Romans - రోమీయులకు 16 | View All

1. కెంక్రేయలో ఉన్న సంఘపరిచారకురాలగు ఫీబే అను మన సహోదరిని, పరిశుద్ధులకు తగినట్టుగా ప్రభువు నందు చేర్చుకొని,

2. ఆమెకు మీవలన కావలసినది ఏదైన ఉన్నయెడల సహాయము చేయవలెనని ఆమెనుగూర్చి మీకు సిఫారసు చేయుచున్నాను; ఆమె అనేకులకును నాకును సహాయురాలై యుండెను.
నిర్గమకాండము 9:9-10

3. క్రీస్తు యేసునందు నా జతపనివారైన ప్రిస్కిల్లకును, అకులకును నా వందనములు చెప్పుడి.

4. వారు నా ప్రాణముకొరకు తమ ప్రాణములను ఇచ్చుటకైనను తెగించిరి. మరియు, వారి యింట ఉన్న సంఘమునకును వందనములు చెప్పుడి; నేను మాత్రము కాదు అన్యజనులలోని సంఘములవారందరు వీరికి కృతజ్ఞులై యున్నారు.

5. ఆసియలో క్రీస్తుకు ప్రథమఫలమైయున్న నా ప్రియుడగు ఎపైనెటుకు వందనములు.

6. మీకొరకు బహుగా ప్రయాసపడిన మరియకు వందనములు.

7. నాకు బంధువులును నా తోడి ఖైదీలునైన అంద్రొనీకుకును, యూనీయకును వందనములు; వీరు అపొస్తలులలో ప్రసిద్ధి కెక్కినవారై, నాకంటె ముందుగా క్రీస్తునందున్నవారు.

8. ప్రభువునందు నాకు ప్రియుడగు అంప్లీయతునకు వందనములు.

9. క్రీస్తునందు మన జత పనివాడగు ఊర్బానుకును నా ప్రియుడగు స్టాకునకును వందనములు.

10. క్రీస్తు నందు యోగ్యుడైన అపెల్లెకు వందనములు. అరిస్టొబూలు ఇంటివారికి వందనములు.

11. నా బంధువుడగు హెరోది యోనుకు వందనములు. నార్కిస్సు ఇంటి వారిలో ప్రభువునందున్న వారికి వందనములు.

12. ప్రభువునందు ప్రయాసపడు త్రుపైనాకును త్రుఫోసాకును వందనములు. ప్రియురాలగు పెర్సిసునకు వందనములు; ఆమె ప్రభువు నందు బహుగా ప్రయాసపడెను.

13. ప్రభువునందు ఏర్పరచబడిన రూఫునకు వందనములు; అతని తల్లికి వందనములు; ఆమె నాకును తల్లి.

14. అసుంక్రితుకును, ప్లెగో నుకును, హెర్మే కును, పత్రొబకును, హెర్మాకును వారితో కూడనున్న సహోదరులకును వందనములు.

15. పిలొలొగు కును, యూలియాకును, నేరియకును, అతని సహోదరికిని, ఒలుంపాకును వారితోకూడ ఉన్న పరిశుద్దులకందరికిని వందనములు.

16. పవిత్రమైన ముద్దుపెట్టుకొని యొకని కొకడు వందనములు చేయుడి. క్రీస్తుసంఘములన్నియు మీకు వందనములు చెప్పుచున్నవి.

17. సహోదరులారా, మీరు నేర్చుకొనిన బోధకు వ్యతిరేకముగా భేదములను ఆటంకములను కలుగజేయు వారిని కనిపెట్టియుండుడని మిమ్మును బతిమాలుకొను చున్నాను. వారిలోనుండి తొలగిపోవుడి.

18. అట్టి వారు మన ప్రభువైన క్రీస్తుకు కాక తమ కడుపునకే దాసులు; వారు ఇంపైన మాటలవలనను ఇచ్చకములవలనను నిష్కపటుల మనస్సులను మోసపుచ్చుదురు.

19. మీ విధేయత అందరికిని ప్రచురమైనది గనుక మిమ్మునుగూర్చి సంతోషించుచున్నాను. మీరు మేలు విషయమై జ్ఞానులును, కీడు విషయమై నిష్కపటులునై యుండవలెనని కోరుచున్నాను.

20. సమాధాన కర్తయగు దేవుడు సాతానును మీ కాళ్లక్రింద శీఘ్రముగా చితుక త్రొక్కించును. మన ప్రభువైన యేసుక్రీస్తు కృప మీకు తోడై యుండును గాక.
ఆదికాండము 3:15

21. నా జతపనివాడగు తిమోతి నా బంధువులగు లూకియ యాసోను, సోసిపత్రు అనువారును మీకు వందనములు చెప్పుచున్నారు.

22. ఈ పత్రిక వ్రాసిన తెర్తియు అను నేను ప్రభువునందు మీకు వందనములు చేయుచున్నాను.

23. నాకును యావత్సంఘమునకును ఆతిథ్యమిచ్చు గాయియు మీకు వందనములు చెప్పుచున్నాడు. ఈ పట్టణపు ఖజానాదారుడగు ఎరస్తును సహోదరుడగు క్వర్తును మీకు వందనములు చెప్పుచున్నారు.

24. మన ప్రభువైన యేసు క్రీస్తు కృప మీకు తోడై యుండును గాక.

25. సమస్తమైన అన్యజనులు విశ్వాసమునకు విధేయులగు నట్లు, అనాదినుండి రహస్యముగా ఉంచబడి యిప్పుడు ప్రత్యక్షపరచబడిన మర్మము, నిత్యదేవుని ఆజ్ఞప్రకారము ప్రవక్తల లేఖనములద్వారా వారికి తెలుపబడియున్నది. ఈ మర్మమును అనుసరించియున్న నా సువార్త ప్రకారము గాను,

26. యేసు క్రీస్తును గూర్చిన ప్రకటన ప్రకారముగాను, మిమ్మును స్థిరపరచుటకు శక్తిమంతుడును

27. అద్వితీయ జ్ఞాన వంతుడునైన దేవునికి,యేసుక్రీస్తుద్వారా, నిరంతరము మహిమ కలుగునుగాక. ఆమేన్‌.



బైబిల్ అధ్యయనం - Study Bible
16:1-2 ఈ ఉత్తరాన్ని రోమాకు తీసుకెళ్ళినది బహుశా ఫీబే కావచ్చు. ఆమె పరిచర్యను బట్టి పౌలు ఆమెను అభినందించాడు. 

16:3-4 ప్రిస్కిల్ల, అకులలు (అపొ.కా 18:1-3, 18,26; 2తిమోతి 4:19) పౌలు జతపనివారు. వారి ఇండ్లలో సంఘాలున్నాయి. వారు అపొల్లోకు బోధించారు. వారు పౌలును కాపాడటానికి తమ ప్రాణములను ఇచ్చుటకైనను తెగించిరి. 

16:5 ఎపైనెటు అంటే “ప్రియమైనవాడు” అని అర్థం. అతడు ఆసియాలో క్రీస్తువైపు తిరిగిన మొదటి విశ్వాసి. ఆసియ రోమా ప్రాంతంలోని చిన్నాసియా (నేటి టర్కీ)ను సూచిస్తుంది. 

16:6 అనేకమంది స్త్రీలకు పౌలు శుభములు చెప్పాడు: ప్రిస్కిల్ల, మరియ, యూనీయ, త్రుపైనా, త్రుఫోసా, పెర్సిసు, రూపు తల్లి, యూలియా. 

16:7 అపొస్తలులలో ప్రసిద్ధికెక్కినవారు అనే మాటలు “అపొస్తలులకు బాగా తెలిసినవారు” లేక “అపొస్తలులలో గొప్పవారు” అని అనేక విధాలుగా తర్జుమా చేయబడతాయి. సాంకేతికంగా “అపొస్తలుడు" అనే మాట నియమించబడిన అపొస్తలుడు (ఉదా: పౌలు, పేతురు)ని మాత్రమే కాక, ఒక వార్తాహరుని కూడా సూచిస్తూ వాడవచ్చు. 

16:8 పౌలు అనేకుల గురించి నాకు ప్రియుడగు అని రాశాడు: ఎ.నెటు, అంప్లీయతు, స్టాకు, పెర్సిసు. 

16:9 జతపని వారుగా చెప్పబడినవారు ప్రిస్కిల్ల, అకుల, ఊర్భాను. 

16:10 అపెల్లెను మాత్రమే క్రీస్తునందు యోగ్యుడైన వానిగా వర్ణించాడు.

16:11 వ.7లో ఆండ్రోనీకు, యూనియాలకు వలెనే, హెరోదియోనును నా బంధువుడు (నాతోటి యూదుడు) అని పిలిచాడు. 

16:12 అనేకులు ప్రభువునందు (బహుగా) ప్రయాసపడు వారిగా చెప్పాడు: మరియ (వ.6), త్రుపైనా, త్రుఫోసా, పెర్సిసు. 

16:13 రూపు తండ్రి బహుశా యేసు సిలువను గొల్తాకు మోయడంలో సహాయం చేసిన (కురేనీయుడైన సీమోను) అయివుండవచ్చు (మార్కు 15:2122), రూపు ఒక్కడే ప్రభువునందు ఏర్పరచబడినవానిగా వర్ణించబడ్డాడు. 

16:16 పవిత్రమైన ముద్దుపెట్టుకొని యొకనికొకడు వందనములు చేయుడి అనే ప్రోత్సాహం 1కొరింథీ 16:20; 2 కొరింథీ 13:12; 1థెస్స 5:26లో కూడా ఉంది.

16:17-20 సాతాను, అబద్దబోధకులు సంఘంపై ఎల్లప్పుడూ దాడిచేస్తారు. ఈ (అపొ.కా. 20:28-29; 2 కొరింథీ 11:13-15; గలతి 5:10-12; ఫిలిప్పీ ం 3:2,18-20; కొలస్సీ 2:16-19) రోమాలోని విశ్వాసులు మెలకువగా ఉండి అబద్ధ బోధకులనుండి తొలగిపోవుడని పౌలు హెచ్చరించాడు.
దేవుని సార్వభౌమత్వం, మానవ బాధ్యతల మధ్య ఎంచుకోవడానికి ఉన్న సంబంధానికి మాదిరిగా, అంధకారంతో మన యుద్ధంలో మనం జాగ్రత్తగా ఉండాలి, కానీ చివరికి విజయం మనదేననే నిశ్చయత ఇవ్వబడింది (సమాధానకర్తయగు దేవుడు సాతానును మీ కాళ్ళక్రింద శీఘ్రముగా చితుకతొక్కించును). 

16:21 రెండవ సువార్త ప్రకటనా యాత్రకాలం నుండి తిమోతి పౌలుకు జతపనివాడు, సన్నిహిత స్నేహితుడు. లూకియ గురించి తెలియదు. యాసోను బహుశా థెస్సలోనికలో పౌలుకు ఆతిథ్యమిచ్చినవాడు కావచ్చు (అపొ.కా. 17:5-9). సోసిపత్రు బహుశా పౌలుకు కొంతకాలం తోడుగా వచ్చిన బెరయవాడైన సోపత్రు కావచ్చు (అపొ.కా.20:4).


16:22-23 ప్రాచీన రచనలలో లేఖికుల (ఈ పత్రిక విషయంలో తె యు) పాత్రను గూర్చి పండితులు వాదిస్తారు. వారు మాటకు మాట విని రాశారా, లేక వారు రాయాల్సింది క్లుప్తంగా రాసుకున్నారా? దైవప్రేరణను గూర్చిన బైబిల్ బోధ ప్రకారం బైబిలు రచయితలకు మొదటి సూచననే ఆపాదిస్తారు. పట్టణపు ఖజానాదారుడు అనే బాధ్యతగల స్థానంలో ఉన్న ఎరస్తు బహుశా అపొ.కా. 19:22; 2తిమోతి 4:20లో ఉన్నవాడే కావచ్చు.

16:24-27 నా సువార్త ప్రకారము అంటే పౌలు భావం తన ప్రకటన దేవుని నుండి నేరుగా వచ్చిన ప్రత్యక్షతను ప్రతిబింబించదని కాదు. (గలతీ 1:11-12 చూడండి). తాను నమ్మకంగా ప్రకటించిన సువార్త అని అతని భావం: అందరికీ చెందిన కృపా సువార్త. అనాదినుండి ఈ సువార్త దేవుడు నడిపించిన చరిత్రలో “కాలము సంపూర్ణమ"య్యేంత వరకు (గలతీ 4:4) రహస్యముగా ఉంచబడిన... మర్మము. క్రీస్తులో ఈ “మర్మము” లోకానికి బయలుపరచబడింది. విశ్వాసమునకు విధేయులు అని పేర్కొనడం ద్వారా, పౌలు తన పత్రిక ఎక్కడ మొదలు పెట్టాడో (1:5) అక్కడే ముగించాడు.

Shortcut Links
రోమీయులకు - Romans : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |