Kings II - 2 రాజులు 15 | View All

1. ఇశ్రాయేలురాజైన యరొబాము ఏలుబడిలో ఇరువది మూడవ సంవత్సరమందు యూదారాజైన అమజ్యా కుమారుడైన అజర్యాయేలనారంభించెను.

2. అతడు పదునా రేండ్లవాడై యేలనారంభించి యెరూషలేమునందు ఏబది రెండు సంవత్సరములు రాజుగా ఉండెను; అతని తల్లి యెరూషలేము కాపురస్థురాలైన యెకొల్యా.

3. ఇతడు తన తండ్రియైన అమజ్యా చర్య యంతటిప్రకారము యెహోవా దృష్టికి నీతిగలవాడై ప్రవర్తించెను.

4. ఉన్నత స్థలములను మాత్రము కొట్టి వేయలేదు; ఉన్నత స్థలముల యందు జనులు ఇంకను బలులు అర్పించుచు ధూపము వేయుచు ఉండిరి.

5. యెహోవా ఈ రాజును మొత్తినందున అతడు మరణమగువరకు కుష్ఠరోగియై ప్రత్యేక ముగా ఒక నగరులో నివసించెను గనుక రాజకుమారుడైన యోతాము నగరుమీద అధికారియై దేశపు జనులకు న్యాయము తీర్చువాడుగా ఉండెను.

6. అజర్యా చేసిన యితర కార్యములనుగూర్చియు, అతడు చేసిన దాని నంత టినిగూర్చియు యూదారాజుల వృత్తాంతముల గ్రంథ మందు వ్రాయబడి యున్నది.

7. అజర్యా తన పితరు లతోకూడ నిద్రించి దావీదు పురములో తన పితరుల సమాధియందు పాతిపెట్టబడగా అతని కుమారుడైన యోతాము అతనికి మారుగా రాజాయెను.

8. యూదారాజైన అజర్యా యేలుబడిలో ముప్పది యెనిమిదవ సంవత్సరమందు యరొబాము కుమారుడైన జెకర్యా షోమ్రోనులో ఇశ్రాయేలువారిని ఆరునెలలు ఏలెను.

9. ఇతడు ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక అనుసరించుచు, తన పితరులు చేసినట్లుగా తానును యెహోవా దృష్టికి చెడుతనము జరిగించెను.

10. యాబేషు కుమారుడైన షల్లూము అతనిమీద కుట్రచేసి, జనులు చూచుచుండగా అతనిమీద పడి అతనిని చంపి అతనికి మారుగా రాజాయెను.

11. జెకర్యా చేసిన కార్యములనుగూర్చి ఇశ్రాయేలురాజుల వృత్తాంతముల గ్రంథమందు వ్రాయబడియున్నది.

12. నీ కుమారులు నాలుగవ తరమువరకు ఇశ్రాయేలు సింహాసనముమీద ఆసీనులై యుందురని యెహోవా యెహూతో సెలవిచ్చిన మాటచొప్పున ఇది జరిగెను.

13. యూదారాజైన ఉజ్జియా యేలుబడిలో ముప్పది తొమ్మిదవ సంవత్సరమందు యాబేషు కుమారుడైన షల్లూము ఏలనారంభించి షోమ్రోనులో నెల దినములు ఏలెను.

14. గాదీ కుమారుడైన మెనహేము తిర్సాలోనుండి బయలుదేరి షోమ్రోనునకు వచ్చి షోమ్రోనులోనుండు యాబేషు కుమారుడైన షల్లూముమీద పడి అతని చంపి అతనికి మారుగా రాజాయెను.

15. షల్లూము చేసిన యితర కార్య ములనుగూర్చియు, అతడు చేసిన కుట్రనుగూర్చియు ఇశ్రాయేలురాజుల వృత్తాంతముల గ్రంథమందు వ్రాయ బడియున్నది.

16. మెనహేము రాగా తిప్సహు పట్టణపు వారు తమ గుమ్మములు తీయలేదు గనుక అతడు వారినంద రిని హతము చేసి, తిర్సాను దాని చేరువ గ్రామములనన్నిటిని కొల్లపెట్టి అచ్చట గర్భిణులందరి గర్భములను చింపెను.

17. యూదారాజైన అజర్యా యేలుబడిలో ముప్పదితొమ్మి దవ సంవత్సరమందు గాదీ కుమారుడైన మెనహేము ఇశ్రాయేలువారిని ఏలనారంభించి షోమ్రోనులో పది సంవత్సరములు ఏలెను.

18. ఇతడును తన దినములన్నియు ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక యనుసరించుచు యెహోవా దృష్టికి చెడుతనము జరిగించెను.

19. అష్షూరు రాజైన పూలు దేశముమీదికి రాగా, మెనహేము తనకు రాజ్యము స్థిరపరచునట్లుగా పూలుచేత సంధి చేయించుకొనవలెనని రెండు వేల మణుగుల వెండి పూలునకు ఇచ్చెను.

20. మెనహేము ఇశ్రా యేలులో భాగ్యవంతులైన గొప్పవారిలో ప్రతి మనిషి యొద్దను ఏబదేసి తులముల వెండి వసూలుచేసి యీ ద్రవ్య మును అష్షూరు రాజునకిచ్చెను గనుక అష్షూరురాజు దేశ మును విడిచి వెళ్లిపోయెను.

21. మెనహేము చేసిన యితర కార్యములనుగూర్చియు, అతడు చేసిన దానినంతటిని గూర్చియు ఇశ్రాయేలురాజుల వృత్తాంతముల గ్రంథమందు వ్రాయబడియున్నది.

22. మెనహేము తన పితరులతో కూడ నిద్రించిన తరువాత అతని కుమారుడైన పెకహ్యా అతనికి మారుగా రాజాయెను.

23. యూదారాజైన అజర్యా యేలుబడిలో ఏబదియవ సంవత్సరమందు మెనహేము కుమారుడైన పెకహ్యా షోమ్రోనులో ఇశ్రాయేలువారిని ఏలనారంభించి రెండు సంవత్సరములు ఏలెను.

24. ఇతడును ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక అనుసరించుచు యెహోవా దృష్టికి చెడుతనము జరిగించెను.

25. ఇతని క్రింద అధిపతియు రెమల్యా కుమారుడునైన పెకహు కుట్ర చేసి, తనయొద్దనున్న గిలాదీయులైన యేబది మందితోను, అర్గోబుతోను, అరీహేనుతోను కలిసికొని షోమ్రోనులోనున్న రాజనగరులోని అంతఃపురమందు అతనిని చంపి, పెకహ్యాకు మారుగా రాజాయెను.

26. పెకహ్యా చేసిన యితర కార్యములనుగూర్చియు, అతడు చేసినదాని నంత టినిగూర్చియు ఇశ్రాయేలురాజుల వృత్తాంతముల గ్రంథమందు వ్రాయబడి యున్నది.

27. యూదారాజైన అజర్యా యేలుబడిలో ఏబదిరెండవ సంవత్సరమందు రెమల్యా కుమారుడైన పెకహు షోమ్రో నులో ఇశ్రాయేలును ఏలనారంభించి యిరువది సంవత్సర ములు ఏలెను.

28. ఇతడును ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక అనుసరించుచు యెహోవా దృష్టికి చెడుతనము జరిగించెను.

29. ఇశ్రాయేలు రాజైన పెకహు దినములలో అష్షూరురాజైన తిగ్లత్పిలేసెరు వచ్చి ఈయోను పట్టణమును, ఆబేల్బేత్మయకా పట్టణమును, యానోయహు పట్టణమును, కెదెషు పట్టణమును, హాసోరు పట్టణమును, గిలాదు దేశమును, గలిలయ దేశమును,నఫ్తాలీ దేశమంతయును పట్టుకొని అచ్చట నున్నవారిని అష్షూరు దేశమునకు చెరగా తీసికొని పోయెను.

30. అప్పుడు ఏలా కుమారుడైన హోషేయ ఇశ్రాయేలురాజును రెమల్యా కుమారుడునైన పెకహుమీద కుట్రచేసి, అతనిమీద పడి అతని చంపి, యూదా రాజైన ఉజ్జియా కుమారుడైన యోతాము ఏలుబడిలో ఇరువదియవ సంవత్సరమున అతనికి మారుగా రాజాయెను.

31. పెకహు చేసిన యితర కార్యములనుగూర్చియు, అతడు చేసిన దానినంతటిని గూర్చియు ఇశ్రాయేలురాజుల వృత్తాంతముల గ్రంథమందు వ్రాయ బడియున్నది.

32. ఇశ్రాయేలురాజును రెమల్యా కుమారుడునైన పెకహు ఏలుబడిలో రెండవ సంవత్సరమున యూదారాజైన ఉజ్జియా కుమారుడగు యోతాము ఏలనారంభించెను.

33. అతడు ఇరువది యయిదేండ్లవాడై యెరూషలేమునందు రాజై పదునారు సంవత్సరములు ఏలెను. అతని తల్లి సాదోకు కుమార్తెయైన యెరూషా.

34. ఇతడు యెహోవా దృష్టికి నీతిగా ప్రవర్తించి తన తండ్రియైన ఉజ్జియా చర్యను పూర్తిగా అనుసరించెను.

35. అయినను ఉన్నత స్థల ములను కొట్టివేయకుండెను; జనులు ఉన్నత స్థలములందు ఇంకను బలుల నర్పించుచు ధూపము వేయుచునుండిరి. ఇతడు యెహోవా మందిరమునకున్న యెత్తయిన ద్వార మును కట్టించెను.

36. యోతాము చేసిన యితర కార్యము లనుగూర్చియు, అతడు చేసినదాని నంతటినిగూర్చియు యూదారాజుల వృత్తాంతముల గ్రంథమందు వ్రాయబడి యున్నది.

37. ఆ దినములో యెహోవా సిరియారాజైన రెజీనును రెమల్యా కుమారుడైన పెకహును యూదా దేశముమీదికి పంపనారంభించెను.

38. యోతాము తన పిత రులతో కూడ నిద్రించి తన పితరుడైన దావీదు పురమందు తన పితరుల సమాధిలో పాతిపెట్టబడెను; అతని కుమారుడైన ఆహాజు అతనికి మారుగా రాజాయెను.



బైబిల్ అధ్యయనం - Study Bible
15:1-7 మరోసారి ఇంకొక రాజు వివరాలు కూడా అతని స్థాయి, దైవభక్తి, ప్రాముఖ్యతకు తగిన పూర్తిన్యాయం చేయలేదు. ఈ సందర్భంలో అలాంటి జాబితా ఉజ్జియా అని కూడా పిలువబడిన యూదారాజైన అజర్యా విషయంలో జరిగింది. అతడు అమజ్యాతో కలసి (క్రీ.పూ. 792-767) ఇరవై ఐదు సంవత్సరాలు సహపాలకునిగా ఉన్నాడు. అతని ప్రాముఖ్యత తెలుసుకోవాలంటే, యెషయా, దినవృత్తాంతములు గ్రంథాలలో పూర్తి వివరాలు గమనించాలి. అమజ్యాతో చేసిన సహపాలనతో కలిపి అతడు చేసిన పాలనాకాలంలో యెహూ రాజవంశం కనుమరుగై పోవడం, ఒక సామ్రాజ్యంగా ఇశ్రాయేలీయుల శక్తి చివరి దశకు రావడం వంటి పరిణామాలన్నీ జరిగాయి. పాత నిబంధనలో సుపరిచితమైన, ముఖ్యమైన ప్రవచనాత్మక దర్శనాలలో ఒకటి “ రాజైన ఉజ్జియా మృతినొందిన సంవత్సరమున" (6:1) అని ప్రారంభం కావడం ముఖ్యమైనది, విశిష్టమైనది. అతని మరణం నిజంగా ఒక శకం ముగింపును సూచిస్తుంది. 

15:1-2 యూదా రాజైన అజర్యా పాలన ప్రారంభానికి సంబంధించిన నమూనా వివరాలు మరలా అతడు తన తండ్రి అమజ్యాతో చేసిన సహపాలన (క్రీ.పూ. 792-767), తన కుమారుడు యోతాముతో చేసిన సహపాలన (క్రీ.పూ. 750-740; 14:1-2, 14:19-21 నోట్సు చూడండి) కాలాలను స్పష్టంగా తెలియకుండా చేస్తుంది.

15:3-4 ధర్మశాస్త్రానికి వ్యతిరేకమైన రీతిలో యెహోవాను ఆరాధించడానికి వారు ఉపయోగించిన ఉన్నత స్థలములను కొట్టివేయలేదు అనే వివరణ ఉన్నా, ఈ మూల్యాంకనం ఒక మంచి రాజు విషయంలో ప్రత్యేకమైనది. 

15:5-7 బహుశా అజర్యాకున్న సానుకూల గుణలక్షణాలను బట్టి అతనిపట్ల ఏర్పడిన గౌరవం కారణంగా, అతడు కుష్టరోగిగా అవ్వడానికి గల కారణాలను పేర్కొనకుండా వదిలేశాడు. అజర్యా గర్వం చూపించి యాజకులు మాత్రమే చేయవలసిన పనిచేయడానికి సాహసించాడు (2దిన 26:16-19). పరిస్థితి ఎంత తీవ్రంగా ఉందంటే, మిగిలిన జీవితమంతా అజర్యా వేరుగా ప్రత్యేక నిర్బంధంలో గడిపాడు. అప్పుడు అతని వారసుడు కుమారుడైన యోతాము అనుదిన పాలనా వ్యవహారాలు నిర్వహించాడు. ఇవి. బహుశా యోతాము సహపాలనా సంవత్సరాలు. - అజర్యా. పాలన గురించిన సాంప్రదాయక ముగింపు పలుకులు సాధారణంగా ఉన్నాయి.

15:8-9 రెండవ యరొబాము కుమారుడు, ఇశ్రాయేలు రాజైన జెకర్యా గురించి తెలియజేసిన ప్రారంభవాక్యాలు. సాధారణంగా ఉన్నాయి. యెహూ రాజవంశంలో ఇతడే చివరి రాజు.. 

15:10-12 అయితే జెకర్యా పరిపాలన ముగింపు సాధారణంగా లేదు. ఇది రాజభవనంలో జరిగిన తిరుగుబాటు గురించి తెలియజేస్తుంది. జనులందరు చూచుచుండగా (హెబ్రీ. ఖబలామ్) అనే మాటకు ఖచ్చితమైన అర్థం తెలియదు. గొప్ప ఖ్యాతి గడించిన రెండవ యరొబాము మరణించిన తరవాత సింహాసనం, రాజరిక ప్రభావం త్వరగా క్షీణించాయి. ఆరునెలలలోపే ఇలాంటి తిరుగుబాటు అకస్మాత్తుగా తలెత్తడం ఈ క్షీణతను సూచిస్తుంది. అయితే యెహూ కుమారులు నాలుగు తరాలవరకు ఇశ్రాయేలును పరిపాలిస్తారని దేవుడు తాను చేసిన వాగ్దానం నిలబెట్టుకున్నాడు (10:30 చూడండి). యెహూ రాజవంశం ఉత్తర ఇశ్రాయేలును దీర్ఘకాలం పరిపాలించింది. వీరు ఒట్ర రాజవంశీకులకంటే నలభై సంవత్సరాలు అధికంగా పరిపాలించారు. షల్లుము తిరుగుబాటు జెకర్యా పాలనా వివరాలలో ఒక భాగం. ఇది జెకర్యా పాలన ఎలా ముగిసిందో తెలియజేస్తుంది. 

15:13-15 షల్లూము పాలనా ప్రారంభం గురించి సంక్షిప్తంగా తెలియజేసిన వెంటనే ఇక్కడ వివరణ మెనహేము తిరుగుబాటు గురించి తెలియజేస్తుంది. షల్లూము చేసిన ఇతర కార్యాలు వేరొక గ్రంథంలో నమోదు చేయబడి వున్నాయనే మాటలతో షల్లూము వివరాలు ముగిసాయి. ఇప్పుడు చరిత్రకు అవి లభ్యతలో లేవు. 

15:16 అధికార కేంద్రంలో ఏర్పడిన భౌగోళిక మార్పులు ఈ తిరుగుబాటుకు కారణమని కొందరు చరిత్రకారులు భావిస్తారు. రాజధాని పట్టణాన్ని ఒఘీ షోమ్రోనుకు తరలించక ముందు. ఒకప్పుడు తిర్సా అధికార కేంద్రంగా ఉండేది. ఇప్పుడు తిర్సా ప్రజలు మెనహేమును తమ పట్టణానికి పూర్వ వైభవం తీసుకురాగల వ్యక్తిగా చూశారు. అతడు కూడా నాయకత్వ స్థాయి, ప్రతిష్ట పొందడానికి సంతోషంగా ఉన్నాడు. తిప్సహం ఎక్కడుందో ఖచ్చితంగా తెలీదు. ఈ సంఘటనలో భాగంగా ఉందనుకోడానికి యూఫ్రటీసు నది తీరంలో ఉన్న తిప్సహు దూరంగా ఉంది. కొందరు ఈ పేరు “తప్పూవా" లేదా "తిర్సా" అని చదువుతారు. ఈ నగరం మెనహేము చేసిన తిరుగుబాటును ప్రతిఘటించింది, అందుచేత మెనహేము దానిని నాశనం చేశాడు. తిర్సాలో అతనికున్న బలం చేతనో లేక తిప్సహు నివాసుల విషయంలో అతడు చూపించిన భయంకరమైన క్రూరత్వం కారణంగానో పదేళ్లపాటు పాలించే అధికారాన్ని అతను పొందాడు. 

15:17-18 ఇశ్రాయేలులో మెనహేము . అధికారిక పాలన ప్రారంభం సాధారణంగా ఉంది.

15:19-20 క్రీ.పూ. 743లో, మెనహేము పాలన చివరి భాగంలో, మూడవ తిగత్పిలేసరు (బైబిల్లో అతడు పులు లేదా పూలు అనే అతని సింహాసనం బిరుదుతో కనిపిస్తాడు) ఈ ప్రాంతంపై దాడి చేశాడు. అష్కూరు ఇప్పుడు ఉత్తర, ఈశాన్య ప్రాంతాలకు శత్రువైనందున, ఈ దండయాత్ర ఒక కొత్త రాజకీయ సమీకరణాన్ని సృష్టించింది. ఆ విధంగా పాలస్తీనా, సిరియాకు చెందిన అనేక చిన్న రాజ్యాలు అష్కూరుతో ఏ విధంగానైనా శాంతి ఒప్పందం చేసుకోవాలని సూచించే అషూరు అనుకూల వర్గంలో ఉండాలా లేదా స్వాతంత్ర్యం కోసం ఏ స్థాయికైనా తెగించి యుద్ధం చేయాలని సూచించే అష్వూరు వ్యతిరేక వర్గంలో ఉండాలా అనే విషయంలో వారిలో వారే మథనపడుతుండే వారు. మెనహేము అష్పూరు. అనుకూల వైఖరి అవలంబించి. భారీగా రెండువేల మణుగుల (34,019 కిలోల) వెండిని కప్పంగా కట్టి సింహాసనం నిలబెట్టుకున్నాడు. ఇశ్రాయేలులో భాగ్యవంతులైన గొప్పవారిలో ప్రతిమనిషికి సుంకం విధించి కప్పం కట్టడానికి ఈ సొమ్ము వసూలు చేశాడు. ఇలా సుంకం విధించడం వలన ఇశ్రాయేలులో అష్పూరు వ్యతిరేక వర్గాలు అతనికి దూరమయ్యాయి. 

15:21-22 తన కుమారుడు పెకహ్యా సింహాసన వారసత్వం పొందేలా చేయడంలో సఫలం కావడమే మెనహేము పాలన ముగింపు వివరాలలో మనం గమనించదగిన ఒకే ఒక విషయం. 

15:23-26 పెకహ్యా రెండు సంవత్సరాలు మాత్రమే పరిపాలించాడు. అతని స్వల్పకాల పాలనకు కారణం ఇశ్రాయేలు దేశంలో అషూరు వ్యతిరేక వర్గపు ప్రజల అసంతృప్తి కావచ్చని తర్వాత చరిత్ర సూచిస్తుంది. ఈ తిరుగుబాటుకు నాయకత్వం వహించిన పెకహు అనేవాడు తరవాత రాజయ్యాడు. ఇక్కడ అధికారిక ముగింపు పలుకులు పెకహ్యా గురించి కొత్తగా ఏమీ తెలియజేయలేదు. 

15:27-28 పెకహు గురించి తెలియజేసిన అధికారిక ప్రారంభ వివరాలు అతడు యిరువది సంవత్సరాలు పరిపాలించాడని తెలియజేస్తాయి. ఇది విజయ వంతమైన సుదీర్ఘ పాలనాకాలం. అతడు మొదట పన్నెండు సంవత్సరాలు గిలాదులో స్వతంత్రంగా పరిపాలించాడు. తరవాత (క్రీ.పూ 740-732) ఎనిమిది సంవత్సరాలు అష్బూరీయులు - తిరిగి దండయాత్ర చేసేవరకు ఇశ్రాయేలు దేశాన్ని పరిపాలించాడు. 

15:29 అష్వూరురాజు మరెక్కడో తీరిక లేకుండా ఉన్నాడు కాబట్టి ఇశ్రాయేలు దేశం అష్పూరు. దండయాత్ర నుండి కొంతకాలం స్వేచ్ఛగా ఉంది. అందుచేత పెకహు అషూరుతో సంధి భంగం చేశాడు. అయితే, క్రీ.పూ 734లో, తిగత్పిలేసరు తిరిగి వచ్చాడు, ఉత్తర ఇశ్రాయేలు దేశంలో అధికభాగం స్వాధీనం చేసుకున్నాడు. ఇక్కడ వచనాలలో పేర్లు తెలియజేసిన ప్రాంతం యొర్దాను పరివాహక ప్రాంతంలో హెబ్రీయుల ఆధీనంలో ఉన్న భూభాగాలు. అంతేగాక సారవంతమైన యెఱ్ఱయేలు లోయకు ఉత్తరంగా ఉన్న ప్రాంతాలు కూడా వీటిలో ఉన్నాయి. అయినప్పటికీ ఇశ్రాయేలు రాజుకు దేశం మధ్య భాగంలో సారవంతమైన ప్రాంతాలు ఇంకా మిగిలివున్నాయి. రాజరికపరంగా కాకపోయినా స్థానికంగా వర్ధిల్లే విషయంలో ఎంతో కొంత సహేతుకమైన ఆశ ఇంకా ఇశ్రాయేలీయులకు మిగిలి వుంది. అషూరురాజు తాను స్వాధీనం చేసుకున్న ప్రాంతాలలో హెబ్రీయులను తూర్పుదేశాలకు చెరపట్టుకుపోయాడు. ఇక్కడ పేర్కొనకపోయినా, అష్బూరీయులు వేరే దేశపు ప్రజలను నివాసముండేలా ఈ ప్రాంతాలకు తీసుకువచ్చారు.

15:30-31 అప్పుడు హోషేయ నేతృత్వంలో జరిగిన తిరుగుబాటులో పెకహు పదవీచ్యుతుడయ్యాడు. ఇది. అషూరుకు అనుకూలంగానున్న వర్గాలు చేసిన తిరుగుబాటో, లేక అపూరును ప్రతిఘటించడంలో పెకహు అనుకున్నంత విజయం సాధించకపోవడంతో అపూరు వ్యతిరేక వర్గాలు చేసిన తిరుగుబాటో స్పష్టంగా తెలీదు. తరవాత హోషేయ అష్నూరుకు వ్యతిరేకంగా కుట్ర చేశాడు. పెకహు గురించి తెలియజేసిన ముగింపు మాటలు కొత్తగా ఏ విషయం తెలియజేయలేదు.

15:32-35 మరలా ఇక్కడ వివరణ పెకహు పాలనాకాలంలో యూదాను పాలించిన ఇద్దరు రాజులవైపు మళ్ళింది. మరొకసారి ఇక్కడ యోతాము పాలించిన కాలం గురించి ఉపయోగించిన నమూనా తికమకగా ఉంది. పదునారు సంవత్సరములు అని అతడు పరిపాలించినట్లు పేర్కొన్న కాలంలో యోతాము అతని తండ్రి అజర్యాతో సహపాలకునిగా ఉన్న పది సంవత్సరాలు, కుమారుడు ఆహాజుతో సహపాలకునిగా ఉన్న మూడు సంవత్సరాలు కలపలేదు. అతడు మంచి రాజే కానీ ఉన్నత స్థలములందు ధర్మశాస్త్ర విరుద్ధంగా దేవునికి ఆరాధన జరిగించే మందిరాలను తొలగించలేదు. యెహోయాషు నుంచి యోతాము వరకు దేశాన్ని పరిపాలించిన నలుగురు మంచి రాజులలో అతడు చివరివాడు. బైబిలు తెలియజేసిన వివరాల ప్రకారం దుష్టత్వంలో జీవితాన్ని చాలించని వాడు కూడా ఇతడొక్కడే. అంతేగాక యెహోవా మందిరానికి ఎత్తయిన ద్వారం కట్టించడం ఇతడు సాధించిన ఘనవిషయం. 

15:36-38 యోతాము పాలన గురించి తెలియజేసిన చివరి వ్యాఖ్యలలో సిరియా రాజైన రెజీము, ఇశ్రాయేలు రాజైన పెకహు యూదాదేశం మీద దాడిచేస్తున్నాడని చెప్పడం ద్వారా యూదా భవిష్యత్తుపై మేఘాలు కమ్ముకున్నట్లు సూచిస్తాయి. అష్యూరు వ్యతిరేక కూటమిలోనికి రావాలని యూదాను బలవంతం చేసే ఉద్దేశంతోనే ఇలా వేధించారని చరిత్రకారులు అభిప్రాయపడతారు. తరువాత అధ్యాయంలో వివరించిన యూదా దండయాత్రల కాలంలో ఆహాజు తన తండ్రియైన యోతాముతో సహపాలకునిగా ఉండివుంటాడని సూచించే కొన్ని సంవత్సరాల లెక్కలు ఉన్నాయి (16:5-6; యెషయా 7:3-6 చూడండి). 


Shortcut Links
2 రాజులు - 2 Kings : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |