John - యోహాను సువార్త 8 | View All

1. యేసు ఒలీవలకొండకు వెళ్లెను.

2. తెల్లవారగానే యేసు తిరిగి దేవాలయములోనికి రాగా ప్రజలందరు ఆయన యొద్దకు వచ్చిరి గనుక ఆయన కూర్చుండి వారికి బోధించు చుండెను.

3. శాస్త్రులును పరిసయ్యులును, వ్యభిచారమందు పట్టబడిన యొక స్త్రీని తోడు కొనివచ్చి ఆమెను మధ్య నిలువబెట్టి

4. బోధకుడా, యీ స్త్రీ వ్యభిచారము చేయుచుండగా పట్టబడెను;

5. అట్టివారిని రాళ్లు రువి్వ చంపవలెనని ధర్మశాస్త్రములో మోషే మన కాజ్ఞాపించెను గదా; అయినను నీవేమి చెప్పుచున్నావని ఆయన నడిగిరి.
లేవీయకాండము 20:10, ద్వితీయోపదేశకాండము 22:22

6. ఆయనమీద నేరము మోపవలెనని ఆయనను శోధించుచు ఈలాగున అడిగిరి. అయితే యేసు వంగి, నేలమీద వ్రేలితో ఏమో వ్రాయుచుండెను.

7. వారాయనను పట్టువదలక అడుగుచుండగా ఆయన తలయెత్తి చూచిమీలో పాపము లేనివాడు మొట్టమొదట ఆమెమీద రాయి వేయ వచ్చునని వారితో చెప్పి
ద్వితీయోపదేశకాండము 17:7

8. మరల వంగి నేలమీద వ్రాయు చుండెను.

9. వారామాట విని, పెద్దవారు మొదలుకొని చిన్నవారివరకు ఒకని వెంట ఒకడు బయటికి వెళ్లిరి; యేసు ఒక్కడే మిగిలెను; ఆ స్త్రీ మధ్యను నిలువబడియుండెను.

10. యేసు తలయెత్తి చూచి అమ్మా, వారెక్కడ ఉన్నారు? ఎవరును నీకు శిక్ష విధింపలేదా? అని అడిగినప్పుడు

11. ఆమె లేదు ప్రభువా అనెను. అందుకు యేసు నేనును నీకు శిక్ష విధింపను; నీవు వెళ్లి ఇక పాపము చేయకుమని ఆమెతో చెప్పెను.

12. మరల యేసు నేను లోకమునకు వెలుగును, నన్ను వెంబడించువాడు చీకటిలో నడువక జీవపు వెలుగుగలిగి యుండునని వారితో చెప్పెను.
యెషయా 49:6

13. కాబట్టి పరిసయ్యులు నిన్నుగూర్చి నీవే సాక్ష్యము చెప్పుకొనుచున్నావు; నీ సాక్ష్యము సత్యము కాదని ఆయనతో అనగా

14. యేసునేను ఎక్కడనుండి వచ్చితినో యెక్కడికి వెళ్లుదునో నేనెరుగుదును గనుక నన్నుగూర్చి నేను సాక్ష్యము చెప్పు కొనినను నా సాక్ష్యము సత్యమే; నేను ఎక్కడనుండి వచ్చుచున్నానో యెక్కడికి వెళ్లుచున్నానో మీరు ఎరుగరు.

15. మీరు శరీరమునుబట్టి తీర్పు తీర్చుచున్నారు; నేనెవరికిని తీర్పు తీర్చను.

16. నేను ఒక్కడనైయుండక, నేనును నన్ను పంపిన తండ్రియు కూడ నున్నాము గనుక నేను తీర్పు తీర్చినను నా తీర్పు సత్యమే.

17. మరియు ఇద్దరు మనుష్యుల సాక్ష్యము సత్యమని మీ ధర్మశాస్త్రములో వ్రాయబడియున్నది గదా.
ద్వితీయోపదేశకాండము 17:6, ద్వితీయోపదేశకాండము 19:15

18. నన్నుగూర్చి నేను సాక్ష్యము చెప్పుకొను వాడను; నన్ను పంపిన తండ్రియు నన్నుగూర్చి సాక్ష్యమిచ్చుచున్నాడని చెప్పెను.

