కీర్తన-69. తాను ఏ పాపమూ చేయలేదని ఎరిగి ఉండి కూడా అనవసరంగా సుడులు తిరుగుతూ ప్రవహిస్తున్న వరదలో మునిగిపోతున్న వ్యక్తిలా తన శ్రమల్లో తాను మునిగిపోయానని భయపడుతూ ఆ పరిస్థితినుండి తనను కాపాడే దేవుని ఎడతెగని ప్రేమను గుర్తించి ఆయనకు చేసిన విజ్ఞాపన.
శీర్షిక: షోషన్నీయులను రాగము గురించి కీర్తన 45 శీర్షిక నోట్సు చూడండి.
69:1-36 నన్ను రక్షించుము. కీర్తన 22 తర్వాత కొత్త నిబంధనలో అతి తరచుగా ప్రస్తావించిన కీర్తనలలో ఇది ఒకటి. వ.4- యోహాను 15:25; వ. 9- యోహాను 2:17; రోమా 15:3; వ.22-24 రోమా 11:9-10; వ.25- అపొ.కా.1:20. ఈ కీర్తనను ఈ క్రింది విధంగా వివరించవచ్చు: (1) దేవునికి, ఆయన నీతి మార్గాలకు నమ్మకంగా జీవిస్తున్న కారణంగా అనేక విధాల శ్రమలనుభవిస్తూ నిరాశా నిస్పృహలలో మునిగిపోయిన ఒక వ్యక్తి వర్ణన దీనిలో చూస్తాం (వ.7-12). దేవుడు ఆజ్ఞాపించిన విధానంలో ఆయనను ఆరాధించాలని ఆ వ్యక్తి కోరుకుంటున్నాడు (వ.9-12). సంప్రదాయం ఈ కీర్తనను దావీదుకు ఆపాదిస్తున్నప్పటికీ దీనిని హిజ్కియా గానీ (2రాజులు 18-20; 2దిన 29-32తో పోల్చండి), యిర్మీయా.గానీ (యిర్మీయా 11:19; 12:1తో పోల్చండి), లేక ప్రవాసానంతరం దేవాలయాన్ని పునర్నిర్మించాలని కోరుకొనే పేరు తెలియని ఒక యూదుడు గానీ రాసి ఉండొచ్చు. (వ.9తో పోల్చండి). (2) ఈ కీర్తనలోని కొన్ని భాగాలు యేసు శ్రమలను ముందుగా తెలియజేస్తున్నాయి. అయితే వ.5 లోని ఒప్పుకోలు, వ.22-28 లోని శాపాలు క్రీస్తుకు అన్వయించలేము.
69:1-2 లోతైన బావిలాంటి అగాధజలాల్లో మునిగిపోవడం, బురద ఊబిలో దిగబడిపోవడం అనే సాదృశ్యం ప్రాణానికి ముప్పు తెచ్చే అపాయాల్ని వర్ణిస్తుంది (40:2 నోట్సు చూడండి). వరదలు అనే పదం కూడా ప్రమాదాన్ని సూచిస్తుంది (18:4-5; 32:6-7).
69:3 మనోవేదన వలన, శ్రమపడడం వలన తరచూ శరీరం అలసట చెందుతుంది (6:2 నోట్సు చూడండి).
69:4 నీతిమంతులకంటె దుష్టులు అధికసంఖ్యలో ఉండడం వారు దేవుని సంకల్పాన్ని వ్యతిరేకించేలా చేస్తుంది. ఈ వచనం యోహాను 15:25 లో యేసుకు వర్తింపజేయబడింది.
69.5 నీకు మరుగైనవి కావు - ఈ వచనం పాపపుచొప్పుకోలును సూచిస్తున్నది. కీర్తనకారున్ని దేవునితో సహవాసానికి దూరం చేసేవి ఏవీ లేవు (17:1; 26:1; 66:18-20 చూడండి).
69:6-7 సిగ్గు కలుగనియ్యకుము... నా వలన అవమానము నొంద నియ్యకుము - ఈ మాటలు కీర్తనకారుడు తన పాపాలవలన సిగ్గు, అవమానం పొందడాన్ని సూచించడం లేదు. ఎందుకంటే అవి దేవునికి “మరుగైనవి కావు” (వ.5). వ.7 లోని సిగ్గు అనే పదం కీర్తనకారుడు దేవుని కోసం నింద భరించడాన్ని సూచిస్తున్నది. ఇక్కడ విషయమేమిటంటే కీర్తనకారుని శ్రమల్ని యెహోవా తొలగించకపోయినట్లయితే ఇతరులు యెహోవాలో విశ్వాసం కోల్పోయే ప్రమాదం ఉంది.
69:8 అన్యుడనైతిని అనే మాట బయటి వ్యక్తిని సూచిస్తుంది. (54:2-3 నోట్సు చూడండి), శ్రమల్లో బాధల్లో ఉన్నవారికి స్నేహితులు కుటుంబసభ్యులు దూరం కావడం ఎప్పటినుంచో ఉన్న అనుభవమే (31:11-12 నోట్సు చూడండి).
69:9 నీ ఇంటిని గూర్చిన ఆసక్తి నన్ను భక్షించి యున్నది. దేవుని మందిరం, ఆయన రాజ్యం గూర్చిన నైతిక ఆసక్తి కారణంగా కీర్తనకారుడు తిరస్కారాన్ని, అవమానాన్ని, పరాధీనతను భరిస్తున్నాడు (వ.6-9). అతడు పాపానికి వ్యతిరేకంగా మాట్లాడి దేవుని ప్రజలలో పునరుద్ధరణ, శుద్ధీకరణ, ఉజ్జీవం కోసం వాదించాడు. ఇలా చేసినందుకు ఆధ్యాత్మికంగా సుఖంగా ఉన్న వారినుండి శ్రమలనెదుర్కొన్నాడు. (వ.9-11). యెహోవాకు, కీర్తనకారునికి మధ్య ఉన్న లోతైన సహవాసాన్ని బట్టి యెహోవాను నిందించాలనుకున్నవారు కీర్తనకారునిపై నిందలు మోపారు. కీర్తనకారున్ని యెహోవాకు చెందిన వ్యక్తిగా చూశారు కాబట్టి యెహోవాను వ్యతిరేకించేవారు కీర్తనకారున్ని వ్యతిరేకించారు. ఇది దేవుని శత్రువులు, ఆయన ప్రజల శత్రువులు ఒకరేననే వాస్తవాన్ని తెలియజేస్తున్నది (139:21). కొత్త నిబంధనలో, ఈ వచనంలోని రెండు పంక్తులు యేసుకు వర్తిస్తాయి. నాటి ప్రజలు యేసును వ్యతిరేకించారు, ఆయన మీద నిందలు మోపారు (యోహాను 2:17; రోమా 15:3).
69:10-12 నిందాస్పదమాయెను... హాస్యాస్పదుడనైతిని (హెబ్రీ. మాషాల్) - 44:13-16 నోట్సు చూడండి. పాటలు పాడుదురు గురించి యోబు 30:9; విలాప 3:13-14 చూడండి.
69:13 కీర్తనకారుడు దీనుడై యెహోవాను ప్రార్థించుచున్నాడు. ఇది వ.12 లో శత్రువులు. కీర్తనకారున్ని చూచి హేళనగా పాటలు పాడడానికి పూర్తిగా భిన్నంగా కనబడుతుంది.
69:14-15 ఈ వచనాల్లోని వర్ణన కోసం వ. 1-2 నోట్సు చూడండి. అగాధజలము... అగాధ సముద్రము అనేవి మృత్యువుకు సాదృశ్యాలు, వీటిలో పడినవారిని ఇవి “మ్రింగి" వేస్తాయనే వ్యక్తిత్వారోపణ ఇక్కడ కనబడుతుంది (28:1 నోట్సు చూడండి).
69:16 దేవుడు కృప... వాత్సల్యబాహుళ్యత గలవాడు కాబట్టి తన ప్రార్ధనకు జవాబిస్తాడని కీర్తనకారునికి తెలుసు.
69:17-18 దేవుడు. విముఖుడుగా ఉండడం తిరస్కారాన్ని సూచిస్తున్నది (10:1-2; 13:1 నోట్సు చూడండి).
69:19-20 కీర్తనకారుడు తనను. ఓదార్చువారి కొరకు చూస్తున్నాడనే ప్రస్తావన యోబు పరిస్థితికి దగ్గరగా ఉంది, యోబుకు అతని స్నేహితుల నుండి సరైన ఓదార్పు అందలేదు (యోబు 16:2).
69:21 చేదు... చిరక దప్పి తీర్చలేవు. ఈ వచనంలో ఇవి అలంకారిక దృష్టాంతంగా కనబడుతున్నా, యేసు శ్రమపడుతున్నప్పుడు వీటినివ్వడం అక్షరాలా నిజమే (మత్తయి 27:34, 48; యోహాను 19:28-29).
69:22 ఇక్కడ చెప్పింది విందు భోజనము కాక బల్యర్పణకు సంబంధించిన భోజనం కావచ్చు.
ఇదే నిజమైతే యెహోవా సన్నిధిలో భోజనం చేయడం “దోషం” అవుతుంది. (వ.27), దేవునికి అవమానం కలిగించినట్లవుతుంది. ఆయన ఉగ్రతకు కారణమవుతుంది. (వ.23-25).
69:23-25 ఈ మనవులు శపథాల్లాగా కనబడుతున్నాయి. తన శత్రువుల మీద దేవుని తీర్పు రావాలని కీర్తనకారుడు కోరుకుంటున్నాడు (109:1-31). శత్రువుల గుడారములలో ఎవడును ఉండక అవి ఖాళీ అయిపోవాలని కోరుకోవడం వారు పూర్తిగా నిర్మూలమైపోవాలనే కీర్తనకారుని విన్నపాన్ని తెలియజేస్తున్నది.
69:26 యెహోవా కీర్తనకారున్ని బాగుచేసి, సంపూర్ణుని చేయడం చూసిన దుష్టులు అతన్నింకా ఎక్కువగా బాధించారు. అతని మనసు గాయపడేలా అవమానిస్తూ మాట్లాడారు.
69:27 దోషము అంటే శిక్షారమైన తప్పిదం (32:5). కీర్తనకారుని శత్రువులు దేవుని శిక్షకు తగినవారే..
69:28 జీవగ్రంథము వేరు, శ్రమననుభవిస్తున్నవారి పేర్లు, వారి ప్రార్ధనలు ఉన్న “కవిలె” వేరు (56:8 నోట్సు చూడండి), ప్రతి ఒక్కరి క్రియలున్న “పుస్తకపు చుట్ట" వేరు. జీవగ్రంథం బహుశా నీతిమంతుల పేర్లుండే గ్రంథం కావచ్చు. (నిర్గమ 32:32; దాని 12:1; ప్రకటన 3:5; 13:8; 17:8; 20:12,15; 21:27)...
69:29-30 విన్నపం చేసేటప్పుడు మ్రొక్కుబడులు పరిపాటి. వీటిని కృతజ్ఞతాస్తుతులతో చెల్లించడం జరుగుతుంది (22:25-26; 50:14-15).
69:31 దేవుడు బలులకంటె ఎక్కువగా విధేయతను చూచి సంతోషిస్తాడు (40:6-8; 50:7-13 నోట్సు చూడండి). కొమ్ములు ఉన్న ఎద్దు మంచి వయసులో ఉన్న జంతువు. డెక్కలు గలవి బలి ఇవ్వడానికి పనికి వచ్చే జంతువులు.
69:32-33 బాధపడువారు... దరిద్రుల గురించి 34:6; 35:9-10 నోట్సు చూడండి.
69:34-35 ఈ వచనాల్లో సృష్టికి వ్యక్తిత్వారోపణ కనబడుతుంది. దేవుడు తన ప్రజల కోసం చేసిన కార్యాలకు భూమ్యాకాశాలు సాక్షులు (19:1; 50:4-6 నోట్సు చూడండి). సృష్టి దేవుని రక్షణకార్యాలు చూచి ఆయనను స్తుతించుచున్నది.