం లేనిది. అది ధర్మశాస్త్రంతో పని లేనిది (వ 21), అంటే దేవుని ధర్మశాస్త్రంలోని ఆజ్ఞలను పాటించేందుకు ప్రయత్నించడం ద్వారా లభించేది కాదు. ధర్మశాస్త్రం, ప్రవక్తలు (పాత ఒడంబడిక గ్రంథం) దాని గురించి చెప్తున్నాయి (వ 21), అంటే అదేదో కొత్తది, వింతైనది కాదు (ఆదికాండము 15:6; హబక్కూకు 2:4). దాన్ని స్వీకరించగోరే వారెవరికైనా దేవుడు ఉచితంగా దీన్ని దయచేస్తాడు (వ 22,24); ఇది అపాత్రులైన పాపులకు దేవుడు తన కృపవల్ల ఉచితంగా ఇచ్చేది. కేవలం నమ్మకంద్వారానే దాన్ని పొందగలం (వ 22,24; రోమీయులకు 1:17). అందువల్ల మన క్రియలద్వారా దాన్ని సంపాదించుకునే ప్రయత్నం చెయ్యకూడదు. దానికోసం కేవలం దేవునిపైనే ఆధారపడాలి. నిజానికి ఈ నీతిన్యాయాలు పరిపూర్ణుడూ న్యాయవంతుడైన క్రీస్తే (1 కోరింథీయులకు 1:29; 2 కోరింథీయులకు 5:21). క్రీస్తును కలిగి ఉన్నవారికి దేవుని నుంచి వచ్చే ఈ నీతిన్యాయాలు, ఈ నిర్దోషత్వం ఉంది. నమ్మకం ద్వారా మాత్రమే క్రీస్తును మనం స్వీకరించగలం (యోహాను 1:12; యోహాను 3:16, యోహాను 3:36). నీతిన్యాయాలు లేక నిర్దోషత్వం బైబిల్లో కొన్ని చోట్ల శుభ్రమైన వస్త్రంతో పోల్చడం చూడగలం. యెషయా 61:10; జెకర్యా 3:3-5; మత్తయి 22:11-12 (యెషయా 64:6 లో ఇది మనకెంత అవసరమో రాసి ఉంది). మనం క్రీస్తులో నమ్మకం పెట్టుకొన్నప్పుడు దేవుడు మనకు క్రీస్తు యొక్క నిష్కళంకమైన నీతిన్యాయాలను వస్త్రంగా తొడుగుతాడు. మనుషులను ఈ విధంగా న్యాయవంతులుగా నిర్దోషులుగా ఎంచడానికి యేసుప్రభువు మరణమే ఆధారం (వ 24,25). న్యాయవంతుడైన తీర్పరి అయిన దేవుడు మనుషుల పాపాలు తొలగిపోతే తప్ప పాపులను నిర్దోషులుగా ఎంచలేడు. దేవుని సొంత ధర్మశాస్త్రం మనల్ని నేరస్థులుగా తీర్చి మనకు శిక్ష విధిస్తుంది. దేవుడు తన ధర్మశాస్త్రానికి విరుద్ధంగా ఏమీ చెయ్యడు. అలాగైతే ఆయన మనల్ని క్షమించడమెలా? మనం శిక్ష తప్పించుకునేలా చేయడమెలా? మనల్ని నిర్దోషులుగా లెక్కించడమెలా? ఎలా అంటే యేసుప్రభువు మన స్థానంలో మనకు రావలసిన శిక్షను భరించాడు కాబట్టి దేవుడలా చేసేందుకు అభ్యంతరం లేదు. లోక పాపాలన్నిటి కోసం ఆయన రక్తబలి దానం చేశాడు – వ 25; యోహాను 1:29; మత్తయి 26:27-28; 1 యోహాను 2:2; యెషయా 53:5-6, యెషయా 53:10. తనపై నమ్మకం పెట్టుకొన్నవారి పాపాలను తీసివేయడం ద్వారా వారినుంచి దేవుని కోపాగ్ని మళ్ళించాడు (వ 25).

22. అది యేసుక్రీస్తునందలి విశ్వాసమూలమైనదై,నమ్ము వారందరికి కలుగు దేవుని నీతియైయున్నది.

23. ఏ భేదమును లేదు; అందరును పాపముచేసి దేవుడు అను గ్రహించు మహిమను పొందలేక పోవుచున్నారు.

మనుషులందరూ అలాంటి అవసరతలో ఉన్నారు కాబట్టి వారందరికీ ఈ నిర్దోషత్వాన్ని ప్రసాదించేందుకు దేవుడు ఇలాంటి అద్భుతమైన, అమూల్యమైన కార్యాలు జరిగించాడు. కొంతమంది ఇతరులకన్న ఘోర పాపులు కావచ్చు గానీ అందరూ పాపులే, దేవుని ప్రమాణాలకు ఎవరూ సరితూగలేరు. అందువల్లే దేవుడు “భేదమేమీ లేదు” అంటున్నాడు (వ 9,22 చూడండి). ఒక మనిషి గుంటలో ఉన్నాడు, వేరొకడు కొండ శిఖరంపై ఉన్నాడు గానీ ఇద్దరిలో ఎవరూ చెయ్యి చాపి నక్షత్రాలను అందుకోలేరు.

24. కాబట్టి నమ్మువారు ఆయన కృపచేతనే, క్రీస్తుయేసునందలి విమోచనము ద్వారా ఉచితముగా నీతిమంతులని తీర్చబడు చున్నారు.

“విమోచనం”– మత్తయి 20:28; ఎఫెసీయులకు 1:7; 1 పేతురు 1:18-19; కీర్తనల గ్రంథము 78:35 మొ।।.

25. పూర్వము చేయబడిన పాపములను దేవుడు తన ఓరిమివలన ఉపేక్షించినందున, ఆయన తన నీతిని కనువరచవలెనని

ఇవి ఈ లేఖకు మూల వాక్యాలు. ఈ లేఖకే కాదు బైబిలంతటికీ మూల వాక్యాలే. క్రీస్తు వచ్చి తనను తాను బలిగా అర్పించి పాపాన్ని తీసివేయక మునుపు, పశ్చాత్తాపపడి దేవునిలో నమ్మకం ఉంచిన వారిని ఆయన క్షమించాడు. క్రీస్తు ద్వారా తాను రాబోయే కాలంలో చేయనున్నది ఆయనకు తెలుసు కాబట్టి వారిని నరకానికి త్రోసివేయలేదు. అయితే ఆ సమయంలో మనుషులను శిక్షించకుండా క్షమించడంలో ఆయన న్యాయవంతుడుగా కనిపించలేదు. అంటే ఆయన ధర్మశాస్త్రం వారిని నేరస్థులు అంటూ శిక్ష విధించింది. అయినా ఆయన వారిని పోనిచ్చాడు. ఇప్పుడు పాపం కోసం బలిగా తన సొంత కుమారుణ్ణి పంపడం ద్వారా ఆయన తన న్యాయాన్ని సంపూర్ణంగా కనపరిచాడు. అయితే ఇతరులకు చెందవలసిన శిక్షకు క్రీస్తును గురిచేసి బాధలు పెట్టడం న్యాయసమ్మతమేనా? అవును. ఎందుకంటే క్రీస్తు దేవుడు (రోమీయులకు 1:4; రోమీయులకు 9:5; యోహాను 1:1, యోహాను 1:14; ఫిలిప్పీయులకు 2:6). ఆయన తన ఇష్ట పూర్వకంగా మనకోసం బాధలు అనుభవించి మరణించాడు (యోహాను 10:17-18). క్రీస్తు మరణంలో దేవుడు తానే మనుషుల పాపాలను తనపైనే వేసుకుని వారికోసం బలి అయి బాధలనుభవించాడు. హెబ్రీయులకు 10:1 నోట్ చూడండి. పశ్చాత్తాపపడి క్రీస్తులో నమ్మకం పెట్టుకునే పాపుల మీదనుంచి ఆయన తన బలి ద్వారా దేవుని కోపాన్ని మళ్ళించాడు (హోషేయ 14:4 పోల్చి చూడండి). “కోపాగ్ని తొలగించే రక్తబలిగా”– గ్రీకు పదాలను “కరుణాధారమైన బలిగా” కూడా అనువదించవచ్చు. 1 యోహాను 2:2 చూడండి.

26. క్రీస్తుయేసు రక్తమునందలి విశ్వాసము ద్వారా ఆయనను కరుణాధారముగా బయలుపరచెను. దేవుడిప్పటి కాలమందు తన నీతిని కనబరచునిమిత్తము, తాను నీతిమంతుడును యేసునందు విశ్వాసముగలవానిని నీతిమంతునిగా తీర్చువాడునై యుండుటకు ఆయన ఆలాగు చేసెను.

27. కాబట్టి అతిశయకారణ మెక్కడ? అది కొట్టి వేయ బడెను. ఎట్టి న్యాయమునుబట్టి అది కొట్టి వేయబడెను? క్రియాన్యాయమును బట్టియా? కాదు, విశ్వాస న్యాయమును బట్టియే.

ఎఫెసీయులకు 2:8-10. మనుషులు మంచి పనులు చేయడం ద్వారా విముక్తి, రక్షణ సంపాదించుకోగలిగితే పరలోకం ఎవరి గొప్పలు వారు చెప్పుకునే డాంబికులతో కిటకిటలాడుతూ ఉంటుంది (రోమీయులకు 2:17; లూకా 18:11-12). అయితే అక్కడ ఉండేవారు కేవలం దేవుణ్ణి మాత్రమే స్తుతిస్తూ ఉంటారు గాని తమను కాదు (1 కోరింథీయులకు 1:29-31; ఎఫెసీయులకు 1:6, ఎఫెసీయులకు 1:12; ప్రకటన గ్రంథం 7:9-10).

28. కాగా ధర్మశాస్త్ర సంబంధమైన క్రియలు లేకుండ విశ్వాసమువలననే మనుష్యులు నీతిమంతులుగా తీర్చబడుచున్నారని యెంచుచున్నాము.

రోమీయులకు 1:16-17; రోమీయులకు 5:1; రోమీయులకు 10:10; గలతియులకు 2:16; గలతియులకు 3:24; గలతియులకు 5:4.

29. దేవుడు యూదులకు మాత్రమే దేవుడా? అన్యజనులకు దేవుడు కాడా? అవును, అన్యజనులకును దేవుడే.

ఏకైక నిజ దేవుడు ఉన్నాడు గనుక యూదులు ఆయన తమను ఒక విధంగాను, ఇతర ప్రజలను వేరే విధంగానూ విముక్తుల్ని చేసి రక్షిస్తాడని ఊహించకూడదు. ఎవరినైనా సరే నిర్దోషులుగా తీర్చడానికి దేవునికి ఒకే ఒక మార్గముంది. అది విశ్వాస మార్గం.

30. దేవుడు ఒకడే గనుక, ఆయన సున్నతి గలవారిని విశ్వాస మూలముగాను, సున్నతి లేనివారిని విశ్వాసముద్వారాను, నీతిమంతులనుగా తీర్చును.
ద్వితీయోపదేశకాండము 6:5

31. విశ్వాసముద్వారా ధర్మశాస్త్రమును నిరర్థకము చేయుచున్నామా? అట్లనరాదు; ధర్మ శాస్త్రమును స్థిరపరచుచున్నాము.

మత్తయి 5:17-18 పోల్చి చూడండి. ధర్మశాస్త్రాన్ని పాటించడం ఎవరినీ పాపాలనుంచి రక్షించలేదని చెప్పడం ధర్మశాస్త్రాన్ని రద్దు చెయ్యడం కాదు, దాన్ని దానికి చెందిన సరైన స్థానంలో ఉంచడమే. ధర్మశాస్త్రం పని పాపాన్ని బయట పెట్టి తీర్పు తీర్చడం.


Shortcut Links
రోమీయులకు - Romans : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |

Support & Donate Us | Google Play Store | సజీవ వాహిని - Sajeeva Vahini 2009-2022. info@sajeevavahini.com
Sajeeva Vahini, Hyderabad & Chennai, India. SajeevaVahini.org Email: , . Whatsapp: 8898 318 318 or call us: +918898318318
Content on this website is prepared manually by Sajeeva Vahini, India. Our Content is free and open to use for any kind of distrubution. We request to carry a physical bible to churches rather than using bible on mobile or tablets. Please email any information for any suspected content/audio subject to piracy/copyright act on this website can be considered/removed. Which can help us to improve better. Note: we dont have any data/content related to Life Way Study Bible as a part of Sajeeva Vahini Notes or Verse Explanations.