1. అధిపతులకును అధికారులకును లోబడి విధేయులుగా ఉండవలెననియు,

రోమీయులకు 13:1-7.

2. ప్రతి సత్కార్యము చేయుటకు సిద్ధ పడియుండవలెననియు, మనుష్యులందరియెడల సంపూర్ణ మైన సాత్వికమును కనుపరచుచు, ఎవనిని దూషింపక, జగడమాడనివారును శాంతులునై యుండవలెననియు, వారికి జ్ఞాపకము చేయుము.

రోమీయులకు 12:16-18; గలతియులకు 5:22-23; ఎఫెసీయులకు 4:31-32; ఫిలిప్పీయులకు 2:3; కొలొస్సయులకు 3:12; యాకోబు 3:13.

3. ఎందుకనగా మనము కూడ మునుపు అవివేకులమును అవిధేయులమును మోసపోయిన వారమును నానావిధములైన దురాశలకును భోగములకును దాసులమునైయుండి, దుష్టత్వమునందును అసూయ యందును కాలముగడుపుచు, అసహ్యులమై యొకని నొకడు ద్వేషించుచు ఉంటిమి గాని

“మనం కూడా”– రోమీయులకు 3:9-19; ఎఫెసీయులకు 2:1-3. యేసు క్రీస్తును తెలుసుకోకుండా ఆయనకు సేవ చేయకుండా ఉండేవారిని వివరించే నాలుగు పదాలను ఇక్కడ గమనించండి. “తెలివితక్కువవారం”– కీర్తనల గ్రంథము 14:1; యిర్మియా 5:21-22; యిర్మియా 10:8; మత్తయి 7:26; రోమీయులకు 1:21-22. “అవిధేయులం”– రోమీయులకు 5:19; రోమీయులకు 10:21; రోమీయులకు 11:30-32; ఎఫెసీయులకు 2:2; ఎఫెసీయులకు 5:12; యెషయా 1:2; యిర్మియా 5:23. “మోసపోయినవారం”– ఆదికాండము 3:13; యిర్మియా 17:9; 1 కోరింథీయులకు 12:2; 2 తిమోతికి 3:13; హెబ్రీయులకు 3:13; ప్రకటన గ్రంథం 12:9. “బానిసలం”– యోహాను 8:34; రోమీయులకు 6:16-17; రోమీయులకు 7:14; గలతియులకు 4:3; హెబ్రీయులకు 2:15. ఈ నాలుగు శక్తులకు లోబడి జీవించే జీవితం ఫలితం ఏమిటి? మనుషులకూ దయ్యాలకూ సాధ్యమయ్యే అతి చెడ్డ మనోభావాలు – దుష్టభావం, అసూయ, ద్వేషం.

4. మన రక్షకుడైన దేవునియొక్క దయయు, మానవులయెడల ఆయనకున్న ప్రేమయు ప్రత్యక్షమైనప్పుడు

“అయితే”– ఎఫెసీయులకు 2:4. “రక్షకుడు”– 1 తిమోతికి 1:1 నోట్. “దేవుని దయ, ప్రేమ”– యోహాను 3:16; రోమీయులకు 2:4; రోమీయులకు 5:8; గలతియులకు 2:20; ఎఫెసీయులకు 2:7; 1 యోహాను 3:16; 1 యోహాను 4:8-10.

5. మనము నీతిని అనుసరించి చేసిన క్రియలమూలముగా కాక, తన కనికరముచొప్పుననే పునర్జన్మసంబంధమైన స్నానము ద్వారాను, పరిశుద్ధాత్మ మనకు నూతన స్వభావము కలుగజేయుట ద్వారాను మనలను రక్షించెను.

“కరుణ”– ఎఫెసీయులకు 2:4; 1 పేతురు 1:3; 1 పేతురు 2:10. దీని అర్థం ఏమిటంటే, దేవుడు మనల్ని మన అసహాయతలోనూ ఆధ్యాత్మిక అవసరంలోనూ చూచి మనమీద జాలి తలచి, ఆయన చేతి నుంచి ఏ మంచినీ పొందే అర్హత మనకు లేకపోయినా మనకు పాపవిముక్తినిచ్చి మనలను రక్షించాడు. లూకా 18:13-14; రోమీయులకు 6:23; రోమీయులకు 9:16, రోమీయులకు 9:18; రోమీయులకు 11:32; ఎఫెసీయులకు 2:8-9; 2 తిమోతికి 1:9 పోల్చి చూడండి. “కొత్త జన్మం అనే స్నానం”– ఎఫెసీయులకు 5:26 పోల్చి చూడండి. మనుషులు భూమి మీద మళ్ళీ మళ్ళీ పుడతారు అనే నమ్మకానికీ దీనికీ ఏమీ సంబంధం లేదు. యోబు 11:12; యోహాను 3:3; యోహాను 9:3 నోట్స్ చూడండి. ఇక్కడ “స్నానం” అనేదానికీ నీటి బాప్తిసానికీ ఏమీ సంబంధం లేదు. కొత్త జన్మే ఈ స్నానం, ఇది దేవుడు మన అంతరంగంలో చేసే పని, బయటకు కనిపించే ఆచారం కాదు. యోహాను 1:12-13; యోహాను 3:3-8; 2 కోరింథీయులకు 5:17; ఎఫెసీయులకు 2:5; యాకోబు 1:18; 1 పేతురు 1:3 చూడండి. యెహెఙ్కేలు 36:26-27 పోల్చి చూడండి. “పవిత్రాత్మ”– యోహాను 14:16-17; అపో. కార్యములు 1:5 నోట్స్ చూడండి. పవిత్రాత్మ మనకు కొత్త జన్మ ఇవ్వడమే కాకుండా మనలో పనిచేస్తూ మనల్ని కొత్త మనుషులుగా చేస్తూ ఉంటాడు. “కొత్త స్వభావం”– కొలొస్సయులకు 3:10; ఎఫెసీయులకు 4:23-24; 2 కోరింథీయులకు 4:16.

6. మనమాయన కృపవలన నీతిమంతులమని తీర్చబడి,
యోవేలు 2:28

“కరుణ”– ఎఫెసీయులకు 2:4; 1 పేతురు 1:3; 1 పేతురు 2:10. దీని అర్థం ఏమిటంటే, దేవుడు మనల్ని మన అసహాయతలోనూ ఆధ్యాత్మిక అవసరంలోనూ చూచి మనమీద జాలి తలచి, ఆయన చేతి నుంచి ఏ మంచినీ పొందే అర్హత మనకు లేకపోయినా మనకు పాపవిముక్తినిచ్చి మనలను రక్షించాడు. లూకా 18:13-14; రోమీయులకు 6:23; రోమీయులకు 9:16, రోమీయులకు 9:18; రోమీయులకు 11:32; ఎఫెసీయులకు 2:8-9; 2 తిమోతికి 1:9 పోల్చి చూడండి. “కొత్త జన్మం అనే స్నానం”– ఎఫెసీయులకు 5:26 పోల్చి చూడండి. మనుషులు భూమి మీద మళ్ళీ మళ్ళీ పుడతారు అనే నమ్మకానికీ దీనికీ ఏమీ సంబంధం లేదు. యోబు 11:12; యోహాను 3:3; యోహాను 9:3 నోట్స్ చూడండి. ఇక్కడ “స్నానం” అనేదానికీ నీటి బాప్తిసానికీ ఏమీ సంబంధం లేదు. కొత్త జన్మే ఈ స్నానం, ఇది దేవుడు మన అంతరంగంలో చేసే పని, బయటకు కనిపించే ఆచారం కాదు. యోహాను 1:12-13; యోహాను 3:3-8; 2 కోరింథీయులకు 5:17; ఎఫెసీయులకు 2:5; యాకోబు 1:18; 1 పేతురు 1:3 చూడండి. యెహెఙ్కేలు 36:26-27 పోల్చి చూడండి. “పవిత్రాత్మ”– యోహాను 14:16-17; అపో. కార్యములు 1:5 నోట్స్ చూడండి. పవిత్రాత్మ మనకు కొత్త జన్మ ఇవ్వడమే కాకుండా మనలో పనిచేస్తూ మనల్ని కొత్త మనుషులుగా చేస్తూ ఉంటాడు. “కొత్త స్వభావం”– కొలొస్సయులకు 3:10; ఎఫెసీయులకు 4:23-24; 2 కోరింథీయులకు 4:16.

7. నిత్యజీవమునుగూర్చిన నిరీక్షణను బట్టి దానికి వారసులమగుటకై ఆ పరిశుద్ధాత్మను మన రక్షకుడైన యేసుక్రీస్తు ద్వారా ఆయన మనమీద సమృద్ధిగా కుమ్మరించెను.

“కృపచేత...లెక్కలోకి”– రోమీయులకు 3:21-26 నోట్స్. “శాశ్వత జీవం...ఆశాభావం”– తీతుకు 1:2. “వారసులు”– రోమీయులకు 8:17; 1 కోరింథీయులకు 6:9; 1 కోరింథీయులకు 15:50; ఎఫెసీయులకు 1:14; హెబ్రీయులకు 9:15; 1 పేతురు 1:3-5.

8. ఈ మాట నమ్మదగినది గనుక దేవునియందు విశ్వాసముంచినవారు సత్‌క్రియలను శ్రద్ధగా చేయుటయందు మనస్సుంచునట్లు నీవీసంగతు లనుగూర్చి దృఢముగా చెప్పుచుండవలెనని కోరుచున్నాను. ఇవి మంచివియు మనుష్యులకు ప్రయోజనకరమైనవియునై యున్నవి గాని,

“ఈ విషయాలు”– తీతుకు 2:15. “మంచివి”– తీతుకు 2:14; యాకోబు 2:14.

9. అవివేకతర్కములును వంశావళులును కలహములును ధర్మశాస్త్రమునుగూర్చిన వివాదములును నిష్‌ప్రయోజనమును వ్యర్థమునై యున్నవి గనుక వాటికి దూరముగా ఉండుము.

తీతుకు 1:13-14; 1 తిమోతికి 1:4, 1 తిమోతికి 1:7; 1 తిమోతికి 6:4; 2 తిమోతికి 2:14-16, 2 తిమోతికి 2:23-24. దేవుడు వెల్లడి చేసిన ముఖ్యమైన సత్యాలను ప్రకటించే ప్రధాన కార్యం నుంచి బోధకులూ ఉపదేశకులూ వైదొలగకూడదని పౌలు చెపుతున్నాడు. వారు శుభవార్తను గురించిన ప్రాముఖ్య విషయాలనే ఎక్కువగా ప్రకటిస్తూ, ఉపయోగపడే సత్యాలనూ క్రైస్తవులను విశ్వాసంలో పెంచే విషయాలనూ నొక్కి చెపుతూ ఉండాలి. ఆధ్యాత్మికంగా ఏది లాభదాయకమో, ఏది కాదో వ 8,9లో గమనించండి.

10. మతభేదములు కలిగించు మనుష్యునికి ఒకటి రెండుమారులు బుద్ధిచెప్పిన తరువాత వానిని విసర్జించుము.

“చీలికలు కలిగించడానికి చూచే మనిషి”– రోమీయులకు 16:17 చూడండి. తప్పుడు ప్రబోధాలు నేర్పించడం ద్వారా సంఘాన్ని విడదీసేవారని పౌలు భావం. ఇలాంటివారిని అనేక సంఘాల్లో కనిపెట్టి వారి గురించి విశ్వాసులను హెచ్చరించాడు – అపో. కార్యములు 20:29-30; గలతియులకు 1:7; 1 తిమోతికి 1:3-4.

11. అట్టివాడు మార్గము తప్పి తనకు తానేశిక్ష విధించుకొనినవాడై పాపము చేయుచున్నాడని నీ వెరుగుదువు.

“తెగతెంపులు చేసుకో”– 2 తిమోతికి 3:5; 2 యోహాను 1:10-11. అబద్ధ ఉపదేశాలు ఫర్వాలేదనే భావన విశ్వాసులు ఎప్పటికీ రానివ్వకూడదు. రెండు సార్లు హెచ్చరించిన తరువాత కూడా అబద్ధ బోధకులు పశ్చాత్తాపం చెందకపోతే ఇంకా హెచ్చరికలు ఇవ్వడం అనవసరం. దేవుని సేవకుల హెచ్చరికలను అతను తిరస్కరిస్తే సత్యమంటే ఇష్టం లేని వక్రమైన మనసు అతనికి ఉన్నదన్న మాట. ఈ విధంగా చేయడం వల్ల అతను తనను తానే నాశనం చేసుకొంటున్నాడు.

12. నికొపొలిలో శీతకాలము గడపవలెనని నేను నిర్ణయించు కొన్నాను గనుక నేను అర్తెమానైనను తుకికునైనను నీ యొద్దకు పంపినప్పుడు అక్కడికి నాయొద్దకు వచ్చుటకై ప్రయత్నము చేయుము.

“నికొపొలి”– ఈ పేరు గల పట్టణాలు రోమ్ సామ్రాజ్యంలో కొన్ని ఉన్నాయి. పౌలు ఏ పట్టణాన్ని ఉద్దేశించి అంటున్నాడో మనం ఖచ్చితంగా చెప్పలేము. “తుకికస్”– అపో. కార్యములు 20:4; ఎఫెసీయులకు 6:21; కొలొస్సయులకు 4:7; 2 తిమోతికి 4:12. పౌలు నాయకత్వంలో ఉపదేశకుల, బోధకుల గుంపు ఒకటి ఉండేది. అవసరం వచ్చినప్పుడు వీరిని ఒక చోటనుంచి మరొక చోటికి పంపించేవాడు.

13. ధర్మశాస్త్రవేదియైన జేనాను అపొల్లోనును శీఘ్రముగా సాగనంపుము; వారికేమియు తక్కువ లేకుండ చూడుము.

“అపొల్లో”– అపో. కార్యములు 18:24-28.

14. మన వారును నిష్ఫలులు కాకుండు నిమిత్తము అవసరమునుబట్టి సమయోచితముగా సత్‌క్రియలను శ్రద్ధగా చేయుటకు నేర్చుకొనవలెను.

ఈ లేఖలో మంచి చేయడం గురించి నొక్కి చెప్పిన విధానం చూడండి – వ 1,8; తీతుకు 1:16; తీతుకు 2:7, తీతుకు 2:14. “నిష్ఫలులు”– యోహాను 15:8, యోహాను 15:16 పోల్చి చూడండి. “అత్యవసరాలు”– సొంత అవసరాలే కాకుండా ఇతరుల అవసరాలు కూడా అని బహుశా పౌలు ఉద్దేశం – అపో. కార్యములు 20:35; రోమీయులకు 12:13; ఎఫెసీయులకు 4:28. ఇతరులకు మంచి చేయడంలో దేవుడు మనలను “నిలకడగా” ఉండాలని కోరుతున్నాడు. అందుకోసం మనల్ని మనం పూర్తిగా ఇచ్చేయాలి.

15. నాయొద్ద ఉన్నవారందరు నీకు వందనములు చెప్పు చున్నారు. విశ్వాసమునుబట్టి మమ్మును ప్రేమించువారికి మా వందనములు చెప్పుము. కృప మీ అందరికి తోడై యుండును గాక.

“విశ్వాసాన్ని బట్టి...ప్రేమభావంతో”– అంటే వారూ మేమూ క్రీస్తులో విశ్వాసులం కాబట్టి వారు పౌలును ప్రేమించేవారు అని భావం.