Romans - రోమీయులకు 12 | View All

1. కాబట్టి సహోదరులారా, పరిశుద్ధమును దేవునికి అనుకూలమునైన సజీవ యాగముగా మీ శరీరములను ఆయనకు సమర్పించుకొనుడని దేవుని వాత్సల్యమునుబట్టి మిమ్మును బతిమాలుకొనుచున్నాను. ఇట్టి సేవ మీకు యుక్త మైనది.

2. మీరు ఈ లోక మర్యాదను అనుసరింపక, ఉత్తమమును, అనుకూలమును, సంపూర్ణమునై యున్న దేవుని చిత్తమేదో పరీక్షించి తెలిసికొనునట్లు మీ మనస్సు మారి నూతనమగుటవలన రూపాంతరము పొందుడి.

3. తన్నుతాను ఎంచుకొనతగినదానికంటె ఎక్కువగా ఎంచుకొనక, దేవుడు ఒక్కొకనికి విభజించి యిచ్చిన విశ్వాస పరిమాణప్రకారము, తాను స్వస్థబుద్ధిగలవాడగుటకై తగినరీతిగా తన్ను ఎంచుకొనవలెనని, నాకు అను గ్రహింపబడిన కృపనుబట్టి మీలోనున్న ప్రతి వానితోను చెప్పుచున్నాను.

4. ఒక్క శరీరములో మనకు అనేక అవయవములుండినను, ఈ అవయవములన్నిటికిని ఒక్కటే పని యేలాగు ఉండదో,

5. ఆలాగే అనేకులమైన మనము క్రీస్తులో ఒక్క శరీరముగా ఉండి, ఒకనికొకరము ప్రత్యేకముగా అవయవములమై యున్నాము.

6. మన కనుగ్రహింపబడిన కృపచొప్పున వెవ్వేరు కృపావరములు కలిగినవారమై యున్నాము గనుక,

7. ప్రవచనవరమైతే విశ్వాస పరిమాణముచొప్పున ప్రవచింతము;పరిచర్యయైతే పరిచర్యలోను,

8. బోధించువాడైతే బోధించుటలోను, హెచ్చరించువాడైతే హెచ్చరించుటలోను పనికలిగియుందము. పంచిపెట్టువాడు శుద్ధమనస్సుతోను, పైవిచారణ చేయువాడు జాగ్రత్తతోను, కరుణించు వాడు సంతోషముతోను పని జరిగింపవలెను.

9. మీ ప్రేమ నిష్కపటమైనదై యుండవలెను. చెడ్డదాని నసహ్యించుకొని మంచిదానిని హత్తుకొని యుండుడి.
ఆమోసు 5:15

10. సహోదర ప్రేమ విషయములో ఒకనియందొకడు అనురాగముగల వారై, ఘనతవిషయములో ఒకని నొకడు గొప్పగా ఎంచుకొనుడి.

11. ఆసక్తి విషయములో మాంద్యులు కాక, ఆత్మయందు తీవ్రతగలవారై ప్రభువును సేవించుడి.

12. నిరీక్షణగలవారై సంతోషించుచు, శ్రమయందు ఓర్పు గలవారై, ప్రార్థనయందు పట్టుదల కలిగియుండుడి.

13. పరిశుద్ధుల అవసరములలో పాలుపొందుచు, శ్రద్ధగా ఆతిథ్యము ఇచ్చుచుండుడి.

14. మిమ్మును హింసించువారిని దీవించుడి; దీవించుడి గాని శపింపవద్దు.

15. సంతోషించు వారితో సంతోషించుడి;
కీర్తనల గ్రంథము 35:13

16. ఏడ్చువారితో ఏడువుడి; ఒకనితో నొకడు మనస్సుకలిసి యుండుడి. హెచ్చు వాటియందు మనస్సుంచక తగ్గువాటియందు ఆసక్తులై యుండుడి. మీకు మీరే బుద్ధిమంతులమని అనుకొనవద్దు.
సామెతలు 3:7, యెషయా 5:21

17. కీడుకు ప్రతి కీడెవనికిని చేయవద్దు; మనుష్యు లందరి దృష్టికి యోగ్యమైనవాటినిగూర్చి ఆలోచన కలిగి యుండుడి.
సామెతలు 3:4

18. శక్యమైతే మీ చేతనైనంత మట్టుకు సమస్త మనుష్యులతో సమాధానముగా ఉండుడి.

19. ప్రియులారా, మీకు మీరే పగతీర్చుకొనక, దేవుని ఉగ్రతకు చోటియ్యుడి పగతీర్చుట నా పని, నేనే ప్రతిఫలము నిత్తును అని ప్రభువు చెప్పుచున్నాడని వ్రాయబడి యున్నది.
లేవీయకాండము 19:18, ద్వితీయోపదేశకాండము 32:35

20. కాబట్టి, నీ శత్రువు ఆకలిగొనియుంటే అతనికి భోజనము పెట్టుము, దప్పిగొనియుంటే దాహమిమ్ము; ఆలాగు చేయుటవలన అతని తలమీద నిప్పులు కుప్పగా పోయుదువు.
సామెతలు 25:21-22

21. కీడువలన జయింపబడక, మేలు చేత కీడును జయించుము.



బైబిల్ అధ్యయనం - Study Bible
12:1-2 మనం సరిగా ఎలా స్పందించాలో (ఉదా: కాబట్టి... బతిమాలుకొ నుచున్నాను) ఆదేశపూర్వకంగా సూచించడానికి ముందు పౌలు మనకోసం దేవుడు చేసిన కార్యాలను గూర్చి చెప్పాడు. చెప్పిన విధానంలో మొదట సిద్ధాంతం, తరువాత ధర్మం లేక బాధ్యత ఉన్నాయి. మన యుక్తమైన సేవలో ఆవశ్యకమైనది సజీవయాగముగా మన శరీరములను సమర్పించడం, అంటే దేవుని ఘనతకోసం జీవించడానికి మన సంపూర్ణ వ్యక్తిత్వాన్ని అంకితం చేయడం. క్రైస్తవేతర సమాజంకంటే క్రైస్తవులు భిన్నంగా ఉండాలి. మన మనస్సు మారి నూతనమగుటవలన క్రమంగా రూపాంతరాన్ని.. మనం అనుభవించాలి. పరిశుద్దాత్మ మనలో పనిచేస్తుండగా ప్రార్ధన చేయడం, దేవుని వాక్యాన్ని చదివి, తలపోయడం, ఆరాధించడం, దేవుని కార్యాలను ధ్యానించడం అనే అభ్యాసాల ద్వారా మన మనసు మార్పు చెందుతుంది.

12:3-8 నూతనపరచబడిన మనస్సులో - భాగంగా, క్రైస్తవుడు తన గురించి జ్ఞానయుక్తంగా ఎంచుకొని, క్రీస్తు శరీరం (సంఘం; 1కొరింథీ 12:12-28)లో అతని పని ఏమిటో తెలుసుకోవాలి. విశ్వాస పరిమాణం అంటే ఒకడు సువార్తను బట్టి తనను కొలుచుకోవడం అని కావచ్చు. ఇతరులు దాన్ని భిన్నమైన విశ్వాస పరిమాణాలుగా చూస్తారు. రెండువిధాలుగా కూడా పౌలు క్రైస్తవులను దీనులుగా ఉండి, దేవుడు తమకిచ్చినది సంఘమనే శరీరం మేలు కోసం ఉపయోగించమని ప్రోత్సహిస్తున్నాడు. రోమా 12:3; 1కొరింథీ 12:8-10; ఎఫెసీ 4:11-12; 1 పేతురు 4:10 ఆధారం చేసుకుని, ఇతరుల మేలు కోసం వినియోగించడానికి క్రైస్తవులకు కృపావరములు ఇవ్వబడ్డాయి.
కొ.ని.లో కనీసం 17 రకాల కృపావరాల జాబితాలు కనబడతాయి. క్రైస్తవులు తమ వ్యక్తిగత విశ్వాసాన్ని బట్టి మాత్రమే కాక క్రీస్తు శరీరం
యొక్క వ్యక్తీకరణలైన స్థానిక విశ్వాస సహవాసాలలో వారు కలిసివుండడాన్ని బట్టి నిర్వచింపబడతారు (1కొరింథీ 12:12-31చూడండి). ఈ ప్రస్తుత వాక్యభాగంలో కొన్ని వరములను మాత్రమే వివరించాడు. కొ.ని. సంఘాలలో ప్రవచనం అంటే దేవుని నుండి నేరుగా పొందిన ప్రత్యక్షత. ఈ వరం స్పష్టమైన క్రైస్తవ సత్యాల వెలుగులో తూచబడి ఉపయోగించబడాలి. పరిచర్య (గ్రీకు. "డియాకోనియా") అనే మాటనుండే “డీకన్” (సంఘపెద్ద) అనే మాట పుట్టింది. ఇక్కడ సంఘపెద్ద అంటే పాలకుల బృందంలో సభ్యుడని కాదు గాని సేవకుడు అని అర్థం. ఇది ఒక బిరుదునో లేక పదవినో కాక పరిచర్య వరమును వివరిస్తుంది. కాపరులు ఈ పరిచారక వరం కలిగి ఉండాలి. బోధించుట ఒక ఆవశ్యకమైన వరం. తల్లిదండ్రులు పిల్లలకు నేర్పుతారు, ఎదిగిన విశ్వాసులు నూతన విశ్వాసులకు నేర్పిస్తారు, కాపరి-ఉపదేశక పరిచర్యలో ఉన్నవారు సంఘానికి ప్రధాన బోధకులుగా ఉంటారు. పెద్దలు కూడా బోధింప సమర్థులై ఉండాలి. విశ్వాసులందరూ ఒక స్థాయివరకు నేర్పించగలగాలి కానీ బోధించే ప్రత్యేక వరం గలవారు దాన్ని పెంపొందించుకొని, ఉపయోగించాల్సిన బాధ్యత కలిగి ఉంటారు. హెచ్చరించుట అనేది ప్రోత్సహించి, ప్రేరేపణ కలిగించే వరం. ఈ వరం పరిశుద్దాత్మ చేసే పనివంటిది. పంచిపెట్టుట దాతృత్వంతో చేయాలి. అందరూ ఇవ్వగలరు, కానీ ఇచ్చే సామర్థ్యాలు వేరువేరుగా ఉంటాయి. కొందరు తమకున్న చాలా చిన్నమొత్తంలో నుండి సైతం సంతోషంగా ఇస్తారు (మార్కు 12:41-44, ఇతరులు 90 శాతం ఇచ్చి, 10 శాతం మీద జీవిస్తారు. పై విచారణ చేయుట అంటే ప్రభావవంతమైన దర్శనంతో నడిపించే వరమే కానీ అది గర్వంతో కూడినదై ఉండకూడదు. కరుణించుట అంటే వ్యాధిగస్తులకు, పేదవారికి, విచారగ్రస్తులకు సహాయం చేయడం. ఈ వరాన్ని సంతోషంతో ఉపయోగించాలి. అవసరతలో ఉన్న సభ్యులకు ఆచరణాత్మకమైన సహాయం చేయడం ఆది సంఘాలలో ఉన్న ముఖ్యమైన విషయం. నేటి సంఘాలలో కూడా ఇదే లక్షణాన్ని నొక్కి చెప్పాల్సి ఉంది. 

12:9-16 రూపాంతరం చెందిన ఆలోచనను వరుసగా కొన్ని క్లుప్త హెచ్చరికలలో వివరించాడు. పౌలు దేవుని ప్రేమను ఈ పత్రికలో వివరించాడు; ఇప్పుడు అతడు శిష్యుని "ప్రేమవలన కార్యసాధకమగు విశ్వాసము" (గలతీ 5:6) వైపు దృష్టి మరల్చాడు. క్రైస్తవులు ఒకటే కుటుంబం, వారు ఒకరినొకరు గౌరవించాలి, సహోదర ప్రేమ విషయములో ఒకనియందొకడు అనురాగము గలవారై ఉండాలి. వారు ఆత్మయందు. తీవ్రతగలవారై లేక పరిశుద్దాత్మ చేత రేపబడి, ప్రేరేపించబడి పరిచర్య చేసేవారుగా ఉండాలి. యేసు పునరాగమన నిరీక్షణతో వారు సంతోషించాలి కూడా. వారికున్నదాన్ని ఇచ్చుచూ తోటి సంఘస్తుల సంతోష, విచారాలలో భాగం పంచుకోవాలి. జీవితపు శ్రమలలో, హింసలలో ప్రార్థన చేస్తూ, శరీర అవయవాలుగా ఒకరికొకరు సహాయపడాలి. గర్వం ఒక పెద్ద పాపం, దీనత్వం గొప్ప సుగుణం. ఒకడు తనగురించి తాను హెచ్చుగా తలంచకూడదు. “దేవుడు. అహంకారులను ఎదిరించి దీనులకు కృప అనుగ్రహించును" (1 పేతురు 5:5). 

12:17-21 క్రైస్తవులు తరచు సమాజం నుండి ద్వేషాన్ని, హింసను ఎదుర్కొంటారు. (1 పేతురు 1:6; 2:11-12; 3:14-17; 4:12-16; 5:9). సామాన్యంగా, అలాంటప్పుడు తిరుగబడాలనిపిస్తుంది కానీ క్రైస్తవులు నశించిన, విరోధమైన లోకానికి దేవుని కృపను అందించి పరిచర్య చేయడానికి పిలవబడ్డారు. యేసే మన మాదిరి. సాధ్యమైనంత మట్టుకు మనం సమస్త మనుష్యులతో సమాధానముగా ఉందాలి. సంఘాన్ని హింసించిన సౌలువంటి వారిని కూడా మార్చగల సర్వాధికారి దేవుడు. దేవుడే న్యాయాధిపతి, ఉగ్రతను పంపించేవాడు. దేవుని కృప, ప్రేమలను మన జీవితాలలో కనపరచడమే మన పని. సిలువపై యేసు నందు దేవుడు కీడును జయించాడు. మనలను కీడు జయించకుండా చూచుకుని మేలుచేత కీడును జయించాలి.


Shortcut Links
రోమీయులకు - Romans : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |