Daniel - దానియేలు 4 | View All

1. రాజగు నెబుకద్నెజరు లోకమంతట నివసించు సకల జనులకును దేశస్థులకును ఆ యా భాషలు మాటలాడు వారికిని ఈలాగు సెలవిచ్చుచున్నాడు మీకు క్షేమాభి వృద్ధి కలుగునుగాక.

2. మహోన్నతుడగు దేవుడు నా యెడల చేసిన అద్భుతములను సూచక క్రియలను మీకు తెలియజేయుటకు నాకు మనస్సు కలిగెను.
యోహాను 4:48

3. ఆయన సూచక క్రియలు ఎంతో బ్రహ్మాండమైనవి; ఆయన అద్భుతములు ఎంతో ఘనమైనవి, ఆయన రాజ్యము శాశ్వత రాజ్యము; ఆయన ఆధిపత్యము తరతరములు నిలుచుచున్నది.

4. నెబుకద్నెజరను నేను నా యింట విశ్రాంతియు నా నగరమందు క్షేమమును గలవాడనైయుండి యొక కల కంటిని; అది నాకు భయము కలుగజేసెను.

5. నేను నా పడకమీద పరుండియుండగా నా మనస్సున పుట్టిన తలంపులు నన్ను కలతపెట్టెను.

6. కావున ఆ స్వప్నభావము నాకు తెలియజేయుటకై బబులోను జ్ఞానులనందరిని నా యెదుటికి పిలువనంపవలెనని ఆజ్ఞ నేనిచ్చితిని.

7. శకున గాండ్రును గారడీవిద్యగలవారును కల్దీయులును జ్యోతిష్యులును నా సన్నిధికి రాగా నేను కనిన కలను వారితో చెప్పితిని గాని వారు దాని భావమును నాకు తెలుపలేక పోయిరి.

8. కడపట బెల్తెషాజరను నా దేవత పేరునుబట్టి బిరుదుపొందిన దానియేలను వాడు నా యెదుటికి వచ్చెను; పరిశుద్ధ దేవతల ఆత్మ అతనియందుండెను,కావున నేనతనికి నా కలను చెప్పితిని.

9. ఎట్లనగా శకునగాండ్ర అధిపతి యగు బెల్తెషాజరూ, పరిశుద్ధ దేవతల ఆత్మ నీయందున్న దనియు, ఏ మర్మము నిన్ను కలతపెట్టదనియు నేనెరుగుదును గనుక నేను కనిన కలయు దాని భావమును నాకు తెలియ జెప్పుము.

10. నేను నా పడకమీద పరుండియుండగా నాకు ఈ దర్శనములు కలిగెను; నేను చూడగా భూమిమధ్యను మిగుల ఎత్తుగల యొక చెట్టు కనబడెను.

11. ఆ చెట్టు వృద్ధి పొంది బ్రహ్మాండమైనదాయెను; దాని పైకొమ్మలు ఆకా శమునకంటునంత ఎత్తుగాను దాని ఆకారము భూతలమంత విశాలముగాను ఉండెను.

12. దాని ఆకులు సొగసుగాను దాని పండ్లు విస్తారముగాను కనబడెను. అందులో సమస్త జీవకోట్లకు చాలునంత ఆహారముండెను; దాని నీడను అడవిజంతువులు పండుకొనెను, దాని కొమ్మలలో ఆకాశ పక్షులు కూర్చుండెను; సకల మనుష్యులకు చాలునంత ఆహారము దానియందుండెను.
మత్తయి 13:32, మార్కు 4:32, లూకా 13:19

13. మరియు నేను నా పడక మీద పండుకొనియుండి నా మనస్సునకు కలిగిన దర్శనము లను చూచుచుండగా,

14. జాగరూకుడగు ఒక పరిశుద్ధుడు ఆకాశమునుండి దిగి వచ్చి ఈలాగు బిగ్గరగా ప్రకటించెను ఈ చెట్టును నరికి దాని కొమ్మలను కొట్టి దాని ఆకులను తీసివేసి దాని పండ్లను పారవేయుడి; పశువులను దాని నీడనుండి తోలివేయుడి; పక్షులను దాని కొమ్మలనుండి ఎగురగొట్టుడి.

15. అయితే అది మంచునకు తడిసి పశువుల వలె పచ్చికలో నివసించునట్లు దాని మొద్దును ఇనుము ఇత్తడి కలిసిన కట్టుతో కట్టించి, పొలములోని గడ్డిపాలగు నట్లు దానిని భూమిలో విడువుడి.

16. ఏడు కాలములు గడచువరకు వానికున్న మానవమనస్సునకు బదులుగా పశువు మనస్సు వానికి కలుగును.

17. ఈ ఆజ్ఞ జాగరూకులగు దేవదూతల ప్రకటన ననుసరించి జరుగును, నిర్ణయ మైన పరిశుద్ధుల ప్రకటన ననుసరించి సంభవించును. మహోన్నతుడగు దేవుడు మానవుల రాజ్యముపైని అధికారియైయుండి, తానెవరికి అనుగ్రహింప నిచ్ఛయించునో వారికనుగ్రహించుననియు, ఆ యా రాజ్యము పైన అత్యల్ప మనుష్యులను ఆయన నియమించుచున్నాడనియు మనుష్యులందరు తెలిసికొనునట్లు ఈలాగు జరు గును.

18. బెల్తెషాజరూ, నెబుకద్నెజరను నాకు కలిగిన దర్శనము ఇదే; నీవు తప్ప నా రాజ్యములో మరి ఏ జ్ఞానియు దాని భావము నాకు చెప్ప నేరడు. నీయందు పరిశుద్ధ దేవతల ఆత్మయున్నది గనుక నీవేదానిని చెప్ప సమర్థుడ వంటిని.

19. అందుకు బెల్తెషాజరను దానియేలు ఒక గంటసేపు అతి విస్మయమునొంది మనస్సునందు కలవరపడగా, రాజు-బెల్తెషాజరూ, యీ దర్శనమువలన గాని దాని భావము వలన గాని నీవు కలవరపడకుము అనెను. అంతట బెల్తెషాజరు నా యేలినవాడా, యీ దర్శనఫలము తమరిని ద్వేషించు వారికి కలుగునుగాక, దాని భావము తమరి శత్రువులకు చెందునుగాక,

20. తాము చూచిన చెట్టు వృద్ధి నొంది బ్రహ్మాండమైనదాయెను; దాని పైకొమ్మలు ఆకాశమునకంటునంత ఎత్తుగాను దాని ఆకారము భూతలమంత విశాలముగాను ఉండెను.

21. దాని ఆకులు సొగసుగాను దాని పండ్లు విస్తారములుగాను కనబడెను, అందులో సమస్త జీవకోట్లకు చాలినంత ఆహారముండెను, దాని నీడను అడవిజంతువులు పండుకొనెను, దాని కొమ్మలలో ఆకాశపక్షులు కూర్చుండెనుగదా
లూకా 13:19

22. రాజా, ఆ చెట్టు నిన్ను సూచించుచున్నది; నీవు వృద్ధిపొంది మహా బలముగలవాడ వైతివి; నీ ప్రభావము వృద్ధినొంది ఆకాశమంత ఎత్తాయెను; నీ ప్రభుత్వము లోకమంతట వ్యాపించియున్నది.

23. చెట్టును నరుకుము, దాని నాశనము చేయుము గాని దాని మొద్దును భూమిలో ఉండనిమ్ము; ఇనుము ఇత్తిడి కలిసిన కట్టుతో ఏడు కాలములు గడచువరకు పొలములోని పచ్చికలో దాని కట్టించి, ఆకాశపుమంచుకు తడవనిచ్చి పశువులతో పాలుపొందనిమ్మని జాగరూకుడగు ఒక పరిశుద్ధుడు పరలోకమునుండి దిగివచ్చి ప్రకటించుట నీవు వింటివి గదా.

24. రాజా, యీ దర్శనభావమేదనగా, సర్వోన్నతుడగు దేవుడు రాజగు నా యేలినవానిగూర్చి చేసిన తీర్మానమేదనగా

25. తమయొద్ద నుండకుండ మనుష్యులు నిన్ను తరుముదురు, నీవు అడవి జంతువుల మధ్య నివాసము చేయుచు పశువులవలె గడ్డి తినెదవు; ఆకాశపు మంచు నీమీదపడి నిన్ను తడుపును; సర్వోన్నతుడగు దేవుడు మానవుల రాజ్యముపైన అధికారియై యున్నాడ నియు, తానెవనికి దాని ననుగ్రహింప నిచ్ఛయించునో వానికి అనుగ్రహించుననియు నీవు తెలిసికొనువరకు ఏడు కాల ములు నీకీలాగు జరుగును.

26. చెట్టుయొక్క మొద్దునుండ నియ్యుడని వారు చెప్పిరిగదా దానివలన సర్వోన్నతుడు అధికారియని నీవు తెలిసికొనిన మీదట నీ రాజ్యము నీకు మరల ఖాయముగ వచ్చునని తెలిసికొమ్ము.

27. రాజా, నా యోచన నీ దృష్టికి అంగీకారమగును గాక; ఒకవేళ నీవు నీ పాపములుమాని నీతి న్యాయముల ననుసరించి, నీవు బాధపెట్టిన వారియందు కరుణ చూపినయెడల నీకున్న క్షేమము నీకికమీదట నుండునని దానియేలు ప్రత్యుత్తర మిచ్చెను.

28. పైన జెప్పినదంతయు రాజగు నెబుకద్నెజరునకు సంభవించెను.

29. పండ్రెండు నెలలు గడచిన పిమ్మట అతడు తన రాజధానియగు బబులోనులోని నగరునందు సంచరించుచుండగా

30. రాజుబబులోనను ఈ మహా విశాలపట్టణము నా బలాధికారమును నా ప్రభావఘనతను కనపరచుటకై నా రాజధాని నగరముగా నేను కట్టించినది కాదా అని తనలో తాననుకొనెను.
ప్రకటన గ్రంథం 14:8, ప్రకటన గ్రంథం 16:19, ప్రకటన గ్రంథం 17:5, ప్రకటన గ్రంథం 18:2-10

31. రాజు నోట ఈ మాట యుండగా ఆకాశమునుండి యొక శబ్దము వచ్చెను, ఏదనగా రాజగు నెబుకద్నెజరూ, యిదే నీకు ప్రకటన నీ రాజ్యము నీయొద్దనుండి తొలగిపోయెను.

32. తమయొద్ద నుండి మనుష్యులు నిన్ను తరిమెదరు; నీవు అడవిజంతువుల మధ్య నివాసము చేయుచు పశువులవలె గడ్డి మేసెదవు; సర్వోన్నతుడగు దేవుడు మానవుల రాజ్యముపైన అధికారి యైయుండి, తానెవనికి దాని అనుగ్రహింప నిశ్చయిం చునో వానికి అనుగ్రహించునని నీవు తెలిసికొనువరకు ఏడు కాలములు నీకీలాగు జరుగునని చెప్పెను.

33. ఆ గడియలోనే ఆలాగున నెబుకద్నెజరునకు సంభ వించెను; మానవులలోనుండి అతని తరిమిరి, అతడు పశువులవలె గడ్డిమేసెను, ఆకాశపుమంచు అతని దేహమును తడపగా అతని తలవెండ్రుకలు పక్షిరాజు రెక్కల ఈకెలవంటివియు అతని గోళ్లు పక్షుల గోళ్లవంటివియు నాయెను.

34. ఆ కాలము గడచిన పిమ్మట నెబుకద్నె జరను నేను మరల మానవబుద్ధిగలవాడనై నా కండ్లు ఆకాశము తట్టు ఎత్తి, చిరంజీవియు సర్వోన్నతుడునగు దేవుని స్తోత్రముచేసి ఘనపరచి స్తుతించితిని; ఆయన ఆధిపత్యము చిరకాలమువరకు ఆయన రాజ్యము తరతరములకు నున్నవి.
ప్రకటన గ్రంథం 4:9-10

35. భూనివాసులందరు ఆయన దృష్టికి ఎన్నికకు రానివారు; ఆయన పరలోక సేనయెడలను భూనివాసులయెడలను తన చిత్తము చొప్పున జరిగించువాడు; ఆయన చేయి పట్టుకొని నీవేమి చేయుచున్నావని ఆయనతో చెప్పుటకు ఎవడును సమర్థుడుకాడు.

36. ఆ సమయమందు నా బుద్ధి మరల నాకు వచ్చెను, రాజ్య సంబంధమగు ప్రభావమును నా ఘనతయు నా తేజస్సును నాకు కలిగెను; నా మంత్రులును నా క్రిందియధిపతులును నాయొద్ద ఆలోచన చేయ వచ్చిరి. నా రాజ్యము నాకు స్థిరపడగా నేను మరి ఎక్కువ ఘనత నొందితిని.

37. ఈలాగు నెబుకద్నెజరను నేను పరలోకపు రాజుయొక్క కార్యములన్నియు సత్యములును, ఆయన మార్గములు న్యాయములునై యున్న వనియు, గర్వముతో నటించు వారిని ఆయన అణపశక్తు డనియు, ఆయనను స్తుతించుచు కొనియాడుచు ఘన పరచుచు నున్నాను.
యోహాను 4:48



బైబిల్ అధ్యయనం - Study Bible
4:1-3 ఈ వచనాలు అరామిక్ భాషలోని మూలప్రతిలో నాల్గవ అధ్యాయానికి ప్రారంభంగా కాక, మూడవ అధ్యాయానికి ముగింపుగా ఉన్నాయి. నాల్గవ అధ్యాయానికి ఒక ఉపోద్ఘాతంగా ఉన్న ఈ వచనాల్లో చెప్పబడిన అద్భుతాలు, సూచక క్రియలు ఈ అధ్యాయంలోని కలను దాని తరువాతి పరిణామాలను సూచిస్తున్నాయి. 

4:4-36 రాజైన నెబుకద్నెజరుకు ఈ కల వచ్చిన కాలం గురించి వాక్యభాగంలో ఏ సూచనా లేదు. అయినా ఈ వాక్యభాగ వివరణకు అలాంటి సూచన అవసరం లేదు కూడా. బహుశా ఈ కల నలభై మూడు సంవత్సరాల అతని పరిపాలనా కాలంలో చివరి పది సంవత్సరాల ముందు వచ్చి ఉండవచ్చు. ఏడు సంవత్సరాల ఉన్మాదస్థితికి ముందు, దేవుడు తన కృప చూపించి అతడు పశ్చాత్తాపపడడానికి ఒక సంవత్సర కాలాన్ని ఇచ్చాడు. నెబుకద్నెజరు ఉన్మాదస్థితి నుండి బాగైన తర్వాత, రెండు లేక మూడు సంవత్సరాలు పరిపాలించి, క్రీ.పూ. 562 లో మరణించాడు. ఈ వృత్తాంతం గురించి నెబుకద్నెజరు స్వయంగా లిఖించి ఉండవచ్చనడంలో ఏ సందేహం లేదు. అయినా గ్రంథకర్తగా దానియేలు రాజు గురించి ఈ విభాగాన్ని వ్రాసి ఉండవచ్చు, ఎందుకంటే ఈ విభాగం రాజు తన గురించి తాను చెప్తున్నట్టు చూపిస్తూ (వ.28-33), అతనికి మానసికంగా కుదురుబాటు లేని కాలం గురించి తెలియజేస్తుంది. 
ఈ అధ్యాయంలో మూడు విభాగాలున్నాయి: (1) రాజు నిజదేవుణ్ణి స్తోత్రించిన పీఠిక (వ.1-3}; (2) రాజుకు వచ్చిన కల, కలభావాన్ని దానియేలు వివరించడం, రాజు అనారోగ్యం, పశ్చాత్తాపం మొదలైన సంఘటనల్ని వివరించే కథనం (వ.4-34), (3) రాజు నిజదేవుని సర్వాధిపత్యాన్ని ప్రకటించే ముగింపు మాటలు (వ.34-37), కలతో మొదలై, తరువాతి సంవత్సరంతో బాటు, రాజు మానసిక అనారోగ్యంతో గడిపిన ఏడు సంవత్స రాలు వెరసి కథాకాలం ఎనిమిది సంవత్సరాలు. 

4:7 నెబుకద్నెజరు తన కలను వివరించడానికి నాలుగు వర్గాల జ్ఞానుల్ని పిలిపించాడు. రెండవ అధ్యాయంలోని కల లాగా కాక, రాజు వీరికి తన కలను వారితో చెప్పినట్టు కనబడుతుంది. అయితే ఇంతకు మునుపు లాగానే రాజుకు వారు దాని భావమును తెలుపలేకపోయిరి అని తెలుస్తుంది. 

4:8 దానియేలులో పరిశుద్ధ దేవతల ఆత్మ ఉందని రాజు గుర్తించాడు. రాజు ఇంకా బహుదేవతారాధనలోనే తన విశ్వాసాన్ని కొనసాగిస్తున్నట్టు అనిపిస్తుంది. అయితే అతడు అంతక్రితమే నిజదేవుని ద్వారా క్రమపరచబడ్డాడు కాబట్టి (3:24-30), నిజదేవుడు మాత్రమే నిగూఢమైన వాటిని వెల్లడి చేయగలడని (2:47) అతనికి తెలుసు కాబట్టి, ఈ మాటల్ని “పరిశుద్ధ దేవుని ఆత్మ అతని యందుండెను” అని ప్రత్యామ్నాయ అనువాదం చేయడం సరైనదే అవుతుంది. ఈ వచనంతో మొదలై ఈ అధ్యాయంలో పలుచోట్ల దానియేలును బెల్లెషాజరను అనే బబులోను పేరుతో ప్రస్తావించడం జరిగింది. ఇందుకు కారణం బహుశా ఈ విభాగాన్ని చెరలో ఉన్న హెబ్రీయుల దృష్టిలో కాక, బబులోను రాజు దృక్పథం ప్రకారం రాసి ఉండడం కావచ్చు. 

4:10-12 చెట్టు... ఆకాశమునకంటునంత ఎత్తుగాను ఉన్నట్టు రాజుకు కల వచ్చింది. ఆది 11:4 లో బాబెలు గోపురం గురించి కూడా ఇదే వర్ణన (“ఆకాశమునంటు”) కనబడుతుంది. ఈ చెట్టు భూమ్మీద ఉన్న సకల ప్రాణులకు ఆహారాన్ని, వసతిని యిచ్చింది. 

4:13-14 జాగరూకుడగు పరిశుద్దుడు అంటే ఒక దేవదూత.

4:15-17 దాని మొద్దును... భూమిలో విడిచి పెట్టాలనే వాస్తవం అతని జీవితకాల కొనసాగింపును తెలియజేస్తుంది. ఇనుము ఇత్తడి కలిసిన కట్టుతో మొద్దును కట్టించడం దాని భద్రతను సూచిస్తుంది. ఏడు కాలములు (సంవత్సరములు) గడచువరకు వానికున్న మానవమనస్సునకు బదులుగా పశువు మనస్సు వానికి కలుగును అని ఉండడం బట్టి చెట్టు ఇక్కడ ఒక మనిషిని (రాజును) సూచిస్తుంది. 

4:19 రాజుమీదకు రానున్న ఈ ఘోరమైన శిక్ష, రాజుకు నమ్మదగిన సేవకుడైన దానియేలును కలవరపెట్టింది.

4:22-26 చెట్టు. రాజైన నెబుకద్నెజరును సూచిస్తుంది, అతడు మానసిక అనారోగ్యంపాలై, బయట అడవి జంతువుల మధ్య నివసిస్తూ, తన గర్వాన్ని వీడి పశ్చాత్తాపపడి, సర్వోన్నతుడగు దేవుడు మానవుల రాజ్యముపైన అధికారియై యున్నాడనియు తెలుసుకొనే వరకు ఏడు కాలములు (సంవత్సరములు) గడపవలసి ఉంటుంది. పాత నిబంధనలో ఇక్కడ ఒక్క చోట మాత్రమే దేవునికి బదులు పరలోకాన్ని సూచించే దానివలన అనే పదాన్నుపయోగించడం జరిగింది, ఈ పదానికి మూలభాషలో “ఆకాశములు అధికారమని” భావం. 

4:27 రాజు. మీదకు దేవుని నుండి శిక్ష రాకుండా ఉండాలంటే అతడు పశ్చాత్తాపపడాలని (నీతిన్యాయముల ననుసరించి) దానియేలు రాజుకు సూచించాడు.

4:29-30 నెబుకద్నెజరుకు బబులోను నగరంలో మూడు కంటే ఎక్కువగానే రాజప్రాసాదాలున్నాయి. వాటిలో ఒకదానిలో అతడు సంచరించుచుండగా (రాజప్రాసాదపు మేడమీద నడుస్తున్నప్పుడు) నగరం అందాలను చూచి ముగ్గుడై గర్వించాడు. ఈ మహా విశాలపట్టణము నా బలాధికారమును నా ప్రభావఘనతను కనబరచుటకై... నేను (అక్షరార్థంగా, “నేనే, నా అంతట నేనే”) కట్టించినది కాదా అని తనలో తాను తలంచాడు. నెబుకద్నెజరు తనను తాను ఘనుడుగా, బలశాలిగా ప్రకటించుకున్నాడు గాని, దేవుడే , అన్ని మంచి వరాల ప్రదాతగా ఆయనకు ఘనతా మహిమల్ని ఇవ్వలేదు. అనేక సంవత్సరాల తర్వాత, అపొస్తలుడైన పౌలు కొరింథీయుల గర్వాన్ని మందలిస్తూ "...నీకు ఆధిక్యము కలుగజేయువాడు ఎవ్వడు? నీకు కలిగినవాటిలో పరుని వలన నీవు పొందనిది ఏది? పొంది యుండియు పొందనట్టు నీవు అతిశయింపనేల?” అని చెప్పాడు (1కొరింథీ 4:7). 

4:31 నెబుకద్నెజరు మీదకు వచ్చే శిక్షను ఒక సంవత్సరం పాటు ఆలస్యం చేసిన (వ.28) దేవుడు, రాజు గర్వంతో అతిశయించిన మరుక్షణంలోనే, ఎంత శ్రీఘ్రంగానంటే రాజు నోట ఈ మాట యుండగానే తక్షణమే శిక్షించాడు. 

4:33 నెబుకద్నెజరు బహుశా బోఆంత్రపీ అనే అరుదైన మానసిక వ్యాధితో బాధపడి ఉండవచ్చు, ఈ జబ్బు ఉన్నవారు తాము నిజంగానే పశువులమైనట్టుగా భావిస్తారు. ఆధునిక కాలంలో ఈ జబ్బుతో ఉన్న ఒకానొక రోగికి తలవెండ్రుకలు పెరిగి అట్టలు కట్టాయి, చేతి గోర్లు మందంగా పెరిగాయి. నెబుకద్నెజరు తలవెండ్రుకలు పక్షిరాజు రెక్కల ఈకెలవంటివియు అతని గోళ్లు పక్షుల గోళ్లవంటివియు అయ్యాయి. విమర్శకులు మటుకు నెబుకద్నెజరుకు ఇటువంటి జబ్బు వచ్చినట్టు చరిత్ర గ్రంథాల్లో ఆధారాలు లేవని చెబుతారు. ఏదేమైనా, ప్రాచీన పశ్చిమాసియాలో ఒక నియంత తన ఘనకార్యాలను, విజయాలను లిఖింపజేయడానికి ఉద్దేశించిన చరిత్ర గ్రంధాల్లో తన ఉన్మాదస్థితిని గురించి రాయిస్తాడని భావించడం ప్రశ్నార్థకమే. విభ్రాంతి కలిగించే ఈ వృత్తాంతం గురించి సమాచారం లేకపోవడాన్ని అర్థం చేసుకోవచ్చు. పైగా, సంఘ చరిత్రకారుడైన యూసిబియస్ క్రీ.పూ. మూడవ శతాబ్దానికి చెందిన అబిడెనసు ఉదాహరిస్తూ, నెబుకద్నెజరును "దేవత ఆవహించిన” కాలం గురించి అతడు ప్రస్తావించాడని తెలియజేశాడు. క్రీ.పూ. మూడవ శతాబ్దానికి చెందిన బెరోసస్ అనే చరిత్రకారుడు కూడా నెబుకద్నెజరు మరణించడానికి ముందు అతనికి వచ్చిన జబ్బు గురించి చెబుతూ సూచించిన సంఘటనలు బహుశా ఇవే అయ్యుండవచ్చు. 

4:34 బోఆంత్రపీ అనే అరుదైన ఈ వ్యాధి వచ్చిన రోగి తనకు ఏం జరుగుతున్నదో తెలుసుకోలేని, ఆలోచించలేని స్థితిలో ఉండడు, అంటే గుర్తించడం సాధ్యమే. నెబుకద్నెజరు తన స్థితిని గుర్తించి తన గర్వం విషయంలో పశ్చాత్తాపపడి దేవుని సర్వోన్నత స్థితిని అంగీకరించాడు. వెంటనే అతని మానవబుద్ది అతనికి తిరిగి వచ్చింది, దేవుడు ఈ శిక్షను తొలగించాడనడానికి ఇదే సంకేతం. 

4:34-36 ఈ వృత్తాంతంలో తుదిగా నెబుకద్నెజరు దేవుణ్ణి మహిమపర్చాడు, ఆయన ఆధిపత్యము చిరకాలము వరకు ఉంటుందని దేవుణ్ణి స్తోత్రించాడు, ఇది దానియేలు గ్రంథ ముఖ్యాంశాన్ని సరిగ్గా సంక్షిప్త పరుస్తుంది.

 4:37 ఈ అధ్యాయంలోని చివరి వచనం ఈ వృత్తాంతం యొక్క సారాంశాన్ని - గర్వముతో నటించువారిని ఆయన అణపశక్తుడని తెలియజేస్తుంది. అన్యరాజైన నెబుకద్నెజరు నిజదేవుని రక్షణ జ్ఞానంలోకి వచ్చాడని కొందరు నమ్మరు, అయితే వచ్చి ఉండవచ్చు....


Shortcut Links
దానియేలు - Daniel : 1 | 2 | 3 | 4 | 5 | 6 | 7 | 8 | 9 | 10 | 11 | 12 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |