1. ధర్మశాస్త్రము రాబోవుచున్న మేలుల ఛాయగలదియే గాని ఆ వస్తువుల నిజస్వరూపము గలదికాదు గనుక ఆ యాజకులు ఏటేట ఎడతెగకుండ అర్పించు ఒక్కటే విధమైన బలులు వాటిని తెచ్చువారికి ఎన్నడును సంపూర్ణసిద్ధి కలుగజేయ నేరవు.

1. dharmashaastramu raabovuchunna melula chaayagaladhiye gaani aa vasthuvula nijasvaroopamu galadhikaadu ganuka aa yaajakulu eteta edategakunda arpinchu okkate vidhamaina balulu vaatini techuvaariki ennadunu sampoornasiddhi kalugajeya neravu.

2. ఆలాగు చేయగలిగినయెడల సేవించువారొక్కసారే శుద్ధపరచబడిన తరువాత వారి మనస్సాక్షికి పాపజ్ఞప్తి ఇకను ఉండదు గనుక వాటిని అర్పించుట మానుదురు గదా.

2. aalaagu cheyagaliginayedala sevinchuvaarokkasaare shuddhaparachabadina tharuvaatha vaari manassaakshiki paapagnapthi ikanu undadu ganuka vaatini arpinchuta maanuduru gadaa.

3. అయితే ఆ బలులు అర్పించుటచేత ఏటేట పాపములు జ్ఞాపకమునకు వచ్చుచున్నవి

3. ayithe aa balulu arpinchutachetha eteta paapamulu gnaapakamunaku vachuchunnavi

4. ఏలయనగా ఎడ్లయొక్కయు మేకలయొక్కయు రక్తము పాపములను తీసివేయుట అసాధ్యము.
లేవీయకాండము 16:15, లేవీయకాండము 16:21

4. yelayanagaa edlayokkayu mekalayokkayu rakthamu paapamulanu theesiveyuta asaadhyamu.

5. కాబట్టి ఆయన ఈ లోకమందు ప్రవేశించునప్పుడు ఈలాగు చెప్పుచున్నాడు. బలియు అర్పణయు నీవు కోరలేదుగానినాకొక శరీరమును అమర్చితివి.
కీర్తనల గ్రంథము 40:6-8

5. kaabatti aayana ee lokamandu praveshinchunappudu eelaagu cheppuchunnaadu.Baliyu arpanayu neevu koraledugaaninaakoka shareeramunu amarchithivi.

6. పూర్ణహోమములును పాపపరిహారార్థబలులును నీకిష్ఠమైనవికావు.

6. poornahomamulunu paapaparihaaraarthabalulunu neekishthamainavikaavu.

7. అప్పుడు నేనుగ్రంథపుచుట్టలో నన్నుగూర్చి వ్రాయబడిన ప్రకారము, దేవా, నీ చిత్తము నెరవేర్చుటకు ఇదిగో నేను వచ్చియున్నానంటిని.

7. appudu nenugranthapuchuttalo nannugoorchi vraayabadina prakaaramu, dhevaa, nee chitthamu neraverchutaku idigo nenu vachiyunnaanantini.

8. బలులు అర్పణలు పూర్ణహోమములు పాపపరి హారార్థబలులును నీవు కోరలేదనియు, అవి నీకిష్ఠమైనవి కావనియు పైని చెప్పిన తరువాత

8. balulu arpanalu poornahomamulu paapapari haaraarthabalulunu neevu koraledaniyu, avi neekishthamainavi kaavaniyu paini cheppina tharuvaatha

9. ఆయన నీ చిత్తము నెరవేర్చుటకు ఇదిగో నేను వచ్చియున్నానని చెప్పుచున్నాడు. ఇవన్నియు ధర్మశాస్త్రముచొప్పున అర్పింప బడుచున్నవి. ఆ రెండవదానిని స్థిరపరచుటకు మొదటి దానిని కొట్టివేయుచున్నాడు.

9. aayana nee chitthamu neraverchutaku idigo nenu vachiyunnaanani cheppuchunnaadu. Ivanniyu dharmashaastramuchoppuna arpimpa baduchunnavi. aa rendavadaanini sthiraparachutaku modati daanini kottiveyuchunnaadu.

10. యేసుక్రీస్తుయొక్క శరీరము ఒక్కసారియే అర్పింపబడుటచేత ఆ చిత్తమును బట్టి మనము పరిశుద్ధపరచబడియున్నాము.
కీర్తనల గ్రంథము 40:6-8

10. yesukreesthuyokka shareeramu okkasaariye arpimpabadutachetha aa chitthamunu batti manamu parishuddhaparachabadiyunnaamu.

11. మరియు ప్రతి యాజకుడు దినదినము సేవచేయుచు, పాపములను ఎన్నటికిని తీసివేయలేని ఆ బలులనే మాటిమాటికి అర్పించుచు ఉండును.
నిర్గమకాండము 29:38

11. mariyu prathi yaajakudu dinadhinamu sevacheyuchu, paapamulanu ennatikini theesiveyaleni aa balulane maatimaatiki arpinchuchu undunu.

12. ఈయనయైతే పాపములనిమిత్తమై సదాకాలము నిలుచు ఒక్క బలిని అర్పించి,
కీర్తనల గ్రంథము 110:1

12. eeyanayaithe paapamulanimitthamai sadaakaalamu niluchu okka balini arpinchi,

13. అప్పటినుండి తన శత్రువులు తన పాదములకు పాదపీఠముగా చేయబడు వరకు కనిపెట్టుచు దేవుని కుడిపార్శ్యమున ఆసీనుడాయెను.
కీర్తనల గ్రంథము 110:1

13. appatinundi thana shatruvulu thana paadamulaku paadapeethamugaa cheyabadu varaku kanipettuchu dhevuni kudipaarshyamuna aaseenudaayenu.

14. ఒక్క అర్పణచేత ఈయన పరిశుద్ధపరచబడు వారిని సదాకాలమునకు సంపూర్ణులనుగా చేసియున్నాడు.

14. okka arpanachetha eeyana parishuddhaparachabadu vaarini sadaakaalamunaku sampoornulanugaa chesiyunnaadu.

15. ఈ విషయమై పరిశుద్ధాత్మకూడ మనకు సాక్ష్యమిచ్చు చున్నాడు.

15. ee vishayamai parishuddhaatmakooda manaku saakshyamichu chunnaadu.

16. ఏలాగనగా ఆ దినములైన తరువాత నేను వారితో చేయబోవు నిబంధన ఇదేనా ధర్మవిధులను వారి హృదయము నందుంచి వారి మనస్సుమీద వాటిని వ్రాయుదును అని చెప్పిన తరువాత

16. elaaganagaa aa dinamulaina tharuvaatha nenu vaarithoo cheyabovu nibandhana idhenaa dharmavidhulanu vaari hrudayamu nandunchi vaari manassumeeda vaatini vraayudunu ani cheppina tharuvaatha

17. వారి పాపములను వారి అక్రమములను ఇకను ఎన్నటికిని జ్ఞాపకముచేసికొనను అని ప్రభువు చెప్పుచున్నాడు.
యిర్మియా 31:34

17. vaari paapamulanu vaari akramamulanu ikanu ennatikini gnaapakamuchesikonanu ani prabhuvu cheppuchunnaadu.

18. వీటి క్షమాపణ ఎక్కడ కలుగునో అక్కడ పాపపరి హారార్థబలి యికను ఎన్నడును ఉండదు.

18. veeti kshamaapana ekkada kaluguno akkada paapapari haaraarthabali yikanu ennadunu undadu.

19. సహోదరులారా, యేసు మనకొరకు ప్రతిష్ఠించిన మార్గమున, అనగా నూతనమైనదియు, జీవముగలదియు, ఆయన శరీరము అను తెరద్వారా యేర్పరచబడినదియునైన మార్గమున,

19. sahodarulaaraa, yesu manakoraku prathishthinchina maargamuna, anagaa noothanamainadhiyu, jeevamugaladhiyu, aayana shareeramu anu teradvaaraa yerparachabadinadhiyunaina maargamuna,

20. ఆయన రక్తమువలన పరిశుద్ధస్థలమునందు ప్రవేశించుటకు మనకు ధైర్యము కలిగియున్నది గనుకను,

20. aayana rakthamuvalana parishuddhasthalamunandu praveshinchutaku manaku dhairyamu kaligiyunnadhi ganukanu,

21. దేవుని యింటిపైన మనకు గొప్ప యాజకుడున్నాడు గనుకను,
సంఖ్యాకాండము 12:7, జెకర్యా 6:12-13

21. dhevuni yintipaina manaku goppa yaajakudunnaadu ganukanu,

22. మనస్సాక్షికి కల్మషము తోచకుండునట్లు ప్రోక్షింపబడిన హృదయములు గలవారమును, నిర్మలమైన ఉదకముతో స్నానముచేసిన శరీరములు గలవారమునై యుండి, విశ్వాసవిషయములో సంపూర్ణ నిశ్చయత కలిగి, యథార్థమైన హృదయముతో మనము దేవుని సన్ని ధానమునకు చేరుదము.
యెహెఙ్కేలు 36:25

22. manassaakshiki kalmashamu thoochakundunatlu prokshimpabadina hrudayamulu galavaaramunu, nirmalamaina udakamuthoo snaanamuchesina shareeramulu galavaaramunai yundi, vishvaasavishayamulo sampoorna nishchayatha kaligi, yathaarthamaina hrudayamuthoo manamu dhevuni sanni dhaanamunaku cherudamu.

23. వాగ్దానము చేసినవాడు నమ్మదగిన వాడు గనుక మన నిరీక్షణ విషయమై మన మొప్పుకొనినది నిశ్చలముగా పట్టుకొందము.

23. vaagdaanamu chesinavaadu nammadagina vaadu ganuka mana nireekshana vishayamai mana moppukoninadhi nishchalamugaa pattukondamu.

24. కొందరు మానుకొను చున్నట్టుగా, సమాజముగా కూడుట మానక, ఒకనినొకడు హెచ్చరించుచు,

24. kondaru maanukonu chunnattugaa, samaajamugaa kooduta maanaka, okaninokadu heccharinchuchu,

25. ఆ దినము సమీపించుట మీరు చూచినకొలది మరి యెక్కువగా ఆలాగు చేయుచు, ప్రేమ చూపుటకును సత్కార్యములు చేయుటకును ఒకనినొకడు పురికొల్పవలెనని ఆలోచింతము.

25. aa dinamu sameepinchuta meeru chuchinakoladhi mari yekkuvagaa aalaagu cheyuchu, prema chooputakunu satkaaryamulu cheyutakunu okaninokadu purikolpavalenani aalochinthamu.

26. మనము సత్యమునుగూర్చి అనుభవజ్ఞానము పొందిన తరువాత బుద్ధిపూర్వకముగా పాపము చేసినయెడల పాప ములకు బలియికను ఉండదు గాని

26. manamu satyamunugoorchi anubhavagnaanamu pondina tharuvaatha buddhipoorvakamugaa paapamu chesinayedala paapa mulaku baliyikanu undadu gaani

27. న్యాయపు తీర్పునకు భయముతో ఎదురుచూచుటయు, విరోధులను దహింపబోవు తీక్షణమైన అగ్నియు నికను ఉండును.
యెషయా 26:11

27. nyaayapu theerpunaku bhayamuthoo eduruchoochutayu, virodhulanu dahimpabovu theekshanamaina agniyu nikanu undunu.

28. ఎవడైనను మోషే ధర్మశాస్త్రమును నిరాకరించినయెడల ఇద్దరు ముగ్గురు సాక్షుల మాటమీద, కనికరింపకుండ వాని చంపించుదురు.
ద్వితీయోపదేశకాండము 17:6, ద్వితీయోపదేశకాండము 19:15

28. evadainanu moshe dharmashaastramunu niraakarinchinayedala iddaru mugguru saakshula maatameeda, kanikarimpakunda vaani champinchuduru.

29. ఇట్లుండగా దేవుని కుమారుని, పాదములతో త్రొక్కి, తాను పరిశుద్ధపరచబడుటకు సాధనమైన నిబంధన రక్తమును అపవిత్రమైనదిగా ఎంచి, కృపకు మూలమగు ఆత్మను తిరస్కరించినవాడు ఎంత ఎక్కువైన దండనకు పాత్రుడుగా ఎంచబడునని మీకు తోచును?
నిర్గమకాండము 24:8

29. itlundagaa dhevuni kumaaruni, paadamulathoo trokki, thaanu parishuddhaparachabadutaku saadhanamaina nibandhana rakthamunu apavitramainadhigaa enchi, krupaku moolamagu aatmanu thiraskarinchinavaadu entha ekkuvaina dandanaku paatrudugaa enchabadunani meeku thoochunu?

