Chronicles II - 2 దినవృత్తాంతములు 29 | View All

1. హిజ్కియా యేలనారంభించినప్పుడు ఇరువది యయిదేండ్లవాడై యిరువదితొమ్మిది సంవత్సరములు యెరూషలేములో ఏలెను. అతని తల్లి జెకర్యా కుమార్తె, ఆమె పేరు అబీయా.

2. అతడు తన పితరుడగు దావీదు చర్యయంతటి ప్రకారము యెహోవా దృష్టికి యథార్థముగా ప్రవర్తించెను.

3. అతడు తన యేలుబడియందు మొదటి సంవత్సరము మొదటి నెలను యెహోవా మందిరపు తలుపులను తెరచి వాటిని బాగుచేసి,

4. యాజకులను లేవీయులను పిలువనంపి, తూర్పుగానున్న రాజవీధిలో వారిని సమకూర్చి

5. వారికీలాగు ఆజ్ఞ ఇచ్చెనులేవీయు లారా, నా మాట ఆలకించుడి; ఇప్పుడు మిమ్మును మీరు ప్రతిష్ఠించుకొని, మీ పితరుల దేవుడైన యెహోవా మందిరమును ప్రతిష్ఠించి పరిశుద్ధస్థలములోనుండి నిషిద్ధ వస్తువుల నన్నిటిని బయటికి కొనిపోవుడి.

6. మన పితరులు ద్రోహులైమన దేవుడైన యెహోవా దృష్టికి చెడునడతలు నడచి ఆయనను విసర్జించి, ఆయన నివాసమునకు పెడముఖము పెట్టుకొని దానిని అలక్ష్యముచేసిరి.

7. మరియు వారు మంటపముయొక్క ద్వారములను మూసివేసి దీప ములను ఆర్పివేసి, పరిశుద్ధస్థలమందు ఇశ్రాయేలీయులు దేవునికి ధూపము వేయకయు దహనబలులను అర్పింపకయు ఉండిరి.

8. అందుచేత యెహోవా యూదావారిమీదను యెరూ షలేము కాపురస్థులమీదను కోపించి, మీరు కన్నులార చూచుచున్నట్లుగా వారిని ఆయన భీతికిని విస్మయ మునకును నిందకును ఆస్పదముగాచేసెను.

9. కాబట్టి మన తండ్రులు కత్తిచేత పడిరి; మన కుమారులును కుమార్తెలును భార్యలును చెరలోనికి కొనపోబడిరి.

10. ఇప్పుడు మనమీదనున్న ఇశ్రాయేలీయుల దేవుడైన యెహోవా మహోగ్రత చల్లారునట్లు ఆయనతో మనము నిబంధన చేయవలెనని నా మనస్సులో అభిలాష పుట్టెను.

11. నా కుమారులారా, తనకు పరిచారకులైయుండి ధూపము వేయుచుండుటకును, తన సన్నిధిని నిలుచుటకును, తనకు పరిచర్య చేయుటకును యెహోవా మిమ్మును ఏర్పరచుకొనెను గనుక మీరు అశ్రద్ధచేయకుడి.

12. అప్పుడు కహాతీయులలో అమాశై కుమారుడైన మహతు అజర్యా కుమారుడైన యోవేలు, మెరారీయులలో అబ్దీ కుమారుడైన కీషు యెహాల్లెలేలు కుమారుడైన అజర్యా, గెర్షోనీయులలో జిమ్మా కుమారుడైన యోవాహు యోవాహు కుమారుడైన ఏదేను

13. ఎలీషాపాను సంతతి వారిలో షిమీ యెహీయేలు, ఆసాపు కుమారులలో జెకర్యా మత్తన్యా

14. హేమాను సంతతివారిలో యెహీయేలు షిమీ, యెదూతూను సంతతివారిలో షెమయా ఉజ్జీయేలు అను లేవీయులు నియమించబడిరి.

15. వీరు తమ సహోదరులను సమకూర్చి తమ్మును ప్రతిష్ఠించుకొని యెహోవా మాటలనుబట్టి రాజు ఇచ్చిన ఆజ్ఞచొప్పున యెహోవా మందిరమును పవిత్రపరచుటకు వచ్చిరి.

16. పవిత్రపరచుటకై యాజకులు యెహోవా మందిరపు లోపలి భాగమునకు పోయి యెహోవా మందిరములో తమకు కనబడిన నిషిద్ధవస్తువులన్నిటిని యెహోవా మందిరపు ఆవరణములోనికి తీసికొనిరాగా లేవీయులు వాటిని ఎత్తి కిద్రోను వాగులో పారవేసిరి.

17. మొదటి నెల మొదటి దినమున వారు ప్రతిష్ఠచేయ నారంభించి, ఆ నెల యెనిమిదవ దినమున యెహోవా మంటపమునకు వచ్చిరి. ఈ ప్రకారము వారు ఎనిమిది దినములు యెహోవా మందిరమును ప్రతిష్ఠించుచు మొదటి నెల పదునారవ దినమున సమాప్తి చేసిరి.

18. అప్పుడు వారు రాజైన హిజ్కియాయొద్దకు పోయిమేము యెహోవా మందిరమంతటిని దహన బలిపీఠమును ఉపకరణములన్నిటిని సన్నిధి రొట్టెలుంచు బల్లను పవిత్రపరచి యున్నాము.

19. మరియు రాజైన ఆహాజు ఏలిన కాలమున అతడు ద్రోహముచేసి పారవేసిన ఉపకరణములన్నిటిని మేము సిద్ధపరచి ప్రతిష్టించియున్నాము, అవి యెహోవా బలిపీఠము ఎదుట ఉన్నవని చెప్పిరి.

20. అప్పుడు రాజైన హిజ్కియా పెందలకడలేచి, పట్టణపు అధికారులను సమకూర్చుకొని యెహోవా మందిరమునకు పోయెను.

21. రాజ్యముకొరకును పరిశుద్ధస్థలముకొరకును యూదావారికొరకును పాపపరిహారార్థబలి చేయుటకై యేడు కోడెలను ఏడు పొట్టేళ్లను ఏడు గొఱ్ఱపిల్లలను ఏడు మేకపోతులను వారు తెచ్చియుంచిరి గనుక అతడుయెహోవా బలిపీఠముమీద వాటిని అర్పించుడని అహరోను సంతతివారగు యాజకులకు ఆజ్ఞాపించెను.

22. పరిచార కులు ఆ కోడెలను వధించినప్పుడు యాజకులు వాటి రక్తమును తీసికొని బలిపీఠముమీద ప్రోక్షించిరి. ఆ ప్రకారము వారు పొట్లేళ్లను వధించినప్పుడు యాజకులు ఆ రక్తమును బలిపీఠముమీద ప్రోక్షించిరి. వారు గొఱ్ఱపిల్లలను వధించినప్పుడు ఆ రక్తమును బలిపీఠముమీద ప్రోక్షించిరి.

23. పాపపరిహారార్థబలికై రాజు ఎదుటికిని సమాజము ఎదుటికిని మేకపోతులను తీసికొనిరాగా, వారు తమ చేతులను వాటిమీద ఉంచిన తరువాత యాజకులు వాటిని వధించి

24. ఇశ్రాయేలీయులందరికొరకు దహనబలియు పాపపరిహారార్థ బలియు అర్పింపవలెనని రాజు ఆజ్ఞాపించి యుండెను గనుక, ఇశ్రాయేలీయులందరి నిమిత్తము ప్రాయ శ్చి త్తము చేయుటకై బలిపీఠముమీద వాటి రక్తమును పోసి, పాపపరిహారార్థబలి అర్పించిరి.

25. మరియదావీదును దావీదు రాజుకు దీర్ఘదర్శియైన గాదును ప్రవక్తయైన నాతా నును చేసిన నిర్ణయముచొప్పున యెహోవా మందిరములో తాళములను స్వరమండలములను సితారాలను వాయించుటకై అతడు లేవీయులను ఏర్పాటుచేసెను. ఆలాగు జరుగవలెనని యెహోవా తన ప్రవక్తలద్వారా ఆజ్ఞాపించి యుండెను.

26. దావీదు చేయించిన వాద్యములను వాయించు టకు లేవీయులును బూరలు ఊదుటకు యాజకులును నియ మింపబడిరి.

27. బలిపీఠముమీద దహనబలులను అర్పించుడని హిజ్కియా ఆజ్ఞాపించెను. దహనబలి యర్పణ ఆరంభ మగుటతోనే బూరలు ఊదుటతోను ఇశ్రాయేలు రాజైన దావీదు చేయించిన వాద్యములను వాయించుటతోను యెహోవాకు స్తుతి గానము ఆరంభమాయెను.

28. అంత సేపును సర్వసమాజము ఆరాధించుచుండెను. గాయకులు పాడుచుండిరి, బూరలు ఊదు వారు నాదముచేయుచుండిరి,దహనబలియర్పణ సమాప్తమగువరకు ఇదియంతయు జరుగుచుండెను.

29. వారు అర్పించుట ముగించిన తరువాత రాజును అతనితోకూడనున్న వారందరును తమ తలలు వంచి ఆరాధించిరి.

30. దావీదును దీర్ఘదర్శియగు ఆసాపును రచించిన శ్లోకములను ఎత్తి యెహోవాను స్తుతించుడని రాజైన హిజ్కియాయును అధిపతులును లేవీయులకు ఆజ్ఞా పింపగా వారు సంతోషముతో స్తోత్రములు పాడి తలవంచి ఆరాధించిరి.

31. అంతట హిజ్కియామీరిప్పుడు యెహోవాకు మిమ్మును ప్రతిష్ఠించుకొంటిరి; దగ్గరకు వచ్చి యెహోవా మందిరములోనికి బలిద్రవ్యములను కృతజ్ఞతార్పణలను తీసి కొనిరండని ఆజ్ఞ ఇయ్యగా సమాజపువారు బలిద్రవ్యములను కృతజ్ఞతార్పణలను తీసికొని వచ్చిరి, దహనబలుల నర్పించుటకు ఎవరికి ఇష్టముపుట్టెనో వారు దహనబలి ద్రవ్యములను తీసికొని వచ్చిరి.
హెబ్రీయులకు 13:15

32. సమాజపువారు తీసికొని వచ్చిన దహనబలి పశువులెన్నియనగా, డెబ్బది కోడెలును నూరు పొట్టేళ్లును రెండువందల గొఱ్ఱపిల్లలును; ఇవి యన్నియు యెహోవాకు దహనబలులుగా తేబడెను.

33. ప్రతిష్ఠింపబడినవి ఆరువందల ఎద్దులును మూడువేల గొఱ్ఱెలును.

34. యాజకులు కొద్దిగా ఉన్నందున వారు ఆ దహనబలి పశువులన్నిటిని ఒలువలేకపోగా, పని సంపూర్ణ మగువరకు కడమయాజకులు తమ్మును ప్రతిష్ఠించుకొనువరకు వారి సహోదరులగు లేవీయులు వారికి సహాయము చేసిరి; తమ్మును ప్రతిష్ఠించుకొనుటయందు యాజకులకంటె లేవీయులు యథార్థహృదయులై యుండిరి.

35. సమాధాన బలి పశువుల క్రొవ్వును దహనబలి పశువులును దహనబలులకు ఏర్పడిన పానార్పణలును సమృద్ధిగా ఉండెను. ఈలాగున యెహోవా మందిరసేవ క్రమముగా జరిగెను.

36. ఈ కార్యము అప్పటికప్పుడే జరిగినందున దేవుడు జనులకు సిద్ధపరచినదానిని చూచి హిజ్కియాయును జనులందరును సంతోషించిరి.



బైబిల్ అధ్యయనం - Study Bible
29:1-2 హిజ్కియా: ఆహాజు కుమారుడైన ఇతడు యూదాకు పదమూడవ రాజు. ఇతడు దైవభక్తి కలిగినవాడు. సిరియారాజైన సనైరీబునుంచి దేవుడు ఇతనిని అద్భుతంగా రక్షించాడు. పరిస్థితులు మరలా ఎన్నడూ చక్కదిద్దలేనంత అతి దుష్టత్వంలో కూరుకుపోయినట్లు కనిపించిన సమయంలో రాజుగా సింహాసనం అధిష్టించిన హిజ్కియా యూదాను తిరిగి దేవునివైపు తిప్పాడు. అతడు నీతిని అనుసరించి నడుచుకున్నాడు కాబట్టి హిజ్కియాను దావీదుతో పోలుస్తూ వృత్తాంతకారుడు ఒక రాజుకు ఇవ్వగలిగిన అధికమైన ప్రశంస హిజ్కియాకు ఇచ్చాడు.

29:3 హిజ్కియా రాజైన వెంటనే, మరలా దేవుని మందిరపు తలుపులను తెరచి, ఆహాజు చేసిన నష్టాన్ని సరిచేశాడు. 

29:4 పునరుద్ధరణ చర్యలు చేపట్టాలంటే కలసి పనిచేయడానికి ఇష్టపడే కొందరు సహకారులు కావాలని హిజ్కియాకు తెలుసు. అందుకు అతడు యాజకుల మీద, లేవీయుల మీద ఆధారపడవచ్చు. ఆహాజు పరిపాలన చివరి సంవత్సరాలలో వారికి పనిదొరకలేదు.

29:5 భౌతికంగా మందిరాన్ని శుభ్రం చేయమని, తరవాత ఆధ్యాత్మికంగా శుద్దీకరించమని హిజ్కియా వారికి ఆజ్ఞ ఇచ్చాడు.

29:6-7 తన తండ్రి పేరు చెప్పకుండా, దేవుని మందిరంలో ఆరాధనకు ఆహాజు పెడముఖం పెట్టుకుని దానిని అలక్ష్యము చేశాడని హిజ్కియా ఒప్పుకున్నాడు. 

29:8-9 ముందుగా ప్రకటించబడిన శాపం వారిపైకి రావడానికి యూదా అపనమ్మకత్వమే కారణమని హిజ్కియా గ్రహించాడు (ద్వితీ 28:15,25; 1రాజులు 9:6-9). 

29:10 యూదా ప్రజలు తమ దేవునితో కలిగి ఉండాల్సిన నిబంధనా సంబంధాన్ని తిరిగి నెలకొల్పాలని హిజ్కియా ఉద్దేశించాడు. దేవుడైన యెహోవా అనేది ఆయన నిబంధన నామం (నిర్గమ 3:14-15). 

29:11 జాతి యావత్తు దేవుని వద్దకు తిరిగి రావాలని, యాజకులు వారి వృత్తి గౌరవం తిరిగి పొందాలని హిజ్కియా పిలుపునిచ్చాడు. 

29:12 లేవీయుల్లో ప్రధానుల పేర్లు పేర్కొంటూ, వారు ఏ గోత్రానికి ప్రాతినిధ్యం వహిస్తున్నారో వారి వంతులను తెలియజేస్తూ, దావీదు ఏర్పరచిన విధానం తెలియజేసిన (1దిన 23:6) వృత్తాంతకారుడు దావీదును, హిజ్కియాను పోల్చ కొనసాగింప ప్రయత్నించాడు. యాజకత్వ బాధ్యతలు నిర్వహించే అహరోను సంతతివారు కహాతీయులలో ఉన్నారు. మెరారీయులు, గెరోనీయులు లేవీ ఇతర కుమారులనుంచి వచ్చిన వంశాలు. వారు ద్వారపాలకులుగా, సేవకులుగా, సంగీత సేవకులుగా, యాజకులకు సహాయకులుగా మందిరంలో వివిధ బాధ్యతలు నిర్వర్తించారు. 

29:13-14 దావీదు ప్రధాన సంగీతకారులైన ఆసాపు... హేమాను... యెదూతూనుల సంతతివారు ఈ పునరుద్ధరణలో పాల్గొన్నారు (1దిన 25:1). 

29:15-19 మందిరములో ఏ పని చేయడానికైనా ముందు యాజకులు తమ్మును తాము ప్రతిష్టించుకొనాలి. అప్పుడే వారు ఆధ్యాత్మికపరమైన, ఆచారపరమైన శుద్దత కలిగి ఉంటారు. లేకపోతే వారు మందిరాన్ని శుద్ధీకరించడానికి చేసే ప్రయత్నంలో నిజానికి దానిని అపవిత్రపరుస్తారు. ఈ విషయంలో జాగ్రత్త వహించిన తరవాత, మందిరానికి సంబంధించని, ముఖ్యంగా విగ్రహారాధనకు సంబంధించిన వస్తువులన్నీ వారు తొలగించగలరు. కిడ్రోను వాగును చెత్త నిల్వచేసి కాల్చే స్థలంగా ఉపయోగించారు (15:16; 2రాజులు 23:4,6 పోల్చండి). వారు ఒక పద్ధతి ప్రకారం, ద్వారం దగ్గర పని ప్రారంభించి, అక్కడనుంచి పరిశుద్ధ స్థలానికి, తరవాత అతి పరిశుద్ధ స్థలానికి వెళ్ళి శుభ్రం చేశారు. పని పూర్తిచేసిన తరవాత, తాము చేసిన పని గురించి రాజుకు నివేదించారు.

29:20-24 పాప పరిహారార్థబలి అర్పించడంతో హిజ్కియా మందిరంలో సేవలు ప్రారంభించాడు. ధర్మశాస్త్ర విషయంలో తెలియక చేసిన ఉల్లంఘనల ప్రాయశ్చిత్తం కోసం ఈ రకమైన బల్యర్పణలు చెల్లించేవారు (లేవీ 4:3-34). ప్రతి పశువులలో ఏడేసి చొప్పున సంపూర్ణతకు సూచనగా అర్పించారు. దేవుడు మోషే ద్వారా ఇచ్చిన నియమాలను అతడు, యాజకులు అనుసరించారు. యాజకుల ప్రత్యేక హక్కులను హిజ్కియా బలవంతంగా చేజిక్కించుకోలేదు కానీ బల్యర్పణ చెల్లించే పశువుల తలలపైన.. తన చేతులుంచి వాస్తవ బల్యర్పణలలో తాను కూడా పాల్గొన్నాడు. ఆ విధంగా దేవుని క్షమాపణ కోసం రాజుగా తాను కూడా ఎదురుచూస్తున్న విషయం తెలియజేశాడు. 

29:25-26 దావీదు ఏర్పాటు చేసిన విధానాల నమూనాను హిజ్కియా అనుసరించాడు. దావీదు ప్రాముఖ్యమైన భాగంగా పరిగణించిన సంగీత సేవ మందిరంలో జరిగే ఆరాధనలో ఖచ్చితంగా ఉండేలా అతడు జాగ్రత్త వహించాడు. 

29:27-29 తర్వాత దహన బలులు అర్పించాలి, అర్పించేవానికి దేవుని పట్ల గల సంపూర్ణ భక్తిని ఈ అర్పణ వ్యక్తంచేస్తుంది (లేవీ 1:1-17). ఈ బల్యర్పణ చెల్లించడం ప్రారంభం కాగానే, సంగీత సేవకులు స్తుతి ఆరాధనలో జతకలిశారు. 

29:30 దావీదు... ఆసాపులు రచించిన ఈ స్తుతి కీర్తనలు (శ్లోకములను) మనం చదివే కీర్తనలలో కొన్ని కీర్తనలు కావచ్చు.

29:31-33 ఇప్పుడు మందిరం సిద్ధంగా ఉంది. " యాజకులు సిద్ధంగా ఉన్నారు కాబట్టి బల్యర్పణల పండుగ జరిగించాలని హిజ్కియా యాజకులకు, ప్రజలకు పిలుపు ఇచ్చాడు. వారు దేవునికి వివిధ బల్యర్పణలు చెల్లించారు. వారు చెల్లించిన వాటిలో కృతజ్ఞతార్పణలు, దహనబలులు దేవుని పట్ల వారికి గల భక్తిని సూచించాయి. ఈ బల్యర్పణలు చెల్లించడానికి ఎవరికి ఇష్టము పుట్టెనో, వారు దేవునికి నమ్మకంగా ఉంటామని ప్రమాణం చేశారు. 

29:34-35 ఈ పశువులను చంపడం, బలి అర్పించడం కష్టమైన పని. . ఇదంతా చేయడానికి తమను తాము ప్రతిష్టించుకున్న యాజకులు కొద్దిగా ఉన్నందున, బలిపీఠం పైన అర్పణలు చెల్లించే పనులలో సహాయానికి , యాజకత్వ బాధ్యతలు లేని లేవీయులను పిలిచారు. వారు పశువులను , వధించి, చర్మం వలిచి వాటిని సిద్ధపరచడంలో సహాయం చేశారు. 

29:36 హిజ్కియా ఉజ్జీవం ముందు మందిరంలో ప్రారంభమయ్యింది. ఆ తరవాత బయటకు వ్యాపించింది. అతడు విగ్రహాలను విరగగొట్టి, బహుశ ఇష్టం లేకపోయినా మందిరానికి రావాలని ప్రజలను వత్తిడి చేయడంతో పనులు ప్రారంభించలేదు. ముందు మందిర పునరుద్దరణ చేశాడు. తరవాత మందిరసేవ నూతనపరచాడు. ప్రారంభం నుంచి సంగీతసేవ జరిగేలా జాగ్రత్తలు తీసుకున్నాడు. యాజకులతో కలసి ప్రారంభ సేవలో పాల్గొన్న తరవాత, ఈ సంతోష మహోత్సవంలో పాల్గొనాలని ఇష్టపడినవారు తనతో జత కలవాలని పిలుపు నిచ్చాడు. అప్పుడు ప్రజలు అతని మాట ప్రకారం నడచుకున్నారు.
ఉజ్జీవం ఒకరినుంచి ఒకరికి వ్యాపించింది. హిజ్కియా ఏవో కొన్ని పాత పద్దతులను తిరిగి ప్రారంభించలేదు గానీ దేవుడు జనులకు సిద్ధపరచిన దానిని బట్టి వారి హృదయాలు మారాయి. అంతకు కొద్దికాలం ముందు తన కోపంలో, దురవస్థలో పాల్గొనాలని ఆహాజు అందరినీ బలవంతం చేశాడు. అయితే ఇప్పుడు ఈ కార్యము అప్పటికప్పుడే జరిగినందున ప్రజల హృదయాలలో సరికొత్త ఉత్సాహం పరవళ్ళు తొక్కింది. 


Shortcut Links
2 దినవృత్తాంతములు - 2 Chronicles : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |