Mark - మార్కు సువార్త 1

1. దేవుని కుమారుడైన యేసు క్రీస్తు సువార్త ప్రారం భము.

“దేవుని కుమారుడు”– మత్తయి 1:18; మత్తయి 3:16-17; యోహాను 1:18; యోహాను 3:16; యోహాను 5:18-23. “శుభవార్త”– ఇది మనుషులకు రక్షణ మార్గాన్ని చూపే దేవుని సందేశం కాబట్టి, స్వయంగా యేసుప్రభువు, ఆయన శిష్యులు కూడా దీన్ని “శుభవార్త” అని పిలిచారు. “యేసు”, “క్రీస్తు” అనే పేర్ల అర్థాలకోసం మత్తయి 1:1 చూడండి.

2. ఇదిగో నా దూతను నీకు ముందుగా పంపుచున్నాను; అతడు నీ మార్గము సిద్ధపరచును.
నిర్గామకాండము 23:20, మలాకీ 3:1

3. ప్రభువు మార్గము సిద్ధపరచుడి, ఆయన త్రోవలు సరాళము చేయుడని అరణ్యములో కేకవేయుచున్న ఒకనిశబ్దము అని ప్రవక్తయైన యెషయాచేత వ్రాయబడినట్టు
యెషయా 40:3

4. బాప్తిస్మమిచ్చు యోహాను అరణ్యములో ఉండి పాప క్షమాపణనిమిత్తము మారుమనస్సు విషయమైన బాప్తి స్మము ప్రకటించుచు వచ్చెను.

5. అంతట యూదయ దేశస్థు లందరును, యెరూషలేమువారందరును, బయలుదేరి అతని యొద్దకు వచ్చి, తమ పాపములను ఒప్పుకొనుచు, యొర్దాను నదిలో అతనిచేత బాప్తిస్మము పొందుచుండి

6. యోహాను ఒంటె రోమముల వస్త్రమును మొలచుట్టు తోలుదట్టియు ధరించు కొనువాడు, అడవి తేనెను మిడుతలను తినువాడు.
2 రాజులు 1:8, జెకర్యా 13:4

7. మరియు అతడునాకంటె శక్తిమంతుడొకడు నావెనుక వచ్చుచున్నాడు; నేను వంగి ఆయన చెప్పులవారును విప్పుటకు పాత్రుడనుకాను;

8. నేను నీళ్లలో మీకు బాప్తిస్మమిచ్చితిని గాని ఆయన పరిశుద్ధాత్మలో మీకు బాప్తిస్మమిచ్చునని చెప్పి ప్రకటించుచుండెను.

9. ఆ దినములలో యేసు గలిలయలోని నజరేతునుండి వచ్చి యొర్దానులో యోహానుచేత బాప్తిస్మము పొందెను.

10. వెంటనే ఆయన నీళ్లలోనుండి ఒడ్డునకు వచ్చుచుండగా ఆకాశము చీల్చబడుటయు, పరిశుద్ధాత్మ పావురమువలె తనమీదికి దిగివచ్చుటయు చూచెను.

11. మరియునీవు నా ప్రియకుమారుడవు, నీయందు నేనానందించుచున్నానని యొక శబ్దము ఆకాశమునుండి వచ్చెను.
ఆదికాండము 22:2, కీర్తనలు 2:7, యెషయా 42:1

12. వెంటనే పరిశుద్ధాత్మ ఆయనను అరణ్యములోనికి త్రోసికొనిపోయెను.

మత్తయి 4:1-11; లూకా 4:1-13. యేసు విషమ పరీక్షలకు గురి అయిన వృత్తాంతాన్ని మార్కు ఇక్కడ చాలా క్లుప్తంగా చెప్పాడు. అయితే ఇతర శుభవార్తల్లో లేని విషయం ఒక్కటి ఇక్కడ చెప్పాడు – క్రీస్తు అడవి మృగాల మధ్య ఉన్న సంగతి. అంటే యేసు నిర్జనమైన అపాయకరమైన ప్రదేశంలో ఉన్నాడన్నమాట.

13. ఆయన సాతానుచేత శోధింప బడుచు అరణ్యములో నలువదిదినములు అడవిమృగము లతోకూడ నుండెను; మరియు దేవదూతలు ఆయనకు పరిచర్య చేయుచుండిరి.

14. యోహాను చెరపట్టబడిన తరువాత యేసు

15. కాలము సంపూర్ణమైయున్నది, దేవునిరాజ్యము సమీపించి యున్నది ; మారుమనస్సు పొంది సువార్త నమ్ముడని చెప్పుచు దేవుని సువార్త ప్రకటించుచు, గలిలయకు వచ్చెను.

16. ఆయన గలిలయ సముద్రతీరమున వెళ్లుచుండగా సీమోనును సీమోను సహోదరుడగు అంద్రెయయు, సముద్రములో వలవేయుట చూచెను; వారు జాలరులు.

17. యేసునా వెంబడి రండి, నేను మిమ్మును మనుష్యులను పట్టు జాలరులనుగా చేసెదనని వారితో చెప్పెను.

18. వెంటనే వారు తమ వలలు విడిచి ఆయనను వెంబడించిరి.

19. ఆయన ఇంక కొంతదూరము వెళ్లి జెబెదయి కుమారుడగు యాకోబును అతని సహోదరుడగు యోహానును చూచెను; వారు దోనెలో ఉండి తమ వలలు బాగుచేసికొనుచుండిరి.

20. వెంటనే ఆయన వారిని పిలువగా వారు తమ తండ్రియైన జెబెదయిని దోనెలో జీతగాండ్రయొద్ద విడిచిపెట్టి ఆయ నను వెంబడించిరి.

21. అంతట వారు కపెర్నహూములోనికి వెళ్లిరి. వెంటనే ఆయన విశ్రాంతిదినమున సమాజమందిరములోనికి పోయి బోధించెను.

“కపెర్‌నహూం”– మత్తయి 4:13.

22. ఆయన శాస్త్రులవలె గాక అధికారము గలవానివలె వారికి బోధించెను గనుక వారు ఆయన బోధకు ఆశ్చర్యపడిరి.

23. ఆ సమయమున వారి సమాజ మందిరములో అపవిత్రాత్మపట్టిన మనుష్యుడొకడుండెను.

“మలిన పిశాచం”– మత్తయి 4:24. మలిన పిశాచం అనే పదం గ్రీకు మాట అర్థానికి దగ్గరగా ఉంది. ఇది అశుద్ధమైన ఆత్మ. మనుషులను అశుద్ధమైన రీతిలో ప్రవర్తించేలా చేస్తుంది.

24. వాడునజరేయుడవగు యేసూ, మాతో నీకేమి, మమ్ము నశింపజేయుటకు వచ్చితివా? నీవెవడవో నాకు తెలియును; నీవు దేవుని పరిశుద్ధుడవు అని కేకలు వేసెను.
కీర్తనలు 89:19

యేసుప్రభువు తన వ్యక్తిత్వంలోనూ బలప్రభావాలలోను వింతైనవాడు, ఒక విలక్షణుడు అని పిశాచాలకు తెలుసు. “దేవుని పవిత్రుడు” అనే పదం క్రొత్త ఒడంబడికలో ఇక్కడ, లూకా 4:34; యోహాను 6:69 లో మాత్రమే కనిపిస్తున్నది. అయితే ప్రభువుయొక్క పరమ పవిత్రత మాత్రం అన్నిచోట్లా రూఢిగా చెప్పడం జరిగింది. లూకా 1:35; యోహాను 8:46; 2 కోరింథీయులకు 5:21; హెబ్రీయులకు 4:15; 1 పేతురు 2:21-24.

25. అందుకు యేసుఊరకుండుము వానిని విడిచిపొమ్మని దానిని గద్దింపగా

యేసుకు అప్పుడూ, ఇప్పుడూ కూడా అన్ని మలిన పిశాచాలపై పూర్తి అధికారం ఉంది (మార్కు 5:1-10; లూకా 10:17).

26. ఆ అపవిత్రాత్మ వానిని విలవిలలాడించి పెద్ద కేకవేసి వాని విడిచిపోయెను.

27. అందరును విస్మయమొంది ఇదేమిటో? యిది క్రొత్త బోధగా ఉన్నదే; ఈయన అధికారముతో అపవిత్రాత్మలకును ఆజ్ఞాపింపగా అవి ఆయనకు లోబడుచున్నవని యొకనితో ఒకడు చెప్పు కొనిరి.

ప్రజలకు ఆశ్చర్యం కలిగించినది ఈ ఉపదేశం కొత్తగా ఉన్న సంగతి కాదు గాని యేసు ఈ ఉపదేశానికి రుజువుగా, ఆధారంగా దేవుని మహా ప్రభావం గల కార్యాలను చేయడమే. మత్తయి 8:1 నోట్ చూడండి.

28. వెంటనే ఆయననుగూర్చిన సమాచారము త్వరలో గలిలయ ప్రాంతములందంతట వ్యాపించెను.

29. వెంటనే వారు సమాజమందిరములోనుండి వెళ్లి, యాకోబుతోను యోహానుతోను సీమోను అంద్రెయ అనువారియింట ప్రవేశించిరి.

30. సీమోను అత్త జ్వరముతో పడియుండగా, వెంటనే వారామెనుగూర్చి ఆయనతో చెప్పిరి.

31. ఆయన ఆమెదగ్గరకు వచ్చి, చెయ్యిపట్టి ఆమెను లేవనెత్తెను; అంతట జ్వరము ఆమెను వదలెను గనుక ఆమె వారికి ఉపచారము చేయసాగెను.

32. సాయంకాలము ప్రొద్దు గ్రుంకినప్పుడు, జనులు సకల రోగులను దయ్యములు పట్టినవారిని ఆయనయొద్దకు తీసి కొని వచ్చిరి;

33. పట్టణమంతయు ఆ యింటివాకిట కూడి యుండెను.

34. ఆయన నానావిధ రోగములచేత పీడింప బడిన అనేకులను స్వస్థపరచి, అనేకమైన దయ్యములను వెళ్లగొట్టెను. అవి తన్ను ఎరిగియుండినందున ఆయన ఆ దయ్యములను మాటలాడనియ్యలేదు.

35. ఆయన పెందలకడనే లేచి యింకను చాలా చీకటి యుండగానే బయలుదేరి, అరణ్యప్రదేశమునకు వెళ్లి, అక్కడ ప్రార్థన చేయుచుండెను.

యేసు తరచుగా ప్రార్థించాడు (మత్తయి 14:23; మత్తయి 19:13; మత్తయి 26:36, మత్తయి 26:39; లూకా 5:16; లూకా 6:12; లూకా 9:29; లూకా 22:32; యోహాను 17వ అధ్యాయం; హెబ్రీయులకు 5:7). కొన్ని సార్లు ఒంటరి తావుల్లోకి వెళ్ళి ప్రార్థించేవాడు. దేవునికి ఒక మనిషిగాను, ప్రత్యేకమైన దైవకుమారుడుగా కూడా ప్రార్థించాడు. అంటే ఆయన ప్రార్థనలో ఆయన మానవ స్వభావం, దైవ స్వభావం రెండూ పాత్ర వహించాయి. యోహాను 17వ అధ్యాయం పోల్చి చూడండి.

36. సీమోనును అతనితో కూడ నున్నవారును ఆయనను వెదకుచు వెళ్లి

37. ఆయనను కనుగొని,అందరు నిన్ను వెదకుచున్నారని ఆయనతో చెప్పగా

38. ఆయనఇతర సమీప గ్రామములలోను నేను ప్రకటించునట్లు వెళ్లుదము రండి; యిందునిమిత్తమే గదా నేను బయలుదేరి వచ్చితినని వారితో చెప్పెను.

యెషయా 61:1. యేసు పరలోకంనుండి భూమికి రావడంలోగల అనేక కారణాల్లో ఇదొకటి. ఇతర కారణాలకోసం మత్తయి 5:17 దగ్గర రిఫరెన్సులు చూడండి.

39. ఆయన గలిలయయందంతట వారి సమాజమందిరములలో ప్రక టించుచు, దయ్యములను వెళ్లగొట్టుచు నుండెను.

40. ఒక కుష్ఠరోగి ఆయనయొద్దకు వచ్చి ఆయనయెదుట మోకాళ్లూనినీకిష్టమైతే నన్ను శుద్ధునిగా చేయగలవని ఆయనతో చెప్పి, ఆయనను వేడుకొనగా

41. ఆయన కనికర పడి, చెయ్యిచాపి వానిని ముట్టినాకిష్టమే; నీవు శుద్ధుడవు కమ్మని వానితో చెప్పెను.

42. వెంటనే కుష్ఠరోగము వానిని విడిచెను గనుక వాడు శుద్ధుడాయెను.

43. అప్పుడాయనఎవనితోను ఏమియు చెప్పకు సుమీ;

44. కాని నీవు వెళ్లి వారికి సాక్ష్యార్థమై నీ దేహమును యాజకునికి కనబరచు కొని, నీవు శుద్ధుడవైనందుకు మోషే నియమించిన కానుక లను సమర్పించుమని వానికి ఖండితముగా ఆజ్ఞాపించి వెంటనే వానిని పంపివేసెను.
లేవీయకాండము 13:49, లేవీయకాండము 14:2-32

45. అయితే వాడు వెళ్లి దానిని గూర్చి విస్తారముగా ప్రకటించుటకును, ఆ సంగతి ప్రచురము చేయుటకును ఆరంభించెను గనుక ఆయన ఇక పట్టణములో బహిరంగముగా ప్రవేశింపలేక, వెలు

తనకు వ్యాధి నయమైనప్పుడు కృతజ్ఞతతో యేసు చెప్పినట్టు చేయడానికి మారుగా దానికి వ్యతిరేకంగా ఇతడు చేశాడు. ఇతని తరువాత కూడా ఇలా చేసిన వారున్నారు. జనసమూహాలు విపరీతంగా పెరిగిపోతున్నాయి. మతాధికారుల నుండి ప్రతిఘటన తీవ్రతరమౌతున్నది. కాబట్టి యేసు నిర్జన ప్రదేశాల్లో ఉండిపోయాడు. ఇప్పుడే అత్యవసర స్థితిని తెచ్చి పెట్టుకోవడం ఆయనకు ఇష్టం లేదు. యోహాను 7:30 చూడండి.