1. కొన్నిదినములైన తరువాత గోధుమల కోతకాలమున సమ్సోను మేకపిల్ల ఒకటి తీసికొని తన భార్యను చూడ వచ్చి అంతఃపురములోనున్న నా భార్య యొద్దకు నేను పోదుననుకొనగా

2. ఆమె తండ్రి లోపలికి అతని వెళ్ల నియ్యకనిశ్చయముగా నీవు ఆమెను ద్వేషించితివనుకొని నీ స్నేహితునికి ఆమెను ఇచ్చి తిని; ఆమె చెల్లెలు ఆమెకంటె చక్కనిదికాదా? ఆమెకు ప్రతిగా ఈమె నీకుండవచ్చును చిత్తగించుమనెను.

3. అప్పుడు సమ్సోనునేను ఫిలిష్తీయు లకు హానిచేసినయెడల వారి విషయములో నేనిప్పుడు నిర పరాధినైయుందునని వారితో చెప్పి

“ఫిలిష్తీయవాళ్ళు”– న్యాయాధిపతులు 14:4.

4. పోయి మూడు వందల నక్కలను పట్టుకొని దివిటీలను తెప్పించి తోక తట్టు తోకను త్రిప్పి రెండేసి తోకలమధ్యను ఒక్కొక్క దివిటీ కట్టి

“నక్కలు”– హీబ్రూలో ఈ పదానికి గుంటనక్కలు అనే అర్థం కూడా ఉంది.

5. ఆ దివిటీలో అగ్ని మండచేసి ఫిలిష్తీయుల గోధుమ చేలలోనికి వాటిని పోనిచ్చి పనల కుప్పలను పైరును ద్రాక్షతోటలను ఒలీవతోటలను తగులబెట్టెను.

6. ఫిలిష్తీ యులు ఇది ఎవడు చేసినదని చెప్పుకొనుచు, తిమ్నా యుని అల్లుడైన సమ్సోను భార్యను ఆమె తండ్రి తీసికొని అతని స్నేహితుని కిచ్చెను గనుక అతడే చేసియుండెనని చెప్పిరి. కాబట్టి ఫిలిష్తీయులు ఆమెను ఆమె తండ్రిని అగ్నితో కాల్చిరి.

7. అప్పుడు సమ్సోనుమీరు ఈలాగున చేసినయెడల నేను మీమీద పగతీర్చుకొనిన తరువాతనే చాలించెదనని చెప్పి

“పగ”– సంఖ్యాకాండము 31:2-3 నోట్.

8. తొడలతో తుంట్లను విరుగగొట్టి వారిని బహుగా హతము చేసెను. అటుపిమ్మట వెళ్లి ఏతాము బండసందులో నివసించెను.

9. అప్పుడు ఫిలిష్తీయులు బయలుదేరి యూదాదేశములో దిగి చెదరి, లేహీలో దోపిడికొరకై దండు కూర్చిరి.

“లేహీ”– ఈ ప్రదేశం, వ8లోని ఏతాం, ఖచ్చితంగా ఎక్కడున్నాయో తెలియదు.

10. యూదావారుమీరేల మా మీదికి వచ్చితిరని అడుగగా ఫిలిష్తీయులుసమ్సోను మాకు చేసినట్లు మేము అతనికి చేయవలెనని అతని కట్టుటకే వచ్చితిమనిరి.

11. అందుకు యూదా జనులలో మూడువేలమంది ఏతాములోని బండ యొద్దకు పోయి సమ్సోనును చూచిఫిలిష్తీయులు మనకు ఏలికలని నీకు తెలియదా? నీవు మాకేమి చేసితివని చెప్పగా అతడువారు నాకెట్లు చేసిరో అట్లే నేను వారికి చేసితి ననెను.

“మూడు వేలమంది”– ఒక్కణ్ణి బంధించడానికి ఇంతమందా! సమ్సోను పరాక్రమంపై వాళ్ళకున్న గురిని ఇది తెలియజేస్తున్నది. “అధికారులు”– న్యాయాధిపతులు 14:4. “నాకెలా...వాళ్ళకలా”– మత్తయి 5:38-41 మత్తయి 7:12 లూకా 6:27-31 పోల్చి చూడండి.

12. అందుకు వారుమేము ఫిలిష్తీయుల చేతికి అప్ప గించుటకు నిన్ను కట్టవచ్చితిమని అతనితో అనగా సమ్సోనుమీరు నామీద పడకుండునట్లు నాతో ప్రమాణము చేయుడనెను.

తమ శత్రువులను వ్యతిరేకించవలసింది పోయి తమపై వాళ్ళ అధికారాన్ని ఒప్పుకున్నారు. శత్రువుల అధికారాన్ని ఒప్పుకోనివాణ్ణి వ్యతిరేకిస్తున్నారు. ఆధ్యాత్మిక విషయాల్లో కూడా ఇలాంటివి వింటూనే ఉంటాం.

13. అందుకు వారుఆలాగు కాదు, నిశ్చయముగా మేము నిన్ను చంపముగాని నిన్ను గట్టిగా కట్టి వారిచేతికి మేము అప్పగించెదమని చెప్పి రెండు క్రొత్త తాళ్లచేత అతని కట్టి ఆ బండయొద్దనుండి అతని తీసికొనివచ్చిరి.

14. అతడు లేహీకి వచ్చువరకు ఫిలిష్తీయులు అతనిని ఎదుర్కొని కేకలు వేయగా, యెహోవా ఆత్మ అతనిమీదికి బలముగా వచ్చినందున అతనిచేతులకు కట్టబడిన తాళ్లు అగ్ని చేత కాల్చబడిన జనుపనారవలె నాయెను; సంకెళ్లును అతనిచేతులమీదనుండి విడిపోయెను.

“యెహోవా ఆత్మ”– న్యాయాధిపతులు 13:25. సమ్సోను పనుల గురించి చెప్పడంలో “యెహోవా ఆత్మ” విషయం నాలుగుసార్లు చెప్పబడింది. యెహెజ్కేలు గురించి తప్ప న్యాయాధిపతుల గ్రంథంలో గానీ మరి ఏ ఇతర పాత ఒడంబడిక పుస్తకంలో గానీ ఏ వ్యక్తిని గురించీ ఇన్ని సార్లు యెహోవా ఆత్మ ప్రస్తావన లేదు.

15. అతడు గాడిదయొక్క పచ్చి దవడ యెముకను కనుగొని చెయ్యి చాచి పట్టుకొని దానిచేత వెయ్యిమంది మనుష్యులను చంపెను.

“వెయ్యిమంది”– న్యాయాధిపతులు 3:31 2 సమూయేలు 23:8 పోల్చి చూడండి. సమ్సోను చేసిన ఈ పరాక్రమ కార్యం బైబిల్లో మరెవరూ చేయలేదు.

16. అప్పుడు సమ్సోను గాడిద దవడ యెముకతో ఒక కుప్పను రెండు కుప్పలను నేను చంపియున్నాను గాడిద దవడ యెముకతో వెయ్యిమంది నరులను చంపియున్నాను అనెను.

“కుప్పలుగా”– హీబ్రూలో గాడిదలు, కుప్పలు అనే అర్థాన్నిచ్చే రెండు మాటలూ ఒకే విధంగా ఉన్నాయి. అందువల్ల ఈ మాటను “వాళ్ళను గాడిదలుగా కూల్చాను” అని కూడా చదవవచ్చు.

17. అతడు చెప్పుట చాలించిన తరువాత ఆ దవడ యెము కను చేతినుండి పారవేసి ఆ చోటికి రామత్లెహీ అను పేరు పెట్టెను.

“రామాత్ లేహీ”– అంటే, “దవడ ఎముక కొండ”.

18. అప్పుడతడు మిక్కిలి దప్పిగొనినందున యెహోవాకు మొఱ్ఱపెట్టినీవు నీ సేవకుని చేతివలన ఈ గొప్ప రక్షణను దయచేసిన తరువాత నేనిప్పుడు దప్పి చేతను చచ్చి, సున్నతి పొందనివారి చేతిలోనికి పడవలెనా? అని వేడుకొనగా

“విడుదల”– విశ్వాస వీరులందరిలాగానే ఆ విజయాన్ని ఇచ్చినది దేవుడేనని సమ్సోను గుర్తించాడు – న్యాయాధిపతులు 12:3 ద్వితీయోపదేశకాండము 20:4 యెహోషువ 21:44 కీర్తనల గ్రంథము 44:7 కీర్తనల గ్రంథము 144:9-10. ఆధ్యాత్మిక విజయాలన్నీ కూడా ఈ విధంగానే లభిస్తాయి. “యెహోవాకు”– సమ్సోను ప్రార్థించడం గురించిన మాట మొదటి సార

19. దేవుడు లేహీలోనున్న ఒక గోతిని చీల్చెను, దానినుండి నీళ్లు బయలుదేరెను. అతడు త్రాగిన తరువాత ప్రాణము తెప్పరిల్లి బ్రదికెను. కాబట్టి దానిపేరు నేటివరకు ఏన్హక్కోరె అనబడెను; అది లేహీలో నున్నది.

“దానిలోనుంచి”– తన సేవకుల అవసరాలన్నిటినీ ఎక్కడైనా ఎప్పుడైనా తీర్చగల సమర్థుడు దేవుడు – నిర్గమకాండము 16:3-4 నిర్గమకాండము 16:12 నిర్గమకాండము 17:6 1 రాజులు 17:2-6 1 రాజులు 17:9 కీర్తనల గ్రంథము 23:1 కీర్తనల గ్రంథము 23:5. మనం కీర్తనల గ్రంథము 78:19 లో ఇస్రాయేల్‌వాళ్ళు మాట్లాడినట్లు మాట్లాడకూడదు. హీబ్రూలో ఏన్‌హక్కోరె

20. అతడు ఫిలిష్తీయుల దినములలో ఇరువదియేండ్లు ఇశ్రాయేలీయులకు న్యాయాధిపతియైయుండెను.