1. ప్రభువు దయాళుడని మీరు రుచిచూచియున్న యెడల

ఎఫెసీయులకు 4:25, ఎఫెసీయులకు 4:29, ఎఫెసీయులకు 4:31; కొలొస్సయులకు 3:5-10. ఇలాంటివన్నీ పాత స్వభావానికి చెందినవి. విశ్వాసి జీవితంలో వీటికి స్థానం ఉండకూడదు (గలతియులకు 5:19-21).

2. సమస్తమైన దుష్టత్వమును, సమస్తమైన కపటమును, వేషధారణను, అసూయను, సమస్త దూషణ మాటలను మాని,

“పాలవల్ల”– అంటే దేవుని వాక్యోపదేశాలు. పై రెండు రిఫరెన్సులు చూడండి. మనం పాత విశ్వాసులమైనా కొత్త విశ్వాసులమైనా మనందరం ఆశించవలసినది ఇదే (కీర్తనల గ్రంథము 119:40, కీర్తనల గ్రంథము 119:131). “పెరిగేలా”– ఎఫెసీయులకు 4:13-15. “కొత్తగా పుట్టిన బిడ్డలలాగా”– అంటే కొత్త విశ్వాసులను దృష్టిలో ఉంచుకొని రాసినది కావచ్చు. లేక క్రైస్తవ జీవితంలో ఎదుగుదల కుంటుపడిన పాత విశ్వాసులను ఉద్దేశించి రాసినది కావచ్చు (1 కోరింథీయులకు 3:1-2; హెబ్రీయులకు 5:11-14). లేక, క్రీస్తు తిరిగి వచ్చిన తరువాతి స్థితిలో పోల్చుకుంటే మనందరం ఆధ్యాత్మికంగా పసి పాపలమే అని పేతురు ఉద్దేశం కావచ్చు (మత్తయి 18:3 పోల్చి చూడండి). పసితనంలో ఉన్న మూడు లక్షణాలను మనమెప్పుడూ నిలుపుకోవాలి – ఆధ్యాత్మిక పోషణను ఆశించాలి, నిర్దోషత్వం కలిగి ఉండాలి, దేవునిపై ఆధారపడాలి. ఆధ్యాత్మికమైన ఆకలి, దేవుని వాక్కు గురించిన ఆశ బొత్తిగా లేకపోతే ఆ వ్యక్తిలో ఆధ్యాత్మిక జీవం లేదనడానికి అంతకన్నా వేరే రుజువు ఏమి కావాలి?

3. క్రొత్తగా జన్మించిన శిశువులను పోలినవారై, నిర్మల మైన వాక్యమను పాలవలన రక్షణ విషయములో ఎదుగు నిమిత్తము, ఆ పాలను అపేక్షించుడి.
కీర్తనల గ్రంథము 34:8

కీర్తనల గ్రంథము 34:8.

4. మనుష్యులచేత విసర్జింపబడినను, దేవుని దృష్టికి ఏర్పరచబడినదియు అమూల్యమును సజీవమునైన రాయియగు ప్రభువునొద్దకు వచ్చిన వారై,
కీర్తనల గ్రంథము 118:22, యెషయా 28:16, దానియేలు 2:34-35

“రాయి”– అంటే యేసుప్రభువు. విశ్వాసులు ప్రాణం లేని విగ్రహాలను ఆశ్రయించరు. సజీవుడైన వ్యక్తినే ఆశ్రయిస్తారు. “వద్దన్నారు”– మత్తయి 21:42; మార్కు 8:31; మార్కు 9:12; లూకా 17:25; యోహాను 1:11; అపో. కార్యములు 4:11. “ప్రియంగా”– మత్తయి 3:17. మనుషుల ఆలోచనల కంటే దేవుని ఆలోచనలు ఎంత భిన్నంగా ఉన్నాయో చూడండి. మనుషులు తాము నిర్మిస్తున్న కట్టడానికి క్రీస్తు పనికిరాడనుకున్నారు.

5. యేసుక్రీస్తుద్వారా దేవునికి అనుకూలము లగు ఆత్మసంబంధమైన బలులనర్పించుటకు పరిశుద్ధయాజకులుగా ఉండునట్లు, మీరును సజీవమైన రాళ్లవలెనుండి ఆత్మ సంబంధమైన మందిరముగా కట్టబడుచున్నారు.
నిర్గమకాండము 19:6, యెషయా 61:6

“సజీవమైన రాళ్ళు”– సజీవమైన రాయి అయిన క్రీస్తు చెంతకు వచ్చిన విశ్వాసులు తామే సజీవమైన రాళ్ళుగా అవుతారు. ఎందుకంటే ఆ సజీవమైన రాయి జీవమిచ్చే ఆత్మ కూడా (1 కోరింథీయులకు 14:15). మనుషులు త్రాగి జీవించగలిగేలా ఆ రాయిలోనుంచే జీవ జలం పారుతూ ఉంది. “ఆలయం”– ఎఫెసీయులకు 2:19-22; హెబ్రీయులకు 3:6; 1 కోరింథీయులకు 3:9. దేవుడు నమూనా తయారు చేసేవాడు, కట్టేవాడు. తన ఇంటి గురించి ఆయన బాగా ఆలోచించి ఏర్పాట్లు చేశాడు, దాన్ని చక్కగా తీర్చి దిద్దుతున్నాడు అన్న విషయంలో మనకు సందేహం అవసరం లేదు. ప్రతి రాయీ ఏ స్థానంలో ఉండాలో ఆయనకు చక్కగా తెలుసు. కొంత కట్టాక కొన్ని రాళ్ళను తీసేసి వేరే రాళ్ళను అక్కడ పెట్టవలసిన అవసరం ఆయనకు కలగదు. దేవుడు ఒక చేత్తో రాళ్ళను తీసేస్తూ ఒక చేత్తో నిర్మిస్తూ ఉండడం జరగడం లేదు. “పవిత్ర యాజులుగా”– విశ్వాసులు దేవునికి ఇల్లుగా కట్టబడుతూ ఉండడమే కాదు. ఆ ఇంట్లో సేవ చేసేందుకు వారు యాజులు కూడా – వ 9; ప్రకటన గ్రంథం 1:6; హెబ్రీయులకు 10:19-22. క్రొత్త ఒడంబడికలో విశ్వాసుల్లో ప్రత్యేకమైన యాజి వ్యవస్థ వేరే ఏమీ లేదు. విశ్వాసులంతా యాజులే. యేసుప్రభు శిష్యుల్లో, లేక రాయబారుల్లో ఏ ఒక్కరినీ ఎవరూ “యాజి” అని బైబిల్లో పేరుతో పిలవలేదు. ఇది గమనించదగ్గ విషయం. నాయకులుగా ఉండేందుకు క్రైస్తవ సంఘానికి క్రీస్తు ఇచ్చినవారిలో “యాజి” అనే ప్రత్యేకమైన పదవి లేదు (ఎఫెసీయులకు 4:11; 1 కోరింథీయులకు 12:28). “ఆధ్యాత్మిక బలులు”– రోమీయులకు 12:1-2; హెబ్రీయులకు 13:15-16. యాజులు అంటే దేవునికి ఏదో ఒకటి అర్పించవలసినవారు. యాజులుగా విశ్వాసులు తమను, తమ స్తుతులను, తాము ప్రేమతో దయతో చేసే క్రియలను దేవునికి అర్పించాలి.

6. ఏలయనగా ఇదిగో నేను ముఖ్యమును ఏర్పరచబడినదియు అమూల్యమునగు మూలరాతిని సీయోనులొ స్థాపించుచున్నాను; ఆయనయందు విశ్వాసముంచు వాడు ఏమాత్రమును సిగ్గుపడడు అను మాట లేఖనమందు వ్రాయబడియున్నది.
యెషయా 28:16

వ 4; యెషయా 28:16; జెకర్యా 1:4; ఎఫెసీయులకు 2:20.

7. విశ్వ సించుచున్న మీకు, ఆయన అమూల్యమైనవాడు; విశ్వసింపనివారికైతే ఇల్లు కట్టువారు ఏ రాతిని నిషేధించిరో అదే మూలకు తలరాయి ఆయెను. మరియు అది అడ్డురాయియు అడ్డుబండయు ఆయెను.
కీర్తనల గ్రంథము 118:22, దానియేలు 2:34-35

“ప్రియమైనది”– 1 పేతురు 1:8 ఆయనలో నమ్మకం ఉంచిన వారికే క్రీస్తు ప్రియమైనవాడు. వారే ఆయన విలువను చూడగలుగుతారు, ఆయన్ను ప్రేమించగలుగుతారు. “మూలరాయి”– కీర్తనల గ్రంథము 118:22; మత్తయి 21:42; అపో. కార్యములు 4:11.

8. కట్టువారు వాక్యమున కవిధేయులై తొట్రిల్లుచున్నారు, దానికే వారు నియమింపబడిరి.
యెషయా 8:14-15

యెషయా 8:14; రోమీయులకు 9:33. దేవుని సత్యానికి లోబడనివారు సత్యం విషయంలో తొట్రుపడుతారు. ఆ సత్యం క్రీస్తే (లూకా 2:34). ఆయనను కోరుకున్నవారు పై స్థాయికి లేస్తారు. ఆయన్ను కోరుకోనివారు పడుతారు. “నియమించిన విధి”– బహుశా యూదజాతి క్రీస్తును తిరస్కరించడం గురించి పేతురు చెప్తున్నాడు. యేసుప్రభువు, ఆయన రాయబారి పౌలు కూడా దీన్ని వివరించేందుకు కీర్తనలు, యెషయా గ్రంథాల్లో నుంచి రిఫరెన్సులను వాడుకున్నారు. ఈ అంశం గురించి రోమ్ 9—11 అధ్యాయాలు, నోట్స్ చూడండి. ముఖ్యంగా రోమీయులకు 9:14-24, రోమీయులకు 9:30-33; రోమీయులకు 11:7-12, రోమీయులకు 11:22-32 చూడండి.

9. అయితే మీరు చీకటిలోనుండి ఆశ్చర్యకరమైన తన వెలుగులోనికి మిమ్మును పిలిచిన వాని గుణాతిశయములను ప్రచురముచేయు నిమిత్తము, ఏర్పరచబడిన వంశమును, రాజులైన యాజకసమూహమును, పరిశుద్ధ జనమును, దేవుని సొత్తయిన ప్రజలునై యున్నారు.
నిర్గమకాండము 19:5, నిర్గమకాండము 23:22, ద్వితీయోపదేశకాండము 4:20, ద్వితీయోపదేశకాండము 7:6, ద్వితీయోపదేశకాండము 10:15, ద్వితీయోపదేశకాండము 14:2, యెషయా 9:2, యెషయా 42:12, యెషయా 43:20-21, నిర్గమకాండము 19:6, యెషయా 61:6

“ఎన్నికైన”– ఎఫెసీయులకు 1:4 ఎఫెసీయులకు 1:11; యోహాను 15:16. “రాజుకు...యాజుల సమూహం”– వ 5. గ్రీకులో ఈ మాటలకు రాజు కొలువులో ఉన్న యాజులు, లేక రాజ్యంగా ఏర్పడిన యాజుల సమూహం, లేక యాజులందరూ రాజులే అయివున్న యాజి వ్యవస్థ అని అర్థం వస్తుంది. లేక ఈ మూడు అర్థాలు కూడా రావచ్చు. “పవిత్ర జనం”– భూమిపై ఇతరులందరిలోకీ ప్రత్యేకంగా ఉన్న జాతి. నిర్గమకాండము 19:5-6; యోహాను 17:6 పోల్చి చూడండి. పేతురు సంఘాన్ని “నూతన ఇస్రాయేల్” అని గానీ “ఆధ్యాత్మిక ఇస్రాయేల్” అని గానీ పిలవడం లేదు. అతడు యూదుల్లోని విశ్వాసులకు రాస్తున్నాడు. నిజమైన ఇస్రాయేల్ అంటే వారే, క్రీస్తును తిరస్కరించినవారు కాదు. ఇస్రాయేల్ జాతిని దేవుడు ఇకపై పట్టించుకోబోవడం లేదని పేతురు చెప్పడం లేదు (అపో. కార్యములు 1:6-7 పోల్చి చూడండి). క్రొత్త ఒడంబడిక గ్రంథం రాసిన వారిలో ఎవరూ సంఘాన్ని కొత్త ఇస్రాయేల్ అని పిలవలేదు. ఇతర ప్రజల్లో విశ్వాసులైనవారిని పాత ఇస్రాయేల్ అనే చెట్టుకు అంటుకట్టడం జరిగింది. రోమ్ 11 అధ్యాయం; ఎఫెసీయులకు 2:11-19 చూడండి. “వెలుగు”– అపో. కార్యములు 26:18; 2 కోరింథీయులకు 4:6; ఎఫెసీయులకు 5:8; కొలొస్సయులకు 1:13; 1 యోహాను 1:5-7. “ఉత్తమ గుణాలు”– ఈ గ్రీకు పదానికి సుశీలత, మంచితనం, ఘన బుద్ధి, పొగడదగినవి అని అర్థం. ఇదే పదాన్ని ఫిలిప్పీ 4:8లో “శ్రేష్ఠమైనవి” అనీ, 2 పేతురు 1:3, 2 పేతురు 1:5 లో “సుగుణం” అనీ తర్జుమా చేశారు. యూద క్రైస్తవులైనా ఇతర జనాల్లోని క్రైస్తవులైనా ఇప్పుడు విశ్వాసులందరి విద్యుక్త ధర్మం, విశేష అవకాశం ఏకైక నిజ దేవుని శ్రేష్ఠతనూ మంచితనాన్నీ లోకానికి ప్రకటించడమే. మనం మన ఘనత గురించి చూడకూడదు. మన మంచితనం గురించి ప్రకటించుకోకూడదు. ఆయన మంచితనాన్నే చాటాలి (కీర్తనల గ్రంథము 40:10; కీర్తనల గ్రంథము 71:16; యెషయా 42:12; యెషయా 43:7; ఎఫెసీయులకు 1:6, ఎఫెసీయులకు 1:12, ఎఫెసీయులకు 1:14 పోల్చి చూడండి).

10. ఒకప్పుడు ప్రజగా ఉండక యిప్పుడు దేవుని ప్రజయైతిరి; ఒకప్పుడు కనికరింపబడక యిప్పుడు కనికరింపబడినవారైతిరి.
హోషేయ 1:6, హోషేయ 1:10, హోషేయ 2:1, హోషేయ 2:23

క్రీస్తులో నమ్మకం ఉంచకముందు యూదులు, ఇతర ప్రజలు కూడా దేవుని ఆధ్యాత్మిక ప్రజ కారు. హోషేయ 1:9-10; హోషేయ 2:23; రోమీయులకు 9:24-26; ఎఫెసీయులకు 2:11-12. మనుషులను చీకటిలోనుంచి వెలుగులోకి పిలవడంలో దేవుడు చూపినది కల్తీ లేని కరుణ మాత్రమే (తీతుకు 3:5).

11. ప్రియులారా, మీరు పరదేశులును యాత్రికులునై యున్నారు గనుక ఆత్మకు విరోధముగా పోరాడు శరీరాశ లను విసర్జించి,
కీర్తనల గ్రంథము 39:12

“పరవాసులు”– 1 పేతురు 1:1, 1 పేతురు 1:7. “దురాశలు”– 1 పేతురు 1:14. అవి ఈ లోకానికి చెందినవి. విశ్వాసులైతే పరలోక సంబంధులు. “యుద్ధం”– విశ్వాసులపై యుద్ధంలో (ఎఫెసీయులకు 6:11-12) సైతాను వాడే ఆయుధాల్లో పాప సంబంధమైన విషయాలపట్ల ఆశ ఒకటి. మన ఆధ్యాత్మిక జీవితాన్ని నరికి గాయపరిచే కత్తుల్లాంటివి చెడు కోరికలు. దేవునినుండీ, పవిత్రతనుండీ మన ఆలోచనల్ని మళ్ళించే అగ్నిబాణాల్లాంటివి. వాటికి మనం లొంగిపోవలసిన అవసరం లేదు. వాటికి మన హృదయాల్లో తావియ్యవలసిన అవసరం కూడా లేదు. “విసర్జించండి” అన్న ఆజ్ఞ ఉంది. దేవుని కృప మూలంగా మనం అలా చెయ్యగలమని అర్థం. ప్రతి చెడు తలంపునుంచీ పూర్తిగా విడుదల పొందడమే మన గమ్యంగా పెట్టుకోవాలి.

12. అన్యజనులు మిమ్మును ఏ విషయములో దుర్మార్గులని దూషింతురో, ఆ విషయములో వారు మీ సత్‌క్రియలను చూచి, వాటినిబట్టి దర్శనదినమున దేవుని మహిమపరచునట్లు, వారి మధ్యను మంచి ప్రవర్తనగలవారై యుండవలెనని మిమ్మును బతిమాలుకొనుచున్నాను.
యెషయా 10:3

మత్తయి 5:16 చూడండి. “దూషిస్తూ ఉంటే”– క్రీస్తును తిరస్కరించేవారు విశ్వాసులను దూషించాలనీ వారిలో తప్పులు పట్టుకోవాలనీ లేనివాటిని కల్పించాలనీ ఉంటారు. ఇతరులు మనల్ని దూషించడం మనం మరింత మంచిగా ప్రవర్తించాలన్న నిశ్చయాన్ని మనలో కలిగించాలి. ఈ దుర్మార్గత మన మేలుకే పని చేయాలి. “దైవ దర్శన దినాన”– ఇది దేవుని దీవెన, లేదా తీర్పు వచ్చే ఒక ప్రత్యేకమైన దినం కావచ్చు.

13. మనుష్యులు నియమించు ప్రతి కట్టడకును ప్రభువు నిమిత్తమై లోబడియుండుడి.

రోమీయులకు 13:1-5.

14. రాజు అందరికిని అధిపతి యనియు, నాయకులు దుర్మార్గులకు ప్రతిదండన చేయుట కును సన్మార్గులకు మెప్పు కలుగుటకును రాజువలన పంప బడినవారనియు వారికి లోబడియుండుడి.

15. ఏలయనగా మీరిట్లు యుక్తప్రవర్తన గలవారై, అజ్ఞానముగా మాటలాడు మూర్ఖుల నోరు మూయుట దేవుని చిత్తము.

“మంచి చేయడం”– వాదాల ద్వారా చెయ్యలేనిదానిని మంచి పనుల ద్వారా చెయ్యవచ్చు. క్రీస్తు శుభవార్త తరుఫున దాన్ని నమ్మినవారి పవిత్ర జీవితాలే అన్నిటి కంటే గట్టి వాదన, రుజువు. “తెలివి తక్కువగా మాట్లాడే”– 1 పేతురు 1:14; 2 పేతురు 3:16. వారు క్రీస్తును గురించీ, ఆయన శుభవార్త గురించీ, ఆయన ప్రజల గురించీ తెలిసీ తెలియని మాటలు మాట్లాడుతారు. ఎందుకంటే నిజ దేవుడు వారికి తెలియదు (యోహాను 15:21; ఎఫెసీయులకు 4:17-18). “మూర్ఖులు”– రోమీయులకు 1:21-22.

16. స్వతంత్రులై యుండియు దుష్టత్వమును కప్పి పెట్టుటకు మీ స్వాతంత్ర్య మును వినియోగపరచక, దేవునికి దాసులమని లోబడి యుండుడి.

గలతియులకు 5:13; రోమీయులకు 6:15-18.

17. అందరిని సన్మానించుడి, సహోదరులను ప్రేమించుడి, దేవునికి భయపడుడి, రాజును సన్మానించుడి.
సామెతలు 24:21

“అందరిపట్ల”పేద గొప్ప తారతమ్యం, ఉచ్ఛ నీచ స్థితిగతులు, విద్య మొదలైనవాటితో నిమిత్తం లేకుండా అలా చేయాలి. జాతి గర్వం, దురభిమానం, తామే అధికులమన్న భావం పరిత్యజించాలి. విశ్వాసులు ఎవరినీ తృణీకరించకూడదు. ఎవరినీ చిన్నచూపు చూడకూడదు. యాకోబు 2:1-4, యాకోబు 2:9; 1 కోరింథీయులకు 12:14-26; అపో. కార్యములు 6:1; రోమీయులకు 12:10 చూడండి.

18. పనివారలారా, మంచివారును సాత్వికులునైనవారికి మాత్రము కాక ముష్కరులైన మీ యజమానులకును పూర్ణభయముతో లోబడియుండుడి.

ఎఫెసీయులకు 6:5-8; కొలొస్సయులకు 3:22-24.

19. ఎవడైనను అన్యాయ ముగా శ్రమపొందుచు, దేవునిగూర్చిన మనస్సాక్షికలిగి, దుఃఖము సహించినయెడల అది హితమగును.

“మెచ్చుకోదగిన”– దేవుడే అలాంటివారిని మెచ్చుకుంటాడు. ప్రతిఫలమిస్తాడు.

20. తప్పిదమునకై దెబ్బలు తినినప్పుడు మీరు సహించినయెడల మీకేమి ఘనము? మేలుచేసి బాధపడునప్పుడు మీరు సహించినయెడల అది దేవునికి హితమగును;

1 పేతురు 4:15-16 పోల్చి చూడండి.

21. ఇందుకు మీరు పిలువబడితిరి. క్రీస్తుకూడ మీకొరకు బాధపడి, మీరు తన అడుగుజాడలయందు నడుచుకొనునట్లు మీకు మాదిరి యుంచి పోయెను.

“పిలుపు”– తన ప్రత్యేక ప్రజగా ఉండేందుకు దేవుడు మనల్ని పిలిచినప్పుడు మంచి చేసినందువల్ల బాధలు అనుభవించడం కూడా ఆ పిలుపులో భాగమే. ఈ విధంగా బాధలు పడిన వారిలో క్రీస్తే గొప్ప ఉదాహరణ. ఆయన మంచి తప్ప మరేదీ చెయ్యలేదు గానీ మనందరికంటే ఎక్కువగా బాధలు పడ్డాడు. “నడవాలని” – మత్తయి 4:19; మత్తయి 8:22; మత్తయి 16:24; మత్తయి 19:21; లూకా 9:23; యోహాను 1:43; యోహాను 10:4, యోహాను 10:27; యోహాను 12:26; రోమీయులకు 15:5; 1 కోరింథీయులకు 11:1. నమ్మామని అనుకుంటూ క్రీస్తును అనుసరించకుండా ఉండేవారు తమను తాము మోసపుచ్చుకుంటున్నారు.

22. ఆయన పాపము చేయలేదు; ఆయన నోటను ఏ కపటమును కనబడలేదు.
యెషయా 53:9

యెషయా 53:9; మత్తయి 27:23; యోహాను 8:46; యోహాను 19:4; 2 కోరింథీయులకు 5:21; హెబ్రీయులకు 4:15; హెబ్రీయులకు 7:26.

23. ఆయన దూషింప బడియు బదులు దూషింపలేదు; ఆయన శ్రమపెట్టబడియు బెదిరింపక, న్యాయముగా తీర్పు తీర్చు దేవునికి తన్ను తాను అప్పగించుకొనెను.
యెషయా 53:7

యెషయా 53:7; మత్తయి 26:63; మత్తయి 27:12-14; లూకా 23:8-9. మనం కూడా అదే విధంగా ప్రవర్తించాలి.

24. మనము పాపముల విషయమై చనిపోయి, నీతివిషయమై జీవించునట్లు, ఆయన తానే తన శరీరమందు మన పాపములను మ్రానుమీద మోసి కొనెను. ఆయన పొందిన గాయములచేత మీరు స్వస్థత నొందితిరి.
యెషయా 53:4, యెషయా 53:5, యెషయా 53:12

మన స్థానంలో మనకు బదులుగా క్రీస్తు బాధల పాలై మరణించాడన్న స్పష్టమైన మాటలు ఇక్కడ ఉన్నాయి. 1 పేతురు 3:18; యెషయా 53:5; మత్తయి 20:28; యోహాను 1:29; యోహాను 10:11, యోహాను 10:14; రోమీయులకు 3:25; 2 కోరింథీయులకు 5:14, 2 కోరింథీయులకు 5:21; హెబ్రీయులకు 9:28 కూడా చూడండి. క్రీస్తు బాధల్లో మరణంలో గల ఉద్దేశం ఇక్కడ రాసి ఉంది. రోమీయులకు 14:9; 2 కోరింథీయులకు 5:15 పోల్చి చూడండి. “పాపాల విషయంలో చనిపోయి”– రోమీయులకు 6:10-14; గలతియులకు 2:20; గలతియులకు 5:24; కొలొస్సయులకు 3:5. “న్యాయాల కోసం”– రోమీయులకు 6:18-19; రోమీయులకు 14:19, రోమీయులకు 14:21; 2 కోరింథీయులకు 5:21; ఎఫెసీయులకు 4:24; ఫిలిప్పీయులకు 1:11; 1 తిమోతికి 6:11. “ఆరోగ్యం”– యెషయా 53:5. పాపాలు మనవి, అందుకు పడిన శిక్ష ఆయనది.

25. మీరు గొఱ్ఱెలవలె దారితప్పిపోతిరి గాని యిప్పుడు మీ ఆత్మల కాపరియు అధ్యక్షుడునైన ఆయన వైపునకు మళ్లియున్నారు.
యెషయా 53:6, యెహెఙ్కేలు 34:5-6

“త్రోవ తప్పిపోయారు”– యెషయా 53:6. “కాపరిగా”– 1 పేతురు 5:4. యోహాను 10:1-18. “పై విచారణ కర్త”– గ్రీకులో ఈ పదం అపో. కార్యములు 20:28; ఫిలిప్పీయులకు 1:1; తీతుకు 1:7 లో ఉంది. క్రీస్తు ముఖ్య కాపరి అయినట్టుగానే ముఖ్య విచారణ కర్త కూడా. వేరే ఎవరూ లేరు.