Acts - అపొ. కార్యములు 11 | View All

1. అన్యజనులును దేవుని వాక్యమంగీకరించిరని అపొస్తలులును యూదయ యందంతటనున్న సహోదరులును వినిరి.

2. పేతురు యెరూషలేమునకు వచ్చినప్పుడు సున్నతి పొందినవారు

3. నీవు సున్నతి పొందనివారియొద్దకు పోయి వారితోకూడ భోజనము చేసితివని అతనితో వాదము పెట్టుకొనిరి.

4. అందుకు పేతురు మొదటనుండి వరుసగా వారికి ఆ సంగతి ఈలాగు వివరించి చెప్పెను

5. నేను యొప్పే పట్టణములో ప్రార్థనచేయుచుండగా పరవశుడనైతిని, అప్పుడొక దర్శనము నాకు కలిగెను; అది ఏదనగా నాలుగు చెంగులు పట్టి దింపబడిన పెద్ద దుప్పటివంటి యొక విధమైన పాత్ర ఆకాశమునుండి దిగి నాయొద్దకు వచ్చెను.

6. దానివైపు నేను తేరి చూచి పరీక్షింపగా భూమియందుండు చతుష్పాద జంతువులును అడవి మృగములును ప్రాకెడు పురుగులును ఆకాశపక్షులును నాకు కనబడెను.

7. అప్పుడు పేతురూ, నీవు లేచి చంపుకొని తినుమని యొక శబ్దము నాతో చెప్పుట వింటిని.

8. అందుకు నేనువద్దు ప్రభువా, నిషిద్ధమైనది అపవిత్రమైనది ఏదియు నా నోట ఎన్నడును పడలేదని చెప్పగా

9. రెండవమారు ఆ శబ్దము ఆకాశము నుండిదేవుడు పవిత్రము చేసినవి నీవు నిషిద్ధమైనవిగా ఎంచవద్దని ఉత్తరమిచ్చెను.

10. ఈలాగు ముమ్మారు జరిగెను; తరువాత అదంతయు ఆకాశమునకు తిరిగి తీసికొని పోబడెను.

11. వెంటనే కైసరయనుండి నాయొద్దకు పంపబడిన ముగ్గురు మనుష్యులు మేమున్న యింటియొద్ద నిలిచి యుండిరి.

12. అప్పుడు ఆత్మనీవు భేదమేమియు చేయక వారితో కూడ వెళ్లుమని నాకు సెలవిచ్చెను. ఈ ఆరుగురు సహోదరులు నాతోకూడ వచ్చిరి; మేము కొర్నేలి యింట ప్రవేశించితివిు.

13. అప్పుడతడునీవు యొప్పేకు మనుష్యు లను పంపి పేతురు అను మారుపేరుగల సీమోనును పిలి పించుము;

14. నీవును నీ యింటివారందరును ఏ మాటలవలన రక్షణ పొందుదురో ఆ మాటలు అతడు నీతో చెప్పునని, తన యింట నిలిచి తనతో చెప్పిన యొక దేవదూతను చూచిన సంగతి మాకు తెలిపెను.

15. నేను మాటలాడ నారంభించినప్పుడు పరిశుద్ధాత్మ మొదట మన మీదికి దిగిన ప్రకారము వారి మీదికిని దిగెను.

16. అప్పుడుయోహాను నీళ్లతో బాప్తిస్మమిచ్చెను గాని మీరు పరిశుద్ధాత్మలో బాప్తి స్మము పొందుదురని ప్రభువు చెప్పినమాట నేను జ్ఞాపకము చేసికొంటిని.

17. కాబట్టి ప్రభువైన యేసు క్రీస్తునందు విశ్వాసముంచిన మనకు అనుగ్రహించినట్టు దేవుడు వారికి కూడ సమానవరము అనుగ్రహించి యుండగా, దేవుని అడ్డగించుటకు నేను ఏపాటివాడనని చెప్పెను.

18. వారు ఈ మాటలు విని మరేమి అడ్డము చెప్పక అట్లయితే అన్య జనులకును దేవుడు జీవార్థమైన మారుమనస్సు దయచేసి యున్నాడని చెప్పుకొనుచు దేవుని మహిమ పరచిరి.

19. స్తెఫను విషయములో కలిగిన శ్రమనుబట్టి చెదరి పోయినవారు యూదులకు తప్ప మరి ఎవనికిని వాక్యము బోధింపక, ఫేనీకే, కుప్ర, అంతియొకయ ప్రదేశములవరకు సంచరించిరి.

20. కుప్రీయులు కొందరును కురేనీయులు కొందరును వారిలో ఉండిరి. వీరు అంతియొకయకు వచ్చి గ్రీసు దేశపువారితో మాటలాడుచు ప్రభువైన యేసును గూర్చిన సువార్త ప్రకటించిరి;
నిర్గమకాండము 8:19

21. ప్రభువు హస్తము వారికి తోడైయుండెను గనుక నమ్మిన వారనేకులు ప్రభువుతట్టు తిరిగిరి.

22. వారినిగూర్చిన సమాచారము యెరూషలేములో నున్న సంఘపువారు విని బర్నబాను అంతియొకయవరకు పంపిరి.

23. అతడు వచ్చి దేవుని కృపను చూచి సంతోషించి, ప్రభువును స్థిరహృదయముతో హత్తుకొనవలెనని అందరిని హెచ్చరించెను.

24. అతడు పరిశుద్ధాత్మతోను విశ్వా సముతోను నిండుకొనిన సత్పురుషుడు; బహు జనులు ప్రభువు పక్షమున చేరిరి.

25. అంతట అతడు సౌలును వెదకుటకు తార్సునకు వెళ్లి అతనిని కనుగొని అంతియొకయకు తోడుకొని వచ్చెను.

26. వారు కలిసి యొక సంవత్సర మంతయు సంఘములో ఉండి బహుజనములకు వాక్యమును బోధించిరి. మొట్టమొదట అంతియొకయలో శిష్యులు క్రైస్తవులనబడిరి.

27. ఆ దినములయందు ప్రవక్తలు యెరూషలేమునుండి అంతియొకయకు వచ్చిరి.

28. వారిలో అగబు అను ఒకడు నిలువబడి, భూలోకమంతట గొప్ప కరవు రాబోవుచున్నదని ఆత్మ ద్వారా సూచించెను. అది క్లౌదియ చక్రవర్తి కాలమందు సంభవించెను.

29. అప్పుడు శిష్యులలో ప్రతి వాడును తన తన శక్తికొలది యూదయలో కాపురమున్న సహోదరులకు సహాయము పుంపుటకు నిశ్చయించుకొనెను.

30. ఆలాగున చేసి బర్నబా సౌలు అను వారిచేత పెద్దల యొద్దకు దానిని పంపిరి.



బైబిల్ అధ్యయనం - Study Bible
11:1-3 అన్యజనులును దేవుని వాక్యమంగీకరించిన విషయం చాలా వివాదాస్పదమైన విషయం కాబట్టి ఆ వార్త వేగంగా వ్యాపించింది. సున్నతి పొందిన యూదులు పేతురు దేవుని నియమాలతో రాజీపడ్డాడని భావించారు. ఆది సంఘంలో ఇది మరలా మరలా కలహాలకు కారణమైన విషయం. కానీ దేవుని దర్శనం నుండి నేర్చుకున్న పేతురు, సున్నతి పొందని అన్యజనులను చేర్చుకోవడానికి వ్యతిరేకంగా వాదించేవారిని సరిచేశాడు (వ.4-18). 

11:4-13 కొర్నేలీకి సంబంధించిన సంభవాలన్నిటినీ పేతురు వారితో మళ్ళీ చెప్పాడు. 

11:14-17 పెంతెకొస్తు సంఘటన, అలాగే కొర్నేలీ కుటుంబంలో జరిగిన సంఘటనలలోని పోలిక, దేవుడు విశ్వాసులైన యూదులకు, అన్యజనులకు ఒకే వరాలను ఇస్తున్నాడని నిరూపించింది. దీని వెలుగులో దేవుని అడ్డగించుటకు నేను ఏపాటివాడను? అని పేతురు సరిగ్గానే ప్రశ్నించాడు.

11:18 వారు... అడ్డము చెప్పక అనేది ముందు జాగ్రత్తను సూచిస్తుంది. ఈ యూదులైన విశ్వాసులు పేతురుకు యొప్పేలో, తరువాత కైసరయలో (10:9-16,44-48) కలిగిన - ఆశ్చర్యకరమైన - ప్రత్యక్షతలను అర్థం చేసుకోవాల్సివుంది. ఏమైతేనేం, చివరికి ఆయన చేసినదాన్ని బట్టి వారు దేవుని మహిమపరచిరి. 

11:19 క్రైస్తవ పరిచర్య యూదయకు సుదూరంగా ఉన్న ఫెనీకే, కుప్ర, అంతియొకయ మొదలైన ప్రదేశాల వరకు విస్తరించడం కొనసాగింది. 

11:20-21 అంతియొకయ సువార్తీకరణ కుప్ర, కురేనీయ విశ్వాసుల ద్వారా జరిగింది. ఫలితంగా అంతియొకయ అన్యజనులకు సువార్త ప్రకటన చేసే కేంద్రంగా మారి, పౌలును అతని మిషనరీ యాత్రలకు పంపిన సంఘమైంది (అధ్యా, 13 నుండి చూడండి). 

11:22-24 బర్నబాకున్న ఆత్మీయ లక్షణాల గురించి యెరూషలేము సంఘానికి తెలుసు (4:36-37; 9:27). అతన్ని వారు అంతియొకయకు పంపడంలో ఆశ్చర్యమేమీ లేదు. అక్కడ మారుమనస్సు పొందుతున్నవారిలోని యథార్థతను ఖచ్చితంగా తెలుసుకొని, వారు ప్రభువును స్థిరహృదయముతో హత్తుకొనలెనని ప్రోత్సహించడానికి అతన్ని పంపివుంటారు. 

11:25 అంతియొకయలో సువార్తీకరణ ముందుకు సాగుతుండగా, త్వరలో పౌలుగా మారబోయే సౌలు కనుమరుగయ్యాడు. మరొకసారి బర్నబా పౌలును పరిచర్యలో చేర్చడంలో ముఖ్యపాత్ర పోషించాడు (9:27 నోట్సు చూడండి), తార్సు గురించి, 9:28-30 నోట్సు చూడండి. 

11:26 క్రైస్తవులు అనే పదం, అంతియొకయలో యేసును అనుసరించేవారిని “చిన్న క్రీస్తు"లు అని రోమీయులు ముద్రవేయడంతో వచ్చినదై ఉంటుంది. అది వారిని అవమానించే ఉద్దేశంతో ఇవ్వబడినా, అది శిష్యులను క్రీస్తును పోలిన జీవితాలు జీవిస్తున్నట్లుగా సూచిస్తున్నందున వారికి నిజానికి ఘనతగా మారిపోయింది. 

11:27-28 అగబు యెరూషలేము నుండి వచ్చిన ప్రవక్త. ఇతడు మరలా 21:10లో కనిపిస్తాడు. కౌదియ పరిపాలన (క్రీ. శ. 41-54)లో రోమా సామ్రాజ్యంలో అనేక చోట్ల అనేక కరువులు కలిగినట్లు గుర్తించబడింది. సుమారుగా క్రీ.శ. 46-47 కాలంలో కరువు సంభవించినప్పటికీ, దాని ప్రభావం అది జరిగిన తరువాత అనేక సంవత్సరాలు ఉంది. 

11:29 అంతియొకయలోని సంఘం యూదయలోని విశ్వాసులకు సహాయం పంపాలని నిర్ణయించుకుంది. అలా చేయడం ద్వారా అంతియొకయ, మిగిలిన ప్రాంతాలకు మొదటిగా సువార్త తెచ్చిన సంఘాలకు, విశ్వాసులకు వారు తిరిగి ఇచ్చినట్లయింది. 

11:30 ఈ ఆరంభ సమయంలో ఆది సంఘం పరిశుద్దాత్మ మీద ఆధారపడి, పెద్దలు, డీకన్లు అనే పదవులు లేకుండా, సరియైన నిర్వహణ లేనిదిగా ఉందని కొందరు అభ్యంతరపడతారు. అయితే సంఘ ఆరంభస్థాయిలో కూడా అధికారిక పదవులు ఉండేవని కావలిసినన్ని ఆధారాలు ఉన్నాయి (14:23; 15:2,4,6,22-23; 16:4; 20:17; 21:18; ఫిలిప్పీ 1:1; 1తిమోతి 3:113; 4:14; 5:17,19; తీతు 1:5-9). ఆది సంఘం పరిశుద్దాత్మతో నింపబడడానికి, వేర్వేరు బాధ్యతలకోసం నాయకులు నియమించబడడానికి మధ్య ఏమాత్రం వైరుధ్యం లేదు. పౌలు పరిచర్య. అలాంటి సమతుల్యతతో కూడినదిగా ఉంది.


Shortcut Links
అపో. కార్యములు - Acts : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |