1. సొలొమోను యెహోవా నామఘనతకొరకు ఒక మందిరమును తన రాజ్యఘనతకొరకు ఒక నగరును కట్టవలెనని తీర్మానము చేసికొని

1. solomōnu yehōvaa naamaghanathakoraku oka mandiramunu thana raajyaghanathakoraku oka nagarunu kaṭṭavalenani theermaanamu chesikoni

2. బరువులు మోయుటకు డెబ్బది వేలమందిని, కొండలమీద మ్రానులు కొట్టుటకు ఎనుబది వేలమందిని ఏర్పరచుకొని వీరిమీద మూడు వేల ఆరువందల మందిని అధిపతులుగా ఉంచెను.

2. baruvulu mōyuṭaku ḍebbadhi vēlamandhini, koṇḍalameeda mraanulu koṭṭuṭaku enubadhi vēlamandhini ērparachukoni veerimeeda mooḍu vēla aaruvandala mandhini adhipathulugaa un̄chenu.

3. సొలొమోను తూరు రాజైన హీరాము నొద్దకు దూతలచేత ఈ వర్తమానము పంపెను నా తండ్రియైన దావీదు నివాసమునకై యొక నగరును కట్టతలచియుండగా నీవు అతనికి సరళ మ్రానులను సిద్ధముచేసి పంపించినట్లు నాకును దయచేసి పంపించుము.

3. solomōnu thooru raajaina heeraamu noddhaku doothalachetha ee varthamaanamu pampenu naa thaṇḍriyaina daaveedu nivaasamunakai yoka nagarunu kaṭṭathalachiyuṇḍagaa neevu athaniki saraḷa mraanulanu siddhamuchesi pampin̄chinaṭlu naakunu dayachesi pampin̄chumu.

4. నా దేవుడైన యెహోవా సన్నిధిని సుగంధ వర్గములను ధూపము వేయుటకును సన్నిధి రొట్టెలను నిత్యము ఉంచుటకును, ఉదయ సాయంకాలముల యందును, విశ్రాంతి దినములయందును, అమావాస్యల యందును, మా దేవుడైన యెహోవాకు ఏర్పాటైన ఉత్సవములయందును, ఇశ్రాయేలీయులు నిత్యమును అర్పింపవలసిన దహనబలులను అర్పించుటకును, ఆయన నామఘనతకొరకు మందిరమొకటి ఆయనకు ప్రతిష్ఠితము చేయబడునట్లుగా నేను కట్టించబోవుచున్నాను.

4. naa dhevuḍaina yehōvaa sannidhini sugandha vargamulanu dhoopamu vēyuṭakunu sannidhi roṭṭelanu nityamu un̄chuṭakunu, udaya saayaṅkaalamula yandunu, vishraanthi dinamulayandunu, amaavaasyala yandunu, maa dhevuḍaina yehōvaaku ērpaaṭaina utsavamulayandunu, ishraayēleeyulu nityamunu arpimpavalasina dahanabalulanu arpin̄chuṭakunu, aayana naamaghanathakoraku mandiramokaṭi aayanaku prathishṭhithamu cheyabaḍunaṭlugaa nēnu kaṭṭin̄chabōvuchunnaanu.

5. నేనుకట్టించు మందిరము గొప్పదిగానుండును; మా దేవుడు సకలమైన దేవతలకంటె మహనీయుడు గనుక

5. nēnukaṭṭin̄chu mandiramu goppadhigaanuṇḍunu; maa dhevuḍu sakalamaina dhevathalakaṇṭe mahaneeyuḍu ganuka

6. ఆకాశ ములును మహాకాశములును ఆయనను పట్టజాలవు, ఆయ నకు మందిరమును కట్టించుటకు చాలినవాడెవడు? ఆయన సన్నిధిని ఆయనకు మందిరమును కట్టించుటకైనను నేనే మాత్రపువాడను? ధూపము వేయుటకే నేను ఆయనకు మందిరమును కట్ట దలచియున్నాను.

6. aakaasha mulunu mahaakaashamulunu aayananu paṭṭajaalavu, aaya naku mandiramunu kaṭṭin̄chuṭaku chaalinavaaḍevaḍu? aayana sannidhini aayanaku mandiramunu kaṭṭin̄chuṭakainanu nēnē maatrapuvaaḍanu? Dhoopamu vēyuṭakē nēnu aayanaku mandiramunu kaṭṭa dalachiyunnaanu.

7. నా తండ్రియైన దావీదు నియమించి యూదాదేశములోను యెరూషలేములోను నాయొద్ద ఉంచిన ప్రజ్ఞగలవారికి సహాయకుడైయుండి, బంగారముతోను వెండితోను ఇత్తడితోను ఇనుముతోను ఊదా నూలుతోను ఎఱ్ఱ నూలుతోను నీలి నూలు తోను చేయు పనియును అన్ని విధముల చెక్కడపు పనియును నేర్చిన ప్రజ్ఞగల మనుష్యునొకని నాయొద్దకు పంపుము.

7. naa thaṇḍriyaina daaveedu niyamin̄chi yoodhaadheshamulōnu yerooshalēmulōnu naayoddha un̄china pragnagalavaariki sahaayakuḍaiyuṇḍi, baṅgaaramuthoonu veṇḍithoonu itthaḍithoonu inumuthoonu oodaa nooluthoonu erra nooluthoonu neeli noolu thoonu cheyu paniyunu anni vidhamula chekkaḍapu paniyunu nērchina pragnagala manushyunokani naayoddhaku pampumu.

8. మరియు లెబానోనునందు మ్రానులు కొట్టుటకు మీ పనివారు నేర్పుగలవారని నాకు తెలిసేయున్నది.

8. mariyu lebaanōnunandu mraanulu koṭṭuṭaku mee panivaaru nērpugalavaarani naaku telisēyunnadhi.

9. కాగా లెబానోనునుండి సరళమ్రానులను దేవదారుమ్రానులను చందనపుమ్రానులను నాకు పంపుము; నేను కట్టించ బోవు మందిరము గొప్పదిగాను ఆశ్చర్యకరమైనదిగాను ఉండును గనుక నాకు మ్రానులు విస్తారముగా సిద్ధపరచుటకై నా పనివారు మీ పనివారితో కూడ పోవుదురు.

9. kaagaa lebaanōnunuṇḍi saraḷamraanulanu dhevadaarumraanulanu chandhanapumraanulanu naaku pampumu; nēnu kaṭṭin̄cha bōvu mandiramu goppadhigaanu aashcharyakaramainadhigaanu uṇḍunu ganuka naaku mraanulu visthaaramugaa siddhaparachuṭakai naa panivaaru mee panivaarithoo kooḍa pōvuduru.

10. మ్రానులుకొట్టు మీ పనివారికి నాలుగువందల గరిసెల దంచిన గోధుమలను ఎనిమిదివందల పుట్ల యవలను నూట నలువదిపుట్ల ద్రాక్షారసమును నూట నలువదిపుట్ల నూనెను ఇచ్చెదను.

10. mraanulukoṭṭu mee panivaariki naaluguvandala garisela dan̄china gōdhumalanu enimidivandala puṭla yavalanu nooṭa naluvadhipuṭla draakshaarasamunu nooṭa naluvadhipuṭla noonenu icchedanu.

11. అప్పుడు తూరు రాజైన హీరాము సొలొమోనునకు వ్రాసిపంపిన ఉత్తరమేమనగాయెహోవా తన జనమును స్నేహించి నిన్ను వారిమీద రాజుగా నియమించి యున్నాడు.

11. appuḍu thooru raajaina heeraamu solomōnunaku vraasipampina uttharamēmanagaayehōvaa thana janamunu snēhin̄chi ninnu vaarimeeda raajugaa niyamin̄chi yunnaaḍu.

12. యెహోవాఘనతకొరకు ఒక మందిరమును నీ రాజ్యఘనతకొరకు ఒక నగరును కట్టించుటకు తగిన జ్ఞానమును తెలివియుగల బుద్ధి మంతుడైన కుమారుని రాజైన దావీదునకు దయచేసిన, భూమ్యాకాశములకు సృష్టికర్తయగు ఇశ్రాయేలీయుల దేవుడైన యెహోవా స్తుతి నొందునుగాక.

12. yehōvaaghanathakoraku oka mandiramunu nee raajyaghanathakoraku oka nagarunu kaṭṭin̄chuṭaku thagina gnaanamunu teliviyugala buddhi manthuḍaina kumaaruni raajaina daaveedunaku dayachesina, bhoomyaakaashamulaku srushṭikarthayagu ishraayēleeyula dhevuḍaina yehōvaa sthuthi nondunugaaka.

13. తెలివియు వివేచనయుగల హూరాము అనునొక చురుకైన పనివానిని నేను నీయొద్దకు పంపు చున్నాను.

13. teliviyu vivēchanayugala hooraamu anunoka churukaina panivaanini nēnu neeyoddhaku pampu chunnaanu.

14. అతడు దాను వంశపురాలగు ఒక స్త్రీకి పుట్టినవాడు, వాని తండ్రి తూరు సంబంధమైనవాడు, అతడు బంగారముతోను వెండితోను ఇత్తడితోను ఇనుముతోను రాళ్లతోను మ్రానులతోను ఊదా నూలుతోను నీలినూలుతోను సన్నపు నూలుతోను ఎఱ్ఱ నూలుతోను పని చేయగల నేర్పరియైనవాడు. సకలవిధముల చెక్కడపు పనియందును మచ్చులు కల్పించుటయందును యుక్తికలిగి, నీ పనివారికిని నీతండ్రియైన దావీదు అను నా యేలిన వాడు నియమించిన ఉపాయశాలులకును సహకారియై వాటన్నిటిని నిరూపించుటకు తగిన సామర్థ్యము గలవాడు.

14. athaḍu daanu vanshapuraalagu oka streeki puṭṭinavaaḍu, vaani thaṇḍri thooru sambandhamainavaaḍu, athaḍu baṅgaaramuthoonu veṇḍithoonu itthaḍithoonu inumuthoonu raaḷlathoonu mraanulathoonu oodaa nooluthoonu neelinooluthoonu sannapu nooluthoonu erra nooluthoonu pani cheyagala nērpariyainavaaḍu. Sakalavidhamula chekkaḍapu paniyandunu machulu kalpin̄chuṭayandunu yukthikaligi, nee panivaarikini neethaṇḍriyaina daaveedu anu naa yēlina vaaḍu niyamin̄china upaayashaalulakunu sahakaariyai vaaṭanniṭini niroopin̄chuṭaku thagina saamarthyamu galavaaḍu.

15. ఇప్పుడు నా యేలినవాడు చెప్పియున్న గోధుమలను యవలను నూనెను ద్రాక్షారసమును నీ సేవకుల చేతి కిచ్చి వారిని సాగనంపినయెడల

15. ippuḍu naa yēlinavaaḍu cheppiyunna gōdhumalanu yavalanu noonenu draakshaarasamunu nee sēvakula chethi kichi vaarini saaganampinayeḍala

16. మేము నీకు కావలసినమ్రానులన్నియు లెబానోనునందు కొట్టించి వాటిని నీకొరకు సముద్రముమీద తెప్పలుగా యొప్పేకు కొనివచ్చెదము, తరువాత నీవు వాటిని యెరూషలేమునకు తెప్పించుకొన వచ్చును అని వ్రాసెను.

16. mēmu neeku kaavalasinamraanulanniyu lebaanōnunandu koṭṭin̄chi vaaṭini neekoraku samudramumeeda teppalugaa yoppēku konivacchedamu, tharuvaatha neevu vaaṭini yerooshalēmunaku teppin̄chukona vachunu ani vraasenu.

17. సొలొమోను తన తండ్రి యైన దావీదు ఇశ్రాయేలు దేశమందుండిన అన్యజాతివారినందరిని, ఎన్నిక వేయించిన యెన్నిక ప్రకారము వారిని లెక్కింపగా వారు లక్ష యెనుబదిమూడువేల ఆరువందలమందియైరి.

17. solomōnu thana thaṇḍri yaina daaveedu ishraayēlu dheshamanduṇḍina anyajaathivaarinandarini, ennika vēyin̄china yennika prakaaramu vaarini lekkimpagaa vaaru laksha yenubadhimooḍuvēla aaruvandalamandiyairi.

18. వీరిలో బరువులు మోయుటకు డెబ్బది వేల మందిని పర్వతములందు మ్రానులు కొట్టుటకు ఎనుబది వేల మందిని, జనులమీద అధిపతులుగానుండి పనిచేయించుటకు మూడువేల ఆరు వందల మందిని అతడు ఏర్పరచెను.

18. veerilō baruvulu mōyuṭaku ḍebbadhi vēla mandhini parvathamulandu mraanulu koṭṭuṭaku enubadhi vēla mandhini, janulameeda adhipathulugaanuṇḍi panicheyin̄chuṭaku mooḍuvēla aaru vandala mandhini athaḍu ērparachenu.