Proverbs - సామెతలు 5 | View All

1. నా కుమారుడా, నా జ్ఞానోపదేశము ఆలకింపుము వివేకముగల నా బోధకు చెవి యొగ్గుము

2. అప్పుడు నీవు బుద్ధికలిగి నడచుకొందువు తెలివినిబట్టి నీ పెదవులు మాటలాడును.

3. జారస్త్రీ పెదవులనుండి తేనె కారును దాని నోటి మాటలు నూనెకంటెను నునుపైనవి

రచయిత సామెతలు 2:16-19 లో ప్రస్తావించిన వ్యభిచారం గురించి మళ్ళీ చెప్తున్నాడు. ఇది గాక సామెతలు 6:23-35; సామెతలు 7:6-27 లో కూడా ఈ హితబోధ ఉంది. వ్యభిచారం అసలు రంగు ఇక్కడ బయటపెడతున్నాడు. అత్యంత నీచమైన, ప్రమాదకరమైన పాపాలన్నిటిలో వ్యభిచారం ఒకటి. మొదట్లో అది మధురంగా అనిపించవచ్చు (వ 3). అయితే అంతం మాత్రం చేదు విషం, మరణం (వ 4,5). ఆ పాపం చేసిన వారి సొంత ఆలోచనలు వారిని నిందిస్తాయి. ఇతరులూ దేవుడూ నేరారోపణ చేస్తారు. సామెతలు 7:5.

4. దానివలన కలుగు ఫలము ముసిణిపండంత చేదు అది రెండంచులుగల కత్తియంత పదునుగలది,

5. దాని నడతలు మరణమునకు దిగుటకు దారితీయును దాని అడుగులు పాతాళమునకు చక్కగా చేరును

6. అది జీవమార్గమును ఏమాత్రమును విచారింపదు దానికి తెలియకుండనే దాని పాదములు ఇటు అటు తిరుగును.

7. కుమారులారా, నా మాట ఆలకింపుడి నేను చెప్పు ఉపదేశమునుండి తొలగకుడి.

8. జారస్త్రీయుండు ఛాయకు పోక నీ మార్గము దానికి దూరముగా చేసికొనుము దాని యింటివాకిటి దగ్గరకు వెళ్లకుము.

9. వెళ్లినయెడల పరులకు నీ ¸యౌవనబలమును క్రూరులకు నీ జీవితకాలమును ఇచ్చివేతువు

10. నీ ఆస్తివలన పరులు తృప్తిపొందుదురు నీ కష్టార్జితము అన్యుల యిల్లు చేరును.

11. తుదకు నీ మాంసమును నీ శరీరమును క్షీణించినప్పుడు

12. అయ్యో, ఉపదేశము నేనెట్లు త్రోసివేసితిని? నా హృదయము గద్దింపు నెట్లు తృణీకరించెను?

13. నా బోధకుల మాట నేను వినకపోతిని నా ఉపదేశకులకు నేను చెవియొగ్గలేదు

14. నేను సమాజ సంఘముల మధ్యనుండినను ప్రతివిధమైన దౌష్ట్యమునకు లోబడుటకు కొంచెమే యెడమాయెను అని నీవు చెప్పుకొనుచు మూలుగుచు నుందువు.

అలవాటుగా వ్యభిచారం చేసేవారిని అది పూర్తిగా పాడు చేస్తుంది. ఒకవేళ ఆ వ్యక్తి తన జీవిత కాలంలో ఎలాంటి శిక్షకూ లోనుకాకపోయినా, శాశ్వతంగా తప్పించుకోలేడు (1 కోరింథీయులకు 6:9-10; హెబ్రీయులకు 13:4; ప్రకటన గ్రంథం 21:8).

15. నీ సొంత కుండలోని నీళ్లు పానము చేయుము నీ సొంత బావిలో ఉబుకు జలము త్రాగుము.

ఈ వచనాల్లో ప్రతిదీ కుమారుణ్ణి తన స్వంత భార్యతో తృప్తిపడమనీ, వివాహబంధానికి వేరుగా ఉన్న నిషిద్ధమైన విషమ వాంఛల వెంట పోవద్దనీ హెచ్చరిస్తూ ఉంది.

16. నీ ఊటలు బయటికి చెదరిపోదగునా? వీధులలో అవి నీటి కాలువగా పారదగునా?

17. అన్యులు నీతోకూడ వాటి ననుభవింపకుండ అవి నీకే యుండవలెను గదా.

18. నీ ఊట దీవెన నొందును. నీ ¸యౌవనకాలపు భార్యయందు సంతోషింపుము.

19. ఆమె అతిప్రియమైన లేడి, అందమైన దుప్పి ఆమె రొమ్ములవలన నీవు ఎల్లప్పుడు తృప్తినొందు చుండుము. ఆమె ప్రేమచేత నిత్యము బద్ధుడవై యుండుము.

20. నా కుమారుడా, జార స్త్రీయందు నీవేల బద్ధుడవై యుందువు? పరస్త్రీ రొమ్ము నీవేల కౌగలించుకొందువు?

వ్యభిచారం పాడైన స్థితికీ నాశనానికీ దారి తీస్తుంది గనుక ఇంత ఘోర పాపం జరిగించే తలంపు సైతం పెట్టుకోవడం ఎందుకు?

21. నరుని మార్గములను యెహోవా యెరుగును వాని నడతలన్నిటిని ఆయన గుర్తించును.

వ్యభిచారి గుట్టును మనుషులు పసిగట్టలేకపోవచ్చు. అతణ్ణి శిక్షించలేకపోవచ్చు. అయితే దేవుడు అలా చేస్తాడు (యిర్మియా 29:23; హెబ్రీయులకు 4:13).

22. దుష్టుని దోషములు వానిని చిక్కులబెట్టును వాడు తన పాపపాశములవలన బంధింపబడును.

సంఖ్యాకాండము 32:23; కీర్తనల గ్రంథము 7:5, కీర్తనల గ్రంథము 7:16. మనం పాపం చేస్తే బానిసత్వంలో మనల్ని బంధించి ఉంచే సంకెళ్ళను సృష్టించు కొంటున్నాం అన్నమాట. యోహాను 8:34; రోమీయులకు 6:16 చూడండి.

23. శిక్షలేకయే అట్టివాడు నాశనమగును అతిమూర్ఖుడై వాడు త్రోవతప్పి పోవును.

చావుకు దారి తీసే వక్ర మార్గాలు కేవలం మనలో క్రమశిక్షణ లోపించినందువల్లే కలుగుతున్నాయంటే మన జీవితాల్లో ఆ క్రమశిక్షణను ఎంతో శ్రద్ధగా అపురూపంగా చూసుకోవాలి. హెబ్రీయులకు 12:7-11 చూడండి.



Shortcut Links
సామెతలు - Proverbs : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |