మత్తయి 16:24; లూకా 9:23. సిలువ అంటే మరణానికి చిహ్నం. రోమ్వారు మరణశిక్ష అమలు జరిపే విధానం అది. సిలువ ఎత్తుకోవడం అంటే అలంకారిక బాషలో స్వార్థం, దాని ఆశలు, ఉద్దేశాలు, ఏర్పాట్లు ఇవన్నీ నాశనమయ్యే స్థితికి ఇష్టపూర్వకంగా సాగివెళ్ళడం (2 కోరింథీయులకు 4:10-12 పోల్చి చూడండి). అంటే బాధలు, కించపరిచే విషయాలు, విషమ పరీక్షలు అనుభవించేందుకు మనసు కలిగి ఉండడం. యేసును అనుసరించకుండా సిలువ నెత్తుకుని వెళ్ళడం కష్టతరమైన, దుఃఖకరమైన విషయం. దాన్ని ఎత్తుకుని ఆయనవెంట వెళ్ళడం విడుదల, ఆనందం. ఆశలనూ లోకాన్నీ త్యాగం చేసుకోవడం, సన్యాస జీవనం, తపస్సు ఇలాంటివన్నీ మనం ఆయన్ను అనుసరించకపోతే వ్యర్థం.