30. పగతీర్చుట నా పని, నేనే ప్రతిఫలమిత్తుననియు మరియు ప్రభువు తన ప్రజలకు తీర్పు తీర్చును అనియు చెప్పినవానిని ఎరుగుదుము గదా.
ద్వితీయోపదేశకాండము 32:35-36, కీర్తనల గ్రంథము 135:14

30. pagatheerchuta naa pani, nene prathiphalamitthunaniyu mariyu prabhuvu thana prajalaku theerpu theerchunu aniyu cheppinavaanini erugudumu gadaa.

31. జీవముగల దేవుని చేతిలో పడుట భయంకరము.

31. jeevamugala dhevuni chethilo paduta bhayankaramu.

32. అయితే మీరు వెలిగింపబడినమీదట, శ్రమలతో కూడిన గొప్ప పోరాటము సహించిన పూర్వపుదినములు జ్ఞాపకము తెచ్చుకొనుడి.

32. ayithe meeru veligimpabadinameedata, shramalathoo koodina goppa poraatamu sahinchina poorvapudinamulu gnaapakamu techukonudi.

33. ఒక విధముగా చూచితే, మీరు నిందలను బాధలను అనుభవించుటచేత పదిమందిలో ఆరడిపడితిరి; మరియొక విధముగా చూచితే, వాటి ననుభ వించినవారితో పాలివారలైతిరి.

33. oka vidhamugaa chuchithe, meeru nindalanu baadhalanu anubhavinchutachetha padhimandilo aaradipadithiri; mariyoka vidhamugaa chuchithe, vaati nanubha vinchinavaarithoo paalivaaralaithiri.

34. ఏలాగనగా మీరు ఖైదులో ఉన్నవారిని కరుణించి, మీకు మరి శ్రేష్ఠమైనదియు స్థిరమైనదియునైన స్వాస్థ్యమున్నదని యెరిగి, మీ ఆస్తి కోలుపోవుటకు సంతోషముగా ఒప్పుకొంటిరి.

34. elaaganagaa meeru khaidulo unnavaarini karuninchi, meeku mari shreshthamainadhiyu sthiramainadhiyunaina svaasthyamunnadani yerigi, mee aasthi kolupovutaku santhooshamugaa oppukontiri.

35. కాబట్టి మీ ధైర్యమును విడిచిపెట్టకుడి; దానికి ప్రతిఫలముగా గొప్ప బహుమానము కలుగును.

35. kaabatti mee dhairyamunu vidichipettakudi; daaniki prathiphalamugaa goppa bahumaanamu kalugunu.

36. మీరు దేవుని చిత్తమును నెరవేర్చినవారై, వాగ్దానముపొందు నిమిత్తము మీకు ఓరిమి అవసరమై యున్నది.

36. meeru dhevuni chitthamunu neraverchinavaarai, vaagdaanamupondu nimitthamu meeku orimi avasaramai yunnadhi.

37. ఇక కాలము బహు కొంచెముగా ఉన్నది, వచ్చుచున్నవాడు ఆలస్యముచేయక వచ్చును.
హబక్కూకు 2:3-4

37. ika kaalamu bahu konchemugaa unnadhi, vachuchunnavaadu aalasyamucheyaka vachunu.

38. నా యెదుట నీతిమంతుడైనవాడు విశ్వాసమూలముగా జీవించును గాని అతడు వెనుకతీసిన యెడల అతని యందు నా ఆత్మకు సంతోషముండదు.

38. naa yeduta neethimanthudainavaadu vishvaasamoolamugaa jeevinchunu gaani athadu venukatheesina yedala athani yandu naa aatmaku santhooshamundadu.

39. అయితే మనము నశించుటకు వెనుకతీయువారము కాము గాని ఆత్మను రక్షించుకొనుటకు విశ్వాసము కలిగినవారమై యున్నాము.

39. ayithe manamu nashinchutaku venukatheeyuvaaramu kaamu gaani aatmanu rakshinchukonutaku vishvaasamu kaliginavaaramai yunnaamu.