1. దావీదు రచించిన చివరి మాటలు ఇవే; యెష్షయి కుమారుడగు దావీదు పలికిన దేవోక్తి యిదే;యాకోబు దేవునిచేత అభిషిక్తుడై మహాధిపత్యము నొందినవాడును ఇశ్రాయేలీయుల స్తోత్రగీతములను మధురగానము చేసిన గాయకుడునగు దావీదు పలికిన దేవోక్తి యిదే.

“చివరి మాటలు”– ఈ అధ్యాయం మొదటి 7 వచనాలు దావీదు పరవశుడై పలికినవి (“దేవోక్తి” అని తర్జుమా చేసిన ఇక్కడి హీబ్రూ మాటకు అర్థం ఇదే). 8వ వచనంనుంచి ఉన్నదంతా అతని జీవితంలో అనేక సంవత్సరాల కిందట జరిగిన వాటిని గురించిన వివరాలు. “అభిషేకించి”– 1 సమూయేలు 16:12-13. “గాయకుడు” –– 2 సమూయేలు 22:1; కీర్తన 7 (శీర్షిక). మొత్తంగా 73 కీర్తనలు దావీదు పేరున ఉన్నాయి. కీర్తనలు గ్రంథంలోనివి మరి కొన్ని అతడు రాసివుండవచ్చు.

2. యెహోవా ఆత్మ నా ద్వారా పలుకుచున్నాడుఆయన వాక్కు నా నోట ఉన్నది.
మత్తయి 22:43

మత్తయి 22:43; 2 తిమోతికి 3:16; 2 పేతురు 1:21. దావీదు దేవుని వాక్కును ప్రకటించేటప్పుడు దేవుని ఆత్మ ప్రేరణ క్రింద తానున్నట్టు గ్రహించేవాడు.

3. ఇశ్రాయేలీయుల దేవుడు సెలవిచ్చుచున్నాడు ఇశ్రాయేలీయులకు ఆశ్రయదుర్గమగువాడు నాద్వారా మాటలాడుచున్నాడు.మనుష్యులను ఏలు నొకడు పుట్టును అతడు నీతిమంతుడై దేవునియందు భయభక్తులు గలిగి యేలును.

“ఆధారశిల”– ద్వితీయోపదేశకాండము 32:4 నోట్. “దేవుడంటే భయభక్తులు”– ఆదికాండము 20:11; కీర్తనల గ్రంథము 34:11-14 కీర్తనల గ్రంథము 111:10; సామెతలు 1:7. “న్యాయంతో”– దావీదు గురి ఎప్పుడూ ఇదే. కీర్తన 101 చూడండి.

4. ఉదయకాలపు సూర్యోదయ కాంతివలెను మబ్బు లేకుండ ఉదయించిన సూర్యునివలెను వర్షము కురిసినపిమ్మట నిర్మలమైన కాంతిచేత భూమిలోనుండి పుట్టిన లేత గడ్డివలెను అతడు ఉండును.

“కాంతి”– 2 సమూయేలు 21:17; సామెతలు 4:18. అన్యాయంగా ప్రవర్తించే పాలకుడు మబ్బుగా చీకటిగా ఉంటాడు.

5. నా సంతతివారు దేవుని దృష్టికి అనుకూలులే గదా ఆయన నాతో నిత్యనిబంధన చేసియున్నాడు ఆయన నిబంధన సర్వసంపూర్ణమైన నిబంధనే అది స్థిరమాయెను, దేవునికి పూర్ణానుకూలము అది నాకనుగ్రహింపబడిన రక్షణార్థమైనది నిశ్చయముగా ఆయన దానిని నెరవేర్చును.

“ఒడంబడిక”– 2 సమూయేలు 7:12; కీర్తనల గ్రంథము 89:29; యెషయా 55:3. “సఫలం”– కీర్తనల గ్రంథము 37:4.

6. ఒకడు ముండ్లను చేత పట్టుకొనుటకు భయపడినట్లు దుర్మార్గులు విసర్జింపబడుదురు.

యెషయా 9:18; యెషయా 10:17; మీకా 7:4; నహూము 1:10; మలాకీ 4:1; మత్తయి 13:41-42; హబక్కూకు 6:8; ప్రకటన గ్రంథం 21:8.

7. ముండ్లను పట్టుకొనువాడు ఇనుప పనిముట్టునైనను బల్లెపు కోలనైనను వినియోగించును గదా మనుష్యులు వాటిలో దేనిని విడువక అంతయు ఉన్నచోటనే కాల్చివేయుదురు.

8. దావీదు అనుచరులలో బలాఢ్యులెవరనగా యోషే బెష్షెబెతను ముఖ్యుడగు తక్మోనీయుడు; అతడు ఒక యుద్ధములో ఎనిమిది వందల మందిని హతము చేసెను.

“వీరులు”– 1 దినవృత్తాంతములు 11:10-41. దావీదు కాలమంతా ఎక్కువగా యుద్ధాలతో నిండిన కాలం. ఇక్కడ ప్రఖ్యాతి చెందిన వీరులను వారి గౌరవార్థం ప్రత్యేకంగా చెప్పడం జరిగింది. క్రీస్తు తిరిగి వచ్చేటప్పుడు ఆయన ఆధ్యాత్మిక పోరాటాల్లో పాల్గొన్నవారి గురించి ఇలాంటి జాబితా ఉంటే అది ఆశ్చర్యకరం కాదు గదా. 2 తిమోతికి 4:7-8 చూడండి. “ముగ్గురు”– ముగ్గురు ఉన్న గుంపులు రెండు, ముప్ఫయిమంది ఉన్న గుంపు ఒకటి ఇక్కడ కనిపిస్తున్నాయి. (8-12,13-23,23-39). కొన్ని ప్రాచీన ప్రతుల్లో ఈ వచనంలో మరో మాట ఉంది – “ఎజిని వాడైన ఆదినో ఎనిమిది వందలమందిని చంపాడు”. ఇది నిజమే కావచ్చు.

9. ఇతని తరువాతివాడు అహోహీయుడైన దోదో కుమారు డైన ఎలియాజరు, ఇతడు దావీదు ముగ్గురు బలాఢ్యులలో ఒకడు. యుద్ధమునకు కూడివచ్చిన ఫిలిష్తీయులు ఇశ్రా యేలీయులను తిరస్కరించి డీకొని వచ్చినప్పుడు ఇశ్రా యేలీయులు వెళ్లిపోగా ఇతడు లేచి

10. చేయి తివిు్మరిగొని కత్తి దానికి అంటుకొని పోవువరకు ఫిలిష్తీయులను హతము చేయుచు వచ్చెను. ఆ దినమున యెహోవా ఇశ్రాయేలీ యులకు గొప్ప రక్షణ కలుగజేసెను. దోపుడుసొమ్ము పట్టుకొనుటకు మాత్రము జనులు అతనివెనుక వచ్చిరి.

“నిలబడి”– ఎఫెసీయులకు 6:13-14.

11. ఇతని తరువాతి వారెవరనగా హరారీయుడగు ఆగే కుమారు డైన షమ్మా;ఫిలిష్తీయులు అలచందల చేనిలో గుంపుకూడగాజనులు ఫిలిష్తీయులయెదుట నిలువలేక పారిపోయిరి.

12. అప్పుడితడు ఆ చేని మధ్యను నిలిచి ఫిలిష్తీయులు దాని మీదికి రాకుండ వారిని వెళ్లగొట్టి వారిని హతము చేయుటవలన యెహోవా ఇశ్రాయేలీయులకు గొప్ప రక్షణ కలుగ జేసెను.

ఆత్మ సంబంధమైన యుద్ధంలో ఉన్నవాళ్ళు ఇలాంటి ధైర్యాన్నీ పట్టుదలనూ ప్రదర్శిస్తే విజయాలు విరివిగా లభిస్తాయి.

13. మరియు ముప్పదిమంది అధిపతులలో శ్రేష్ఠులైన ముగ్గురు కోతకాలమున అదుల్లాము గుహలోనున్న దావీదు నొద్దకు వచ్చినప్పుడు ఫిలిష్తీయులు రెఫాయీము లోయలో దండు దిగియుండిరి,

“అదుల్లాం”– 1 సమూయేలు 22:1. “ముగ్గురు”– వీరు 8-12 లోని ముగ్గురు కాదు. ఈ ముగ్గురిలో అబీషై, బెనాయాల పేర్లు మాత్రమే కనిపిస్తున్నాయి.

14. దావీదు దుర్గములో నుండెను, ఫిలిష్తీయుల దండు కావలివారు బేత్లె హేములో ఉండిరి.

1 సమూయేలు 22:4-5.

15. దావీదుబేత్లెహేము గవిని దగ్గరనున్న బావి నీళ్లు ఎవడైనను నాకు తెచ్చి యిచ్చినయెడల ఎంతో సంతోషించెదనని అధికారితో పలుకగా

16. ఆ ముగ్గురు బలాఢ్యులు ఫిలిష్తీయుల దండు కావలివారిని ఓడించి, దారి చేసికొని పోయి బేత్లెహేము గవిని దగ్గరనున్న బావినీళ్లు చేది దావీదునొద్దకు తీసికొనివచ్చిరి; అయితే అతడు ఆ నీళ్లు త్రాగుటకు మనస్సులేక యెహోవా సన్నిధిని పారబోసియెహోవా, నేను ఇవి త్రాగను;

దావీదు దృష్టిలో వీరి చర్య తమ ప్రాణాలను అర్పించినట్టుగా ఉంది. బలి అర్పణ రక్తాన్ని బలిపీఠం చుట్టూ పారబోయాలి, లేదా చిలకరించాలి – నిర్గమకాండము 29:12; లేవీయకాండము 1:5; లేవీయకాండము 4:7; లేవీయకాండము 17:10.

17. ప్రాణమునకు తెగించి పోయి తెచ్చినవారి చేతి నీళ్లు త్రాగుదునా? అని చెప్పి త్రాగనొల్లకుండెను. ఆ ముగ్గురు బలాఢ్యులు ఈ కార్యములు చేసిరి.

18. సెరూయా కుమారుడును యోవాబు సహోదరుడునైన అబీషై తన అనుచరులలో ముఖ్యుడు. ఇతడొక యుద్ధములో మూడువందలమందిని హతముచేసి వారిమీద తన యీటెను ఆడించెను. ఇతడు ఆ ముగ్గు రిలో పేరుపొందినవాడు.

2 సమూయేలు 2:18; 2 సమూయేలు 10:10; 2 సమూయేలు 18:2; 2 సమూయేలు 19:21; 1 సమూయేలు 26:6.

19. ఇతడు ఆ ముప్పదిమందిలో ఘనుడై వారికి అధిపతి యాయెను గాని మొదటి ముగ్గురితో సమానుడు కాకపోయెను.

20. మరియు కబ్సెయేలు ఊరివాడై క్రియలచేత ఘనతనొందిన యొక పరాక్రమశాలికి పుట్టిన యెహోయాదా కుమారుడైన బెనాయా అను నొకడు ఉండెను. ఇతడు మోయాబీయుల సంబంధులగు ఆ యిద్దరు శూరులను హతముచేసెను; మరియు మంచుకాలమున బయలువెడలి బావిలో దాగి యున్న యొక సింహమును చంపి వేసెను.

2 సమూయేలు 8:18; 2 సమూయేలు 20:23.

21. ఇంకను అతడు సౌందర్యవంతుడైన యొక ఐగుప్తీయుని చంపెను. ఈ ఐగుప్తీయుని చేతిలో ఈటెయుండగా బెనాయా దుడ్డు కఱ్ఱ తీసికొని వాని మీదికి పోయి వాని చేతిలోని యీటె ఊడలాగి దానితోనే వాని చంపెను.

22. ఈ కార్యములు యెహోయాదా కుమారుడైన బెనాయా చేసినందున ఆ ముగ్గురు బలాఢ్యులలోను అతడు పేరుపొంది

23. ఆ ముప్పది మందిలో ఘనుడాయెను. అయినను మొదటి ముగ్గురితో సమానుడు కాకపోయెను. దావీదు ఇతనిని తన సభికులలో ఒకనిగా నియమించెను.

“ముగ్గురు”– వీరు 8-12 లో చెప్పబడిన ముగ్గురు.

24. ఆ ముప్పదిమంది యెవరనగా, యోవాబు సహోదరుడైన అశాహేలు, బేత్లెహేమీయుడగు దోదో కుమారుడగు ఎల్హానాను,

“అశాహేల్”– 2 సమూయేలు 2:18.

25. హరోదీయుడైన షమ్మా, హరోదీయుడైన ఎలీకా,

26. పత్తీయుడైన హేలెస్సు, తెకోవీయుడగు ఇక్కేషు కుమారుడైన ఈరా,

27. అనాతోతీయుడైన అబీ యెజరు, హుషాతీయుడైన మెబున్నయి,

28. అహోహీయుడైన సల్మోను, నెటోపాతీయుడైన మహరై

29. నెటోపాతీయుడైన బయానాకు పుట్టిన హేలెబు, బెన్యామీనీయుల గిబియాలో పుట్టిన రీబై కుమారుడైన ఇత్తయి,

30. పరాతోనీయుడైన బెనాయా, గాయషు ఏళ్లనడుమ నివసించు హిద్దయి,

31. అర్బాతీయుడైన అబీయల్బోను, బర్హుమీయుడైన అజ్మావెతు,

32. షయల్బోనీయుడైన ఎల్యహ్బా, యాషేను యొక్క కుమారులలో యోనాతాను,

33. హరారీయుడైన షమ్మా, హరారీయుడైన షారారు నకు పుట్టిన అహీ యాము,

34. మాయాకాతీయునికి పుట్టిన అహస్బయి కుమారుడైన ఎలీపేలెటు, గిలోనీయుడైన అహీతో పెలు కుమారుడగు ఏలీయాము,

“ఎలీయాం”– బత్‌షెబ తండ్రి.

35. కర్మెతీయుడైన హెస్రై, అర్బీయుడైన పయరై,

36. సోబావాడగు నాతాను యొక్క కుమారుడైన ఇగాలు, గాదీయుడైన బానీ,

37. అమ్మోనీయుడైన జెలెకు, బెయేరోతీయుడైన నహరై, యితడు సెరూయా కుమారుడగు యోవాబుయొక్క ఆయుధములను మోయువాడై యుండెను.

38. ఇత్రీయుడైన ఈరా, ఇత్రీయుడైన గారేబు,

39. హిత్తీయుడైన ఊరియా. వారందరు ముప్పది యేడుగురు.

“ఊరియా”– బత్‌షెబ భర్త. తరువాత ఇతణ్ణి దావీదు చంపించాడు (2 సమూయేలు 11:14-15; 2 సమూయేలు 12:9). “ముప్ఫయి ఏడు”– బహుశా యుద్ధాల్లో చనిపోయినవారి స్థానంలో చేర్చబడినవారి పేర్లు ఈ జాబితాలో ఉండవచ్చు. ఇందులో యోవాబు పేరు లేదన్న విషయం గమనించండి.