19. వారు నీ తండ్రి యెక్కడ ఉన్నాడని ఆయనను అడుగగా యేసు మీరు నన్నైనను నా తండ్రినైనను ఎరుగరు; నన్ను ఎరిగి యుంటిరా నా తండ్రినికూడ ఎరిగి యుందురని వారితో చెప్పెను.

20. ఆయన దేవాలయములో బోధించుచుండగా, కానుక పెట్టె యున్నచోట ఈ మాటలు చెప్పెను. ఆయన గడియ యింకను రాలేదు గనుక ఎవడును ఆయనను పట్టుకొనలేదు.

21. మరియొకప్పుడు ఆయననేను వెళ్లిపోవుచున్నాను; మీరు నన్ను వెదకుదురు గాని మీ పాపములోనే యుండి చనిపోవుదురు; నేను వెళ్లుచోటికి మీరు రాలేరని వారితో చెప్పెను.

22. అందుకు యూదులునేను వెళ్లుచోటికి మీరు రాలేరని యీయన చెప్పుచున్నాడే; తన్ను తానే చంపు కొనునా అని చెప్పుకొనుచుండిరి.

23. అప్పుడాయన మీరు క్రిందివారు, నేను పైనుండువాడను; మీరు ఈ లోక సంబంధులు, నేను ఈ లోకసంబంధుడను కాను.

24. కాగా మీ పాపములలోనేయుండి మీరు చనిపోవుదురని మీతో చెప్పితిని. నేను ఆయననని మీరు విశ్వసించనియెడల మీరు మీ పాపములోనేయుండి చనిపోవుదురని వారితో చెప్పెను.

25. కాబట్టి వారునీ వెవరవని ఆయన నడుగగా యేసు వారితోమొదటనుండి నేను మీతో ఎవడనని చెప్పుచుంటినో వాడనే.

26. మిమ్మునుగూర్చి చెప్పుటకును తీర్పు తీర్చుటకును చాల సంగతులు నాకు కలవు గాని నన్ను పంపినవాడు సత్యవంతుడు; నేను ఆయనయొద్ద వినిన సంగతులే లోకమునకు బోధించుచున్నానని చెప్పెను.

27. తండ్రిని గూర్చి తమతో ఆయన చెప్పెనని వారు గ్రహింపక పోయిరి.

28. కావున యేసు మీరు మనుష్యకుమారుని పైకెత్తినప్పుడు నేనే ఆయనననియు, నా అంతట నేనే యేమియు చేయక, తండ్రి నాకు నేర్పినట్టు ఈ సంగతులు మాటలాడుచున్నాననియు మీరు గ్రహించెదరు.

29. నన్ను పంపినవాడు నాకు తోడైయున్నాడు; ఆయన కిష్టమైన కార్యము నేనెల్లప్పుడును చేయుదును గనుక ఆయన నన్ను ఒంటరిగా విడిచిపెట్టలేదని చెప్పెను.

30. ఆయన యీ సంగతులు మాటలాడుచుండగా అనేకు లాయనయందు విశ్వాసముంచిరి.

31. కాబట్టి యేసు, తనను నమ్మిన యూదులతోమీరు నా వాక్యమందు నిలిచినవారైతే నిజముగా నాకు శిష్యులై యుండి సత్యమును గ్రహించెదరు;

32. అప్పుడు సత్యము మిమ్మును స్వతంత్రులనుగా చేయునని చెప్పగా

33. వారుమేము అబ్రాహాము సంతానము, మేము ఎన్నడును ఎవనికిని దాసులమై యుండలేదే; మీరు స్వతంత్రులుగా చేయ బడుదురని యేల చెప్పుచున్నావని ఆయనతో అనిరి.
Neh-h 9 36

34. అందుకు యేసుపాపము చేయు ప్రతివాడును పాపమునకు దాసుడని మీతో నిశ్చయముగా చెప్పుచున్నాను.

35. దాసుడెల్లప్పుడును ఇంటిలో నివాసముచేయడు; కుమారు డెల్లప్పుడును నివాసముచేయును.
నిర్గమకాండము 21:2, ద్వితీయోపదేశకాండము 15:12

36. కుమారుడు మిమ్మును స్వతంత్రులనుగా చేసినయెడల మీరు నిజముగా స్వతంత్రులై యుందురు.

37. మీరు అబ్రాహాము సంతానమని నాకు తెలియును; అయినను మీలో నా వాక్యమునకు చోటులేదు గనుక నన్ను చంప వెదకుచున్నారు.

38. నేను నా తండ్రియొద్ద చూచిన సంగతులే బోధించుచున్నాను; ఆ ప్రకారమే మీరు మీ తండ్రియొద్ద వినినవాటినే జరి గించుచున్నారని వారితో చెప్పెను.

39. అందుకు వారు ఆయనతో మా తండ్రి అబ్రాహామనిరి; యేసుమీరు అబ్రాహాము పిల్లలైతే అబ్రాహాము చేసిన క్రియలు చేతురు.

40. దేవునివలన వినిన సత్యము మీతో చెప్పినవాడనైన నన్ను మీరిప్పుడు చంప వెదకుచున్నారే; అబ్రాహాము అట్లు చేయలేదు

41. మీరు మీ తండ్రి క్రియలే చేయుచున్నారని వారితో చెప్పెను; అందుకు వారుమేము వ్యభిచారమువలన పుట్టినవారము కాము, దేవుడొక్కడే మాకు తండ్రి అని చెప్పగా
ద్వితీయోపదేశకాండము 32:6, యెషయా 63:16, యెషయా 64:8

42. యేసు వారితో ఇట్లనెనుదేవుడు మీ తండ్రియైనయెడల మీరు నన్ను ప్రేమింతురు; నేను దేవుని యొద్దనుండి బయలుదేరి వచ్చి యున్నాను, నా అంతట నేనే వచ్చియుండలేదు, ఆయన నన్ను పంపెను.

43. మీరేల నా మాటలు గ్రహింపకున్నారు? మీరు నా బోధ విననేరకుండుటవలననేగదా?

44. మీరు మీ తండ్రియగు అపవాది సంబంధులు; మీ తండ్రి దురాశలు నెరవేర్చ గోరుచున్నారు. ఆదినుండి వాడు నరహంత కుడైయుండి సత్యమందు నిలిచినవాడు కాడు; వానియందు సత్యమేలేదు; వాడు అబద్ధమాడునప్పుడు తన స్వభావము అనుసరించియే మాటలాడును; వాడు అబద్ధి కుడును అబద్ధమునకు జనకుడునై యున్నాడు.
ఆదికాండము 3:4

45. నేను సత్యమునే చెప్పుచున్నాను గనుక మీరు నన్ను నమ్మరు.

46. నాయందు పాపమున్నదని మీలో ఎవడు స్థాపించును? నేను సత్యము చెప్పుచున్నయెడల మీరెందుకు నన్ను నమ్మరు?

47. దేవుని సంబంధియైనవాడు దేవుని మాటలు వినును. మీరు దేవుని సంబంధులు కారు గనుకనే మీరు వినరని చెప్పెను.

48. అందుకు యూదులు నీవు సమరయు డవును దయ్యముపట్టినవాడవును అని మేము చెప్పుమాట సరియేగదా అని ఆయనతో చెప్పగా

49. యేసు నేను దయ్యముపట్టిన వాడను కాను, నా తండ్రిని ఘనపరచువాడను; మీరు నన్ను అవమానపరచుచున్నారు.

50. నేను నా మహిమను వెదకుటలేదు; వెదకుచు తీర్పు తీర్చుచు ఉండువా డొకడు కలడు.

51. ఒకడు నా మాట గైకొనిన యెడల వాడెన్నడును మరణము పొందడని మీతో నిశ్చయముగా చెప్పుచున్నానని ఉత్తరమిచ్చెను.

52. అందుకు యూదులునీవు దయ్యము పట్టినవాడవని యిప్పుడెరుగు దుము; అబ్రాహామును ప్రవక్తలును చనిపోయిరి; అయినను ఒకడు నా మాట గైకొనినయెడల వాడు ఎన్నడును మరణము రుచిచూడడని నీవు చెప్పుచున్నావు.

53. మన తండ్రియైన అబ్రాహాము చనిపోయెను గదా; నీవతనికంటె గొప్పవాడవా? ప్రవక్తలును చనిపోయిరి; నిన్ను నీ వెవడవని చెప్పుకొనుచున్నావని ఆయన నడిగిరి.

54. అందుకు యేసు నన్ను నేనే మహిమపరచుకొనినయెడల నా మహిమ వట్టిది; మా దేవుడని మీరెవరినిగూర్చి చెప్పుదురో ఆ నా తండ్రియే నన్ను మహిమపరచుచున్నాడు.

55. మీరు ఆయనను ఎరుగరు, నేనాయనను ఎరుగుదును; ఆయనను ఎరుగనని నేను చెప్పినయెడల మీవలె నేనును అబద్ధికుడనై యుందును గాని, నేనాయనను ఎరుగుదును, ఆయన మాట గైకొనుచున్నాను.

56. మీ తండ్రియైన అబ్రా హాము నా దినము చూతునని మిగుల ఆనందించెను; అది చూచి సంతోషించెను అనెను.

57. అందుకు యూదులునీకింకను ఏబది సంవత్సరములైన లేవే, నీవు అబ్రాహామును చూచితివా అని ఆయనతో చెప్పగా,

58. యేసు అబ్రాహాము పుట్టకమునుపే నేను ఉన్నానని మీతో నిశ్చయముగా చెప్పుచున్నాననెను.

59. కాబట్టి వారు ఆయనమీద రువ్వుటకు రాళ్లు ఎత్తిరి గాని యేసు దాగి దేవాలయములో నుండి బయటికి వెళ్లిపోయెను.



బైబిల్ అధ్యయనం - Study Bible
8:12 నేను లోకమునకు వెలుగును అని యేసు చెప్పిన ఈ మాటలు (6:35,48 నోట్సు చూడండి), “మనుష్యులకు వెలుగైయుండెను”, “ఆ వెలుగు చీకటిలో ప్రకాశించుచున్నది" అని ఉపోద్ఘాతంలో (1:4-5) నిశ్చయంగా చెప్పబడిన విషయాలను మరింతగా విస్తరిస్తున్నాయి. దీని ఆధారంగా, తాను వారితో ఉన్నంతకాలం ఈ వెలుగునందు విశ్వాసముంచమని యేసు తన శ్రోతలను ప్రోత్సహిస్తున్నాడు. అప్పుడు వారు “వెలుగు సంబంధులు" అవుతారు (12:35-36). తనయందు విశ్వాసముంచు వారెవరూ చీకటిలో ఉండకుండునట్లు తాను ఈ లోకంలోనికి వెలుగువలె వచ్చాననేది యేసు ఇచ్చిన ముగింపు సాక్ష్యం (12:46). అయినప్పటికీ, సువార్తికుడు చెప్పినదాన్ని బట్టి, తీర్పు ఇదే: వెలుగు ఈ లోకంలోనికి వచ్చింది, కానీ తమ క్రియలు చెడ్డవైనందున, జనులు వెలుగుకన్నా చీకటినే ప్రేమించారు (3:19-21). 

8:13-14 పరిసయ్యుల సవాలు, యేసు జవాబు, 5:31-47 లోని తీక్షణతను కొనసాగిస్తాయి. మరలా మోషే నియమాలు చర్చకు వచ్చాయి (ద్వితీ 17:6; 19:15). 8:14,18 తన గురించి తాను చెప్పుకున్న యేసు సాక్ష్యాన్ని గురించి, 5:31-47 నోట్సు చూడండి.

8:15-16 యేసు వ్యాఖ్య 1సమూ 16:7ను ప్రతిధ్వనించి వుండవచ్చు. యేసు రాజరికపు ఆర్భాటంతో రాలేదు కాబట్టి ప్రజలు ఆయనను తిరస్కరించారు, కానీ పైకి కనిపించేది మోసం కావచ్చు (యెషయా 53:2-3).

 8:17-18 ఇద్దరు మనుష్యుల సాక్ష్యము గురించి, ద్వితీ 17:6-7; 19:15 నోట్ను చూడండి. 

8:19 వారి ప్రశ్న- వారికి యేసు ఎవరో తెలియదనీ, అలాగే దేవుని కూడా వారు ఎరుగరనీ సూచిస్తుంది. 8:20 యేసు గడియ గురించి, 2:4 నోట్సు చూడండి. 

8:21-23 మీరు నన్ను వెదకుదురు అంటే బహుశా యేసు మరణ, పునరుత్థాన, ఆరోహణాల తర్వాత కూడా, వారు ఇంకా మెస్సీయ కోసం ఎదురుచూస్తూ ఉంటారని కావచ్చు (డి. ఎ. కార్సన్). 

8:24,28 ఈ వ్యాఖ్యలు యేసు దైవత్వాన్ని సూచిస్తున్నట్లున్నాయి (6:35,48 నోట్సు చూడండి). 

8:25-27 నీవెవరవనే ప్రశ్న, వివరాలు చెప్పమనే మనవితో కూడినదిగా కాక, నిన్ను నీవు ఎవరనుకుంటున్నావు? అన్న భావనతో సవాలుగా చేస్తున్నట్లు ఉంది. 

8:28 యేసు పైకెత్తబడడాన్ని గురించి, 3:14-15 నోట్సు చూడండి. 

8:29 ఇది యేసు పాపరహితుడని చెబుతుంది.

8:30-32 యేసును అనుసరించ కొనసాగడం ద్వారా ఒక శిష్యుడు తన యథార్థతను. నిరూపించుకుంటాడు. కాబట్టి అబద్దపు శిష్యుడు లేక నకిలీ శిష్యుడు అనేవాడు ఉన్నాడు. సత్యమును గ్రహించడం అంటే క్రీస్తును ఎరగడం.

8:33 పా.ని., అబ్రాహాము సంతానము అయినందున వచ్చే ఆశీర్వాదాలను కొనియాడుతుంది (కీర్తన 105:6; యెషయా 41:8). 

8:34-35 కుమారునికి దాసునికి ఉన్న భేదం, అబ్రాహాముకు శారాద్వారా పుట్టిన పిల్లలకు, హాగరు ద్వారా పుట్టిన పిల్లలకు ఉన్న తేడాను ప్రస్తావిస్తున్నట్లు కావచ్చు (ఆది 21:1-21; నిర్గమ 21:2 చూడండి). 

8:36 యేసు జీవమునిచ్చే కుమారుడు అనే విషయాన్ని గురించి, 3:16-18 నోట్సు చూడండి. 

8:37-38 పా.ని.లో కూడా, ఒకని వంశావళిని స్థాపించడానికి అబ్రాహాము శారీరక సంతానమైనంత మాత్రాన సరిపోదు. (యిర్మీయా 9:25-26తో రోమా 2:28-29; 9:7; గలతీ 4:21-31 పోల్చండి). 

8:39-58 దేవుని పిల్లలను గురించి, 3:3-8 నోట్సు చూడండి. 

8:40 యేసు వారిని కావాలనే అపవాది పిల్లలని పిలిచాడు, దానికి వారు తాము అబ్రాహాము పిల్లలమని జవాబిచ్చారు. ఇక్కడ యేసు అది నిజం కాదని వాదిస్తున్నాడు.

8:41 ఇశ్రాయేలీయులను దేవుని పిల్లలు అని పా.ని. పిలుస్తున్నా (నిర్గమ 4:22; ద్వితీ 14:1-2; 32:6; యెషయా 63:16; 64:8; యిర్మీయా 31:9; మలాకీ 2:10), (విశ్వాసము ద్వారా) దేవునినుండి పుట్టినవారే దేవుని పిల్లలని యోహాను అన్నాడు (యోహాను 1:12-13; 3:3-8). 

8:42-43 తాము దేవుని పిల్లలమని యూదులు ఇంకా అంటున్నారు; వారు దేవుని పిల్లలు కారని నిరూపించడానికి యేసు ముందుకు వెళ్ళాడు. 

8:44 అపవాది ఆదినుండి... నరహంతకుడై యున్నాడు. హేబెలును చంపడానికి వాడు కయీనును ఉసిగొల్పాడు (1యోహాను 3:15). వాడు సత్యమందు నిలిచినవాడు కాడు అనే మాటలు, సాతాను పడిపోవడాన్ని సూచిస్తుండవచ్చు (యెషయా 14:12), ఆదాము, హవ్వలు పతనమైనప్పుడు, వాడు ఘోరంగా, దేవుని వాక్యానికి విరుద్ధంగా మాట్లాడాడు (ఆది 3:3-4తో ఆది 2:17 పోల్చండి). 

8:45-46 యేసు - ఎల్లప్పుడూ దేవునికి -- ఇష్టమైనదే చేశాడు. (వ.29;యెషయా 53:9). 

8:47 మీరు దేవుని సంబంధులు కారు అని యేసు యూదులతో ధైర్యంగా, స్పష్టంగా చెప్పాడు. 8:48,52 యేసు దయ్యము పట్టినవాడని ఆరోపించడాన్ని గురించి 7:20 నోట్సు చూడండి. 

8:49-53 తాను దయ్యము పట్టినవాడని వారంటున్న మాటలను ఖండిస్తూ తాను తన తండ్రిని ఘనపరుస్తున్నానని యేసు చెప్పాడు. తరువాత, తన మాటలను పాటించడమే మరణాన్ని తప్పిస్తుందని ఆయన ధైర్యంగా చెప్పాడు. విశ్వాసము గల గొప్పవారందరూ మరణించారు కాబట్టి ఇది యూదులకు పిచ్చితనంగా అనిపించింది. నిన్ను నీవెవడవని చెప్పుకొనుచున్నావని వారు
ప్రశ్నించారు. 

8:54-55 దేవుడు తనను మహిమపరుస్తున్నాడు కాబట్టి, యేసు తనను తాను మహిమపరచుకో నక్కరలేదని వారికి జవాబిచ్చాడు. 8:56 మెస్సీయ రాబోతున్నాడనే అబ్రాహాము సంతోషకరమైన ఆశను యేసు వ్యాఖ్య సూచిస్తుంది. యెషయా యేసు మహిమను చూశాడనే నిర్ధారణ కోసం 12:41 చూడండి.

8:57-58 నేను అనే యేసు వ్యాఖ్యలను గురించి 6:35,48 నోట్సు చూడండి, 

8:59 దేవదూషణకు రాళ్ళతో కొట్టి చంపడమే శిక్షగా చెప్పబడింది. (లేవీ 24:16ను ద్వితీ 13:6-11; యోహాను 10:31-33; 11:8 తో పోల్చండి). అయితే ఇది ఎన్నడూ హింసాత్మకంగా జరగనక్కరలేదు. (ద్వితీ 17:2-7), పా.ని.లో మోషే (నిర్గమ 17:4) యెహోషువ, కాలేబు (సంఖ్యా 14:10), దావీదు (1సమూ 30:6) వంటి నీతిమంతులు రాళ్ళతో కొట్టబడినంత పనయ్యింది. ముందటి సందర్భాలలో వలె, యేసు పట్టుబడకుండా తప్పించుకున్నాడు (యోహాను 7:30,44; 8:20; 2:4 నోట్సు చూడండి), ఆయన యూదులనుండి దూరంగా వెళ్ళిపోవడం, సౌలు రాజుకు దేవుని దయ దూరం కావడమనే తీర్పుతో (1సమూ 15:23) సమానమైనదిగా అనిపిస్తుంది. 


Shortcut Links
యోహాను - John : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |